الفصل السادس والثلاثون

وعند هذا الشخص بعد أن أغلق الهاتف

......:انا ياباشا مليش دعوة انا عملت اللي قولتلي عليه

أحد الحراس: ياسين باشا، احمد بيه علي التيليفون

ياسين: ايوة يا احمد، كل اللي قولت عليه حصل

احمد: اسمعني يا ياسين احنا هنرجع بكرة زي ما اتفقنا،انا ونجلاء والبنات،  ومروان هيكلم سيادة اللوا يعمل أمر بالقبض عليها، وخلي بالك من الكلب اللي عندك، والتسجيلات اللي خدتها منه اعمل منها كذا نسخة

ياسين: تمام متقلقش، كل اللي انت قولته هيتنفذ،ليغلق الهاتف وبعدها يتذكر ماحدث

فلاش باك: ::::

أثناء حديث نيهال واتفاقها علي قتل هذه الفتاه التي لم تؤذها كانت إحدي خادماتها لازالت في المنزل وكانت علي علم بكل مايحدث، فهي لم تسلم من إهانتها لها لتقرر تسجيل مايحدث، وفي اليوم التالي تذهب في الصباح لمنزل احمد الأسواني علها تستطيع أن تنقذ هذه الأرواح البريئة من شر هذه الحية التي تريد إزهاق روح أطفال أبرياء، ليس لهم ذنب في شئ سوي انها خلقت عداوة مع والدتهم، تعلم أنها لو فعلت ذلك ستخسر عملها ولكنها لن تصمت، فالصامت عن الحق شيطان أخرس، وعند وصولها أبغلت الحارس انها تريد سيده لأمر حياة أو موت، وعندما رفض أخبرته ان حياة زوجة رب عمله في خطر وكذلك صغارها، ليبلغ سيده وينزل لمقابلتها وكان هذا عند قدوم أهل زوجته للمباركة ليحضر معه لقائها الأب فتحي، وولده ياسين  لتخبرهم الخادمة بما حدث وتسمعهم التسجيل ليتأكدوا من صحة حديثها،فيخبرها أحمد أنها تستطيع أن تعمل في منزله، لأنه يعرف أن هذه الحية لن تتركها

ليطلب من سعاد الحضور ويخبرها انها ستعمل معها من اليوم

فتحي: انا مش متخيل ايه كمية الشر دي، انسانة حقيرة، وتستتحق الشنق

احمد: عندك حق يا عمي بس لازم نعرف نتصرف صح عشان نحمي نجلاء والبنات،

ليرفع الهاتف وهو يحادث صديقه

انا هكلم مروان وحسام عشان يكونوا معايا ونكون منتبهين اكثر

ياسين: انت هتاخد صورة الحيوان ده وهتاخد

4من الحرس وتروحوا تجيبوه، النهاردة لازم يكون في المخزن

ياسين: اعتبره حصل، انا اللي هيقرب من اخواتي مش هيكفيني موته

فتحي: اعقل يا ياسين ومتتهورش نفذ اللي جوز اختك قالوا، ومتتصرفش من دماغك

احمد: ياسين لازم نكون حريصين عشان مندنش نفسنا، انت دلوقتي هتعمل اللي قولت لك عليه يلا

ليغادر وبعدها يتحدث مع مروان وحسام ويفهمهم ماحدث ليحضر ياسين هذا المجرم وعند حجزه أخبرهم كل شئ

نهاية الفلاش باك

*********************

وعند الشباب كانوا مجتمعين معا ويتناقشون فيما حدث

حسام: يعني كده الحيوان ده بلغها باللي قولته، ووصلها ان هو قتل نجلاء!

أحمد: ايوة ودلوقتي معانا كل الأدلة اللي تثبت التهمة عليها، أصل الحيوان ده كان مسجلها كل حاجة واتفقاته معاها كلها، طلع ناصح

مروان: ده فادنا كتير، وانا كلمت بابا وقالي ان هيطلع لها أمر ضبط وإحضار بكرة، ده غير انك مقدم بلاغ بدليل، وهو التحريض علي قتل مراتك

حسام: بس احنا كدة لازم نرجع كلنا عشان متشكش في حاجة

احمد: ده اللي هيحصل، وان شاء الله الموضوع ده يخلص وتقدروا تروحوا تقضوا شهر العسل بتاعكم، معلش ياشباب بقي

حسام: انت اهبل ياض، معلش ليه، انت أصلا لو مكنتش قولت لي انا مكنتش هاعرفك تاني، انت مش عارف اننا اخوات ومع بعض في المرة قبل الحلوة

مروان: حسام معاه حق، وبعدين ده غير اننا صحاب، نجلاء تبقي اخت مراتي وانا بعتبرها اختي، وكمان شهر عسل ايه في الوضع ده انت كمان

احمد: انا بعتبركم اكتر من اخوات، ربنا يديم الود

***********************

اما عند الفتيات كانت الصغيرات يجلسون حولهم يلعبون ويلهون والسعادة بادية علي وجوههم، وبطلتنا ترتسم علي ملامحها السعادة فكانت تبدوا مختلفة لتلاحظها السيدة ناهد وتتمني لها دوام السعادة، اما المشاكستان تقرران البدأ بالتلحين

حياة: اوعي الوش المنور رجع تاني، ونوجا عيونها بتلمع، ها قري واعترفي، عملتوا ايه

ايمان: انتي هبلة يا بت يا حياة، اكيد قالها كلمة في بؤها ، قصدي في ودنها

نجلاء: بشهقة، هاه اه يا قليلة الأدب انت وهي، امشوا غوروا من وشي

ناهد: عيب يابنات سيبوها، ممكن كانت اكتر من كلمة، لتضحك الفتيات

نجلاء: هاه، حتي انتي يا ماما، انا قايمة

لتغادر مسرعة

سما: هي ماما راحت فين يا تيتا!

ناهد: راحت لبابا ياروح تيتا

نور: احنا هنروح لها يا تيتة، يلا يا نوران يلا يا ملك

لتغادر الصغيرات حيث والدهم، ليذهب للعب معهم وكذلك يفعل الجميع

فالأطفال ببرائتهم يعطون الأجواء براءة غير عادية تجعل البسمة تشق وجوه الجميع،

*************

وفي الصباح، جهز الجميع للعودة مجددا لمنزلهم لإنهاء أمر هذه الحية التي تريد بخ سمها وتخريب حياتهم

في هذا اليوم وبعد عودة الجميع الي منزلهم مجددا، وكانوا حريصين علي عدم وصول اي معلومات لتلك الحية التي تريد إيذائهم، لمجرد الانتقام، فكان الجميع في استقبالهم بمن فيهم والدها ووالدتها، كانوا يجلسون جميعا ويتحدثون والسعادة بادية علي وجوههم ولكنها سعادة  يسودها القلق ،لينتبه الجميع عندما يدخل احد الحرس ويخبره ان هذه الحية قد أتت

....:احمد باشا الست وصلت

لينتبه الجميع فهم يعرفون كل شئ أما بطلتنا لا تعرف شئ ليطلب أحمد من والدته اخذ الجميع للداخل، فتنصاع لأمره،ولم يبقي في الخارج سوي الرجال فقط

،ولكنها ارتابت في الأمر، فمن تكون هذه الفتاة ولكن قبل دخولها تلمح من أعدتها عدوة لها دون ذنب،

نجلاء: ام صبحي

ام صبحي: ايوة يا هانم

نجلاء: ام صبحي انا مش هانم، بصي مش وقته، خدي البنات يلعبوا برة وخلي الحرس حواليهم واوعي البنات تدخل هنا دلوقتي

لتنظر ام صبحي تجاه ما تنظر اليه لتري هذه الحية لتقول: هي الست دي مش هتجيبها لبر يا بنتي انا ممكن

نجلاء: بمقاطعة، معلش سيبيني انا المرة دي اتعامل معاها، وانتي خلي بالك من البنات

ام صبحي :متقلقيش يابنتي

لتغادر بعدها

لتدخل وهي تتهادي في خطواتها وترتدي ثوب أسود قصير للغاية وتضع زينة علي وجهها تجعل من ينظر إليها يشعر بالتقزز

أحمد: انتي ايه اللي جابك هنا، هو انا مش سبق وطردتك وقولت متقربيش من هنا

نيهال: بضحكة رقيعة، ايه يامودي ده انا حتي جاية اعمل الواجب واجي اعزي

حسام: تعزي في مين! انتي اتجننتي وبقيتي بتخرفي، ولا موت حبيب القلب مأثر فيكي!

ياسين: لا ياحس، دي جايا تشوف يمكن تلاقيلها عريس متريش يظبط لها مزاجها

نيهال: انت أكيد اخو الفلاحة، كلامك زيها

فتحي: وانتي تعرفي ايه عن الفلاحين، الفلاح بيشتغل وبيزرع ارضه عشان انتي تلاقي تاكلي، بيربي ولاده من عرقه وشغله وبيعلمهم أحسن تعليم، بيخلي اللي زيك تغير منهم لأنهم احسن وأنضف منها

نيهال: انت

أحمد: اتجرأي وقولي كلمة واحدة وشوفي هاعمل فيكي ايه

لتصمت وتجد ان الحديث مع هؤلاء لن يجدي نفعا ولكنها تقرر انهاء لعبتها

نيهال: مودي انا جاية اقولك ان نرجع لبعض عشان نور، لتندفع نحوه وهي تقول....انت عارف اني بحبك، وهي تحاول احتضانه ولكنها تسحب بقوة للخلف، كادت ان تسقط علي إثرها، لترفع رأسها وهي تنوي توبيخ من قام بهذا ولكنها تصدم.......

انتي انتي ازاي عايشة، امال ايه اللي حصل ده، الأخبار، والجثة اللي قالوا انها انتي، والدم

نجلاء: انتي بتخرفي تقولي ايه

احمد: انا اللي عملت كل ده

نيهال: وهي لم تستوعب، عملت ايه!

ولكن يتحدث هذه المرة مروان:-أوهمناكي انك حققتي هدفك واللي بعتيه يقتل نجلاء معانا دلوقتي....واعترف انك انتي اللي حرضتيه يقتل نجلاء، لا وكمان كنتي عاوزاه يقتل أطفال ملهاش ذنب

نجلاء: بصدمة، كانت عاوزة تقتلني!وتقتل ولادي! ليه!

نيهال: وقد بدأت اعترافاتها بالظهور، وهذا هو المراد

ايوة انا اللي عملت كدة ،انا اللي قولت له يقتلك ويقتل ولادك، ايوة انا.....انتي فيكي ايه حلو يخلي محمود يبقي مهوس بيكي ويسيبني انا، انا اجمل منك ميت مرة وعندي كل حاجة، واحمد بيعاملك ملكة ومستعد يضحي بحياته علشانك، انتي فيكي ايه حلو

أحمد: كل حاجة فيها حلوة، جميلة، ومؤدبة، ومحترمة، وبتحب ولادها وبتهتم بيهم وبتحافظ علي نفسها وعلى بيتها ،تحافظ علي عرض جوزها وشرفه في غيابه قبل حضوره

.....اللي انتي كارهاها وبتعيبي فيها بتربيلك بنتك اللي انتي سيبتيها تموت وكنت في حضن واحد تاني، اللي انتي بتعيبي فيها دي واللي مش عجباكي الضافر اللي بترميه في الزبالة برقبة عشرة من عينتك، مهياش طالعة تستعرض جسمها وعاملة نفسها واحدة رخيصة عشان تلاقي اللي يشتري،  دي ست البيت ده وملكته، ولو قربتي منها صدقيني هتندمي

اما هي فكانت تنظر إليه بنظرة طفي عليها العشق واستسلم لها القلب وأصبحت دقاته تعلوا بعشق لأول مرة يزور قلبها، نعم تعشقه،

نجلاء: وهي تتقدم نحو نيهال وهي تنظر لزوجها نظرة عاشقة، فهي تشعر بالشفقة عليها، فهي مريضة،

نيهال ;انتي ليه عملتيني عدوة ليكي.....انا عمري ما أذيتك، جوزك اللي انتي بتقولي اني خطفته منك ،انا معرفوش هو اللي خطفني وحبسني وكان عاوز يبعدني عن ولادي، تعرفي انا أصلا كنت قرفانة منه ومنك لما قالي هو عمل ايه معاكي وازاي أزيتي احمد وخنتيه بأبشع طريقة ممكنة، بعتي الغالي بالرخيص، وبنتك اللي انتي حتي متعرفيش شكلها ايه ولافكرتي فيها، فكرتي في مصلحتك وبس،

انا مش متخيلة أصلا انتي ازاي كدة ده انتي ام وربنا اداكي نعمة غيرك مش لاقيها، بس بصي بقي نصيحة ،ابعدي عن جوزي وولادي، الا وقسما بالله العظيم اكلك بسناني،وانتي لحد دلوقتي مشوفتيش انا ممكن اعمل ايه اللي يقرب من مملكتي اكله

احمد: مروان، اظن كده كفاية

مروان: وهو يتحدث لأحدهم، ادخلوا

.....:مدام نيهال انت مقبوض عليكي بتهمة التحريض علي قتل مدام نجلاء، اتفضلي معانا