حب وانتقام 3

*حب وانتقام 3 - الخدامة المجنونة*

وصل فارس أمام العمارة ثم نزل من السيارة واتجه إلى جانا التي كانت تفرك يداها من كثرة التوتر. فتح باب السيارة وأخرج حقيبة ملابسها، ثم أشار لها أن تخرج.

نظرت له جانا بكره ونزلت بهدوء وابتعدت قليلاً. أغلق فارس الباب واتجه بها إلى داخل العمارة، ركبا المصعد والصمت يسيطر عليهما. وصل المصعد وفتح فارس الباب وخرجت بعده جانا وهي تجر حقيبتها.

فتح فارس باب المنزل وأشعل الأضواء وأفسح الطريق لجانا فدخلت وأغلق الباب خلفها. نظرت له جانا بقلق.

تقدم فارس ووقف أمامها وقال...

فارس: اسمعيني كويس، انتي هنا زيك زي أي حد في البيت ده، البيت ده بيتي وقوانيني هي اللي هتمشي، أنا عمري ما هعاملك كضيفة، انتي هنا مسؤولة عن نظافة البيت.

كم شعرت جانا بالإهانة فقالت بتحدي...

جانا: انت سمعت إني قوية ومش بستسلم بسهولة صح؟ لكن الأيام الجاية هتشوف الكلام ده بنفسك، وصدقني انت هتندم.

نظرات تحدي في أعين كليهما وابتسم فارس بسخرية وقال: هنشوف يا بنت الشناوي.

جانا بتحدي: هتشوف يا ابن الحديدي.

فارس: أنا هسيبك دلوقتي وهرجع بالليل، عايز البيت يلمع وتجهزي أكل، أنا جبت حاجات في التلاجة، أظن كلامي مسموع؟

جانا: أكيد مسموع وعلم وينفذ.

نظر لها بشك ثم التفت واتجه إلى الباب وخرج وأغلق الباب بالمفتاح.

بينما ظلت جانا تنظر لآثاره وقالت لنفسها: اللي عملته عمري ما هسامحك عليه، وانت سمعت إني قوية وعنيدة لكن مسمعتش إني مجنونة وجناني هيطلع عليك.

وابتسمت بخبث وأمسكت بحقيبتها واتجهت إلى غرفتها.

كان فارس في طريقه إلى فيلا الحديدي، لكنه كان شارداً يتذكر...

*فلاش باك...*

يظهر فارس وهو يدخل المنزل وجانا فاقدة للوعي من التعب والخوف. وضعها على السرير وغطاها، ثم قام ببعثرة الغرفة قليلاً حتى يبدو المكان غير مرتب، وجلس على الأريكة بعيداً عنها ينتظر أن تفيق، وهو لم يلمسها أبداً.

*باك...*

فارس لنفسه: بس هو اللي عملته صح؟ أيوة صح، أنا بنتقم، أنا ما لمستهاش، أنا بس أوهمتها بكده عشان تخاف.

وفاق من شروده على صوت رنين الهاتف، كانت خالته عايدة.

فارس: يا مرحب يا خالة.

عايدة: كيفك يا ولد أختي؟

فارس: الحمد لله يا خالة وانتي كيفك؟

عايدة: أنا جاية عندكم بكرة.

فارس: بجد؟ الدنيا كلها تنور يا خالة.

عايدة: متقولش لسندس إني جاية عشان أعملها مفاجأة.

فارس: ماشي عيوني.

بعد مدة وصل فارس الفيلا ونزل من سيارته ودخل. بحث عن أخته سندس فأخبره أحد الخدم أنها في غرفة ابنها سليم.

صعد فارس وفتح الباب...

فارس: مساء الخير يا أهل الدار.

سليم بفرح: خالو!

وركض له وعانقه وبادله فارس العناق.

فارس: أخبارك إيه يا حبيبتي يا سندس؟

سندس: الحمد لله وانت؟ كنت فين بقالك يومين؟

فارس: كنت مشغول في شغل.

سندس: ربنا يستر من شغلك ده.

في بيت إبراهيم...

أشرف: بس أنا مش فاهم هو إيه لازمته دخول البت دي؟

إبراهيم: فارس عايز ينتقم من فريد عن طريق أعز حاجة عنده، عرف إن عنده بنتين كانوا عايشين مع أمهم، فقرر ينتقم من واحدة فيهم واختار جانا لأنها قوية وعنيدة وهو بيحب يكسر النوع ده.

أشرف بحقد: أمتى بقى أخلص منه عشان آخد مكانه؟

في منزل فارس وجانا...

كانت جانا ترتب المنزل وعندما انتهت اتجهت إلى المطبخ وبدأت في إعداد الطعام. قامت بإعداد مكرونة وكفتة، لكنها بابتسامة خبيثة وضعت الكثير من الملح في المكرونة وزودت التوابل الحارة جداً في الكفتة.

جانا: مش انت عايز تاكل؟ أنا هأكلك بس واثقة إنك مش هتستحمل.

مرت نصف ساعة ثم سمعت من يفتح الباب، فالتفتت ووجدته قد غير ثيابه ومعه حقيبة صغيرة.

فارس متأملا البيت: أممم طلعتي شاطرة، أتمنى يكون الأكل حلو بردو.

جانا بخبث: أكيد.

قامت جانا ووضعت الأكل على السفرة. نظر لها فارس بشك...

فارس: هدوقيه الأول.

ابتلعت جانا ريقها وتظاهرت أنها تأكل قطعة صغيرة وقالت: الأكل سليم وأنا هروح أجيب ماية.

واتجهت إلى المطبخ بسرعة وشربت لبن حتى تخفف من حدة التوابل.

بعد ثواني صاح فارس: انتي حطيتي في الأكل إيه؟

جانا ببرود: ولا حاجة، زودت الملح شوية والتوابل.

فارس: الله يسامحك، بطني.

جانا: تؤ... تؤ... ليه كده؟ مش انت اللي طلبت إني أعمل أكل؟ أنا نفذت.

قام فارس وهو وجهه محمر واتجه للمطبخ يشرب ماء.

جانا: على فكرة أنا فعلاً مجنونة يعني متتحدانيش، يلا أنا رايحة أنام، متصبحش على خير.

واتجهت إلى الغرفة وأغلقت الباب خلفها وأسندت عليه وهي تفكر: غبي بس أنا مجنونة وهوريه الجنان اللي على أصوله.

اتجه فارس إلى الغرفة الأخرى ونظر لها قليلاً ثم قال: أنا مش فاهم إزاي هي مش خايفة، لدرجة إنها روقت الأوضة، الظاهر إني هتجنن من ورا البت دي.

ثم رقد على السرير وغط في نوم عميق، لكنه لم يكن يعلم أن جانا كانت تقف خلف باب غرفتها تسمع أنفاسه. كانت تشعر بمزيج غريب من الخوف والقوة، الخوف من المجهول والقوة لأنها استطاعت أن ترد له جزءا صغيرا من كرامتها. جلست على الأرض وضمت ركبتيها وقالت في نفسها: أنا مش ضعيفة، أنا هوريه إني أقدر أعيش هنا وأحافظ على نفسي، وربنا معايا وهيظهر الحق. وفي منزل فريد، كان الأب يجلس وحيدا يدعو الله أن يحمي ابنته، بينما كانت جنة تبكي في غرفتها وتدعو لأختها أن ترجع بالسلامة.

في صباح اليوم التالي، استيقظت جانا مبكراً قبل فارس. ذهبت إلى المطبخ وأعدت فطوراً بسيطاً ثم جلست تفكر في خطة جديدة. كانت تعلم أن فارس عنيد وقوي، لكنها أيضاً قوية وعنيدة أكثر منه. قررت أن لا تبكي مرة أخرى، بل تواجهه بنفس سلاحه، البرود والتحدي.

عندما استيقظ فارس وخرج من غرفته وجد الفطور على الطاولة والبيت مرتباً ونظيفاً. نظر إلى جانا باستغراب، فلم يتوقع أن تكون هادئة هكذا بعد ما حدث بالأمس. جلس يأكل بصمت وهو يراقبها بطرف عينه. كانت تجلس بعيداً عنه تقرأ كتاباً وجدته في المكتبة، وكأنها لا تراه.

قال في نفسه: البنت دي غريبة، مرة مجنونة ومرة باردة، أنا مش فاهمها، بس اللي أنا متأكد منه إنها مش سهلة أبداً.

أما جانا فكانت تقول في نفسها وهي تتظاهر بالقراءة: خليك كده مستغرب، أنا هخليك كل يوم تشوف وش جديد مني، لحد ما تندم على اليوم اللي فكرت تنتقم فيه مني ومن عيلتي.

مر اليوم بهدوء غريب، هدوء ما قبل العاصفة. ففي المساء، رن جرس الباب فجأة، وكلاهما نظر للآخر. من الذي سيأتي الآن؟ هل هي سندس؟ أم إبراهيم؟ أم مفاجأة جديدة ستقلب كل الموازين؟

فتح فارس الباب ببطء...