الخامس عشر

في مكتب فهد...

بعدما انتهى من قهوته، فتح شريف باب المكتب وهو يقول:

خلاص، حددت معاد السفر؟

أيوة، آخر الأسبوع الجاي بإذن الله.

قالها فهد، فمد شريف يده إليه بجواز سفر ملك قائلًا:

ده باسبور ملك، لسه خلص النهارده.

جلس وهو يسأله:

وهتعمل إيه مع يوسف الجندي؟

أجابه فهد وهو ينهض ليأخذ جاكيته من على المشجب ويرتديه:

بيقول هيبعت بنته، هي اللي هتتمم المشروع معانا.

لوى شريف شفتيه وهو يبتسم بمكر وتمتم:

أوك... هقابلها أنا وأخلص معاها.

رفع فهد حاجبًا وقال محذرًا:

خلي بالك، يوسف الجندي عنده عرق صعيدي، يعني لو قفشك قول على نفسك: يا رحمن يا رحيم.

ضحك شريف بصوت مرتفع وعقب:

ما تقلقش، أنت عارفني... الشغل شغل.

هز فهد رأسه وهو يتجه نحو الباب قائلًا:

ما هو المصيبة إني عارفك.

ثم تابع وهو يفتح الباب:

خلص معاها أنت.

سأله شريف باهتمام:

رايح فين؟! معقولة هتروح من دلوقت؟ الساعة لسه ما جابتش اتنين.

أجابه فهد بنبرة مبهمة:

ورايا معاد مهم.

ضيق شريف ما بين حاجبيه وهتف:

معاد إيه ده؟ شغل يعني؟

فأجاب فهد:

لا... مش شغل.

فعاد شريف يسأله:

أومال إيه؟

تطلع إليه فهد دون كلام، فهز شريف رأسه وقال:

أوك... بس خلي بالك، أنت بقيت بتخبي عني حاجات كتير اليومين دول.

تكلم فهد بنبرة أقلقت شريف عليه:

بعدين هبقى أحكيلك.

قالها فهد وولج إلى الخارج، فوجد ملك تجلس على مكتبها تنجز بعض الأعمال باهتمام شديد، غافلة عنه وهو يقف يتطلع إليها في صمت.

رفعت وجهها ونهضت على الفور عندما رأته، ثم سألته:

في حاجة يا فندم؟

تنحنح فهد ثم قال بلهجته الجادة وهو يعطيها جواز السفر:

ده الباسبور بتاعك، جهزي نفسك... السفر اتحدد الأسبوع الجاي.

أخذته منه وتطلعت إليه، فقال:

أنا خارج، لو في حاجة بلغي بيها الأستاذ شريف، ولو خلصتي بدري تقدري تروحي.

أومأت له ملك برأسها، فغادر فهد إلى وجهته.

----

في فيلا ل ام روجيدة

كانت والدة روجيدة تهاتف احدهم على الهاتف:

- تمام تخليك وراه واعرفلي اسم المكان واي جديد عرفني بيه.

أغلقت الهاتف والتفتت تقول لابنتها:

اطمني بقى كل حاجة تحت السيطرة

صمتت قليلًا لتضيف:

- اتصلي بالراجل دا وخدي معاه معاد.

تكلمت روجيدة بخوف:

- مامي انا مش هينفع ااقابله، فهد لو عرف هتبقى مصيبة،دا غير أنه أخر مرة حذرني مااخروجش لواحدي تاني.

تنهدت ام روجيدة قائلة:

قولتلك ما تخفيش أنا اللي هقابله.

ربنا يستر.

قالتها رجيدة بعدم اطمئنان فهي تعلم فهد جيدًا إن علم لن يطلقها فقط سيسلبها روحها فعل الرغم من الاحترام الذي يعاملها به إلا انه شديد الخصومة سريع الغض ولن يتهاون ابدا عند الخيانة.

................

بغرفة الطبيب

كان يجلس قبالة الطبيب بعد فحصه

فقال له:

حضرتك ماعندكش اي موانع ظاهرة، بس طبعا لازم نعمل تحليل ونشوف ايه المانع.

اما له فهد واخذ منه الروشته التي بها بعض التحاليل

ثم نهض وشكر الطبيب الذي بادله السلام بحفاوة شديدة.

وفي نفس اليوم ذهب فهد لمعمل التحاليل وقام بعمل التحاليل المطلوبة ولم يخبر أحد.

.......................

في الشركة بمكتب شريف

استأذنت اسماء ودخلت قائلة:

- مستر شريف الانسه مي عوزة تقابل حضرتك.

اوك دخليها فتدخل مي

قالها شريف وهو يتحدث على الهاتف، دخلت فنهض ومد يده ليسلم عليها مدت هي يدها بتردد لاحظه فلاحت على فمه ابتسامة لئيمة فاشار لها بالجلوس، ثم تابع كلامه على الهاتف قائلًا:

-ايوة يا شيري، تمام اتفقنا بس عوزك تلبسيلي البيبي دول اللبني كان جااامد عليكي اوي المرة ال فاتت

اتسعت عين مي، فتابع شريف وهو يتطلع عليها ويقول بوقاحة:

- لالا مش هتاخر، أنا اصلا تعباااااان ومش هقدر استني.

احمر وجهها و نهضت بغضب فقال شريف ببرأءة:

- استني ي انسه احنا لسة ما خلصناش.

تكلمت مي منبين اسنانها:

لما حضرتك تفضى، اتصل عليا عشان انهي الشغل.

صمتت قليلا ثم اضافت

وبعدين اللي فهمته، إن شغلي هيكون مع مستر فهد هو فين؟!

اجابها شريف بنفس الابتسامة التي تستفزها:

- مستر فهد خرج وأنا هنا مكانه.

وقفت تطلع عليه بوجه ممتقع فقال:

- اتفضلي خلينا نخلص أصل انا مستعجل.

جزت على اسنانها بغيظ وجلست فقال هو:

تشربي اي

لا شكرا مش عاوزة، دي الاوراق المطلوبه وبابي كلم مستر فهد واتفق معاه على كل حاجة بس انا كنت عوزة أطلع على اوراق المصنع، اشوف مساحته قد اي.

قالتها مي وهي تقدم له بعض الاوراق الخاصة بمشروع الشراكة فقال هو بنفس الاستفزاز:

انا مش هعرف ابص في اي ورق قبل ما اشرب قهوتي، اطلبلك اي.

قولت شكرا، مش عاوزة حاجة.

قالتها بنزق فرفع شريف سماعة الهاتف وانتظر قليلا حتى جاءه الرد ثم قال:

اسماء عاوز قهوة، وعصير فراولة للانسة.

ضيقت مي عيناها وهي تغمغم

من اين عرف بعشقها لعصير الفراولة هل يراقبها

انتبهت من شرودها وهو يقول:

دا ورق المصنع وفيه كل المعلومات والبينات المطلوبة، تقدري اراجعيه على مهلك.

اخذته وقرأته جيدًا ثم قالت بعملية:

- تمام المساحة مناسبة جدا حتى موقعه ممتاز.

ناولته العقد قائلة:

ممكن حضرتك تمضي هنا.

تناوله الاورق ليوقعها، تعالى صوت رنين هاتفه فاجاب على الفور يقول بترحيب:

ميرا حبيبتي وحشتيني أوي، لا مش هتاخر كمان ٣ ساعات يا روحي عوزك تلبسيلي البيبي دول الاسود بيقي نااار عليكي..

جحظت عين مي وهي تغمغم، مش كانت شيري

يخربيتك.

اعاد شريف الاورق فاخذتهم منه ووضعتهم بحقيبتها قائلة:

بعد اذنك انا كدا خلصت.

وقف شريف وتحرك ليقف أمامها وقال:

لسة بند مهم

تطلعت عليه بتساؤل فاجاب:

- الاجهزة والمعدات الخاصه بالمصنع دا هنستوردها منين لو من المانيا كدا كدا فهد مسافر وممكن نجهز الورق.

تعالى صوت هاتفة فقال:

- معلش sorry.

تأففت مي بضجر تريد ان تنتهي فهذا الشريف الغير شريف يوتر اعصابها رغم أنه مجتهد في عمله إلا أنه.... لم تجد كلمه توصفه بها فسمعته يتكلم وهو يقول:

- ايوة يا سوسو يا روحي لالا مش هتاخر أنتِ وحشاني اووي..

جايلك على بالليل السهرة صباحي

نهضت مي بعصبيه وهي تجمع الاوراق، قال لينهي المكالمة:

- طب خلاص. see you

اغلق الهاتف، ليقول:

- في اي يا انسه!! احنا لسة ماخلصناش كلامنا

نهضت وتكلمت بنزق وهي تلملم أشياءها:

- لما حضرتك تبطل مسخرة، ابقي اتصل بيا عشان نكمل شغل.

تكلم شريف متصنع البراءة:

- مسخرة اي يا انسة!! وبعدين اي اللي مضايقك.

امتقع وجهها وردت ستنكرة:

- مضايقني ؟؟ وانا اي ال هيضايقني؟ حضرتك كل دقيقة تليفون، مرة شيري، ومرة ميرا، ومرة سوسو أنتِ ايه يا اخي ما بتتهدش.

تكلم شريف بخبث وهو يحدق فيها بعيناه بجراءة:

- أنتِ لحقتي حفظتي اساميهم!

ارتبكت مي ثم تكلمت تدافع عن نفسها:

- وانا هحفظ اساميهم ليه!كل الحكاية انك معطلني وأنا عاوزة اخلص وامشي.

فتكلم شريف مدعي البراءة:

- كل الحكاية انهم اخواتي ووحشوني.

رفعت مي حاجبًا ساخر:

- اخواتك بردوو!! واللي هتلبسلك البيبي دول اللبني والتانية الأسود.

قاطعها شريف بلؤم:

- مش ملاحظة انك متعصبة!!

ارتبكت وهي تقول:

- متعصبة عشان عشان دي مش طريقة معاملة

لما تبقوا تحترموا الناس ابقوا اتصلوا بينا وياريت المقابله الجايه ماتبقاش أنتَ اللي تعملها.

اقترب شريف منها ببطء اربكها وصاح فيها:

- هوووووسسسس، ايه قطر ماشي واخد في وشه

تراجعت وهي تقةل بوجل:

- أنت ايه ال بتعمله دا!!

اقترب منها للغايه فهمس من بين أسنانه:

- اقسم بالله لو ما سكتي لاسكتك بطرقتي

واظنها مش هتعجبك

اتسعت عين مي ورفعت يدعا لتضربه على وجهه

وهي تقول:

- أنت سافل ووقح.

قبض على كفها قبل أن يصل إليه وهو يحدق في عيناها:

- فعلا أنا سافل أكتر ما تتخيلي،ولو حابة تشوفي انا مستعد:

ارتبكت مي وتراجعت برعب وفتحت فمها تتكلم إلى أنه كان ينظر لشفتيها بوقاحة فجة وهو يقول:

هتقعد نكمل كلامنا ولا ليك رأي تاني

جلست مي مرغمة لتنهي عملها.