الفصل السابع والثلاثون

لتغادر معهم وهذه هي نهاية الشر والحقد، شر زرعته بيدها ولم يحصده غيرها

لتأتي ناهد من الخلف فقد خرجوا جميعا عندما لم يجدوها

ناهد: ايوة كدي دافعي عن حقك، واوعي تخلي حد يقرب من مملكتك

الأم نجلاء: انا كدة بنتي رجعت تاني، عمري ماكنت اصدق ان نجلاء اللي طول ماهي صغيرة كانت بتدافع عن الكل، تسيب واحدة زي دي تاخد منها جوزها

نجلاء: ولا هي ولا غيرها يا ماما، عمري ما هسمح لحد يهد بيتي

فتحي وهو يقترب منها: كدة حبيبت ابوها رجعت تاني

لتحتضن والدها ويأتي كلا من حياة وياسين ويرتمون بأحضان والدهم واحنا كمان

ليغير هذا المرح دفة الحديث في اتجاه آخر

حسام: بااااس كدة، اروح اعسل بقي

إيمان: حساام، ايه اللي انت بتقوله ده

حسام: بقول ايه! بصي يا حبيبتي مهو مينفعش اصل انا كنت ناوي اقعد شهرين عسل، بس ايه بقي حظي فقر

ليضحك عليه الجميع

مروان: عندك حق، بس تقول ايه بقي انا فاضلي اسبوع اجازة الحقه، يلا يا حياتي الطيارة معادها فاضل عليه ساعة

نجلاء: مروان، حسام، انا اسفة انكم اضريتوا تأجلوا شهر العسل بسببي،

حسام: علي فكرة انتي كدة بتهينيني يا مرات اخويا، وبعدين عادي انا هدبس احمد في الشغل واخلع انا

احمد: وحياة خالتك هو أسبوع وان مرجعتش هاجيلك

نجلاء: بضحكة عالية، طيب  يلا كل واحد ياخد اللي له ويتكل، قبل ما تتحجزوا وما تخرجوش

ليذهبوا سريعا وبعد قليل غادر الجميع والفتيات بعد يوم طويل، خلدوا للنوم باكرا

اما هي قررت ان تحرر قلبها وتعطيه الحرية للعيش مع من أحب

لتدخل الي الغرفة وهي تحمل كوب من القهوة قد أعدته خصيصا له ولكنها تجده يجلس بالشرفة ويبدوا عليه الشرود لتصدر صوتا تنبهه بوجودها

نجلاء: وهي تضع الكوب أمامه، بيقولوا ان فنجان القهوة بتاعي لا يقاوم، ممكن تدوقه وتقولي رأيك

أحمد: بابتسامة، هقول رأيي بصراحة

ليرتشف القليل، لا فعلا ،جميل جدا

نجلاء: شكرا لتصمت قليلا لاتعلم كيف تتحدث، وهو يعلم بحيرتها ولكنه يريدها ان تطلق لقلبها العنان، يريد يجعلها تشاركه عشقه يعلم انها تعشقه عينيها تفيض عشقا ولكنه يريدها ان تبوح بما في قلبها

نجلاء: احمد انت زعلان من اللي حصل النهاردة!

احمد: زعلان! !انا زعلان انك اضريتي تواجهي واحدة حقيرة زي دي

ليقرر تغيير دفة الحديث فهو يريد لها ان تنسي ما حدث

نوجا انا سألتك قبل كدة انتي ليه باباكي سماكي نجلاء؟ يعني والدتك اسمها نجلاء وانتي اسمك نجلاء، ليه

نجلاء: بابتسامة واسعة، ده سؤال الملايين

انا اتسألت السؤال ده كتيييير جدا طول فترة دراستي، بص يا حبيبي هو بابا بيحب ماما جداا جدا فسماني علي اسمها، ولما حد من المدرسين بتوعي يسألني كنت اقوله بابا بيحب ماما اوي سماني علي اسمها

اما هو فكان شارد في حديثها وابتسامتها

لتكمل: بصراحة كان نفسي في قصة حب زي اللي بين بابا وماما، كنت دايما اقول ان مفيش في الحقيقة قصة حب زيها

أحمد: بعد ان انتبه لنهاية حديثها، ممكن تعيشي قصة حب أجمل منها، سيبي قلبك اللي يدلك، وهتلاقي الحب اللي يخليك تنسي الدنيا

نجلاء: عارفة، لتقرر العودة لجزء من مرحها، دي مهمتك ياحمادة، لتحاول النهوض ولكنه يمسك يدها سريعا

أحمد: انت قولتي ايه!

نجلاء: وهي الخجل يكاد يقتلها وضربات قلبها أصبحت مسموعة ولكنها أطلقت العنان لقلب سكن العشق أوردته

لتنخفض لأذنه قولت بحبك ياحمادة

لتتهلل أساريره والفرح يكاد يفتك بقلبه فقد أتم مهمته وحررها من براثن العادات والتقاليد، ليقرر البدأ برسم سطور العشق مع من سكنت قلبه

*************************

في اليوم التالي اضطر أحمد الذهاب للشركة لأمر هام ورفض ان تذهب هي معه وهي لا زالت عروس، هو لم يجبرها علي شئ حتي الآن ولكنه يكفيه انها قالت أحبك، فكانت تبدوا فاتنة، من عشقها تبادلة مشاعره ولكنه بالكاد استطاع ان يسيطر علي حاله ،ولكنها فاجئته انها لجأت لأحضانه وهي تنام لتخبره انها تشعر بالأمان هكذا، ليبتسم فتلاحظ ندي ابتسامته

ندي: انا اسفة يافندم بس الورق ده كان لازم حضرتك تمضيه

أحمد: مفيش مشكلة ياندي، وااه نسيت....مبروك علي الحجاب وعلي الدبلة، يا تري مين سعيد الحظ

ندي: بابتسامة خجولة، الله يبارك في حضرتك، هو رأفت

أحمد:وهو يقلب الأوراق، رأفت انسان كويس يا ندي، مبرووك مرة تانية

ندي: احمد بيه، هو حضرتك قررت ايه بخصوص إسلام، والله رأفت بيقول انه ماشي كويس

احمد: عارف ياندي بس انا لازم يفضل تحت عيني، مش هأمن له بسهولة، وبعدين اللي عمله مش قليل او هين

ندي: حضرتك عندك حق

احمد: كدة لسة في حاجة ياندي؟

ندي: لا يا افندم كده خلاص اتفضل حضرتك

احمد وهو يهم بالمغادرة: طيب يلا سلام

ليغادر وعند خروجها تجد رأفت بانتظارها

رأفت: ايه هو احمد بيه مشي

ندي: ايوة، عريس بقي، اه بيقولك مبروك

رأفت: الله يبارك فيه، المهم هنروح النهاردة نشوف اللي ناقص عشان انا زهقت وعايز اتلم بقي

ندي: وهي تخفض  رأسها للأسف بخجل، ماشي

رأفت: طيب بطلي تحمري كدة، جتك القرف وانتي حلوة كدة، انا ماشي قبل ما نتفضح

لتضحك عليه،ثم تعود لتكمل عملها

**************************

اما عند أحمد بعد وصوله للمنزل وجدها في الحديقة تلعب مع الفتيات ووالدته تجلس وتنظر لها بابتسامة واسعة

فكان يراقبها و ينظر لها من بعيد ويراقب جميع تحركاتها وهي تلاعب الأطفال يكاد يجزم أنه لم يحبها بل عشقها ولا يدري كيف

يعلم أن الله عوضه بها وأن كل مافعله لأجلها لا يساوى شئ

بعد كل المعاناة التي واجهها لتكون له وتوافق عليه

ليتجه لها هي والأطفال يشاركهم اللعب فاسعد اوقاته تكون معهم

هييه بابا جه

سما:بابا تعالي العب معانا يلا

نور:يلا يا بابا يلا انا واخواتي مستنينك

لتجرى اليه كل من نوران وملك وهم يتعثرون

ليلقو بأنفسهم باحضانه

بابا بيبي

انتو اللي حبايبى

أما هى فتنظر بشرود لما يحدث فهو قدم لها كل شيء ولم يطلب شيء في المقابل

فكان دوما يقول رؤيتك تبتسمين هى ما اريد

لتقرر ان تصبح زوجته قولا وفعلا لتخطط لشئ وتعزم علي تنفيذه

................

اما عند حسام ومروان فكانوا يقضون شهر عسلهم بكل الطاقة الكامنة بداخلهم وكانت السعادة عنوانا لأيامهم ولم يعكر صفو سعادتهم سوي اقتراب موعد الرجوع، فكانت الفتيات خائفات من ان يهملهم ازواجهم بعد عودتهم ولكنهم طمأنوهم انهم سيكونون دائما لجانبهم ليكملوا أيامهم بسعادة

**********************