Trapped by My Twins’ Billionaire Daddy

Ginawang patibong ni Liana ang sarili nilang birthday party upang linlangin ang kakambal niyang si Lara. Nilasing nila ito at dinala sa silid ng isang estranghero upang palabasing niloko ang fiancé niyang si Adrian. Lingid sa kaalaman ni Lara, matagal nang lihim na magkasintahan sina Adrian at Liana. Magkasabwat ang dalawa sa planong sirain ang kanyang buhay at tuluyan siyang mawala sa kanilang landas. Dahil sa patibong nila, iniwan siya ni Adrian, itinakwil ng sarili niyang pamilya, at tinangka pang patayin. Pero nakaligtas si Lara at nagpunta sa ibang bansa. Limang taon ang lumipas, bumalik si Lara sa Maynila kasama ang dalawa niyang genius na anak. Handa na siyang bawiin ang lahat ng nawala sa kanya—at pagbayarin si Liana at mga taong sumira sa buhay niya. Pero hindi niya inaasahang muling makikita si Renzo Valmonte—ang makapangyarihang lalaking nakasama niya noong gabing nagbago ang buhay niya. Nang makita ni Renzo ang kambal na kamukhang-kamukha niya, agad nitong hinarangan si Lara. “Lara, magpaliwanag ka. Bakit kamukhang-kamukha ko ang kambal?” Napatigil si Lara. “I-Iba ang iniisip mo.” Mabilis niyang hinila ang dalawang bata sa harap ni Renzo. “Mga anak, tawagin n’yo siyang Tito Renzo.” Biglang dumilim ang mukha ni Renzo. “Hindi,” mariin niyang sabi. “Daddy ang itawag n’yo sa akin.”