الفصل السادس(1)

الفصل السادس(1)

•••••••••••••

ساد الصمت داخل مكتب ليث، بينما كانت ملامحه متجهمة وهو يقف أمام النافذة، وعيناه معلقتان بالفراغ. كان إيهم يراقبه منذ دقائق، قبل أن يكسر الصمت.

إيهم:

"إنت قصدك إن اللي حصل لتقي مكانش مجرد حادثة؟"

استدار ليث ببطء، وعلامات الغضب بادية على وجهه، ثم قال بثقة:

ليث:

"أكيد... أنا متأكد. اللي حصل لتقي كان مدبر. من وقت ما وصلني التهديد وأنا حاسس إن في حد بيراقب كل خطوة بنعملها. نزول منسوب الميه في المسبح، واختفاء الناس من حواليها في نفس اللحظة... كل ده مستحيل يكون صدفة."

عقد إيهم حاجبيه وهو يفكر في كلماته، بينما قال بصوت جاد:

إيهم:

"يبقى اللي قدامنا مش شخص عادي... ده حد بيلعب بعقل، وبيخطط لكل خطوة."

في تلك اللحظة، كان جاسر يجلس صامتًا يستمع إلى الحديث، قبل أن يتنهد وقال بقلق:

جاسر:

"يعني يا ابني... لازم ناخد حذرنا كويس من اللي هيحصل بعد كده. طالما قدر يوصل لتقي مرة، يبقى ممكن يحاول يأذيها تاني... أو يأذي أي حد قريب منك."

خفض ليث رأسه للحظة، ثم قال بنبرة امتزج فيها الغضب بالذنب:

ليث:

"وده اللي مخوفني... الشخص ده مش هدفه أنا وبس، هو عارف يوجعني إزاي. عارف إن أقرب طريق ليا هو الناس اللي حواليا."

ساد الصمت في المكتب، وكل واحد منهم غارق في أفكاره، قبل أن يُكسر الهدوء بصوت باب المكتب وهو يُفتح بعنف...

اقتحم يوسف المكتب بعاصفة من الغضب، حتى ارتجت الجدران من صوته وهو يهتف باسم ليث. ألقى هاتفه فوق المكتب بعنف، ثم قال وهو يشير إلى الشاشة:

يوسف: إيه ده يا ليث؟! كنت بتعمل إيه مع بنتي؟

تناول ليث الهاتف، وما إن وقعت عيناه على الخبر حتى تجمد مكانه. تصدرت صوره مع تقي عناوين الصحف الإلكترونية، وإلى جوارهما صورة أخرى تجمعه بالسكرتيرة.

جو: دي... دي تقي!

إيهم: اهدى يا يوسف... أكيد دي خطة.

يوسف: خطة ولا مش خطة، عايز أفهم بنتي كانت بتعمل إيه معاك!

أخذ ليث نفسًا عميقًا قبل أن يجيب:

ليث: أقسم بالله ما حصل بينا أي حاجة. لما كنا في النادي وصلني تهديد، افتكرت البنات عند المسبح، ولما روحت لقيت تقي لوحدها... حد كان منزل منسوب الميه، وكانت هتغرق ومحدش معاها، فنزلت أنقذتها.

ساد الصمت لثوانٍ، قبل أن يهتف يوسف بغضب:

يوسف: وليه بنتي هي؟! فاهم الصور دي معناها إيه؟ بنتي تطلع بالشكل ده قدام الناس؟

قبض جو على يديه بقوة وهو يتمتم:

جو: أقسم بالله اللي عمل كده هموته.

رفع ليث رأسه وقال بصوت خافت:

ليث: تقي اتصل بيها حد وهددها بالصور.

التفت الجميع إليه في صدمة.

إيهم: وإنت عرفت منين؟

ليث: هي اللي قالتلي... وكنت هجيب اللي عمل كده، لكن أدهم ورنا وقفوني.

تنهد يوسف بألم وهمس:

يوسف: بنتي خبت عليا كل ده، يعني تقي لجاتلك انت وانا كنت نايم علي وداني وبنتي بتمر بكل ده اذي ده يحصل، وانت لي مجتش وعرفتني لي خبيت عليا انت كمان انطق....

ليث "كنت خايف علك ولله يا عمي انا اتصرفت وجبت الواد الي معاه الصور انا معرفش اذي الصور دي اتصربت".

يوسف" وضح انك عرفت تحل الموضوع انا لو عرفت من الاول... "

وقبل أن يتحدث أحد، دوى صوت تقي من خلفهم.

تقي: أعرف إيه يا بابا؟

استدار الجميع إليها، لتخيم على المكان لحظة صمت ثقيلة. كانت تقف عند الباب، شاحبة الوجه، وعيناها تدوران بينهم بقلق.

اقترب منها جو سريعًا.

جو: تعالي معايا يا تقي.

لكنها لم تتحرك، بل سألت بصوت مرتجف:

تقي: الصور... انتشرت؟

لم يستطع ليث النظر إليها طويلًا.

لم يجبها أحد، لكن الصمت وحده كان كافيًا ليخبرها بالحقيقة. راحت عيناها تتنقل بين الوجوه واحدًا تلو الآخر، تبحث عن أي نظرة تنفي مخاوفها، لكنها لم تجد سوى الحزن والشفقة. شعرت وكأن الأرض تميد تحت قدميها، وتسارعت أنفاسها، بينما أخذ قلبها يخفق بعنف حتى كادت تسمع صوته داخل أذنيها.

في تلك اللحظة، أدركت أن الكابوس الذي كانت تخشاه قد أصبح حقيقة، وأن الصور التي ظنت أنها ستظل سرًا أصبحت أمام الجميع. انقبض صدرها بقوة، وغامت الرؤية أمام عينيها، بينما تسللت دمعة حارة على خدها دون أن تشعر بها.

ليث: أنا آسف...

رمقته بنظرة انكسرت معها ملامحها.

تقي: وعدتني إن محدش هيشوفها...

خرجت كلماتها مكسورة، كأن كل حرف منها يحمل وجعًا أكبر من الآخر. لم تكن تبكي خوفًا على نفسها، بل كان كل ما يشغلها هو والدها، وكيف سيواجه الناس بعد انتشار تلك الصور. شعرت أن العالم كله ينهار فوق رأسها في لحظة واحدة.

فتح يوسف ذراعيه لها.

يوسف: تعالي يا حبيبتي...

التفتت إليه والدموع تملأ عينيها.

تقي: أنا السبب... فضحتك يا بابا.

يوسف: متقوليش كده...

ولم تكمل خطوة واحدة نحوه، حتى خانتها قدماها وسقطت فاقدة للوعي.

جو: تقي!

يوسف "تقي بنتي".

اندفع يوسف وجو إليها في اللحظة نفسها، بينما ظل ليث واقفًا مكانه، عاجزًا عن الحركة، يراقبها وهي تُحمل بعيدًا، وكأن الأرض سحبته إليها فلم يعد قادرًا على الاقتراب.

يوسف" ردي عليه يا حببتي تقي!! ".

نظر إليه يوسف قبل أن يغادر وهو يحمل ابنته، وقال بمرارة:

يوسف: لو جرالها حاجة... مش هسامحك.

ظل ليث واقفًا في مكانه، حتى جلس إيهم بجواره وربت على كتفه.

ليث: أعمل إيه يا بابا... أنا تعبت.

ربت إيهم على كتفه بحنان.

إيهم: كله هيتحل يا ابني... بإذن الله.

لكن الياس قال بجدية:

الياس: لازم نفكر في اللي هيحصل بكرة... الصور هتقلب الدنيا.

ساد الصمت، قبل أن يتحدث فهد بهدوء:

فهد: الحل الوحيد... إن ليث وتقي يتجوزوا.

ساد الذهول المكان.

الجميع: نعم؟!