What Is Charot

Isa akong stripper o sa madaling salita, tagabigay ng ligaya sa mga lalaking nagnanais ng mainit na sandali tuwing gabi. Ngunit nagbago ang lahat nang makilala ko ang kliyente kong Zander Almeda. Isang flash lamang ng kamera nang magbago ang buhay ko at naging instant hot issue sa social media. At sa isang iglap, ang stripper na katulad ko ay naging instant girlfriend ng isang bilyonaryong CEO na si Zander Almeda sa bisa ng agreement na magkukunwari ako sa harap ng mga taong nakapaligid sa kanya. Ngunit paano ko mapipigilan ang puso ko kung mahulog na ng tuluyan ang loob ko sa kanya? Paano kung malaman ng lahat ng tao na isa akong dating tapagbigay ng ligaya sa mga lalaki sa isang club? Kaya niya ba akong ipaglaban?

Si Bella Monteverde, pinanganak galing sa mayaman na pamilya. Isang tagapagmana, subalit dahil sa pag-ibig, tinakwil siya ng sarili niyang pamilya. Hanggang sa dumaan ang ilang buwan. Ipinaghiwalay sila ng tadhana ng kaniyang asawa na si Brent De Guzman. Tunay na pagmamahal ang ibinigay nila sa isa't isa. Isang bulag si Brent. Ngunit, ginawa pa rin ni Bella ang lahat upang ipaglaban nito ang kaniyang asawa sa pamilya niya. Hangang sa isang araw, pumunta siya sa hospital dahil masama ang pakiramdam niya. Naging masaya naman si Bella dahil buntis pala siya. Ngunit, pagbalik niya sa kanilang bahay ay hindi na niya naabutan ang asawa niya. Tanging mapanakit na sulat na lang ang natanggap ni Bella. Pitong taon ang nakalipas. Muli siyang bumalik, ngunit hindi na siya tinaggap ng kaniyang ama base sa sinabi ng stepsister niya. At ngayon ang pamana na dapat kay Bella ay pilit na kinuha ng kaniyang step sister. Kahit nagawa man ni Bella ang lumapit sa pamilya niya para sa pagpapagamot ng anak niya. Ay naging walang saysay pa rin ito. Subalit, patuloy pa rin na lumaban si Bella. Hanggang sa hindi niya sinasadyang makatagpo ang isang matanda. Ang matandang ito ay nagpanggap bilang isang pulubi. Subalit, sa likod nito siya ang lolo ni Brent. Na siya ring dahilan nang muling pagkikita ni Bella at ni Brent. Ngunit sa kasamaang palad, hindi na si Bella ang kinikilalang asawa ni Brent. Dahil kinuha ng stepsister niya ang bagay na 'to at nagpanggap bilang si Bella. Gayunpaman, ay nais ng lolo ni Brent na ikasal si Brent kay Bella. Saan hahantong ang ganitong buhay? Muli kaya niyang maibabalik ang kaniyang asawa sa piling niya? Muli kaya niyang mababawi ang dapat para sa kaniya?

Si Bonita Georgina Martinez aka Borge ay isang scholar student sa High East International University at nagmula sa probinsiya ng cebu. Dahil panganay sa pitong magkakapatid at nagmula sa mahirap na pamilya ay nagsumikap siya. Bukod sa pagiging scholar ay working student din siya. Para makapag- padala ng pera sa kanyang mga magulang at makatulong sa mga ito. Minsan din ay sumasali siya sa mga beauty pageant para may ipangdadag sa kanyang mga pambili ng mga projects. Morena beauty, matangkad at matalino. Dahil sa nag- iisa lang siya sa maynila ay wala siyang masyadong kakilala kundi ang kanyang mga professor at mga kaklase. Dahil sa kapabayaan ng isang tenant ng kanyang bording house na inuupahan ay nasunog ang kanyang tinutuluyan. Kaya naman nang malaman ng isa sa kanyang professor na si Mrs. Trina Cruz ang kanyang sitwasyon ay inalok siya nitong tumira muna sa kanyang bahay dahil wala naman daw siyang kasama sa bahay. Dahil ang kanyang mga anak ay sa condo unit nakatira. Pero hindi niya naman aakalain na ang isang anak nito ay isang sikat na celebrity ng bansa at ang kanyang ultimate happy crush! At nakilala niya ng personal si Kristoff Dale Cruz aka Toffy Cruz ang kilabot ng mga kolehiyala dahil sa galing nitong kumanta at umarte sa harap ng camera. Modelo at endorser ng iba’t – ibang mga sikat na produkto sa bansa. Dahil sa isang kontrobersiyal na kinasangkutan nito ay nagpahinga muna ang binata sa showbiz at maninirahan kasama ang kanyang ina. Matatagalan kaya ni Borge na tumira sa bahay ng kanyang professor kasama ang kanyang ultimate happy crush…??? Paano kung ma- inlove sa kanya ang isa Toffy Cruz??? Paano niya haharapin ang mga fans ng loveteam nito na magiging bashers niya?....

"I will be the villain in your story if that means you’ll stay in mine" ..... Nawala ang mga magulang ni Talitha dahil sa kagagawan ng pamilya Salvador. Kaya ang paghihiganti ang tanging tibok ng kanyang puso. Upang magkawatak-watak ang mga ito, pumasok si Talitha sa mansion nila bilang isang katulong. Ang kaniyang plano? Akitin ang ama ng tahanan at ang nag-iisang anak nilang lalaki. Naniniwala si Talitha na madali niyang maisasagawa ang kaniyang plano—dahil siya ang palay na kusang lalapit sa mga manok. Ngunit nang makilala niya si Locke Salvador, ang tanging tagapagmana, nagbago ang lahat. Si Locke ay singlamig ng yelo at tila walang interes sa sinuman. Kaya ang laro ay bumaliktad: Mula sa pagiging mang-aakit, bigla siyang naging biktima ng mapanganib na atensyon ni Locke. Ngayon, hindi na lamang paghihiganti ang laro. Kailangang maging handa si Talitha na gamitin ang nakakapasong obsesyon ni Locke para matapos ang misyon na nagsimula sa paghihiganti at pighati.

Planet Wayne, isang planeta kung saan itinuturing na Diyos ang mga bampira at tila hayop naman ang mga tao na ginagawang alipin. Bilang isang alipin, isa itong walang katarungang mundo para kay Lana. Mahahanap pa kaya niya ang kaligayahan at kalayaan na pinakaaasam niya lalo pa at isang masamang prinsepe na kilala sa pagpatay ng mga alipin ang nakabili sa kanya?

Nahuli ni Scarlett Dorothy ang asawa niyang si Liam Griffin Vergara na nagtaksil sa kanya kasama ang babaeng una nitong minahal. At ang mas masakit pa ay pinili ni Liam ang babae nito kaysa sa kanya. Kasabay ng pagkawasak ng kanyang puso, nawala din ang anghel sa sinapupunan niya. Tinalikuran siya ng kanyang asawa, namatayan siya ng anak, naiwan siyang mag-isa. Kung kailan akala niya wala ng pag-asa ang buhay niya, dumating ang mag-asawang nagpakilala na kanyang tunay na mga magulang. She became a billionaire heiress in an instant with all the resources she could use to stand on her own feet. Pipiliin kaya ni Scarlett ang paghihiganti sa mga taong nanakit sa kanya o mas gugustuhin niyang magpatawad para sa kapayapaan ng puso niya?

Itinakwil at pinalayas si Barba ng kanyang madrasta matapos mabuntis sa isang gabing hindi niya maalala. Pagkalipas ng limang na taon, pumasok siyang yaya ni Sixto Rivera, isang supladong lalaking naka-wheelchair. Inutusan siya ng ama ni Sixto na akitin ito kapalit ng bahay at lupa. Ngunit sa unang haplos pa lang ni Sixto, nanariwa ang alaala ni Barbara, ang haplos na iyon ay kaparehong-kapareho ng sa lalaking nakatalik niya noon. Si Sixto kaya ang tunay na ama ng kanyang anak?

Hindi naging maganda ang una at ikalawang pagtatagpo ni Armelle at Hanz. Lalo na ng nalaman nila na pareho silang titira sa iisang bubong. Ngunit hindi akalain ni Armelle na si Hanz ang masasandalan niya sa panahong bigo siya sa pag-ibig. Dumating pa sa punto na nagpanggap ito na boyfriend niya sa harap ng ex-boyfriend niya. Naging maayos ang samahan nilang dalawa at para niyang naging kuya si Hanz. Hanggang sa nagising na lang siya isang araw ay may nararamdaman na siya para sa binata. Inilihim niya ang kanyang pag tangi para hindi magbago ang pakikitungo nito sa kanya. Isa pa, kilala itong playboy. Ayaw rin niyang mapabilang sa mga naging babae nito kahit imposibleng mangyari iyon dahil parang nakababatang kapatid ang turing nito sa kanya. Ngunit hindi inaasahang panauhin ang magpapabilis sa pag-alis niya. Sinabi ng babae na malapit na itong ikasal kay Hanz. Para hindi siya makasira ng relasyon ay umalis siya ng walang paalam. Makalipas ang tatlong taon ay muling nagtagpo ang kanilang landas dahil siya ang magiging bagong sekretarya nito. Akala ni Armelle ay naibaon na niya sa limot ang nararamdaman niya para kay Hanz ngunit nakaramdam siya ng lungkot ng makita niya na kausap ng binata ang babaeng nakaharap niya tatlong taon na ang nakalipas. May pag-asa pa kaya na bumalik sa dati ang samahan nila kung sa araw-araw na pagkikita nila ay malamig na ang pakikitungo nito sa kanya? Hanggang kailan niya ililihim ang tunay na damdamin para sa binata gayong habang lumilipas ang mga araw na kasama niya ito ay mas lalo lamang lumalalim ang pagmamahal niya para rito?

SYNOPSIS: Mahal na mahal ni Nian ang kanyang ina at kapatid. Dahil sa hirap ng buhay, pinasok niya ang iba’t ibang uri ng trabaho para kumita. Sa unang gabi pa lamang sa kanyang bagong trabaho, nagkamali na agad siya, ang masungit na si Zacharias ang kanyang nakahalikan sa halip na ang uncle nito. Malaking halaga na iyon para sa kanya, kaya naman napagdesisyunan niyang huwag na lamang ituloy ang ganoong klaseng trabaho. Sa hindi inaasahang pagkakataon, muling nagtagpo sina Nian at Zacharias. Nakilala niya ang anak nitong si Zachu na nangangailangan ng tulong. Nalaman ni Nian na ayaw ng bata sa fiancé ng kanyang ama dahil sa pagiging hipokrita nito. Dahil dito, nagdesisyon si Nian na maging babysitter ni Zachu upang protektahan ang bata at akitin si Zacharias para maghiwalay ang dalawa. Pero nabaliktad ang lahat—si Zacharias ang lumalandi at umaakit sa kanya. Habang tumatagal, nahulog ang loob ni Nian sa lalaki at nagkaroon sila ng lihim na relasyon. Naibigay niya ang nais ng lalaki at nagbunga iyon. Gayunpaman, hindi sigurado si Nian kung mahal siya ng lalaki dahil hindi nito hinihiwalayan ang fiancé niya. Natatakot siyang baka pampalipas-libog lamang siya o ginagamit lamang para makapaghiganti kay Cherry. Pinili ni Nian na lumayo na lamang at mag-isang palakihin ang anak sa kanyang sinapupunan. Pagkalipas ng limang taon, muling nagkita ang dalawa. Galit si Zacharias at malamig ang pakikitungo sa kanya. Ngayon, nahihirapan si Nian kung paano sasabihin sa lalaki na siya ang ama ng bata. Sa kabila ng mga pagsubok, naayos na ang mga hindi pagkakaintindihan ay siya namang pagbalik ng unang pag-ibig ni Zacharias—si Artemis. Paano siya lalaban kung sa umpisa pa lang ay talo na siya?

Isang kasal na nakatali sa papel. Isang kasunduan na may hangganan. At isang gabi na hindi dapat nangyari. Pitong taon na si Vaiana bilang secretary ni Kyro, at sa loob ng tatlong taon, si Vaiana ay naging anino ni Kyro de Vera—sekretarya sa umaga, asawa sa papel sa gabi. Alam niya ang lahat ng ugali nito, mula sa paboritong kulay ng suit hanggang sa mga lihim na hindi nito kailanman inamin. Pero isang gabing hindi niya matandaan ang tuluyang gumulo sa lahat. Nang magising siya sa tabi ng lalaking hindi dapat kanya, ramdam niya ang pait ng katotohanan—siya lang ang nagseryoso sa kasal na ito. Pero nang muli siyang harapin ni Kyro, may isang bagay itong sinabi na nagpayanig sa kanya: "Vaiana, ang babaeng kasama ko kagabi… ikaw ‘yon." Sa isang kasunduang dapat ay walang damdamin, paano kung hindi na niya kayang itanggi ang sakit? At paano kung si Kyro mismo ang magsimulang magtanong—sino nga ba ang tunay niyang babae?