Chapter 83: Visit

LUMIPAS ang oras sa bahay ng mga Marco na balot ng paghahanda at tensyon.

“Do you really have to do that, Miguel?” tanong ni Irina na bahagyang hindi mapalagay dahil sa iniisip na plano ng kanyang anak.

“If this problem can be resolved, we should eliminate everything that draws attention to it,” desididong saad ni Miguel habang nakatingin sa labas ng kanyang bintana at pinagmamasdan ang bilog na buwan. “Then there will be no more problems.”

***

SA BAHAY ng mga Santibañez,

“Sa ulo ng mga balita, ang kilalang anak ni Senator Miguel Marco na si Luigi Marco ay muling kinasuhan ni Ysabella Santibañez sa kasong cyber-libel dahil sa eskandalong kumalat tungkol sa dalaga noong ika-labing-dalawa ng Pebrero. Ayon sa dalaga ay ang anak ng senador ang siyang nasa likod ng pagpapakalat ng malaswang mga video nito sa internet. At sa isinagawang pagdidinig ngayong araw ay napag-alaman na hindi lamang paninira ang ginawa ng binata dahilan para magbigay ng desisyon si Judge Lopez na hindi cyber-li