CHAPTER 17: You're Special

JANINA MARIE

Hinablot ni Xavier ang mga braso ko. Hindi naman ako nasaktan dahil doon. Kinuha niya rin si Jude at kinarga ito. Inilayo n'ya kami sa nagpapambuno na sina Jake at Tommy. Tiningnan ko ang mukha niya at pilit kong binabasa ang saloobin niya.

"I'm sorry." Nahihiya ako kaya mahina lang ang pagkakasabi ko noon. "Hindi ko alam na aabot sa ganito. Pumunta kami rito para mamili ng mga gagamitin sa birthday ni Jude at hindi para gumawa ng eksena."

"Sa bahay tayo mag-usap," galit niyang tugon sa akin. "I am so disappointed with you. Why can't you obey me?"

"Akala ko ba sa bahay na tayo mag-uusap," balik ko sa kaniya. "Hindi ko talaga ginusto ito."

Lumapit sa amin ang ilang guwardiya at saka niyaya kaming pumunta sa isang opisina na hindi ko alam na meron pala noon sa mall. Nakasunod sa amin si Althea habang ako ay hawak-hawak ni Xavier sa kamay. Nang lumingon ako sa aking kaibigan ay pilya siyang nakangiti at bahagya pang kumindat sa akin.

"Tumigil ka," pabulong kong sabi sa kan