Chapter 209

Ang kabanatang ito ay naglalaman ng mga sensitibong salita o tema kaugnay ng imbestigasyon, krimen, at mga operasyon ng mga ahensiyang tulad ng NBI, CIDG, at PNP.

Ang lahat ng tauhan at tagpo ay pawang kathang-isip lamang. Anumang pagkakatulad sa tunay na pangalan o pangyayari ay hindi sinasadiya.

“Dad, please, tell me it’s not true!” malakas na sambit ni Katrina sa ama nitong halos hindi alam kung ano ang isasagot sa anak.

Kasalukuyan na rin na nakatutok sa mga ito ang mga camera ng media, na kasalukuyan din na naka-live. Lihim siyang napangisi dahil nangyari na ang pinagpuyatan at pinagpaguran niyang plano.

“Anak, haharapin ko lang sila, okay? Pagkatapos, ay makakauwi rin ako,” sagot ni Bastian sa anak.

“May karapatan po kayong manahimik. Anumang inyong sasabihin ay maaaring gamitin laban sa inyo sa hukuman. May karapatan po kayong kumuha ng abogado. Kung wala po kayong makuhang abogado, ang pamahalaan ay maglaan para sa inyo,” pagpaptuloy ng NBI agent, hindi pansin ang nangyayaring pagdadrama ng mag-ama.

Kahit nang suotan ng posas ng isang agent na naroroon si Bastian, ay kataka-takang hindi ito gumawa ng marahas na hakbang. Pero isang kaduda-dudang tingin ang ipinukol nito sa kanya.

“Sana lang ay hindi tama ang hinala ko na may kinalaman ka rito, Weston. Ang galing mo rin, hindi ko natunugan ang mga kilos at galaw mo,” sambit nito na may kaunting ngisi sa labi.

“Nanghihinala ka pa lang, pero hinusgahan mo na agad ako, Bastian. Isang taong katulad mo ang ayaw kong maging parte ng pamilya ko, at mas lalo nang ayaw kong maging ama ka ng magiging asawa ko,” seryoso at may diin sa bawat mga binibitiwan niyang salita.

“Ipanalangin mo lang na hindi ko maipanalo ang kaso ko, dahil kapag naipanalo ko, ikaw naman ang ipakukulong ko sa salang pambibintang at pangtatraydor sa ‘kin!” lumabas na rin ang itinatago nitong bangis. Sinusubukan pa nitong magpumiglas, pero malakas ang pagkakahawak dito ng mga agent, kaya hindi ito makapalag man lang.

“Hindi marunong mambintang at magtraydor ang mga ebidensiya, Bastian! Iyan ang tatandaan mo!”

Lumapit naman sa kanya si Katrina na umiiyak at nagmamakaawa.

“Hon, totoo ba iyon? Ikaw ang nasa likod ng ito? Please, kausapin mo sila na pakawalan na si Daddy dahil wala siyang kasalanan! Mabuti siyang ama! please, Hon! Regalo mo na lang ito sa ‘kin bilang asawa, bilang bago tayong kasal!”

Tumingin siya rito ng seryoso at sumagot.

“Yes, ako ang nasa likod ng lahat ng ito. At hindi ko sila papaki-usapan na pakawalan ang Daddy mo dahil mali ang pag-aakala mo na wala siyang kasalanan. Siguro, marahil ay mabuti siyang ama sa ‘yo, pero hindi siya mabuting tao sa lahat. At regalo ba kamo dahil asawa na kita ngayon? Huh, hindi kita asawa, Katrina! Dahil hindi totoo ang kasal natin ngayon! Hindi totoong pari ang nagkasal sa ‘tin. At lahat ng mga naririto? Lahat sila ay kasabwat ko. At itong pekeng kasal natin ang naging daan para matuldukan na ang pagiging masamang damo ng Daddy mo!” sambit niya sa nabiglang si Katrina.

Larawan ng pagkalito ang mukha nito, wari’y hindi matanggap ang mga isiniwalat niya.

“No! No! Hindi ito totoo! Asawa na kita ngayon! At walang peke sa kasal natin!” para na itong nababaliw sa paraan ng pananalita nito.

“Totoo ang lahat ng iyan, Katrina! At kasama kami ng anak ko sa planong ito ni Weston! Alam mo kung bakit? Dahil may malaking kasalanan sa ‘kin ang ama mo na sumira sa aking pagkatao!” sabat ng ate Gladys niya, may mumunting luha na nakatanaw sa mga mata nitong nang-uusig.

“W-What do you me-mean, ate?” garalgal na tanong dito ni Katrina.

“Ni-r*pe lang naman ako ni Bastian noong college ako, isa ako sa mga biktima niya sa human trafficking. Hindi niya ako isinama sa mga ibinebenta niyang babae dahil ginawa niya akong parausan. At si Gerald, si Gerald ang bunga ng kahayupan niya sa ‘kin!” nanggagalaiting sigaw ng kanyang ate.

Agad naman itong dinaluhan ng kanyang Mommy at Daddy, maging ni Gerald dahil halos manghina ito at muntikan ng matumba.

Tumingin ng dahan-dahan si Katrina kay Bastian, nagtatanong ang mga mata. Habang ang asawa ni Bastian ay tahimik lamang na lumuluha sa isang tabi, at halos walang balak na makisali sa diskusyon.

“To-totoo ba ang mga paratang nila, Dad? Ni-r*pe mo ba talaga si ate Gladys? At…at ikaw ang ama ni Gerald? Ibig sabihin, ay magkapatid kami?” umiiyak na tanong ni Katrina sa amang halos wala ng maiharap na mukha sa madla.

Ngunit wala ni isang sagot na namutawi sa mga labi ni Bastian, nanatili itong tikom hanggang sa akayin na ito palabas ng mga agent ng NBI.

Dahan-dahang napasalampak sa sahig si Katrina, at umiyak nang umiyak na halos wala ng katapusan. Sila naman ng kanyang pamilya ay mabilis na umalis sa hotel na iyon at sama-samang umuwi.

***

LIVE NATIONWIDE sa telebisyon ang nangyaring pag-aresto kay Bastian. At napanood iyon ni Saskia. Napaluha na lang siya sa sobrang kasiyahan. Dahil lahat ng mga sinabi sa kanya ni Weston patungkol sa plano nito ay pawang totoo. Ngayon, kahit pa hindi na ito magpaliwanag sa kanya na setup lang ni Katrina ang nasa video, ay patatawarin na niya ito.

Pero nalulungkot din siya para kay Gerald, siguro, kaya nakagawa ito ng masama sa kanya rati, dahil wala itong kinalakihang ama na maggagabay sa kanya. At ngayon naman, nalaman nga nito na may ama siya, pero isa namang masamang tao. At naaawa rin siya sa ina nito, dahil may malagim pala itong pinagdaanan sa mga kamay ni Bastian. Pero masaya siya at the same time, dahil magkakaroon na ng hustisya ang ginawang kasamaan ni Bastian sa mag-ina, pati na rin sa ibang mga inosenteng tao na nabiktima nito.