حب وانتقام الجزا 2

في الصباح... في منزل جانا...

كان فريد جالساً على الكرسي، ملامح الإرهاق والتعب تكسو وجهه، فهو لم ينم منذ يومين. بينما كانت جنة قد نامت على الأريكة بجانب أبيها من شدة الإرهاق.

مر بعض الوقت، وفجأة سمع فريد طرقات على الباب. ظن أنها جانا، فهب من مكانه واتجه بسرعة نحو الباب وفتحه بلهفة، لكنه انصدم عندما وجد آخر شخص يتخيله...

فريد بصدمة: فارس!

يظهر فارس الذي كان يقف بثبات، ينظر لفريد نظرة حادة ممزوجة ببعض الكره.

فارس بنبرة هادئة: آخر شخص متوقع أكون أنا، صح؟

نظر له فريد نظرة هادئة وقال: الصراحة آه.

فارس: هتسيبني واقف على الباب؟

كاد أن يدعه يدخل، لكنه تذكر أن ابنته الصغيرة نائمة في الصالة، فنظر له وقال: دقيقة.

وأغلق الباب قليلاً، واتجه نحو ابنته وأيقظها وطلب منها أن تدخل غرفتها، فقامت واتجهت إلى الغرفة وأغلقت الباب خلفها.

اتجه فريد إلى باب المنزل وفتحه ليظهر فارس، فأفسح له فريد المجال للدخول. تقدم فارس بخطوات هادئة ونظر للأريكة التي كانت تنام عليها جنة، ثم وقف أمام فريد.

فهم فارس ما يدور بداخله وقال...

فارس: طبعاً أنت عايز تعرف أنا هنا ليه.

فريد: والله يا فارس بيه أنا مستغرب بعد السنين دي كلها أنت واقف قدامي.

فارس: شوفت الزمن.

فريد وهو يهز رأسه: فعلاً زمن... جاي هنا ليه؟

فارس بخبث: هو ماليش الحق أشوف حمايا؟

نظر له بصدمة بينما ابتسم هو بخبث.

فريد بصدمة: حماك؟ حماك إيه أنت مجنون!

فارس: تؤ... تؤ، عيب عليك لما تشتم جوز بنتك الكبيرة جانا.

فريد بصدمة: جانا! لا لا أنت بتكذب، أيوة بتكذب!

وتقدم نحوه وأمسكه من ياقته وهزه بعنف وقال بغضب وقلق: فين بنتي؟ انطق، جانا فين؟

فارس بابتسامة باردة ومستفزة: بنتك موجودة، ولكن دفعت التمن... تمن اللي عملته ولسه بتدفعه.

كان ينظر له بصدمة والقلق ظاهر على وجهه فقال: أنت عملت إيه ببنتي؟

فارس ببرود: حولتها من الآنسة جانا إلى المدام جانا.

أخذ فريد يهز رأسه بعدم تصديق وقال بصدمة: لا أوعى تقول كده لا.. لا!

فارس بضحك: لا هقول لأن دي الحقيقة، وبمناسبة بنتك أنا اتجوزتها.

تلقى فارس دفعة قوية من فريد وأخذ فريد يصرخ ويقول: ليه عملت كده؟ ليه؟ بنتي ملهاش ذنب!

فارس بغضب: علشان أشوفك مكسور ومنهار. أنت بسببك شوفت العذاب، أنت السبب في اللي حصل لأهلي.

فريد بصراخ: والله ما حصل، إزاي أقتل صاحبي الوحيد؟

فارس: كذاب! أنت قتلتهم علشان كنت بتكرهه.

فريد: والله العظيم ما حصل والله العظيم.

فارس: مش هصدقك مهما حصل.

فريد: إبراهيم هو السبب، هو اللي حط الكره في قلبك.

فارس: متجيبش سيرة عمي على لسانك، لأنه أشرف من مليون واحد زيك.

فريد بسخرية: إبراهيم شريف؟ والله أنا بقيت أشوف العجب في الزمن ده.

فارس: لا متقلقش، العجب لسه هييجي.

فريد: بنتي فين؟

فارس: في بيت جوزها.

فريد: بنتي ملهاش ذنب، حرام عليك بلاش جانا.

فارس: ذنبها الوحيد إنها بنتك، وده ذنبها، والحكم صدر وهي اللي بتنفذ الحكم.

فريد: مستحيل أخليك تعمل فيها حاجة على جثتي.

فارس: أنا عملت خلاص، ودلوقتي هنتجوز رسمي ومعانا مأذون وشهود.

فريد: وأنا مستحيل أحط إيدي في إيدك.

فارس: أنت قدامك خيارين، الأول الفضيحة، البنت هربت مع عاشقها، أما التانية فهي إنك تقبل بالأمر الواقع وتوافق.

أخذ فريد يفكر في كلامه ثم قال: حتى لو وافقت جانا مش هتوافق.

فارس: من الناحية دي اطمئن.

فريد: أنا مش موافق وبنتي هترجع.

فارس: ماشي براحتك، عن إذنك.

وذهب من أمام فريد واتجه إلى الباب وغادر المنزل، بينما ظل فريد واقفاً في مكانه يشعر أن العالم من حوله اختفى، يشعر بالانكسار.

تجمعت الدموع في عيونه وبدأت تنزل، وجلس على أول كرسي. أغمض عينيه بألم والدموع تنزل، لكن فتحها عندما وجد يد ابنته توضع على كتفه ونظر لها وجدها تنظر له والدموع تملأ وجهها.

جنة ببكاء: جانا... جانا يا بابا.

فريد بانكسار: آه يا بنتي آه، أعمل إيه يا ربي؟ أنا عمري ما هقدر أخسر بنتي.

هزت جنة رأسها بمعنى لا ورفعت يدها وأخذت تمسح دموع والدها وهي تقول بصوت مرتعش: بعد الشر عليكم، كل حاجة هتبقى كويسة إن شاء الله، ربنا أقوى مننا كلنا وهو حاسس بينا ومعانا وهياخد حقنا وهيظهر الحق.

هز فريد رأسه بمعنى نعم وقال: إن شاء الله.

عانقته جنة وبادلها هو العناق بحب وحنية.

عانقته جنة وبادلها هو العناق بحب وحنية، وأخذت تبكي في حضنه وهو يمسح على شعرها ويهدئها.

مرت دقائق طويلة من الصمت، لم يقطعها سوى صوت بكائهما الخافت. كان فريد يشعر أن كل شيء بناه طوال سنوات انهار في لحظة واحدة. ابنته الحبيبة، التي رباها على الحب والصدق، أصبحت الآن ضحية لانتقام لا ذنب لها فيه.

رفعت جنة رأسها ونظرت إلى والدها وقالت: بابا، لازم نكون أقوياء، جانا قوية وهتعدي المحنة دي، أنا متأكدة.

هز فريد رأسه وهو يحاول أن يتماسك: يا بنتي أنا خايف عليها، فارس ده قلبه مليان حقد، إبراهيم زرع جواه الكره من وهو صغير.

جنة: عارفة يا بابا، بس ربنا موجود ومش هيسيبنا. جانا عمرها ما كانت ضعيفة، فاكر لما كانت صغيرة وكانت بتدافع عني في المدرسة؟ هي نفسها جانا القوية.

ابتسم فريد رغم دموعه عند تذكره لتلك الأيام: فاكر يا بنتي، فاكر كل حاجة.

في تلك اللحظة، كان الليل قد بدأ يغطي المدينة، والقلق يملأ منزل آل الشناوي، بينما في مكان آخر، كانت جانا تجلس وحيدة في غرفة لا تعرفها، تفكر في مصيرها المجهول مع رجل يعتبرها مجرد أداة للانتقام. هل سيتحول هذا الانتقام إلى حب؟ أم أن الكره سيدمر كل شيء؟

أغلقت جانا عينيها والدموع تنزل بصمت، وهي تدعو الله أن يظهر الحقيقة قريباً.