POLARIS STADIUMPatuloy ang malakas na hiyawan ng mga taong dumalo sa concert for a cause ng kilalang R&B singer na si Everett na ginanap sa Polaris Stadium. "Wow!" tuwang bulalas ni Everett habang ang mga mata ay umiikot sa loob ng malawak na event hall Polaris Stadium. Punong-puno iyon pati na rin ang general admission seats. "I didn't expect this, guys—really. Salamat sa pagpunta. At kagaya ng alam ninyo, ang kikitain dito ay mapupunta sa isang non-government organization na tumutulong sa mga taong may cancer ngunit walang kakayahang magpagamot. Muli, isa pong taos sa pusong pasasalamat ang gusto kong ipaabot sa bawat isang nandito ngayon. Pagpalain pa po sana kayong lahat ni Lord!" mahabang turan niya na tinugon naman ng lahat ng malakas na hiyawan. "Sunod na kayang guest si Tori?" "Gusto ko 'yong bago nilang collaboration na "Hey You"," "Ako rin. Isa na iyon sa bago kong paborito..." Ilan lamang iyon sa mga komento na nagmumula sa grupo ng mga kabataang na naka-upo sa upper b
HALOS kapapasok lang ni Tori sa loob ng kanyang dressing room kasunod ang PA niyang si Jessa nang makarinig sila ng tatlong mahihinang katok mula sa nakasaradong pinto. Kaagad na ibinaba ni Jessa sa maliit na mesa ang hawak niyang damit na isusuot ni Tori bago sila uuwi. Humakbang siya patungo sa pinto at binuksan iyon. Bumungad sa kanya ang isa sa apat na bodyguard na ipinadala ng Marigold Herrera para sa anak nito. "Yes?" tanong ni Jessa sa seryosong tinig. Bahagyang yumuko ang may katangkarang bodyguard at bumulong kay Jessa. "May naghihintay kay Miss Tori sa backstage." Kumunot ang noo ni Jessa. "Alam naman na ninyo ang drill, hindi ba?" mahina ang tinig na aniya sa lalaki. "Paalisin ninyo—""Sorry, Jessa pero hindi namin kayang paalisin." "At bakit?" may katarayang untag niya bago nameywang."Si Atty. Landon Dominguez ang naghihintay kay—" Nanlaki ang mga mata ni Jessa. "Ay!" bulalas niyang bahagyang natutop ang bibig. Lumingon siya sa gawi ni Tori na abala na sa hawak nito
MAGKATABING nakaupo sa likuran ng sasakyan sina Tori at Taj habang si Landon naman ay naiiling na lamang na nagpapatuloy sa pagmamaneho. Ilang sandali pa ay lumiko siya isang kanto bago kumaliwa hanggang tuluyan niyang itinigil ang sasakyan sa harapan ng isang gasolinahan. Lumingon si Landon sa backseat saka niya tinapik nang mahina ang sandalan ng passenger seat para kunin ang atensiyon ni Taj na kasalukuyang nakayakap kay Tori. Umikot ang mga mata niya bago niya tinawag ang kaibigan. "Dito na lang ako." Mula sa pagkakayuko sa balikat ni Tori ay nag-angat ng paningin si Taj. Tiningnan niya si Landon at tumangon. "There's my car..." muling sabi ni Landon bago inginuso ang isang bagong mini Cooper na nakaparada sa harapan ng gasolihan. Napatingin si Tori sa itinuro ni Landon ay hindi niya napigilan ang sarili. Isang sipol ang pinakawalan niya nang makitang ang mini Cooper na kulay pula. "Wow, fancy..." humahangang sambit niya habang nakatanaw sa salaming bintana. Narinig na niya
KANINA pa nakatitig sa kaharap na salamin si Tori. Simple lang ang ayos niya. Naglagay lamang siya ng manipis na makeup at nude lipstick na pinatungan niya ng lip gloss. And as for her hair, she decided to have an elegant feathered updo to ooze lightness and depth as the constructed from layered pieces of her hair made a laidback yet graceful style. Ang suot naman niyang damit ay puting midi dress na gawa sa cotton sateen. The fitted bodice, pleated detail, and notched neckline made her look so versatile and chic. Ah, just perfect!Ilang beses na kumurap-kurap si Tori bago bumuga ng hangin. It's now or never. Alam niyang naghihintay na sa ibaba ang judge na nakuha ni Landon para magkasal sa kanilang dalawa ni Taj. And of course, it's another Landon thing. 'Wala nang atrasan ito, Victoria Herrera,' turan ni Tori sa kanyang sarili. Nagsimulang pagpawisan si Tori kaya mabilis siyang kumuha ng tissue para tuyuin ang namumuong pawis sa noo niya. 'Kaya mo ba talagang isuko kay Taj ang ka
FIVE YEARS LATERNAPAPITLAG si Tori nang makarinig siya ng sunod-sunod na katok mula sa pinto ng banyo kung saan siya naroroon. Sinulyapan niya ang maliit na relong nakapatong sa maliit na marble table na nasa isang tabi. Pasado alas singko ng hapon. Mapait siyang napangiti. Dahil sa pagbabalik-tanaw ay hindi na niya namalayan ang oras. "Miss Tori, tumawag po si Miss Ember, pinapa-remind po niya na tawagan daw po ninyo siya ngayon din daw po," Tinig iyon ni Anna, ang kasambahay na ipinadala sa kanya ng manager niyang si Ember. "Okay," maikling tugon niya habang nilalaro ang mga bula na nakabalot sa katawan niya. Habang ginagawa iyon ay isang image ang biglang rumihestro sa kanyang isipan. 'Damn you, Taj...' Ani ng isang bahagi ng isipan ni Tori.Ilang araw pa lang siyang nakakabalik ng bansa pero nagawa na kaagad nitong guluhin ang mundo niya. Kumuyom ang mga palad niya kasabay ng pagdaloy ng isang particular na alaala sa kanyang isipan. "Tori, gaano katotoo ang balitang kasal ka
"Sigurado ka na ba talaga rito, bud?" hindi kumbinsindong untag ni Landon sa kaibigang si Taj na kasalukuyang nakaupo sa swivel chair nito. "I have never been this sure—""Sinabi mo na rin sa akin 'yan noong pakasalan mo si Tori." putol ni Landon sa iba pang sasabihin ni Taj. Tumiim ang anyo ni Taj. "This is different." tipid niyang turan sa kaibigan. "Care for a drink?" Tanong niya kay Landon bago lumapit sa mini-bar na naroon din sa mismong loob ng kanyang opisina. Lunes ngayon kaya nasa main office ng Consunji Real Estate and Construction Company sa Ortigas si Taj. Once a week ay lumuluwas siya ng Manila para asikasuhin ang mga papeles na kailangan niyang pirmahan. Bumabalik din kaagad siya sa Guimaras kinabukasan dahil mas gusto niya ang buhay doon. Isa pa ay gusto rin niyang personal niyang naasikaso ang mga pananim na mangga sa kanyang plantation lalo na ngayong panahon ng anihan. Napa-iling na lamang si Landon. Mukha nga'ng desidido na talaga si Taj. At naiintindihan naman n
TATLONG MAHINA at sunod-sunod na katok ang narinig ni Taj mula sa nakasaradong pinto ng kanyang opisina. Sandali siyang nag-angat ng paningin mula sa binabasang papeles at bahagyang umangat ang isang sulok ng kanyang mga labi bago isinandal ang likod sa kinauupuang swivel chair. Inaasahan na niyang darating si Tori pero hindi niya naisip na ganoon kabilis na susulpot sa Guimaras ang babae. "Come in," pormal ang tinig na aniya bago muling ibinalik ang pansin sa hawak na papeles. Dinig niya ang mahinang tunog ng bumukas na pinto kasunod niyon ay napuno ang loob ng kanyang opisina ng pamilyar na pabangong minsan na rin niyang kinabaliwan. Nang muling magsara ang pinto ay sunod niyang narinig ang tunog ng papalapit na magaang mga yabag. Tumigil iyon sa harapan ng kanyang mesa at tila walang balak na umupo ang babae kaya bagot na nag-angat ng paningin si Taj. Kunot ang noong tiningnan niya si Tori na nakatayo lang sa harapan niya. Nakatitig ito sa kanya at hindi nakatakas sa pansin niya
BLANGKO ang anyong tinitigan ni Taj ang annulment papers na nakapatong sa ibabaw ng kanyang working table. "You really never fail to surprise me, Tori," usal niya bago nangalumbaba. At nasa ganoong sitwasyon si Taj nang umalingawngaw sa loob ng kanyang opisina ang tatlong sunod-sunod na katok mula sa nakasaradong pinto. Umangat ang mga kilay niya."Come in!" walang emosyong turan niya bago isinandal ang likod sa upuan habang nilalaro sa kanyang mga daliri ang hawak na ballpen.Nang tuluyang bumukas ang pinto ay bumungad mula roon ang nakangiting mukha ni Landon habang hawak sa kamay ang isang folder. Dumating ito kanina para ihatid ang annulment papers niya. Lumuwas ng bansa ang abogado niya kaya ang kaibigan niya ang nagdalaw bukod pa sa may papipirmahan daw itong papeles sa kanya. "What's up?" tanong ni Taj sa kaibigan. Itinaas naman ni Landon ang hawak niyang folder bilang sagot."I need you to sign this. Nakalimutan ko pala kanina na isama ito sa pipirmahan mo." Umangat ang