SILVESTRE SERIES#1: VENA SILVESTRE

Umaalingaw- ngaw ang malakas na music sa loob ng bar. Halos hindi na magkarinigan ang mga nasa loob kung hindi magsisigawan. Ang iba ay nagsasayaw sa dance floor at ang iba naman ay may ginagawa ng kababalaghan sa madilim na bahagi ng bar na iyon.

Siya ang nag- aya sa mga kaibigan niya na mag bar sila pero siya yung hindi nag- eenjoy. Sino ba naman ang mag- eenjoy kung siya lang ang walang partner. Kanina pa nga siya kinakantyawan ni Samantha na makipagkilala na sa mga boys pero hindi niya pinakinggan.

Well, marami na rin naman ang napansin niyang nakatingin sa kaniya pero kahit isa ay wala pa siyang nakitang type niya. Hindi naman siya basta- bastang pumapatol sa mga lalaki no.

May ilang lalaki na rin ang lumapit sa kaniya pero wala talaga. Hindi niya trip ang mga nakikita niya at nakailang cocktail na rin siya pero matino pa naman ang utak niya. Kaya lang, ang isa niyang kaibigan ay kanina pa nasa gitna ng dance floor at ilang lalaki na ang nakasayaw.

Ewan niya ba sa kaibigan niyang iyon at tila sabog na akala mo ay may napakalaking problema dahil naglasing ba naman. Kargo nila ito, kaya kailangan nila iyong ihatid mamaya.

“Vena, kanina ka pa tinititigan ng poging naka black huh.” bulong sa kaniya ni Sam na nasa tabi niya lang.

Awtomatiko naman ang naging pagngisi niya ng marinig ang sinabi ng kaibigan niya.

“Sa ganda ko ba namang ito hindi mag- star ang mga mata niya.” pilyang sabi niya rin dito at pagkatapos ay hinawi ang buhok niya. Idagdag pa na maganda naman talaga siya at nakasuot siya ng tubeless na damit ni pinaresan ng mini- skirt kaya litaw na litaw ang mahahabang biyas niya.

Kahit sino naman siguro na makakita sa kaniya ng mga oras na iyon ay magkakainteres na lapitan siya, ngunit halos lahat na yata ng puamsok sa bar na iyon ay nakita niya dahil nasa malapit lang naman sila ng pasukan at wala pa ni kahit isa ang nakakuha ng atensiyon niya.

“Uuwi na ako Sam.” paalam niya sa kaniyang kaibigan na nakaakbay sa boyfriend nito.

Si Maxene naman ay patuloy pa rin sa pagsasayaw. Kanina pa ito hinihila ng boyfriend nito pero ayaw nito magpaawat sa kasasayaw kaya hinayaan na lamang siya nito. Sa mga oras nga na iyon ay hinahanap niya ang boyfriend ni Maxene dahil ayaw niya namang iwanan ang kaibigan niya na nasa ganuong sitwasyon not until napatutok ang paningin niya sa bagong kapapasok lamang.

Matangkad, maganda ang hubog ng katawan na medyo singkit at sa tantiya niya ay may kaputian din ito. Pakiramdam niya ay biglang nag- slow motion ang mga taong nasa paligid niya at ang ingay ay biglang nawala.

Sa dami ng tao sa loob ng bar na iyon ay nakafocus lamang ang kaniyang mga mata rito. Sa dami na ng pumasok sa bar ay ito pa lamang ang nakakuha ng atensiyon niya. There is something with him na hindi niya mabigyan ng pangalan, hanggang sa awtomatiko na lamang gumalaw ang kaniyang mga paa upang lapitan ito.

Paulit- ulit ang naging pagtawag sa kaniya ng kaibigan niyang si Sam pero hindi na niya ito narinig pa dahil ang buong atensiyon niya ay nakapukol lamang sa lalaking nasa harapan niya.

Nakita niyang umupo ito at pagkatapos ay iniikot ang paningin sa loob ng bar na tila may hinahanap, hanggang sa tuluyan na siyang nakarating sa harap nito at pagkatapos ay bigla na lamang siyang naupo sa tabi nito.

Gulat ang nakarehistro sa mukha nito maging ang kasama nitong lalaki na medyo pogi rin na ngayon niya lang napansin.

“Excuse me miss? Do I know you?” nakakunot ang noong tano nito sa kaniya at halata sa mukha nito na naguguluhan siya dahil halos magsalubong na rin ang mga kilay nito.

“Yes.” maagap na sagot niya na mas lalo lamang nagpalala sa pagkakakunot noo nito.

“Whoa. whoa. Did I miss something here?” rinig niyang sabi ng kasama nito habang nakangisi.

“What men? I don’t know her.” pagdedepensa nito sa kasama nito ngunit ikinawit pa nga niya lalo ang kamay niya sa mga braso nito.

So masculine, bulong niya sa kaniyang isip na halos yakapin na niya ang braso nito.

“Wait, what are you doing?” hindi makapaniwalang tanong nito sa kaniya at halos mairita na rin ito dahil sa ginagawa niya.

Pero ang pagsuko sa isang bagay na gusto nya ay wala sa bokubolaryo niya.

She is Vena Silvestre at hindi siya papayag na hindi niya makuha lahat ng gusto niya.

“Doing what?” patay malisya niyang tanong at humilig pa sa braso nito.

Ang kasama nitong lalaki ay patawa- tawa lang habang pinapanuod sila at aliw na aliw sa itsura ng kaibigan nitong sambakol na ang mukha ng mga oras na iyon.

“I don’t know you Miss, and yet look at yourself.” sabi nito at pinasadahan siya ng tingin lalo na ang kaniyang suot.

“Hey, whats wrong about my outfit?” tanong niyang pasigaw sa kasama nito para marinig siya nito.

Ito naman ang sumuyod ng tingin sa kaniya at pagkatapos ay ngumisi ito.

“Nah. You look gorgeous.” puri nito sa kaniya at pagkatapos ay kinindatan pa siya nito.

“Finn naman tulungan mo na lang ako rito.” singhal nito sa kasama nito at pagkatapos ay sinamaan siya ng tingin nito.

Pilit nitong tinatanggal ang mga kamay niyang nakapulupot sa braso nito ngunit maigpit ang naging kapit niya rito kaya hindi nito matanggal- tanggal ang kamay niya.

“Dammit. Do you need cash?” iritang sabi nito.

“No.“ maikling sagot niya rito.

“Then tll me what you want? I will give it to you—---”

“Take me with you.” sabi niya at tumitig sa mga mata nito.

“What?!” hindi makapaniwalang bulalas nito sa sinabi niya.

—------------

At doon nagsimula ang kabaliwan ng isang Vena Silvestre.