Chapter 6

Paalis na ako ngayon papunta sa kumpanyang in-applyan ko kahapon dahil ngayon angsimula ng trabaho ko. Dala ko din sa aking tote bag ang aking uniporme at mga sulatan, sakaling payagan ako ng Boss ko na kug maaari ay pwedeng ipagpaliban ko muna ang ibang trabaho para ngayong araw.

Kinakabahan pa rin ako kahit na alam kong tanggap na ako. Suot ko ay isang itim na slack at sweetheart top na puti, saka ko pinatungan ng itim na blazer. Binili sa akin ito ni Celeste kahapon nang maikuwento ko sa kaniya ang nangyari sa in-applyan namin ni Louie.

Kung makasigaw sa telepono ay parang siya pa itong nakakuha ng trabaho. Binilhan niya ako ng ilang pares ng damit para daw masuot ko. Grabe ang pagtanggi ko pero wala na akong nagawa nang siya na mismo ang naghatid dito sa bahay.

Papaalis na sana ako nang makita ko si Louie at Celes sa may labasan sa amin, may dala-dalang paperbag at mukhang ako talaga ang hinihintay dahil pagkakita na pagkakita nila sa akin ay agad silang tumayo sa may upuan ng w