Kabanata 91

"Welvorn?"

Agad niyang nabitawan ang cellphone niyang hawak sa sobrang gulat nang narinig ang pagtawag ko sa kanya.

"S-Serra... K-kanina ka pa d'yan?"

"Ngayon lang. Doon lang sa sinabi mong nakita na ang katawan ni Miles at si Lois lang ang buhay. What do you mean by those words? Saka sinong kausap mo?"

Pinulot ko ang cellphone niya at nakitang nakarehistro doon ang pangalan ni Spike. Idinikit ko 'yon sa tainga ko at agad kong narinig ang hagulgol nito.

"Serra..." si Welvorn.

"Hindi ko alam na ganito ang mangyayari. Bakit kailangan nilang idamay ang mga anak ko? Walang alam ang mga bata sa kasalanan ko! Mga p*****a sila!"

Kusa na lamang tumulo ang mga luha ko.

"Ano itong naririnig ko?"

Agad na huminto si Spike sa pag iyak nang narinig akong nagsalita. Agad ko ring narinig ang tunog, senyales na pinatay niya ang tawag.

"Serra, let me explain."

"You lied to me? Nagsinungaling ka tungkol sa kondisyon ko?!"

I am trying to calm down. Pinipilit ko ang sarili kong huwag sumigaw pero nagsisimula ng manginig ang katawan ko. My tears were starting to blur my vision. Nahihirapan na rin akong magsalita dahil sa pakiramdam kong may nakabara sa lalamunan ko.

"Ginawa namin 'to for your safety. Sinusubukan ka naming ilayo at itago mula sa gulo."

"Did you and Spike planned all these? Kasabwat din si Miller? Kaya pala... Kaya pala sa tuwing tumatawag ako kay Miller at hinahanap ko si Miles lagi niyang sinasabing busy si Miles. Na hindi ako makakausap ni Miles kasi marami siyang ginagawa pero ang totoo wala siya. Hindi niya kasama si Miles. Na hindi pala talaga ako bumubuo lang ng kwento sa utak ko! Hayop kayo! PINAGMUKHA NIYO 'KONG BALIW! PINAGLARUAN NIYO 'KO! Para ano, ha?Para hindi ako maging sagabal sa kung anumang mga pinaplano niyo?!"

"Serra, please listen to me first."

Umiling ako. "Hindi. Hindi na ako muling makikinig sa 'yo! I can't let you lie again to me!"

Sinubukan niyang hawakan ako sa braso pero agad ko ring iwinaksi ang kamay niya.

"Anong gamot ang pinapainom niyo sa akin, ha?!"

"Vitamins! Vitamins lang lahat ng 'yon."

Hindi ko na napigilan ang sarili kong maiyak kasabay ng makailang beses kong pagmumura! Hindi ko akalaing pinaglalaruan lang pala nila ako!

"FUCK YOU! FUCK YOU!"

"Serra, mas lalong delikado kung nandoon ka sa Manila. Itinago ka namin dito para ma-protektahan ka. Tina-target ka nila pati ang mga anak mo. Spike's father and lola were all dead. Madadamay ka. Inuubos nila kayo. Inuunti-unti nila lahat ng konektado kay Spike hanggang sa siya na lang ang matira."

"Hindi ko maintindihan."

"Kasi hindi ka nakikinig!"

"Paano ako makikinig sa inyo kung lahat ng lumalabas d'yan sa mga bibig niyo ay kasinungalingan lahat, ha?!"

"Nagsisinungaling kami kasi pinoprotektahan ka nga namin!"

"Hindi ko kailangan ang protekta niyo! Iyong mga anak ko ang kailangan ko!"

Natahimik siya. No matter how he tried to explain things to me ay hindi ko talaga magawang intindihin ang lahat. Or should I say... Pinili kong huwag intindihin ang mga nangyayari.

I told Welvorn na gusto kong pumunta ng Manila. At first, he was hesitant. Pero desidido akong pumunta roon. Sa byahe ay pareho kaming tahimik. Hindi rin sumubok si Welvorn na kausapin ako after no'ng nangyari kanina sa baybayin. Which is a good thing for me. Kasi ayaw ko talaga munang kumausap ng tao. Masyadong magulo ang utak ko, na parang sasabog ako anumang oras.

Halos dalawang oras na kami sa byahe papuntang Manila nang tumunog ang cellphone niya. Agad kaming nagkatinginan. Pinahinto niya pa muna ang sasakyan nang nakitang si Spike ang tumatawag.

"Loudspeak mo," utos ko.

Hindi na rin siya umapela pa at agad ring sinunod ang sinabi ko.

"Welvorn, kahit anong mangyari... Huwag na huwag mong ibabalik si Serra dito sa Manila. Ako na ang bahala sa mga anak namin."

"Spike, w-were..."

"The situation here is worser than I expected. Wala na ang kapatid kong si Sebastian. Nakuha na rin nila si Rynette. Mabuti na lang at naitakas ng mga tauhan ni Art ang mga anak nito. Si Lois ay nasa bahay nina Terese. Ayaw akong lapitan ng anak ko. Galit na galit sa akin dahil sa pagkamatay ng dalawa niyang kapatid. Ubos na lahat sa akin. Ayaw kong pati si Serra mawala."

Hindi ako nakaimik. Nararamdaman ko lang ang bawat pagtulo ng mga luha sa pisngi ko. Wala na ang dalawa sa mga anak ko. Wala na si Sebastian? At sinabi niyang kapatid niya? Ang dami kong katanungan sa utak ko. At alam kong si Spike lang ang makakasagot no'n.

"Spike, nasa byahe kami."

"WHAT?!"

Inilayo agad ni Welvorn ang cellphone sa tainga niya nang marinig ang sigaw na 'yon ni Spike.

"Nasa byahe? Patungo saan? Kasama mo si Serra? Hindi ka nag iingat, Welvorn! Maayos ang usapan natin!"

Hindi na ako nakatiis at inagaw ko na ang cellphone mula sa kamay ni Welvorn.

"Didiretso ako sa kung nasaan si Lois, Spike. Puntahan mo ako doon."

Hindi siya nagsalita bagkus ay narinig ko ang marahas at sunod-sunod niyang pagbuntonghininga. Pinatay ko ang tawag. Wala na akong nais pang sabihin sa kanya o marinig pa mula sa kanya. Sa ngayon.

Nagpatuloy kami sa byahe. Balik din ulit kami sa pagiging tahimik. Si Welvorn ay tahimik na nagda-drive, ako ay tahimik na umiiyak.

Nang nakarating sa bahay nina Terese at Roiden ay kita ko agad ang pagpalibot ng mga armadong lalaki sa sasakyan ni Welvorn. Ipinagtaka ko 'yon dahil lahat sila nakatutok ang baril sa amin.

"A-anong nangyayari?"

"Wait. I'll call Spike."

Kumatok ang isa sa mga armadong lalaki sa bintana ko. Ikinagulat ko 'yon kasabay ng pag usbong ng takot sa dibdib ko. Lalo pa at agresibo ang bawat pagkatok niya.

"Huwag mong ibababa ang bintana, Serra."

Kinalabit ng lalaki ang pintuan sa side ko, sinusubukan niya 'yong buksan. Good thing, Welvorn locked it immediately.

"Putangina, Spike! Sumagot ka!" galit na bulyaw ni Welvorn sa kawalan.

Nilingon ko siya. Nagkatinginan kami. Puno ng pag aalala ang ekspresyon ng mukha niya samantalang ako'y nilulukob na ng takot.

"Welvorn, natatakot na ako," pag amin ko.

Lagi nilang sinasabing huwag ako dito sa Manila. They tried to hide me away from the enemies pero ako itong makulit at matigas ang ulo. Dapat ba ay nakinig na lang ako kay Spike?