Novelas web de Drama e historias de Billionaire ambientadas en Misunderstanding

**THE NIGHT BEFORE I DO—WITH YOU** Akala ni Serena ay isang gabi lang ang lahat. Isang gabing puno ng alak, kalituhan, at isang pagkakamaling gusto niyang kalimutan. Kinabukasan, dapat ay ikakasal na siya sa lalaking matagal na niyang minamahal. Pero paggising niya sa isang hotel room, wala na ang lalaking kasama niya kagabi. Ang tanging natira ay ang malabo niyang alaala, isang gabing hindi niya lubos maalala, at guilt na unti-unting sumisira sa kanya. Hindi niya alam kung sino ang lalaking nakasama niya. Ang alam lang niya hindi iyon si Ashton. Kaya bago pa siya makarating sa altar, nagdesisyon si Serena na tumakbo. Iniwan niya ang wedding dress. Iniwan ang singsing. Iniwan ang lahat ng pangarap na matagal niyang binuo. Pero paano kung mali ang lahat ng pinaniniwalaan niya? Paano kung ang lalaking pilit niyang tinatakasan ay siya ring lalaking kasama niya noong gabing iyon? At paano kung si Ashton ay hindi kasing inosente ng iniisip niya? Tatlong araw matapos ang kasal na hindi natuloy, muling nagkrus ang landas nila. At sa bawat pagkikita nila, mas maraming tanong ang bumabalik kay Serena. Bakit parang alam ni Ashton ang mga bagay na dapat siya lang ang nakakaalam? Bakit sa tuwing tinitingnan siya nito, parang may lihim na hindi nito kayang sabihin? At higit sa lahat… Paano kung ang gabing gusto niyang kalimutan ang siyang gabing magbabago sa kanilang dalawa? Dahil minsan, ang pinakamalaking pagkakamali sa buhay mo… ay maaaring siya rin ang dahilan ng pagbago ng takbo ng buhay mo.

Matagal nang namamagitan ang matinding hidwaan sa pagitan ng dalawang makapangyarihang angkan—ang pamilyang Funtabella at Mondragon. Mula pa sa mga nakaraang henerasyon, ang kanilang buhay ay nakasentro sa tunggalian sa negosyo, kung saan ang bawat tagumpay ng isa ay itinuturing na pagkatalo ng kabilang panig. Walang puwang ang pagkakaibigan, at higit sa lahat, ipinagbabawal ang anumang ugnayan na maaaring magpalambot sa kanilang matagal nang alitan. Sa gitna ng magulong kasaysayang ito ay si Luvlette Mondragon—isang dalagang kilala sa kanyang angking ganda at talino. Mula pagkabata, sinanay siyang sumunod sa bawat utos ng kanyang mga magulang at ilagay ang dangal ng kanilang pamilya sa itaas ng lahat. Hindi niya kailanman inakalang mayroong puwang pa sa kanyang puso para sa anumang bagay na labag sa nakasanayan. Ngunit ang tadhana ay may sariling plano. Sa hindi inaasahang pagkakataon, tumawid ang kanyang landas kay Isaac Mathew Funtabella—ang lalaking tinaguriang “Halimaw” sa mundo ng negosyo. May anyong mala-Adonis at talas ng isip na katapat ng kanyang pamilya, kilala siya bilang taong walang kinikilingan at handang gawin ang lahat upang manalo. Sa simula ay puno ng pag-iingat at pagdududa ang kanilang pagtatagpo. Ngunit sa kabila ng poot na nakatanim sa kanilang mga puso, isang damdaming hindi maipaliwanag ang unti-unting namuo. Ang pagkakaibigan ay naging pagtingin, at ang pagtingin ay naging wagas na pagmamahal—isang damdaming tahimik ngunit matindi. Ngunit sapat ba ang kanilang pagmamahal upang labanan ang galit ng dalawang pamilya? Sisirain ba sila ng matagal nang alitan, o ito ang magiging lakas upang wakasan ang katahimikan at patunayang ang pag-ibig ang tanging makapagbabago ng lahat?

Dahang-dahang bumukas ang malaking pinto para lamang mahigit ko ang aking hininga. Tila tumigil ang pag-ikot ng aking mundo nang makita ko kung sino si Mr. Guidotte! “Kygan…” usal ko sa mahinang tinig. Ang lalaking limang taon kong hinanap. My ex-boyfriend, Kygan. Hindi ko akalaing siya pala ang misteryosong tagapagmana ng pinakamayamang pamilya, hindi lang sa bansa kundi sa buong kontinente ng Asya. Kaya pala kahit anong hanap ko sa kanya noon ay wala akong makuhang kahit anong impormasyon tungkol sa kanya. Magkaibang mundo pala ang ginagalawan namin. Paano ko siya mahahanap kung kabilang pala siya sa mge elitista?

Warning: Mature Content‼️ Akala ni Rizza ay natagpuan na niya ang lalaking makakasama niya habang buhay—si Damian, isang makapangyarihan at napakayamang billionaire na minahal niya nang buong puso. Sa kabila ng kanilang magkaibang mundo, pinili nilang lumaban para sa kanilang pagmamahalan. Ngunit isang araw, isang masakit na katotohanan ang tuluyang sumira sa lahat. Pinagtaksilan siya ni Damian. Sa isang iglap, ang lalaking nangakong poprotekta sa kanya ang siya ring dahilan kung bakit gumuho ang kanyang mundo. Dahil sa isang kasinungalingan at isang pagtataksil na hindi niya kailanman inakala, napilitan si Rizza na iwan ang lalaking pinakamamahal niya. Lumipas ang mga taon at natuto siyang mabuhay nang wala si Damian. Akala niya, tuluyan na niyang nalimutan ang kanilang nakaraan. Hanggang sa muli silang nagkita. Mas makapangyarihan na si Damian. Mas malamig. Ngunit sa likod ng kanyang matigas na anyo ay isang lalaking hindi kailanman nakalimot sa babaeng kanyang sinaktan. Ngunit may isang bagay na hindi alam ni Rizza—may dahilan ang pagtataksil ni Damian. Isang lihim na maaaring magbago sa lahat ng pinaniwalaan niya. Sa pagitan ng galit, sakit, paghihiganti, at isang pag-ibig na ayaw mamatay, kaya pa kayang ibalik ni Damian ang pusong minsan niyang winasak?

Si Marisol ay isang dalagang puno ng pangarap—mga pangarap na unti-unting nawasak matapos mamatay ang kanyang ama. Ang tanging hangarin niya ay mabigyan ng mas magandang buhay ang kanyang ina, ngunit nagbago ang lahat nang makilala nito ang isang lalaki at muling mag-asawa, para bang naging ibang tao na ito. Ang dating pinakamamahal na anak ay unti-unting naging kinasusuklaman ng sarili niyang ina, na nilamon ng selos dahil sa pagmamahal ng kanyang asawa sa kanilang anak. Lalo pang lumala ang lahat nang mapilitan si Mirasol na tumakas sa kanilang bahay upang makaiwas sa tangkang pang-aabuso ng kanyang stepfather. Habang naghahanap siya ng matitirhan at ng bagong simula, hindi niya inaasahang makikilala niya ang isang misteryosong lalaki sa isang tulay…

Matapos ang pag-aaral ni Snow sa kolehiyo, napilitan siyang umalis sa probinsiya na kasama ang kaniyang Lolo at Lola upang magtrabaho sa isang syudad. Pansamantalang iniwan niya ang mga ito upang mapagamot ang kaniyang Lolo na may malubhang sakit. Hindi naging maganda ang naging buhay ni Snow sa syudad. Maraming paga-adjust ang ginawa niya upang mabuhay sa isang syudad. Nakabangga niya ang anak ng mga Valderrama na si Nicholas Flinn, ubod ng sama sa ugali at walang sinusunod. Sa kabila ng hindi magandang pagtrato ni Nicholas kay Snow ay nanatili ang kabaitan nito at piniling intindihin. Hindi nagtagal ay naging malapit ang dalawa. Naipagkasundo si Nicholas sa ibang babae para sa kanilang kumpanya, ngunit nailigtas ito sa pamamagitan ng pagkakaruon niya ng relasiyon kay Snow. Hindi naman nagustuhan ng pamilya ni Nicholas si Snow at pinagpilitan itong itaboy. Dumating ang araw na nalaman ni Florina na siyang Ina ni Nicholas ang tungkol kay Snow, siya ang batang ipinagbubuntis noon ng babaeng karelasiyon ng kaniyang asawa noon. Si Florina rin ang pumaslang sa mga magulang ni Snow dahil lang sa pagmamahal niya kay Nico na kaniyang asawa. Dahil doon, mas lalong kinasuklaman niya si Snow, at sinabi kay Nicholas ang totoo. Na baka sila ay magkapatid. Hindi nagtagal naging malamig na rin ang pakikitungo ni Nicholas kay Snow at tinaboy ito. Kahit buntis si Snow ay pinili niya na lamang umalis at hindi sabihin kay Nicholas ang tungkol doon. Hindi nagtagal ay nalaman ang totoo na wala talaga silang koneksiyon sa isa't isa. Muntik na rin na ipapaslang ni Florina si Snow, mabuti at hindi pa nahuli ang lahat. Sa huli, nagkapatawaran ang lahat sa nangyari. Mas pinili ni Snow na bigyan ng tahimik na buhay ang kaniyang anak at kalimutan ang nakaraan.

Limang taon na ang nakalipas nung pilit na tinapos ni Celestina "Tina" Roxas ang relasyon nila ni Inigo—ang lalaking pinakamamahal niya. Para kay Inigo, ginawa 'yun ni Tina dahil sa pera. Pero ang totoo, 'yun lang ang tanging paraan para mailigtas ni Tina ang pamilya niya. Ngayon, sagad na sa hirap ang buhay ni Tina. Sa sobrang pangangailangan sa pera, nag-apply siya bilang Personal Assistant sa isang sikat na kumpanya. Pero mapaglaro ng tadhana—ang dating mahirap na lalaking minahal at itinaboy niya noon, isa nang napakamakapangyarihang CEO ngayon. At nasa kamay na nito ang kaniyang kapalaran. Tinanggap siya ni Inigo sa trabaho—hindi dahil sa awa, kundi para pahirapan at iparamdam sa kaniya ang impyernong pinagdaanan nito nang iwan siya. Sa gitna ng galit, paghihiganti, at matinding atraksyong hindi maitatago, kaya pa kaya nilang takpan ang mga sugat ng nakaraan? O tuluyan na silang wawasakin ng mga lihim na hindi pa nasasabi?

Si Katherine ay kasal kay Leon nang tatlong taon. Sa loob ng tatlong taon na iyon, hindi kailanman naisip ni Katherine na guguho ang perpekto nilang pag-iibigan. Pinagkatiwalaan niya ang lalaki. Inialay niya ang kanyang buhay sa kanya. At nang madiskubre niyang buntis siya, inakala ni Katherine na sa wakas ay mabubuo na ang pamilyang matagal na niyang pinangarap. Until she discovered something that made her question everything. Dahil natuklasan niyang ang kanyang loyal na asawa ay may itinatago pala sa kanya, doon nagsimulang magbago ang lahat. And then one day… Katherine heard a child’s voice on Leon’s phone. “Papa.” Isang salita lang iyon, ngunit sapat na para gumuho ang lahat ng pinaniniwalaan niya tungkol sa kanilang pagsasama. Nang tuluyan niyang matuklasan ang katotohanan tungkol sa kanilang kasal, nagpasya si Katherine na talikuran si Leon at magsimulang muli. Years passed, and their paths crossed once again. But this time, Katherine was no longer alone. She was already in another man’s arms—a man who loved her even at her worst. Ngunit paano kung dumating ang araw na malaman ni Katherine ang buong katotohanan? Handa ba siyang iwan ang lalaking natutunang magmahal sa kanya para sa lalaking minsang minahal niya? O tuluyan na niyang kakalimutan si Leon kahit malaman niya ang katotohanan?

Sa edad na labingwalo, pinakasalan ni Lexi ang CEO na si Trace Valdemor kasama ang pangako ng isang pangarap na buhay, ngunit nauwi siyang nakulong sa isang kasal sa papel. At sa edad na dalawampu't dalawa, siya ay isa pa ring birhen at namumuhay ng isang nakakabagot at walang laman na buhay. Isang araw, nakatanggap siya ng mga litrato ng kanyang asawa kasama ang ibang mga babae. Sa halip na malungkot, binago siya ng galit, at nagdesisyon siyang tumigil sa pagiging perpektong asawa. Lumabas si Lexi patungo sa isang exclusive VIP club sa BGC upang hanapin ang kaligayahan na hindi niya naranasan sa loob ng apat na taon at nakilala ang isang lalaki na nahumaling sa kanya mula sa unang gabi. At ang plot twist ay ang lalaking ito ay si Trace mismo. Nang hindi siya nakikilala, handa siyang magbayad ng isang kayamanan upang mapasakanya lamang siya. Sasamantalahin ni Lexi ang pagkakaratay ng kanyang asawa sa kanyang paanan upang maghiganti, sa araw ay mananatili siyang perpektong asawa, ngunit sa gabi ay magiging high-class escort siya ng kanyang sariling asawa.

Pumalit si Sophie sa kanyang kapatid upang magpakasal sa isang lalaking kilala lamang bilang tambay at barumbado. Namumuhay sila sa matinding kahirapan. Ngunit hindi niya inaasahan na ang kanyang asawa ay isa pa lang misteryosong bilyonaryo na may hawak ng napakalaking kapangyarihan at impluwensya. Hindi makapaniwala si Sophie sa kanyang natuklasan; nagmadali siyang bumalik sa kanilang maliit na inuupahang bahay at sumugod para yakapin ng kanyang asawa. “Sinasabi ng lahat na ikaw daw si Young Master Creighton… totoo ba ‘yon?” Hinaplos ng lalaki ang kanyang buhok. “Magkamukha lang kami.” Sumimangot si Sophie. “Napakasama ng ugali ng lalaking iyon! Pinipilit niyang ako daw ang asawa niya. Mahal, parusahan mo siya para sa akin!” Kinabukasan, lumitaw si Creighton sa harap ng lahat pagkatapos mabugbog at may pasa ang buong mukha, ngunit nakangiti pa rin ito. “Sir, ano po ang nangyari?” Bahagyang itinaas ni Young Master Creighton ang kanyang mga labi at sumagot nang walang pag-aalinlangan. “Inutusan ako ng asawa ko na bugbugin ko ang sarili ko, kaya sinigurado kong ginawa ko tulad ng gusto niya.”