SHE'S MY DOCTOR & I'M HER MAFIA BOSS (Call of Duty)

SHE'S MY DOCTOR & I'M HER MAFIA BOSS (Call of Duty)

last update최신 업데이트 : 2026-11-20
작가:  MarielAna최근 업데이트
언어: Filipino
goodnovel18goodnovel
순위 평가에 충분하지 않습니다.
7챕터
1조회수
읽기
보관함에 추가

공유:  

보고서
개요
장르
앱에서 읽으려면 QR 코드를 스캔하세요.

Tungkulin ni Celine Rodriguez na magligtas ng buhay. Bilang isang doktor, naniniwala siyang bawat buhay ay mahalaga at walang sinuman ang may karapatang kumitil nito. Ngunit paano kung ang lalaking nakatakdang magpabago sa kaniyang mundo ay isang taong kabaligtaran ng lahat ng pinaniniwalaan niya? Si Dominico Alfonso ay isang kilalang lider ng sindikato—makapangyarihan, walang awa, at walang kinatatakutan. Sa mundong ginagalawan niya, ang awa ay kahinaan at ang pagpatay ay bahagi ng kaniyang pang-araw-araw na buhay. Walang taong kayang sumuway sa kaniyang mga utos. Hanggang sa isang hindi inaasahang aksidente ang magtatagpo sa kanilang landas. Sa una, inakala ni Celine na isa lamang mayabang at aroganteng lalaki si Dominico. Ngunit nang malaman niyang may nagtangkang manira sa preno ng kaniyang sasakyan, unti-unti siyang nasangkot sa mapanganib na mundo ni Dominico. Mga banta, pagdurukot, pagtataksil at mga lihim tungkol sa kaniyang pagkatao ang sunod-sunod na susubok sa kaniyang buhay. At habang pilit niyang iniiwasan si Dominico, lalo naman itong nagiging bahagi ng kaniyang mundo. Sa kabila ng magkaibang paninindigan, unti-unting nahuhulog ang isang doktor sa isang lider ng sindikato. Ngunit paano kung ang pag-ibig na kanilang natagpuan ay may kapalit na kasalanang hindi kayang patawarin? Paano kung dumating ang araw na kailangan pumili ni Celine sa pagitan ng kaniyang sinumpaang tungkulin at ng lalaking minamahal niya? At paano kung si Dominico mismo ang maging dahilan upang labagin niya ang lahat ng kaniyang pinaniniwalaan? Magkaibang mundo. Magkaibang hangarin. Dalawang pusong pinagtagpo ng tadhana. Sa mundong puno ng dugo, panganib at pagtataksil, ano ang mananaig? Tungkulin o Pag-ibig?

더 보기

1화

Kabanata 1: SHE'S MY DOCTOR & I'M HER MAFIA BOSS (Call of Duty)

POV: Celine

Hindi ko kailanman inaasahan na ang isang simpleng araw na papauwi na ako ay magiging simula ng isang komplikadong kuwento ng buhay ko.

Ako si Celine Rodriguez, tatlumpu't limang taong gulang at isang palaban na doktora.

"BOOOOOOGSH!"

Nagulat ako sa lakas na yumanig sa harapang bahagi ng sasakyan ko.

At napahawak ako nang mahigpit sa manibela. Tumilapon ang cellphone ko sa upuan ng pasahero habang ang mga gamit ko ay nagkalat sa loob ng sasakyan.

Ilang segundo akong natigilan bago ko napagtantong nabangga ako.

At ang mas nakakainis?

Isang mamahaling itim na sasakyan ang nasa harapan ko.

Napatingin ako sa bahagyang yupi nitong harapang bahagi. Halatang hindi maliit ang naging banggaan namin.

"Napakagaling naman!" inis kong bulong.

Mabilis kong kinuha ang aking bag at bumaba ng sasakyan.

Hindi ko alintana ang bahagyang sakit ng ulo ko. Ang una kong ginawa ay puntahan ang kabilang sasakyan.

Bumukas ang p***o nito.

Isang lalaking nakasuot ng itim na polo ang bumaba. Matangkad, malapad ang balikat at may mukhang tila hindi sanay na pinaghihintay o sinisigawan.

Dalawang segundo ko siyang tinitigan.

Gwapo. At mukhang nasa mid 30's na sya.

Iyon ang unang pumasok sa isip ko.

Pero agad kong itinaboy ang kaisipang iyon.

Hindi dahilan ang pagiging gwapo para hindi siya managot sa ginawa niya!

"Ikaw ba ang nagmamaneho niyan?" matalim kong tanong.

Tiningnan niya ang sasakyan ko bago ako binalingan.

"Malinaw namang ako."

"Kung ganoon, alam mo bang may preno ang sasakyan?"

Bahagyang umangat ang isang kilay niya.

"Alam ko."

"Eh, bakit hindi mo ginamit?"

"Ikaw ang biglang lumiko."

Napanganga ako.

"Excuse me? Ako ang biglang lumiko?"

"Oo, Ikaw!."

"Hindi mo ba nakita ang ilaw ko? Naka-signal ako bago ako lumiko!"

"At hindi mo ba nakita ang sasakyan kong paparating?"

Napahawak ako sa noo.

"Grabe! Ikaw na nga ang bumangga, ikaw pa ang may ganang makipagtalo!"

Sa halip na magalit, bahagya lamang siyang ngumisi.

"Palagi ka bang ganito makipag-usap sa mga hindi mo kilala?"

"Kapag may nakabangga sa akin, oo!"

Ilang sandali niya akong tinitigan. Para bang pinag-aaralan niya ang bawat ekspresyon ng mukha ko.

"Matapang ka."

"At ikaw, mayabang!"

Napangiti siya.

Hindi ko alam kung ano ang nakakatawa sa sinabi ko.

"Alam mo ba kung sino ang kausap mo?"

Napairap ako.

"Sa totoo lang, wala akong pakialam. Ang alam ko lang, kailangan mong bayaran ang pinsala sa sasakyan ko."

"Magkano?"

"Ha?"

"Magkano ang kailangan kong bayaran?"

Napakurap ako.

Hindi ko inaasahang ganoon kadali siyang papayag.

"Depende sa magiging gastos sa pagpapagawa."

Tumango siya at kinuha ang kanyang cellphone.

"Sabihin mo sa tauhan ko ang halaga."

Napakunot ang noo ko.

"Sandali. Hindi mo ba kayang makipag-usap nang maayos nang hindi ka tumatawag ng ibang tao?"

Napatingin siya sa akin.

"May problema ba?"

"Oo! Ang problema, ikaw ang nakabangga sa akin. Hindi mo kailangang umasta na parang lahat ng tao ay tauhan mo!"

Saglit siyang natahimik.

Pagkatapos ay tumawa siya nang mahina.

"Interesante."

"Ano'ng interesante?"

"Wala pa akong nakikilalang babaeng gaya mo."

"At wala rin akong nakikilalang lalaking gaya mo. Nakakainis!"

Muli siyang ngumiti.

Bago pa ako makapagsalita, bigla siyang napahawak sa tagiliran.

Napansin ko ang bahagyang pagkunot ng kanyang noo.

"Nasaktan ka ba?" tanong ko.

"Wala."

"Sigurado ka?"

"Oo."

Ngunit nang bahagya siyang gumalaw, nakita kong may bahid ng dugo ang gilid ng kanyang damit.

Agad akong lumapit.

"Sandali. May sugat ka."

Mabilis niyang hinawakan ang aking pulso.

"Huwag kang makialam."

Napatingin ako sa kamay niyang nakahawak sa akin.

"Bitawan mo ako."

Hindi siya agad kumilos.

"Sinabi kong huwag kang makialam."

"At sinabi ko ring bitawan mo ako!"

Dahan-dahan niyang inalis ang kamay niya.

"Doktor ka ba?" tanong niya.

Napakunot ang noo ko.

"Oo. Bakit?"

Tiningnan niya ang bahid ng dugo sa kanyang damit.

"Kung ganoon, huwag kang mag-alala. Hindi ako mamamatay dahil lamang sa maliit na sugat."

"Oh, di bahala ka!"

Hindi ko alam kung paano ko matitiis ang lalaking ito.

Pagkatapos ay pumasok sya sa loob ng sasakyan nya at may kinuha.

"Oh, ito ang tseke! Sapat na siguro yan para mabayaran ko ang pinsala diyan sa sasakyan mo."

Nanlaki ang mga mata ko ng makita ko ang halaga ng pera na nakalagay sa tseke.

"250,000!", bulong ko sa sarili ko. At agad ko rin naalala na hindi man lang sya humingi ng pasensya sa nangyari.

"Hoy! Hindi ka ba marunong humingi ng pasensya?"

Dahan-dahang ibinaling ng lalaki ang tingin sa akin.

"Anong gusto mong marinig?"

"Pasensiya na."

"Pasensiya na."

Napakurap ako.

Napakasimple.

Napakadali.

Pero bakit parang napilitan pa siyang sabihin iyon?

"Masaya ka na?"

Napasinghap ako.

"Napakawalang-galang mo talaga!"

Bahagya siyang ngumiti.

"May iba ka pa bang kailangan?"

"Oo! Sana matuto kang magmaneho nang maayos!"

Hindi na siya sumagot. Sa halip, tumalikod siya at pumasok sa kanyang sasakyan.

Naiwan akong nakatayo sa tabi ng sasakyan ko.

"Napakayabang!" bulong ko.

Ngunit bago pa ako makabalik sa loob ng sasakyan, bumaba muli ang bintana ng itim na kotse.

"Doktora!"

Napalingon ako.

Nakatitig sya sa akin.

"Ano na naman?"

"Anong pangalan mo?"

Napakunot ang noo ko.

"Ha?"

"Ang pangalan mo. Hindi mo pa sinasabi."

Napairap ako.

"Para saan? Para may mailagay ka sa listahan ng mga taong binabangga mo?"

Bahagya siyang ngumiti.

"Para maalala kita."

"Celine Rodriguez."

Ilang sandali niya akong tinitigan.

"Celine Rodriguez," ulit niya.

"Oo. At sana hindi na tayo magkita ulit!"

Tuluyan nang umangat ang bintana ng sasakyan.

Bago ito umalis, nakita ko ang bahagyang ngiti sa kanyang labi.

Napailing ako at bumalik sa sasakyan ko.

Akala ko roon na magtatapos ang lahat.

Isang aksidente.

Isang mayabang na lalaki.

At isang sasakyang kailangang ipaayos.

Ngunit kinagabihan, habang nasa bahay ako at inaayos ang mga papeles na kailangan ko kinabukasan, biglang tumunog ang aking cellphone.

Isang hindi kilalang numero.

Hindi kilala:
Magandang gabi, Doktora Celine.

Napakunot ang noo ko.

Sino naman ito?

Ako:
Sino ito?

Agad na dumating ang sagot.

Hindi kilala:
Ang lalaking nakabangga sa iyo kanina.

Napasinghap ako.

Siya na naman!

Napakunot ang noo ko.

Hindi ko pa naipapadala ang mensahe ng bigla ulit syang nagpadala ng mensahe.

Hindi kilala:
Dominico Alfonso.

Napahinto ako.

Hindi ko alam kung bakit biglang nagbago ang pakiramdam ko nang mabasa ang pangalan niya.

Ngunit bago pa ako makapag-isip, may isa pang mensaheng dumating.

Dominico:
May maliit tayong problema, Doktora. Hindi aksidente ang nangyari sa sasakyan mo kanina.

Napatayo ako.

Ano???

Ngunit bago pa ako makapagreply ay may panibagong mensahe mula sa kanya.

Dominico:
May nangialam sa preno ng sasakyan mo. At kung hindi ako ang nakabangga sa iyo kanina, baka hindi ka na nakauwi nang buhay.

Nanghina ang mga tuhod ko.

Hindi ko alam kung ano ang mas nakakatakot.

Ang katotohanang muntik na akong mamatay…

O ang katotohanang ang lalaking kinainisan ko buong araw ang maaaring naging dahilan kung bakit buhay pa ako.

At sa huling mensaheng natanggap ko, tuluyan akong natigilan.

Dominico:
Bukas, magkita tayo. Marami kang kailangang malaman tungkol sa taong gustong pumatay sa iyo.

펼치기
다음 화 보기
다운로드

최신 챕터

더보기

독자들에게

Maligayang pagdating sa aming mundo ng katha - Goodnovel. Kung gusto mo ang nobelang ito o ikaw ay isang idealista,nais tuklasin ang isang perpektong mundo, at gusto mo ring maging isang  manunulat ng nobela online upang kumita, maaari kang sumali sa aming pamilya upang magbasa o lumikha ng iba't ibang uri ng mga libro, tulad ng romance novel, epic reading, werewolf novel, fantasy novel, history novel at iba pa. Kung ikaw ay isang mambabasa, ang mga magandang nobela ay maaaring mapili dito. Kung ikaw ay isang may-akda, maaari kang makakuha ng higit na inspirasyon mula sa iba para makalikha ng mas makikinang na mga gawa, at higit pa, ang iyong mga gawa sa aming platform ay mas maraming pansin at makakakuha ng higit na paghanga mula sa mga mambabasa.


댓글 없음
7 챕터
좋은 소설을 무료로 찾아 읽어보세요
GoodNovel 앱에서 수많은 인기 소설을 무료로 즐기세요! 마음에 드는 작품을 다운로드하고, 언제 어디서나 편하게 읽을 수 있습니다
앱에서 작품을 무료로 읽어보세요
앱에서 읽으려면 QR 코드를 스캔하세요.
DMCA.com Protection Status