Minamahal

Labag sa kalooban ni Jeush ang makasal sa isang babaeng ni minsan ay hindi pa niya nakilala sa personal. Ngunit dahil sa takot na mawalan ng kompanya ay pilit niyang tinanggap ang pinagkasundong kasal ng kanyang mga magulang. Sa unang araw ng kanilang pagsasama ay naging malupit ito sa dalaga. Nagtalaga pa siya ng kasunduan dito. Hindi naman naging mahirap kay Jireah ang sundin ito. Sa mga panahong nakasama niya ang binata sa iisang bubong ay mas lalong nahuhulog ang loob niya dito. Ngunit suntok sa buwan kung magustuhan rin siya nito gayong may babaeng minamahal na ito. " Don't ever dare to love me because I will never be able to love you back."

Caleb Raixon Montemayor ay Mayor ng Sta Rosa at nasa ikalawang termino na siya nito. Kilala siya bilang isang suplado at masungit na Mayor ng bayan nila. Sa kabila ng ugaling pinapakita nito ay kinagigiliwan at minamahal pa rin siya ng mamamayan na sakop niya dahil kahit kailan ay hindi niya pinabayaan ang kanilang bayan. Mas pinagtibay pa ni Caleb ang bayan ng Sta Rosa, bukod pa roon ay marunong siyang makinig sa hinaing ng taong bayan sa kabila ng pag-uugali niya. Sa kabila nito ay napapatanong ang nasasakupan niya kung may babaeng magpapaamo sa suplado nilang Mayor? Hanggang dumating ang isang babaeng magpapabago sa ugali nito. Sierra Solaire Madrigal, ang sekretarya nito.

Demi Moore—the “manang” secretary of TC, fantasizing her boss named Quiver Tejada, the man who’s sexually attracted to his twin’s fiancée. Matagal pinangarap ni Demi na mapansin siya ng boss niya ngunit hindi ito natutupad. But her innocence and kindness moved the playful yet ruthless twin brother of Quiver who named Tei; Demi’s other boss. One night, she surrendered her virginity to her boss. She got pregnant by one of the Tejada brothers ngunit hindi niya alam kung sino sa dalawa ang ama ng batang dinadala niya. Si Quiver ba na minamahal ang fiancée ng kakambal niya o si Teiver ba na nakatakda ng ikasal sa babaeng pinakamamahal ni Quiver?

Labing-walong taon mula nang makabalik si Andrea sa piling ng kanyang tunay na mga magulang. Sa loob ng labing-walong taon na iyon ay wala siyang ibang pinangarap kung hindi ang makabuo ng masayang pamilya. Kaya nang ikinasal siya kay Alejandro at nabiyayaan ng kambal na anak ay pinangako niya sa kanyang sarili na mamahalin at aalagaan niya ito. Kahit na ang kapalit ay ang masakit na katotohanang hindi siya mahal ng kanyang asawa. Para sa mga anak ay handa siyang magtiis, ngunit gumuho nang tuluyan ang mundo ni Andrea nang hilingin ng kanyang anak, sa mismong araw ng kaarawan nito na si Clarisse na ang ituturing nitong ina at hindi siya. Si Clarisse, ang kababata ni Alejandro. Ang babaeng tanging minamahal nito.

A less than an hour drunk-type of plan. 24 year-old Kimberly was up for the most sexiest stunt of her life. At iyon ay ang siguraduhing maikakasal sa kanya ang matagal na niyang minamahal, pipikutin niya si Chester. With an emotion that had been burning for years, and the guts lended by Vodka, buong tapang na ibinigay ni Kimberly ang kanyang katawan sa binata. The drunk sex was a blast! If it wasn't the best then she doesn't know what it was. Perpekto na sana ang lahat kung hindi lang siya nagising sa katotohanan kinabukasan. Una, hindi si Chester ang katabi niya nang magising. Pangalawa, bigla na lang niyang natagpuan ang sarili na kinakasal sa pinaka-atribidong lalaki sa balat ng lupa- si Jace, ang nag-iisang kapatid ni Chester!

Nag-umpisa ang lahat nang magkaroon ng contract marriage si Amanda at Jayden. Kontrata na babago sa buhay ni Amanda. Ngunit sa kasabay ng pagbabagong ito ay ang pagbabago din ng damdamin niya para sa binata. Malinaw ang naging usapan nila, ito ay hanggang kontrata lamang ang mayroon sila. Ngunit naging mapusok silang dalawa, nagpalunod sila sa tawag ng laman. Kaya nang bumalik ang babaeng minamahal nito nakalimutan niya ang tungkol kay Amanda. Paano kong sa paglipas ng mga taon ay muling bumalik si Jayden sa buhay nila ng anak? Muli ba silang magtatago at lalayo o haharapin nila ang taong ilang taon niyang tinaguan ng anak?

Tatlong taon nang asawa ni Sabina ang kilalang CEO na si Sebastian Malfory—isang lalaking inakalang katuparan ng lahat ng kanyang panalangin. Pero isang gabi, natuklasan niya ang masakit na katotohanan: ginagamit lang siya nito para saktan ang tunay nitong minamahal, ang kapatid niyang si Waynona. Buntis sa kambal, durog ang puso, at walang masandigan, piniling tumakas ni Sabina dala ang isang lihim na magpapabago sa lahat. Pagkalipas ng ilang taon, bumalik siya bilang isang matagumpay at misteryosang babae—kasama ang dalawang batang may mata ng lalaking minsan niyang minahal. At nang muling magkrus ang mga landas nila ni Sebastian, isa lang ang tanong: handa ba siyang ipaghiganti ang sarili, o muling magpatalo sa lalaking dati’y dahilan ng kanyang pagkawasak?

"Sa larangan ng pag-ibig ano ang makakaya mong isakripisyo para sa kapakanan ng iyong minamahal?" Si Armina Deo Gracia at Xander Luis Montenegro, pinagtagpo sa maling panahon. Nagkaroon man ng kanya-kanyang pamilya ay nanatili ang pag-ibig nila sa isa’t isa. Hanggang dulo... Si Katherine Salcedo at Ivan Sammuel Stevenson, apo ng yumaong Armina at Xander Luis. Pinagtagpo at kusa nilang nasumpungan ang pag-ibig sa bawat isa kahit na magkaiba ang estado nila sa pamumuhay at marami ang humahadlang. Magiging katulad din ba ng kanilang namayapang abuela at abuelo ang kanilang pag-iibigan? Sa panahong malupit ang kapalaran, magkakaroon ba ng pag-asa ang kanilang pag-iibigan? Kaya bang mapanindigan ang wagas na pagmamahal kung ang alaala nila’y maaaring mahadlangan ng kanilang pagitan sa nakaraan?

Sa edad na siyam, naging kapalit si Anastacia ng malaking pagkakautang ng kanyang ama sa isang mayamang ginang. Pumayag din ang kanyang ama dahil sinabi nitong pag-aaralin siya sa ibang bansa at magkakaroon ng magandang buhay. Pero lingid sa kaalaman ni Anastacia at ng kanyang ama na ipagbibili pala siya nito sa isang Black Market. Sa Black Market na 'yon pula ang mga mata ng mga nanonood. Para 'tong mga halimaw na nagpapanggap na tao. Sa ibang lengguwahe at kurensiya ipinagbili si Anastacia sa isang subastahan. Mag-asawang bampira ang nakabili sa kanya at may dugong Royal. Ang buhay na tila isang bangungot ang inaasahan ni Anastacia sa piling ng mga 'to, pero hindi 'yon nangyari, lalo at iniregalo siya ng mag-asawa sa anak ng mga ito na kaedaran niya, si King. Si King ang bampirang itatangi niya at suwerteng katugon ng kanyang damdamin. Nagmamahalan silang dalawa at maraming pangako sa isa't isa nang nasa wastong edad na. Pero ang pangako na 'yon ay mabibigo dahil ang lalaking minamahal niya ay pinatay. Katumbas ng kamatayan nito ang kanyang kalayaan na kahit kailan ay hindi niya hinahangad. Pinatay raw si King ng isang organisasyon ng mga bampira. Kung ano man ang dahilan, hindi niya 'yon masasagot kung isa lamang siyang tao at isang alipin. Sa paglaya niya sa lugar ng mga bampira, binago niya ang sarili at naging isang kilalang Vampire Hunter. Ang layunin niya'y maubos ang nasa organisasyon na pumatay sa lalaking minamahal at malaman ang dahilan bakit 'to pinaslang. Bago siya lumagay sa tahimik kasama ang bagong nobyo, papatayin niya muna ang mga kalaban niya, para sa ikatatahimik niya. Pero paano kung ang inaakala niyang namatay ay magbalik?

A walking sin. Iyan ang dahilan ng kanyang ama upang bigyan siya ng angking pangalan. Wala siyang pagkakakilanlan, kinalakihan niya ang marahas na paligid, at lahat ng kanyang nilalakaran ay napupuno ng dugo. Ngunit, paano kung sa likod ng mabangis at walang awa niyang pagkatao ay nagkukubli ang inosente at malungkot na katotohanan. Ang katotohanang nais niyang mabuhay ng normal, magkaroon ng masaya at kompletong pamilya. Mababago nga ba ito sa pagdating ng isang batang lalaki? Mababago nga ba nito ang katotohanan? Na ang lalaking kanyang minamahal, ay ang dahilan kung bakit siya naghihirap? Pipiliin kaya niyang ipagpatuloy ang kanilang pagmamahalan? O tatanungin ang sarili, minahal niya nga ba ito ng totoo? O parte lamang ang lahat ng kanyang paghihiganti?