الفصل الواحد والاربعون

رامي بلهفة: "طيب الحقيني بيها فوراً ونروح نشوفها!".

ليلى بهدوء: "مع مامتك في بيتها".

اندهش رامي تماماً مما سمع، وشعر لثوانٍ أن أذنيه تخطئان السمع نظراً لمعرفته بطبيعة الفتيات ورغبتهن في الاستقلال.

برق عيناه وقال: "أنتِ قُلتِ إيه؟!".

تابعت ليلى بصدق: "قُلت نعيش مع مامتك.. مش معقول هنسيبها لوحدها في شقتها الكبيرة دي وهي ملهاش غيرك، ده طبعاً لو معندهاش مانع يعني".

كانت والدة رامي في الحقيقة تتمنى ذلك بشدة وتلح عليه دائماً ليعيش معها، لكنه كان يخشى رفض ليلى القاطع ولم يجرؤ على مفاتحتها في الأمر إطلاقاً. وكانت والدته قد لمحت لليلى سابقاً في إحدى الجلسات، ففهمت ليلى رغبتها الدفينة ورحبت بالفكرة فوراً؛ نظراً للعلاقة الطيبة التي تجمعها بحماتها المستقبلية، فاتخذت هذا القرار الذي أثلج صدر رامي.

رامي بفرحة: "أكيد ماما معندهاش أي مشكلة ودي أمنية حياتها!".

ليلى: "طيب إيه رأيك نعدي عليها دلوقتي حالا ونسألها سوا؟ أهم حاجة عندي موافقتها وراحتها هي الأول".

رامي بسعادة: "مفيش مشكلة يلا بينا فوراً!".

في منزل والدة رامي، جلس الثلاثة معاً.

سأل رامي بابتسامة: "ها.. إيه رأيك في الاقتراح ده يا أمي؟".

نظرت الأم لليلى بعينين تفيضان بالامتنان والدموع، وردت فوراً: "طبعاً.. طبعاً تنوروني يا بنتي والبيت بيتكم! وأي تعديلات وتحضيرات تحبها ليلى في الشقة تتم فوراً.. الشقة كبيرة وواسعة، أنا هلم حاجتي كلها في أوضتين وبقية الشقة بتاعتكم اعملوا فيها اللي يعجبكم وتمنوه!".

ليلى برقة: "البيت بيتك أنتِ الأول يا طنط وإحنا ضيوفك".

الأم بحنان: "ومن النهارده بقى بيتك أنتِ كمان يا قلب طنط".

عادت ليلى لمنزلها وسعادتها لا توصف برؤية الفرحة في عيون رامي وأمه، وشعرت برضا داخلي كبير عن موقفها وتصرفها. وحكت لوالدتها ما دار بينهما.

الأم بابتسامة فخر: "دي خطوة ممتازة يا بنتي وتدل على أصلك.. ألف مبروك يا حبيبتي وربنا يسعدكم".

ليلى: "الله يبارك فيكي يا ماما وعقبال الفرحة الكبيرة".

في حديقة منزل عبد الله، كان حازم يجلس بمفرده والوجوم يكسو ملامحه. دخل والده ووجده على هذه الحال، فتوجه نحوه وجلس بجواره بهدوء؛ إذ كان يشعر منذ فترة أن ابنه ليس بخير ويعاني في صمت.

عبد الله بحنان: "أخبارك إيه يا حازم يا ابني؟".

حازم بتنهيدة: "الحمد لله يا بابا.. بخير".

عبد الله: "مالك يا ابني قاعد كدا ليه لوحدك وسرحان؟ مبقتش تخرج ولا تقابل حد، تخلص شغلك في الشركة وترجع على البيت فوراً.. فيك إيه قولي؟".

حازم محاولاً الابتسام: "مفيش حاجة يا بابا.. أنا كويس جداً وتعب شغل مش أكتر".

عبد الله بعدم اقتناع: "كويس إزاي بس يا ابني وأنت مش شايف نفسك في المرآة؟ أنت مبقتش تتكلم مع حد خالص وقفلت على نفسك".

أطرق حازم برأسه وقال بشجن: "كل الحكاية يا بابا إني اكتشفت فجأة إني مليش أصحاب بجد في الدنيا دي.. الشخص الوحيد اللي كنت معتبره صاحبي وأخويا أنت عارف عمل إيه وصدمتي فيه كانت إزاي (يقصد مازن).. هخرج مع مين دلوقتي وأحكي لمين وأثق في مين؟".

عبد الله بوعي: "اتعرف على ناس جديدة يا ابني.. مش معنى إنك اخترت غلط مرة وحيدة في حياتك تظلم نفسك وتفضل لوحدك طول العمر في عمارة الوحدة".

حازم بأسى: "وهتعرف عليهم فين بس يا بابا؟".

عبد الله: "انزل واخرج وشوف الدنيا وشوف الناس واتعامل!".

حازم: "يا بابا أنا كل ما أخرج وأقعد في مكان، بلاقي كل واحد قاعد مع شلته أو صاحبه وماشيين سوا ومبسوطين، وأنا ملاقيش حد معايا وأقعد لوحدي أتفرج عليهم وأرجع متضايق.. فبفضل القعدة هنا".

عبد الله بحنان أبوي: "اخرج برضه.. أقولك على حاجة؟ اخرج معايا أنا يا سيدي! اعتبرني صاحبك المخلص.. ولا أنا منفعش؟".

تهللت ملامح حازم وابتسم من قلبه: "ربنا يخليك لينا يا حج وميحرمنيش منك أبداً.. حاضر طبعاً، تحب نخرج إمتى؟".

أشفق عليه والده كثيراً؛ فهو يعلم كم هو صعب على الشاب مواجهة غدر الأصدقاء والحياة وحيداً دون ونيس.

وفي شقة منة، كانت الحركة لا تهدأ.

صرخت منة في غرفتها بصوت عالٍ: "ماماااا!".

دخلت الأم مسرعة: "في إيه يا منة خير؟ فزعتيني!".

منة: "سارة صاحبتي هتعدي عليا النهارده نذاكر سوا.. اعمليلنا أكل حلو من إيدك أرجوكي".

الأم بابتسامة: "حاضر من عينيا.. أصلاً أختك ياسمين وجوزها جايين النهارده يقضوا السهرة معنا".

جلس الفتاتان لاحقاً فوق الكتب، وبدأت منة تتذمر بغضب: "بطلي استعباط بقى يا سارة وذاكري الشابتر (Chapter) ده بتركيز علشان نخلص!".

سارة ببراءة: "وأنا قلت إيه دلوقتي غلط يا بنتي؟ أنا بسألك رأيك في كلام الدكتور!".

منة بحسم: "كل كلامك وتفكيرك غلط! أنا مش داخلة الكلية دي علشان أحب وأرتطب وأضيع وقتي.. أنا عاوزه اذاكر وأنجح وبس، ومش هقع في الغلط والتجربة الفاشلة دي تاني أبداً".

سارة بمحاولة إقناع: "غلطانة يا منة والله.. مش كل الناس زي بعضها ومش كل الرجالة أندال وغدارين! والدكتور رامز شخص محترم جداً وابن ناس وأنتِ عارفة كدا كويس ومعجب بيكِ".

منة بقطع حاد للحديث: "بصي يا سارة علشان منحرقش بنزين كتير على رأي (أحمد جولاtop).. اللي عاوزني بجد وشايفني شريكة حياته هيعرف طريق بيتي ويدخل من الباب، غير كدا أنا معنديش وقت للكلام ده.. يلا خلصي المادة دي علشان ناكل، أمي عملالنا أكل يجنن، وأختي قربت توصل وعيالها هيعملوا انقلاب وفوضى في البيت ومفيش مذاكرة هتحصل بعدها.. وشكلي كدا هشيل المادة في امتحان بعد بكره بسبك! اخلصي!".

في مكتبها بالشركة، كانت عاليا منغمسة في تدقيق الحسابات حتى سمعت طرقات خفيفة على الباب.

عاليا: "ادخل..".

انفتح الباب ليطل منه حسام بابتسامته المعهودة، فنظرت له بدهشة: "مشغولة؟".

اتسعت عيناها بفرحة: "إيه ده؟! حسام! إيه المفاجأة الحلوة دي في نص اليوم!".

حسام بمكر: "أنا أخدت إجازة وباقي اليوم راحة من الموقع.. إيه رأيك تزوغي من الشغل ونخرج نقضي وقت سوا؟".

عاليا بتفكير طريف: "ممم.. فكرة ممتازة وتستحق الزوغان! هبلغ عمو في المكتب التاني وجاية وراك فوراً".

بعد قليل، تركت الشركة ونزلا معاً إلى السيارة بسعادة.

سألته وهي تربط حزام الأمان: "هتودينا فين بقى يا بشمهندس؟".

حسام وهو ينظر إليها بعشق: "عارفة النهارده تاريخ كام وإيه المناسبة؟".

عاليا بتفكير وحيرة: "لا.. ممم.. لا مش فاكرة خالص والله، في إيه؟".

حسام بنبرة دافئة: "زي النهارده بالظبط شوفتك لأول مرة في حياتي وخطفني جمالك.. فاكرة؟ مكنتيش فاكراني خالص وقتها ولا دارية بيا".

عاليا بذهول وتأثر: "ياااه! أنت لسه فاكر اليوم ده بالتاريخ؟! أنا مش فاكراه خالص للأسف!".

حسام: "أنا حافظ كل تفاصيلنا الصغيره، وكل كلمة بتقوليها أو حكاية عشناها سوا".

تذكرت عاليا فجأة وبرقت عيناها: "آه! افتكرت! ده نفس التاريخ اللي كان مكتوب على الهدية القديمة اللي شيلتها!".

حسام بابتسامة عريضة: "بالظبط كدا.. لسه واخدة بالك دلوقتي وافتكرتِ!".

عاليا بخجل وسعادة: "بس بقى الله! بس بجد دي أحلى وأجمل مفاجأة عملتهالي".

حسام بفخر: "أها.. أخيراً عرفت أفاجئك وأثبت وجودي! أنتِ دايماً اللي بتفاجئيني بحركاتك.. الحمد لله عملتها مرة في حياتي ونجحت! هنقضي اليوم كله فسح وخروج ونجدد نشاطنا ونرجع فريش (Fresh) للشغل".

عاليا بحماس: "الله بقى على الحاجات الحلوة والدلع ده!".

في المساء، كان حازم يقف بجوار والده في الصالة.

حازم بابتسامة: "بابا.. وراك حاجة النهارده بالليل؟ ما تيجي ننزل نسهر شوية في أي كافيه هادي ونغير جو؟".

عبد الله برحابة وفرحة: "طبعاً فاضي ومستعد! لعلمك أنا بكون مبسوط أوي وأنا خارج معاك وبتوديني أماكن جديدة وحلوة.. بس متقولش لأمك بقى لتفتكرني بخونها وتعملنا قصة ههههه".

انفجر حازم ضاحكاً من قلبه: "ههههه حاضر يا حج.. سرك في بير!".

انتهى اليوم الجميل المليء بالروابط الأسرية الدافئة، ومرت الأيام والأسابيع بعده سريعة ومبشرة، وبدأت التحضيرات والتجهيزات المكثفة لزفاف ليلى ورامي المنتظر، ليعلن فتح صفحة جديدة من الفرح والأمل للجميع.