CHAPTER 106.2

Tahimik na nakaupo lang si Kyrie sa sofa at abala sa pagbabasa ng mga kontrata ng Harmony Corp.

Sa totoo lang ay hindi niya balak pigilan ang relasyon ng dalawa. Dahil kung si Dean ang napili ni Lyca ay wala siyang magagawa roon at wala rin siyang balak na hadlangan ang mga ito.

Alam naman kasi ni Lyca ang ginagawa niya. At kung si Dean ang gusto nito at kahit gaano pa ito kapilyo at mahilig sa laro ay sino ba naman siya para makigulo sa ang mga ito?

Isa pa mukhang tila nagkakasundo talaga ang dalawa sa kakaibang paraan. Naiintindihan ni Dean ang ugali ni Lyca. At si Lyca naman ay may kakayahang pigilan o kontrolin si Dean sa mga gawain nitong maduming laro.

Hindi man sila maituturing na perpektong magkapareha, pero sila naman ay mga taong tila pinagtagpo ng tadhana.

Ngunit sa mga mata ng isang nakatatandang kapatid na kagaya ni Kyrie ay hindi niya maiwasang mabahala. Hindi siya bilib sa mga lalaking mahilig magpatawa, manggulo at umasta na parang batang spoiled. Pero kung ito an