KABANATA 25

Apolonia

Mula sa pagkakaupo sa mahabang sofa sa lobby ng hotel na aming tutuluyan ay kanina pa nakatutok ang mata ko kay Druskelle habang kausap nito ang receptionist.

Makalipas ang ilang sandali ay sa babae naman lumipat ang mata ko, maganda ito, nagpapatingkad pa sa hitsura nito ang ganda ng ngiti nito na hindi nawawala mula pa kanina.

Kaya mukhang nag-e-enjoy ang amo ko na kausapin ito at nakalimutan na yata ang presensiya ko. Hmp!

Kanina pa kasi nag-uusap ang dalawa, while ako naman ay nandito at naghihintay.

Halata ang pagkamangha sa mata ng babae habang nakatitig ito sa mukha ng boss ko.

Bahagya akong napalabi bago nangalumbaba at tumitig kay Druskelle na ang kita lang mula sa puwesto ko ay ang left side ng mukha nito dahil nakatagilid ito.

Sino ba naman kasi ang hindi mamamangha at hahanga sa hitsura nito, side view pa nga lang pero nagsusumigaw na agad ang appeal nito, nagmamayabang ang matangos nitong ilong, ang mata nitong singkit na binagayan pa ng makapal na kilay, labi nit