KABANATA 41

Bumara ang lalamunan ko at hindi masabi ang oo. Parang kanina lang ay okay lang talaga sa akin ngunit ngayon ay hindi ko magawang ibuka ang mga labi ko.

"Frey, can I? Bubuhatin ko lang," muling paalam niya.

Umawang ang mga labi ko at gustong magsalita ngunit inunahan ako ni Nardo.

"Ako na lang po ang bubuhat, Sir West," anito.

Lumapit si Nardo kay Mila at siya na ang bumuhat dito. Nakaalalay naman sa likod nila si West kasama pa si Mang Isko.

Natahimik ako at tumabi nang madaanan nila ako. Maging ang iba ay nagsipagbalik na sa trabaho nila.

Dumiretso sila sa upuan sa harap ng mesa at doon iniupo si Mila. Kita ko pang sinuri ulit iyon ni West at napailing. Bumubuka ang labi nito at may sinasabi kila Nardo at Mang Isko.

Sunod na lingon ko ay buhat na niya si Mila na umiiyak at nakakapit sa batok niya.

Sumikip ang dibdib ko dahil doon at napa