ทั้งหมด

Tatlong taon nang tiniis ni Sam ang pagsasamang parang pagkabalo. Sa bawat gamutan ng kanyang asawang si Adrian, lagi siyang nasa tabi nito—hanggang matuklasan niyang ang psychologist ay siya palang lihim na kabit nito. Sa halip na makiusap para sa pagmamahal, tahimik na naghanda si Sam ng paghihiganti. Pinirmahan ni Adrian ang divorce papers nang hindi niya namamalayan, habang unti-unti niyang tinipon ang mga ebidensya. Ngunit may isang lihim si Sam na hindi alam ni Adrian. Siya si Investor Z—ang misteryosong tycoon na kailangan nito. At nang sumikat siya bilang perfume queen, saka lamang nagsimula ang tunay na pagsisisi ni Adrian. Dahil hindi lang asawa ang nawala sa kanya. Nawala sa kanya ang lahat.

Para mailigtas ang buhay ng naghihingalong kapatid, napilitan si Selah Montenegro na pumirma sa isang lihim na kontrata. Kapalit ng sampung milyong piso, pumayag siyang maging kapalit na asawa ng pinakamayaman, pinakamalamig, at pinakakinatatakutang bilyonaryo sa bansa—si Damian Elizalde. Sa mata ng publiko, simpleng sekretarya lang siya. Pero sa loob ng penthouse ni Damian, isa siyang asawang walang karapatang humingi ng pagmamahal. Nang matuklasan ni Selah ang madilim na sikretong nag-uugnay sa mukha niya sa nakaraan ng lalaki, narealize niyang ginamit lang pala siya bilang kapalit ng iba. Pumutok ang isang malaking pagtatraydor sa kumpanya, at sa isang iglap, ibinenta at ipinahuli siya ng mismong asawa para protektahan ang negosyo nito. Para kay Selah, iyon na ang sagad. Bago pa man siya maaresto, mabilis siyang nagtago—dala ang pirmahang divorce papers at ang sanggol sa kaniyang sinapupunan. Ngayong wala na ang babaeng itinuring niyang walang halaga, gaano kalayo ang kayang marating ng isang nagsisising bilyonaryo para mabawi ang asawang ginipit at tinalikuran niya?

Matapos ang pag-aaral ni Snow sa kolehiyo, napilitan siyang umalis sa probinsiya na kasama ang kaniyang Lolo at Lola upang magtrabaho sa isang syudad. Pansamantalang iniwan niya ang mga ito upang mapagamot ang kaniyang Lolo na may malubhang sakit. Hindi naging maganda ang naging buhay ni Snow sa syudad. Maraming paga-adjust ang ginawa niya upang mabuhay sa isang syudad. Nakabangga niya ang anak ng mga Valderrama na si Nicholas Flinn, ubod ng sama sa ugali at walang sinusunod. Sa kabila ng hindi magandang pagtrato ni Nicholas kay Snow ay nanatili ang kabaitan nito at piniling intindihin. Hindi nagtagal ay naging malapit ang dalawa. Naipagkasundo si Nicholas sa ibang babae para sa kanilang kumpanya, ngunit nailigtas ito sa pamamagitan ng pagkakaruon niya ng relasiyon kay Snow. Hindi naman nagustuhan ng pamilya ni Nicholas si Snow at pinagpilitan itong itaboy. Dumating ang araw na nalaman ni Florina na siyang Ina ni Nicholas ang tungkol kay Snow, siya ang batang ipinagbubuntis noon ng babaeng karelasiyon ng kaniyang asawa noon. Si Florina rin ang pumaslang sa mga magulang ni Snow dahil lang sa pagmamahal niya kay Nico na kaniyang asawa. Dahil doon, mas lalong kinasuklaman niya si Snow, at sinabi kay Nicholas ang totoo. Na baka sila ay magkapatid. Hindi nagtagal naging malamig na rin ang pakikitungo ni Nicholas kay Snow at tinaboy ito. Kahit buntis si Snow ay pinili niya na lamang umalis at hindi sabihin kay Nicholas ang tungkol doon. Hindi nagtagal ay nalaman ang totoo na wala talaga silang koneksiyon sa isa't isa. Muntik na rin na ipapaslang ni Florina si Snow, mabuti at hindi pa nahuli ang lahat. Sa huli, nagkapatawaran ang lahat sa nangyari. Mas pinili ni Snow na bigyan ng tahimik na buhay ang kaniyang anak at kalimutan ang nakaraan.

Tumaba sa stress si Tyra simula nang namatay ang kaniyang adopted child. Akala niya'y dadamayan siya sa hirap ni Maximo ngunit ipinagpalit lamang siya sa kaibigan nito. Akala niya'y katapusan na ng kaniyang buhay ngunit may isang mafia ang handa siyang protektahan.

Si Eloise Madrigal ay handang gawin ang lahat para sa kanyang pamilya—kahit ang mamuhay sa pagkatao ng kanyang kakambal na si Elara. Bilang pekeng asawa ni Wade at ina ng kambal na sina Sunny at Summer, unti-unting nabuo ang isang pamilyang hindi naman dapat kanya. At sa kabila ng lahat, nahulog ang puso niya sa lalaking hindi niya dapat mahalin. Ngunit paano kung matuklasan ni Wade na ang babaeng minahal at pinagkatiwalaan niya ay hindi ang kanyang asawa? “I became my twin sister to save her family… but I lost myself when I fell in love with her husband.”

Akala niya, pag-ibig lang ang kailangan para maging masaya. Pero paano kung ang puso niyang pinili ay may ibang taong inuuwian? Sa isang bawal na relasyon, natutunan niyang hindi lahat ng pagmamahal ay tama, at hindi lahat ng nararamdaman ay dapat ipaglaban. Habang lalo silang nagiging malapit, mas lalo rin siyang nasasangkot sa isang relasyon na hindi naman talaga kanya. Sa huli, kailangan niyang pumili—ipaglalaban ba niya ang pag-ibig na parang lason, o matututunan niyang bumitaw bago tuluyang masira ang lahat?

Sa buong buhay niya, kilala niya si Oscar bilang Uncle Oscar, ang lalaking laging nandiyan kapag kailangan niya ng tulong, ang taong nagpoprotekta sa kanya, nag-aalaga sa kanya, at naging sandalan niya sa lahat ng pagkakataon. Pero hindi niya inakalang darating ang araw na hindi na niya kayang balewalain ang kakaibang tibok ng puso niya sa tuwing nakatingin ito sa kanya. Para kay Oscar, siya ang nag-iisang babaeng hindi niya dapat kailanman hangarin. Masyado siyang mahalaga, masyadong inosente, at higit sa lahat, ayaw niyang mawala ito. Kaya itinago ni Oscar ang bawat bawal na damdamin sa likod ng pagpipigil at nagpanggap na walang ibig sabihin ang tensiyong unti-unting namamagitan sa kanila. Hanggang isang gabi, tuluyan niyang itinanong ang bagay na matagal nang pilit iniiwasan ni Oscar. "Uncle Oscar, why do you look at me like you want me?" Isang tanong lang ang sapat para mabasag ang matagal niyang pagpipigil. Ngayon, kailangan ni Oscar na mamili. Lalayo ba siya sa babaeng unti-unting umagaw sa puso niya, o susuko siya sa isang pag-ibig na maaaring sirain ang lahat ng pinanghahawakan nila? Dahil minsan, ang pinakamapanganib na pag-ibig ay ang damdaming pinakamahirap mong amining nararamdaman mo. At sa pagkakataong ito, handa na si Uncle Oscar na mahalin siya nang higit pa sa kaya niyang pigilan.

"I only know how to f*ck, and not to love, Vivienne," madiing bulong ni Rowan sa dalaga. ----------------- Nagpanggap na bulag at may amnesia si Vivienne Natividad matapos makaligtas sa kamatayan. Nalaman niyang namatay sa aksidente ang mga magulang niya at ang bunsong kapatid ay comatose—ang may pakana? Daddy ng best friend niya na kanang kamay ng Daddy niya! Tinanggap niya agad ang alok ni Crisanto Montesor na maging asawa ng anak nitong si Rowan Montesor—ang lalaking crush ng bestfriend niya at ang lalaking nakita niyang may kaniig na babae sa hardin! Si Rowan ay Boss na walang puso, walang kinakatakutan, at ginawang stress reliever ang pakikipagt*lik sa mga babae! "Seriously, ipapakasal niyo ko sa bulag na 'yan?" igting ang pangang tanong ni Rowan. Sa dami niyang babae, hindi niya lubos maisip na isang bulag ang magiging asawa niya! "My decision is final. For the sake of our dirty business, you'll marry her," madiing desisyon ni Crisanto Montesor. Walang kibo si Vivienne. Isa lang ang nasa isip niya. Gagamitin niya ang lalaki upang ipaghiganti ang nangyari sa pamilya niya. Hindi siya papayag na mapunta sa iba ang pinaghirapan ng mga magulang niya! Kahit noong haklitin siya nito sa braso, hindi siya umimik o dum*ing. Ni hindi gumalaw ang mga mata niya, ayaw niyang mabuko na hindi siya bulag. "Huwag kang umasang tatratuhin kitang asawa. Hindi mo rin pwedeng ipagkalat na asawa kita. And don't you dare fall in love with me... I will never love you back," maanghang nitong bulong sa kanya, gamit ang gasgas na linya. Imbis na kabahan, ningisihan niya ito. Hindi pag-ibig ang hanap niya kun'di tirahan at kapangyarihan. "Arte mo naman, Rowan. Bakit? Jumbo hotdog ka ba?" ngising tanong niya na kinagulat nito.