الفصل الخامس

(فى فيلا داخل تجمع سكنى راقى ) 

 كانت الفيلا  التى تطل على البحر مباشرة ، كانت لها حديقة واسعة عند المدخل ويوجد حارس على كل مداخل الفيلا، من الباب الأمامي دخل الصديقان الى حديقة الفيلا، قال وافى 

" أنا مش عارف انا جيت معاك ليه أنا مش كنت رايح الكباريه أرقص  وأشرب بدل الكآبة دى " 

"يلا روح أمشى ، مطلبتش منك تيجى ورايا " 

" اهدء بس، أقول الحق ولا أبن عمه"  

رفع فايد أحد حاجباه واردف قائلا

" طبعا هتقول أنى غلطان "

قال وافى مبتسم " يبقي أكذب ، لا أنت صح وهى واحده مش محترمة و وحشه ،ايه يعنى واحد غريب حط أيده على كتفها ده حاجة عادية جدا"  

" يا بنى، كنت فكرها ولد و صغير كمان "

" هو بالنسبة ان شكلها صبيانى عشان قصة شعرها بس ولد ماينفعش الانوثة متفجرة يابنى منها"  

" أنا جاى من وراها انوثة أيه اللى هاخد بالى منها " 

"مش عارف، وبعدين ما انت طول عمرك بتقعد  وتحط رجل على رجل  وتطلب الحاجة و منخيرك فى السماء أيه أتغير المره دى "

" حظها الأسود اني كنت مبسوط عشان الصفقة اللى اخذناها من غير أى  اجتماع ولا مقابلة "

وافى ساخرا " لا ،لا ،حظك انت الاسود ،  هى مسحت بيك الأرض يا راجل،  لا وفى الاخر أكلتك التراب، مع انى كنت بقرب عشان ابعدك عنها "

فايد أمسك زجاجة الماء التى كانت أمامه ثم ألقى بها  تجاه  وجهه وافى، ولكن الأخير تفادها ببراعة، فنهره فايد قائلا 

" اخرس،  والله  لخليها تبوس رجلى عشان أرحمها "

" لا، لا،  انت الغلطان وكفاية اللى عملته، البنت كانت بدافع عن نفسها ، وانت رفدتها رغم أن أمجد قال لك على ظروفها "

" انا كنت ناوى أقرص ودنها بس، وبعدين أشغلها  فى الشركه، بس الغبية ضربتنى ، انا فايد بنت تضربنى" 

وافى نهض وابتعد قدر الامكان، ثم قال بصوت مرتفع  " لا، مش ضربت بس   هى  مسحت بك الأرض " 

نهض فايد يهرول خلفه وهو يشعر بالغيظ حتى يمسك به و يلكم وجهه، لكن وافى أسرع  بالخروج من الفيلا، ثم ركب سيارته مسرعا وقبل ان ينطلق صاح

"هتضربني انا، كنت أضربها هى الاول"   

ثم أنطلق بالسيارة قبل أن يستطيع فايد الإمساك به، بينما  وقف فايد أمام الفيلا واضع يده خلف رأسه ثم نظر للسماء مبتسم وحدث نفسه ( بس هى  فعلا جميلة اوى ، ملعون هى وجسمها المرن، بس  بالتاكيد ذرعها اتخلع  عشان تقدر تلف كده  وتهرب، والله يا يابابا أنا كنت بهدد بس  و كنت مستنيها تضعف وتعيط وتطلب السماح، ومافكرت ابدا فى رد فعلها ده، لكن هتروح منى فين، خلاص حطتها فى دماغى) 

ثم اخفض رأسه و لمح الحارس الذي كان قد طلب منه إحضار جميع المعلومات عنها يقترب و وقف امامه  

"والدها متوفي وامها مريضه بالقلب وتحتاج علاج او تركيب دعامات أو  زراعة قلب، اما اخوها يدعى سامح وهو مركب شريحة و مسامير بقدمه و ذراعه، ويدرس فى آخر عام  في كلية الطب، أما الآنسة سيليا خريجة هندسة العام الماضي بتقدير امتياز، وقد  بحثت عن عمل ب مجالها كى  تستطيع علاج اخوها وامها ولم تنجح بالحصول على اى عمل بشهادتها، ثم  قررت العمل بالمطعم فترة مسائية و  الفترة الصباح تسافر القاهرة  تعمل ك سائق، و الان فى المستشفى وقد أجرت عملية لرد مفاصل الذراعين فى  مستشفى( --------)  احدى مستشفيات ابن عم استاذ وافى " 

ابتسم فايد براحه وقال

"روح  أشتري  باقة  ورد سودا وحط ظرف فيه الشيك ده  واكتب عليه (ثمنك يا عروستى ) وبعدين روح غرفتها وحط الباقة فى أقرب مكان على السرير فهمت" 

" فهمت  "

خرج الحارس لينفذ طلب رئيسة، فنظر فايد الى الفيلا و هو يهمس  (ايام فقط وتنوري جحيمي )