Chapter 11: THE OTHER WOMAN

VIER'S POV

Naunang pumasok sa loob si Steff at sumunod ako sa kanya. Hindi ko pa alam kung pa'no sasabihin kay Cloud ang totoo at kung ano ang magiging reaksyon niya pero bahala na lang si batman o kahit si superman. Ang mahalaga ay masabi ko na sa kanya ang totoong nangyari at ang rason ko kung bakit kinailangan kong magsinungaling sa kanya ng ganoon.

Tunay nga ang sinabi ni Alvin na sa labas pa lamang ay mababanaag mo na ang ganda ng restaurant ni Cloud pero nang makapasok ako roon ay tanging ang laki na lang ng lugar ang napansin ko at hindi ang ganda nito. Agad kasing napako ang buo kong atensyon ko kay Cloud habang komportable siyang nakasandal sa may counter at mahigpit na nakahawak ang isang kamay sa beywang ng babae na bahagyang nakadagan sa harapan niya.

Animo'y isang modelo ang tindig ng babae na nakadagan sa knyang harapan at halos magkapantay lang din ang kanilang taas kaya halos hangin lang ang pumapagitan sa kanilang mga mukha habang masaya silang naghaharutan.

Agad akong nakaramdam ng inggit habang nakatunghay ako sa kanilang dalawa. At ramdam ko rin ang panliliit sa aking sarili habang pinagmamasdan ko ang babaing iyon.

Hindi ko pa man kasi nakikita ang kanyang mukha ay nasisiguro ko nang maganda ito… at may class. Halata iyon sa mga pino niyang galaw habang nakadantay ang isang kamay sa dibdib ni Cloud at paminsan-minsang nilalaro ang buhok nito.

Litaw na litaw rin ang magandang hubog ng kanyang katawan sa suot na muted brown na dress that matches her perfectly curled brown hair. So stylish and feminine.

Kung sakaling itatabi nga ako sa babaing eto ay malamang na magmukha lang akong ukay-ukay kung hindi man ay isang basahan. She's a high class! At siya ang nababagay kay Cloud.

Sa naisip ay lalo akong nakaramdam ng panghihina. Yes, I know he deserves the best at buong akala ko ay mananatiling ako ang taong iyon. Ako 'yung the best para sa kanya. At ang t*ng* ko lang na umasa pa rin ako sa paniniwala kong iyon. And I only realized na wala na pala ako sa buhay niya habang sinasampal ako ngayon ng katotohanan sa harapan ko.

Hindi naman ako umasa na agad niya akong mapapatawad pero hindi ko rin inakala na may iba na palang nagpapasaya at nagmamay-ari ng puso niya.

'Bakit ba kasi ako nagpunta rito?,' tanong ko sa sarili habang pilit na nilalabanan ang naghuhumiyaw na sakit sa loob ko.

Aalis na sana ako nang mukhang maramdaman ng babae ang presensya ko.

"Yes Miss?," nakangiting tanong niya habang marahan na kumakalas sa pagkakayakap ni Cloud at lumapit sa akin. Kita ko sa peripheral vision ko kung pa'nong dumilim ang mukha ni Cloud nang makita ako.

"Hi Miss, may I help you?," ulit ng babae na hindi nawawala ang ngiti nang tuluyan siyang makalapit sa akin sa may entrance.

"Ahh–." Sa totoo lang ay hindi ko alam kung anong sasabihin sa kanya. Masyado ding malakas ang dating niya kahit mukha naman siyang mabait at napipi 'yata ako.

"Vier, ikaw pala," pagmamaang-maangan ni Cloud at lumapit rin sa amin nang may pilit na ngiti sa kanyang labi.

"You know her?," tanong ng babae sa kanya.

"Ah, yes love. She's Vier. Taga-Bulacan siya and her group's here for the PhilDance," malambing niyang sagot sa babae na tinawag niyang 'love'.

Naiinis ako sa nararamdaman ko. Nagseselos ako kahit alam kong wala na akong karapatan at ako mismo ang nag-alis ng karapatang iyon kay Cloud four years ago.

"Really?," manghang tanong nito sa akin na bahagya ko lang na tinanguan bilang sagot. "Wow! Congrats and goodluck," sabi pa nito na animo'y proud friend sa akin. "By the way, I'm Tiffany, Cloud's girlfriend."

Pilit kong nilabanan ang panginginig ng kamay ko nang makipagkamay siya sa 'kin at pinilit ko ring ngumiti habang nilalabanan ang sakit na patuloy na nagpapahirap sa 'kin habang kaharap ko sila.

'Ang t*nga mo Vier!'

"Is that why ayaw mong tanggapin ang offer sa'yo?," tanong ni Tiffany kay Cloud na nagpa-curious sa 'kin.

"Hindi naman, but, I might reconsider," sagot ni Cloud na bahagyang tumingin sa akin na parang may gusto siyang iparating.

"Actually, the organizers of the competition want him to be one of the judges but he keeps on rejecting the offer. Ayaw sigurong mabash if ever kayo ang manalo dahil sa conflict of interest," biro pa ni Tiffany. "By the way, breakfast will be served in a minute. Why don't you join us? "Ha? Hindi na," agad kong tanggi sa alok niya.b"Napadaan lang naman ako kasi may pinuntahan ako sa malapit. Paalis na rin ako. May practice pa kasi kami," pagdadahilan ko pa.

"Oh, I understand. Let's have some time after the competition, would that be alright?"

"O-okay," sagot ko kahit alam ko sa sarili ko na hindi sapat ang panahong iyon para matanggap kong hindi na ako ang babae sa puso ni Cloud.

"Alright! Goodluck to your group," sinserong sabi niya sabay beso sa 'kin.

STEFFANO'S POV

So, siya pala si Vier. Tama nga si Cloud, sa unang tingin ay hindi mo aakalaing kaya niyang p*mat*ay ng sarili niyang anak. Mukha kasi itong anghel. Kaso, may sungay pala.

Agad na naglaro sa malikot kong utak ang isang magandang kalokohan. Well, you can say na masama, pero hindi kasing sama ng ginawa niya kay Cloud.

I saw how Cloud suffered dahil sa ginawa sa kanya ng babaeng ito. He was always restless at minsan pa nga'y bigla na lang lumuluha para sa kanilang anak na inalisan ni Vier ng karapatang mabuhay.

At masakit rin para sa akin na makita ang kaibigan ko na nagkakaganoon.

'It's payback time!,' sabi ko na lang sa sarili ko habang mataman siyang tinitingnan na nakatitig kina Cloud at Tiffany na sweet na sweet sa isa't isa. Kita ko sa mga mata niya ang sakit sa nasasaksihan pero hindi pa sapat ang nararamdaman niya, she deserves more than that. She deserves the worst.

Ngingiti-ngiti akong pumasok sa kitchen habang iniisip kung paano siya popormahan. I'll make her fall for me and break her heart into pieces just like what she did to my friend.

Only minutes passed at gaya ng inaasahan ko ay nakakunot ang noong pumasok dito sa kitchen si Cloud. Dumiretso eto sa water dispenser at tila nanggagalaiti sa tubig na inisang lagok niya. Kung wala lang si Tiffany sa labas ay marahil na kanina pa ito nagwala at makakakita na naman ako ng mga nagkalat na utensils at basag na mga tableware sa sahig.

"You didn't tell me she's pretty," biro ko at alam kong alam na niya kung sino ang tinutukoy ko. Well, she's really pretty and gorgeous if only I don't know her true color.

He sneered at me at pagkatapos ay natawa na lang, though I know it's fake.

I put a hairnet on and starts preparing the ingredients for our dishes as I prepare myself for a big bang.