الجزء ٢

الجزء الثاني

**********************************

تدخل ياسمين البيت أو ما يطلق عليه بيت لكنه فى النهاية عبارة عن جحر صغير لا يعتدي (ال٥٠متر) يتكون من غرفتين صغيرتين جدا تسكن أمها مع ابوها في غرفة أما ياسمين واختيها وأخوها يسكنون في الغرفه الثانيه أما الصالة فهى صغيره جدا البيت كله تقريبا خالى من الاثاث إلا بعض الأثاث القديم المتهالك

تدخل وتنادي على أمها

ياسمين :مساء الخير يا ماما

أم ياسمين سيدة مصرية فى الاربعينيات من عمرها ولكن الفقر والشقاء جعلها اكبر من عمرها بكثير

حبيبه: مساء النور يا حبيبتي اتأخرتى لية شغلتينى عليكي وابوكى كل شويه يسأل عليكي

تعطيها ياسمين العلبه وهي تقول ( والله الشغل كان كتير النهارده .هو بابا نام والا لسه صاحى

حبيبه: صاحى وبيسأل عنك

فتدخل ياسمين إلى غرفة أبيها أما الام فتتجهه إلى ما يسمى (ب المطبخ)فتخرج(صينية)وتقوم بفصل الأرز والبحث عن قطع اللحم الصغيرة أو قطع الدجاج المتبقيه التي قد يتركه‍ا بعض الزبائن.ثم تضع الأرز في الصينية حتى تسخنه وتسكب طبق وبه القليل من اللحم لزوجها أما ما تبقى فه‍والوجبة الرئيسيه والأساسية عنده‍اوعند ابناؤه‍ااماياسمين فقد دخلت غرفة والده‍ا لتجده جالس على السرير المتاه‍الك فقالت بصوت ه‍ادئ:مساء الخير يا بابا فمد ((سعيد))يديه الاثنين ناحية الصوت وتوجه إليها بعيونه الزرقاء الفاقده للنور بينما تحركت أصابعه بله‍فه تجاه‍ها وهو يقول مساء الخير يا بنتي اتأخرتى قوي فتقترب ياسمين إليه وتمسك يده

((وتقبله‍ا)) وهي تقول والله عمى مرزوق لسه جاى وهو اللي روحنى.لكن الشغل لسه مخلصش ١.

سعيد:ربنا يديه الصحة (مرزوق)ويجازيه عنا خير بس يا بنتي أنا بخاف عليكي.والوقت متأخر والدنيا ليل واليل مالوش أمان يا بنتى

فتقبل يده مرة أخرى ثم خذه وهي تقول: ما تخافش علي بنتك.بنتك راجل.

فتدخل الام وهي تحمل طبق الأرز وهي تقول: روحي يا حبيبتي اتعشى مع اخواتك٠

وأشارت بعيونها الى كيس الدواء فأقتربت ياسمين من كيس الدواء وقلبت فيه فوجدت علبة دواء فارغة فأشارت لأمها بإشارة بمعنى متى فرغ الدواء؟ فأشارت الام بإشارة بمعنى هذا الصباح فأشارت لأمها أنها مفلسه واشاره اخرى بقلة حيلة فأشارت أمها بمعنى ربك يفرجها لتأخرج ياسمين ويقول سعيد

سعيد:فيه إيه يا حبيبه انتى وبنتك بتشاوروا علي إيه

فتجيبه حبيبه: ما فيش حاجه يا سعيد

فيقول بألم بتستعمينى يا حبيبه هو أنا مش عارف ايه اللي بينكم .

فترد عليه حبيبه : مش عايزينك تزعل

فيجيبها سعيد بحزن: ازعل دا أنا بموت من الزعل وأنا عاجز فى مكانى وبنتى بنتبهدل كل يوم يا ريت اموت

فتقول حبيبه  بعد الشر عنك حرام عليك الكلام ده احنا من غيرك هنضيع ربنا يخليك لينا و إن كان على ياسمين كلها كام سنه و تتخرج وان شاء الله تتوظف ما تشيلش همها ربنا معانا

فيدعوا سعيد الله : يارب احفظ ولادي واحميهم من كل شر

اما ياسمين فخرجت الى الصالة حيث يجلس اخواتها الصغار فقال أخوها محمد وهو فى الحادي عشر من عمره ملامح بريئة أخذ من أمه عيونها وشعرها الأسودان

محمد: بسرعة يا أبلة هاموت من الجوع فتنظر له ولأختها مها ذات الثمانية أعوام وهي ذات شعر ذهبي وعيون عسليه ثم تقول

ياسمين: فين آيه

فتقول مها وهي تاكل:

نامت من بدرى

فتدخل ياسمين الغرفه قائلة,,, هاصحيها وأجبها تاكل معانا.ثم خرجت وهي تحمل طفله صغيره فى الثالثة تشبهها كثيرا فى الملامح وكانت تبكي لأن ياسمين ايقظتها من نومها ولكن مع بعض القبلات واللعب اخذت تنشط وتأكل معهم.

ياسمين: حبيبتي يا توتو مش ناكل

ايه ببكاء: لا

ياسمين: لا يا قلبي تعالى عشان خاطرى يالا أفتح. بؤقك هم يا جمل

فتح الصغيرة فمها وهى تضحك وتقول: تانى

ياسمين: يا قلبي إنتى طيب  كملى اكلك بقى عشان اغسل لك إيديكى يالا

بعد الأكل جلست حتي تذاكر لكن مع تعب اليوم المرهق لم تشعر بنفسها وقد نامت وهي لم تذاكر كلمه واحده..................................

★★********************************

أما فى الجهة المقابلة دخل احمد بيه قصر والده وهو يترنح من أثر الخمر وقد استمرت سهرته كالعادة الى قرب الفجر ليجد والده واقف والغضب مسيطر عليه

فجذبه من ذراعه بشدة واجلسه على الكرسي الفخم وهو يصرخ فيه

سامى-هو أنت مش هتبطل صرمحه وسهر برا البيت وكمان شارب يا ابنى حرام عليك أنا كبرت ومحتاجك جانبى تحافظ على تعبى وشقايا يابنى أنا مش هعيش لك العمر كله.نفسى اطمن عليك.

فيسمع صوت أمنية هانم وهي تنزل من على السلم الرخامى للقصر وهي تقول بتافف- أمنيه هانم :يوووووه كل يوم نفس المحاضرة كل يوم نفس الازعاج أنا اتخنقت أقف

سامى:يا هانم ابنك راجع سكران الساعه ٣الفجر ومش عاجبك

أمنيه:إبنى شاب ولازم يعيش سنه و شبابه لسة بدرى أوى أوى عليه على الشقى وكلامك الفارغ ده يصرخ بصوت عالي

سامى: إبنك عنده (٢٤) سنه و لسه ما خلصش الجامعة ويا ريت بينجح بمجهوده الا بالرشاوى وبنشترى الامتحانات وبرده بيسقط ده كله بسبب دلعك الزائد له

امنيه ببرود:إبنى مش محتاج لشه‍ادة ولا لفلوس وماتنساش ده يبقى حفيد إبراهيم باشا توفيق يعني إبن أصل راقي ولو على الجامعة ف(طظ)

سامى-أنت بتكلمنى على إيه أنا عايز إبني يكون راجل بجد يحافظ على فلوسى وعلى أعمالي. يا امنية لو مت وابنك على الحالة دى.كلاب السكك ه‍تاكلكوا ومش ه‍ينفعه جده الباشا ولا عيلته

أنا خايف عليكم الدنيا ماله‍اش أمان وانا تعبت فى سنين عمري كله وانا أعمل الامبراطورية دى كلها وفي رقبتى ألاف من العمال و عائلته‍م لازم إبنك يعرف ده كويس.

أمنيه هانم: نفس الكلام نفس الموشح أنا اتخنقت أف انا زهقت إنت ماعندكش غير ولد واحد وبدل ما تدلعوا وتفرحوا عمال تسمعوا كلامك إللى زى السم ده عشان إيه عشان بس بيسهر وبينبسط مع أصحابه أنا ماشفتيش كده ابدا

سامى بصوت عالى: كل ده عشان عايز إبنك يطلع راجل بدل ماهو طرى ابنك يا هانم ضعيف تافه الكل بيستغله والكل بيسرقه

امنيه بغرور: حفيد ابراهيم باشا توفيق لازم يكون فوق والناس كلها بتاكل من تحت رجليه

سامى: وهى عنطزتك الفاضيه دى كانت سبب خرابكم وضياع كل فلوسكوا

امنيه بغضب: بتعايرنى يا سامى بتعايرنى وبتعبير أهلى

سامى: أنا مش بعاير حد  أنا بقول الحقيقة وبعدين وجعتك أوى كلمتى طب ليه مش عايزين تتعلموا من غلطتكم ليه مصريين تنسوا في نفس السكه الغلط بدل ماتعلمى ابنك إنه يحافظ على ماله لأ بتشجعيه على الغلط

امنيه هانم : لا شكرا جدا على ذلك ليا بس أنا مش هعيش في البيت ده ولا لحظه واحده غير لما تعرف قيمتى كويس وان البيت ده من غيري يخرب  وإنت وإبنك مش هتعرفوا تعيشوا طلقنى يا سامى

وفي وسط كل هذا الصراع الشبه يومى الذي يسمعه احمد حتي مل منه لم يقاوم النوم فنام فى مكانه وترك لوالديه إنهاء نقاشهم وكالعادة أدخله والده فى فراشه لينام دون أي اهتمام لما حوله.