悪魔ちゃんは契約違反で罰ゲーム中！

SHAWN

SIYA si Shawn Perez Rebato, bente-uno anyos, kilalang leader ng isang fraternity group sa unibersidad na pinapasukan niya rito sa Davao City. Ang Otaber Sigma Phi, tatlong taon na rin buhat nang buuin niya ang grupo. Mayroon ng one hundred and twenty-seven members ang grupo niya na puro mga lalaki ang miyembro. Wala naman siyang batayan sa pagpili ng mga ipapasok sa grupo, magawa lang ng isang new comer ang task na ipapagawa niya ay pasok na ito. Ganoon lang ka-simple.

Kilala rin siya sa pagiging maangas at sa mga pam-bu-bully niya. Basta pag nairita siya sa isang estudyante, automatic ibu-bully niya ito. Kahit sa bahay, ganoon din ang ugali niya. Siya ang badboy at blacksheep ng pamilya. Never naging proud sa kanya ang Daddy niya, walang ibang pinupuri ito kun'di ang Kuya Shane lang niya. Kesyo si Shane ang matalino, masipag, mabait at perfect na anak.

Samantalang siya, siya ang opposite ni Kuya Shane. Napabuntong hininga na lang siya at pinilig ang ulo. Kung buhay pa rin sana si Mommy, kahit papaano may magtatanggol sa kanya sa bahay. May kakampi at suppoter siya sa lahat nang nais niya. Subalit, maagang kinuha sa kanila si Mommy.

Namatay ito dahil sa sakit na breast cancer, hindi naagapan masyado nang kalat ang cancer cells sa katawan nito. Hindi na nito kinaya. Elementary pa siya noon nang mawala ang Mommy niya. Kaya sobrang nasaktan at nalungkot siya.

Isang buntong hininga uli ang ginawa niya. Nabaling lang ang atensyon nang may pumasok sa pinto. Naroon siya sa hideout place ng grupo niya.

Isang ka-miyembro niya ang pumasok.

"Shawn, may mga newcomers sa iskul. Tapos si Sarmiento inangasan ng isang Engineering student." Imporma nito sa kanya.

Tumayo naman siya at dali-dali isinuot ang white polo uniform, ipinatong lang niya iyon sa suot niyang black tshirt. Malapit lang naman ang hideout place nila sa iskul kaya anytime mabilis siyang nakakapasok pag oras na ng subject niya.

Umingos siya, lintik talaga 'yan mga Engineering students na 'yan. Kung makapag-angas parang napakatatalino. Mga bobo naman.

Nang makarating sa school ground. Nilapitan siya agad ni Sarmiento. Nakita kasi nila nasa gitna ito ng football field, duguan ang ilong.

"Anong nangyari saiyo?" sikmat niya.

Sapo ang ilong na umiling ito. "Wala, napikon 'yon Engineering student. Niligawan ko kasi syota non," pag-aaminin nito.

Napailing siya sabay batok dito nang mahina.

"Bawal manulot ng syota ng iba nasa rules natin iyon di'ba?" patuya niya kay Sarmiento.

Pakamot-kamot na tumango naman ito. May mga rules siya sa grupo at isa doon ang pagbabawal na manulot o mang-agaw ng syota ng iba. Malaking ekis iyon sa kanya. Ang daming single and available diyan, bakit kailangan mang-agaw di'ba? Gusto mo talaga iyon tao, pwes antayin mo maghiwalay sila saka mo ligawan. Basic!

"Pasensya na, Shawn. Sobrang ganda kasi non chicks e, saka akala ko single pa siya."

Tinapik lang niya ito sa balikat. "Hayaan mo na, tara na, bigla akong ginutom." Inaya niya si Sarmiento at ang kasama nila para tumungo sa cafeteria.

"Sabi mo maraming new comers," bulong niya sa kasama nila.

"Marami. Maraming magagandang new comers," pabirong sabat ni Sarmiento.

Nailing siya. Mahilig talaga ito sa babae, sabik ng magka-syota. Actually, gusto na rin niya magka-girlfriend kaso wala pa siyang natitipuhan. Maraming magaganda sa campus pero wala ni isa ang umagaw sa pansin niya. Ewan ba niya kung bakit ganoon?

Nang makaupo sila at makabili na ng pagkain. Kinalabit siya ni Sarmiento sabay turo sa dulong bahagi ng mga tables. May nakaupo roon na isang chinese nerdy guy. Napangisi siya. Kinuha niya ang tray ng pagkain niya saka walang paalam na tinabihan ang nerdy na lalaki.

Ganito ang mga tipo niyang i-bully. Mga mukhang supot na payatot.

"Hey, my man! What's up?" bati niya sabay akbay dito.

Naramdaman niya agad ang pagkailang nito kaya marahang umusog ito. Pagak siyang natawa.

"Hey! Are you deaf? You don't speak English? Tagalogin ko para mas lalong hindi mo ma-gets?" pang-aasar niya.

Yumuko lang ito. Kinuha naman niya ang makapal na eye glasses nito saka walang habas na hinagis iyon sa kung saan.

"Magsalita ka! Wala ka bang dila, ha?" angil niya.

"I-I'm sorry. I can't speak Filipino..." garalgal na sagot nito.

Natawa siya. Nagsasalita naman pala ito.

"Okay, no problem." wika niya sabay taas ng gilid ng labi niya at kinuha ang pineapple juice nito saka ibinuhos niya sa ulo nito.

Narinig niyang nagtawanan si Sarmiento at ang kasama pa nila maging ang ibang estudyante na kumakain sa cafeteria ay nagtawanan din.

Ibubuhos pa sana niya ang softdrink niya sa ulo nito nang may biglang humawak at pumigil sa kamay niya. What the hell?

Dagli siyang napalingon at matalim na tinignan ang taong pumigil sa kamay niya. Isang babae. Sino ba ito sa inaakala nito?

"I suggest. You should let go of my hand or you'll regret it for being nosy," madiin niyang sabi saka pinukol nang matalim na tingin ang pakielamerang babae.

Pero imbes bitawan ang kamay niya mas lalong humigpit pa ang hawak nito at sinalubong din ang tingin niya. Aba't ang lakas ng loob nito a!

"Suggestion ko rin sa'yo, huwag kang mam-bully lalo na't wala naman ginagawa sa'yo ang tao," mariing tugon ng babae.

Ngumisi siya at malakas na tinabig ang kamay nito nakahawak sa pulsuhan niya. At dahil pakielamera ito, sa babaeng ito ibinuhos niya ang softdrink na hawak niya. Malakas na hiyawan ang umalingawngaw sa buong cafeteria, maging siya ay natatawa habang binubuhos niya ang softdrink sa ulo ng babae.

"What did you said, Shorty?" sarkastikong tanong niya sa babae.

Bakas sa mukha ng babae ang gulat. Halos nanlaki ang mata nito at nakaawang ang mga labi. Ngunit, mas kinagulat niya ang sunod na ginawa ng babae. Dinakot nito ang palabok na nasa tray ng nerdy na estudyante at walang habas na inilamukos iyon sa mukha niya.

Napa 'Oh' ang mga tao sa cafeteria. Nanlaki ang mga mata niya sa gulat. Holy shit! Hindi siya nanapak ng babae pero gigil na gigil siya ngayon sa babaeng nasa harapan niya.

"Shit ka! Hindi mo ba ako kilala?!" mabagsik na angil siya sa babae sabay punas sa mukha niya.

Tumaas lang ang kilay nito at diretsong tinignan siya.

"Oh, I'm sorry. I didn't know you have the authority here. Who are you? God? Magsuot ka kasi ng ID mo para makilala ka," sarkastikong sagot nito.

Bumaling ang atensyon ng babae sa nerdy na lalaki. Hinila nito ang nerdy na lalaki patayo.

"Tara na, Eun Woo. Let's go. Hindi maganda ang ambience rito, maraming langaw."

Inismiran muna siya ng babae bago ito tuluyan umalis kasama ang nerdy na lalaki. Sino ba ang babae na iyon? Hindi ito pamilyar sa kanya at mas lalong hindi nito alam kung sino siya.

Malamang transferee ito, dahil kung kilala siya nito. Hindi ito maglalakas loob na komprontahin siya sa ginagawa niya. Umingos siya saka dumura. Bwiset!

Lumapit naman kaagad si Sarmiento sa kanya at binigyan siya ng tissue. Kinuha naman niya at pinunasan ang buong mukha.

"Alamin mo kung sino ang babaeng iyon. Lintik lang ang walang ganti," nangangalit na utos niya kay Sarmiento.

Tignan na lang natin kung hanggang saan ang tapang ng babaeng iyon. Tsk!