CHAPTER 6

POV: DWAYNE

"LJ?" nakakunot ang noo ko, habang nakatingin ako sa isang babaeng nagtitingin ng damit sa isang kilalang botique.

Huminga ako ng malalim. Malamang, makakabili siya ng mga bagay na naroroon sa loob ng mamahaling tindahang iyon. Umalis siyang tangay ang aking ATM na iniregalo sa kanya. At halos araw araw, nababawasan ang laman ng ATM na iyon. Malaking pera ang naipon doon, at nag iipon lang pala siya, bago ako layasan.

Ang kabuuang sampung milyon na naipon doon, ay naging tatlong milyon na lang sa loob lamang ng mahigit isang linggo niyang paglayas sa aming tahanan!

Napalunok ako.. kailangan ko siyang iuwi sa aming bahay, upang makapag usap. Masama ang loob ko sa kanya, subalit kailangan ko siyang masolo, at yayaing magsimula kaming dalawang muli. Isang taon na lang sana ang hinihintay ko upang ganap na baguhin ang rel;asyon naming dalawa, base na rin sa usapan namin ng aking lolo..

"KUNG hindi mo hihiwalayan ang babaeng iyan ngayon, bibigyan kita ng isa pang taon, para patunayang paninindigan mo siya!" sabi ni lolo sa akin.

"Anong patunayan?" naningkit ang aking mga mata sa kanyang sinabi.

Noong una, nais kong pahirapan si LJ dahil sa pagnanais niyang maging asawa ako. Subalit unti unti kong nararamdaman, na parang nakikilala ko siya, at natututunang magustuhan. Natutukso na ako minsan sa kanya, ngunit ayoko namang isipin niya na manyak ako.

Bago kami mag usap ni lolo.. plano ko ng aminin ang lahat ng nararamdaman ko sa aking asawa, ngunit hindi ko na iyon magagawa sa ngayon..

"Wag mong pakikialaman ang babaeng iyon," sabi niya sa akin.

"Wag pakikialaman? paano niyo naman nalaman na walang nangyayari sa amin?" nagtataka kong tanong. Hindi ko maiwasang mapaisip.

"Alam ko, ang lahat ng galaw sa bahay niyo.. kung kaya mong magtiis pa, sige, tatanggapin ko ang hampas lupa mong asawa, at hindi siya makakatikim ng pang aapi, mula sa pamilya natin, pumapayag ka ba?"

"Paano niyo muna nalaman ang mga nangyayari sa bahay namin?" halos hindi ako makapaniwala. Ang bahay na iyon ay regalo sa akin ng matanda noong malaman niyang ikinasal na ako. Kaya hindi niya mawari kung paano nito nalalaman ang lahat.

Isa ba sa mga dahilan na kaya ako biglang tinatawagan ni lolo sa tuwing magtatangka akong lumapit kay LJ ay dahil nakikita niya ang bawat kong galaw?

Iyon din ba ang dahilan, kung bakit halos hindi na ako patulugin ng matanda sa aming bahay ng asawa ko ay dahil nakikita niyang nauubos ang pagtitimpi ko? na natutukso na ako? ganun ba?

Halos isang beses na lang ako nakakauwi sa loob ng isang linggo.

So, sinasadya iyong lahat ni Lolo?

"Kayo ay--"

"Oo," walang pag aalinlangan sa kanyang boses, "minamanmanan kita, bente kwatro oras, kaya alam ko, na natutukso ka na sa babaeng iyon. Kaya, Dwayne, kapag nakayanan mong magtimpi, sa loob pa ng isang taon, si LJ ay tatanggapin ko ng maluwag sa puso.."

BIGLA akong natauhan sa nakaraang usapan namin ni lolo, dahil eksaktong pag uwi ko, lumayas na ng bahay namin ang asawa ko.

Nilapitan ko siya, na abala sa pagtingin ng mga damit, saka ko siya hinawakan sa braso.

"LJ.." madiin ang aking tinig, ngunit mahina.

"Sinong--" nagulat siya ng makita ako, "ooh, Mr. Lopez.. napaka coincident naman nito.."

"Anong Mr. Lopez? nababaliw ka na ba?" tanong ko sa kanya, "bakit umalis ka ng bahay ng hindi man lang nagpapaalam sa akin? Saan ka umuuwi?"

"Wala kang pakialam kung saan ako umuuwi,"kaswal na sagot niya sabay hila ng braso mula sa akin, "hiwalay na tayo, remember?"

"Hiwalay?" nagsalubong ang aking kilay ng marinig ko iyon, "anong hiwalay?"

"Tanga ka pala.. hindi mo alam ang ibig sabihin ng hiwalay?" ibang iba ng magsalita si Lj, bigla bigla, parang hindi siya ang asawa ko. Ibang tao na ang kaharap ko.

"Ano? kailan? kailan tayo naghiwalay?" nagtataka kong tanong sa kanya. Wala akong matandaang may pinapirmahan sa aking divorce paper o annulment paper ang babaeng ito.

"Anong kailan? isang linggo na!" saka niya ibinalik ang mata sa pamimili ng damit.

"Umalis ka lang sa bahay, pero hindi tayo naghiwalay! sinong ,ay sabing hahayaan kitang makalaya mula sa akin magtiis kang kasama ako habang buhay!" ang orihinal na plano ko ay pahirapan siya hanggang sa magsising pinili niyang makasal sa akin. Subalit nagbago iyon sa pagtakbo ng panahon.

"Huh.. sino ang may pinapirmahan sayo?" panunuya niyang tanong sa akin.

Doon ko naisip, na ang may ipinakiusap na pirmahan ako noong nakaraan, ay ang aking ina.

Napatiim bagang ako.. saka malamig ko siyang tiningnan..

"Kung totoong hiwalay na tayo, bakit mo ginagastos ang mga allowance na naipon sa ATM na ibinigay ko sayo nitong mga nakaraang araw?"

"ATM? alin? yung kinuha ng nanay at kapatid mo?" tanong niya sa akin, "hoy, Dwayne, kung ako sayo, uuwi ako at kakausapin ko muna ang pamilya ko, hindi yung mambibintang ka diyan! kahit kailan, hindi ko binawasan ang allowance na iyon. Talaga lang may nanay at kapatid kang kasing tigas ng aspalto ang mukha."

Tumalikod na siya sa akin. Hahabulin ko sana siya, ng may apat na bodyguard na humarang sa akin.

"Sir, diyan lang kayo."

"Sino kayo?" nagtataka ako. May ganito kadaming bodyguard si LJ?

Saka ko napansin ang ID ng isa sa mga iyon. Mula sa tanggapan ni Zyd Vann de Madrid!