الفصل الرابع:-

---

*الفصل الرابع: "سجني الذى اختاره قلبي"*

كانت العربية السوداء المصفحة تشق طريقها في شوارع القاهرة الفارغة فجراً. بسمه جالسة بجانب سليم، ملفوفة بجاكيته الأسود الضخم، ويدها تضم نفسها بقوة كأنها تريد أن تختفي.

لم تتكلم. لم تبكِ. فقط كانت تحدق في الطريق والزجاج المتكسر على فستانها يلمع تحت نور القمر.

سليم لم ينظر لها طوال الطريق. قبضته على المقود قوية حتى كادت تكسره. فكه محكم من الغضب... غضب على العالم كله الذي فكر لحظة أن يلمسها.

أوقف العربية في جراج برج الزمالك الزجاجي الأسود. نزل وفتح لها الباب دون كلمة. حملها مرة أخرى بين ذراعيه رغم أنها همست: "أنا بمشي والله".

"عارف إنك بتمشي يا قلبي. بس أنا مش هخلي رجلك تلمس الأرض تاني إلا بإذني."

صعد بها في المصعد الخاص، بصمة عينه فتحت الباب. ولما دخلت شقته... بسمه نسيت أن تتنفس.

الشقة كلها زجاج وأسود ورمادي، تطل على القاهرة كلها من فوق. فخامة مخيفة، باردة، بلا روح. إلا من غرفة واحدة مضاءة بضوء أصفر دافئ.

أنزلها برفق على الكنبة الجلد السوداء، وخلع جاكيته ووضعه على كتفيها. ثم ذهب للمطبخ دون أن يسألها.

بعد دقائق، عاد بكوب حليب دافئ بالعسل. ركع على ركبة واحدة أمامها .

. بسمه فى نفسها :الراجل اللي الدنيا كلها بتخاف منه راكع قدامى - ومد لها الكوب:

"اشربي ده يا بسمه. إيديكي تلج. وإنتي لو تعبتي... أنا هموت."

بسمه أخذت الكوب بيد مرتعشة، وعينيها مليئه دموع: "إنت خطفتني قدام الدنيا كلها... الشرطة هتجيبك. هتتسجن."

سليم ابتسم ابتسامة حزينة وهو يمسح خصلة شعر من على وجهها: "ما أنا مسجون أصلاً يا بسمه. مسجون في عينيكي من سنتين. السجن اللي هتوديني ليه الشرطة ده جنة بالنسبالي... طالما إنتي معايا كل حاجه تهون."

وقف وثم ذهب لغرفة "العرش". رجع بعد لحظه وهو يحمل بطانية صوف ناعمة، لفها عليها كأنه يلف طفلته.

"شقتك صغيرة وبرد، وإنتي بتنامي متغطية بحاجة خفيفة عشان بتخافي من الكوابيس. أنا حافظك يا بسمه. حافظ كل تفصيلة فيكي."

بسمه انفجرت باكية: "إنت مجنون! إنت قاتل! أنا خايفة منك!"

سليم قرب منها، جلس على الأرض عند قدميها، ووضع رأسه على ركبتيها. حركة مفاجئة جعلتها تصمت من الصدمة.

صوته خرج مخنوق: "خافي من الدنيا يا بسمه، متخافيش مني أنا. أنا الوحش اللي الدنيا كلها بتهرب منه... بس قدامك أنا قطة. إعملي فيا اللي عايزاه. اضربيني، اشتميني، اكرهيني... بس متبعديش."

بسمه نظرت لراسه وهو على قدمها، للشعر الأسود المنسدل على جبهته، وجسده الضخم الذي حملها بين ذراعيه... قلبها تقطع.

همست بدموع: "ليه أنا؟ في بنات أحلى وأغنى مني بكتير."

سليم رفع وجهه، وعينيه مدمعة لأول مرة في حياته: "عشان إنتي الوحيدة اللي لما عيطتي في الجراج من سنتين... قلبي هو اللي بكى مكانك. عشان إنتي الوحيدة اللي كبرياءك طلع وأنتي مكسورة. عشان إنتي بسمه."

سحبها لحضنه برفق شديد، كأنه يخشى أن تنكسر بين يديه. شم رائحة شعرها ودفن وجهه فيه:

"من النهاردة، دي أوضتك. دي سريرك. ده حضني. مفيش حد هيقرب منك تاني. لا أبوكي، ولا أخوكي، ولا الشرطة، ولا الموت نفسه."

بسمه غمضت عينيها وهي في حضنه، ولأول مرة من سنين... نامت وهي حاسة بالأمان.

وفي الصالة، سليم سهران، ظهره للحائط، مسدسه على الطاولة، وعينيه على باب الغرفه التى تنام فيها. يحرسها.

القاتل حارس. والمجرم اصبح ملاك.

---

بقلم اسماء عدلى