الفصل الأول (3)

صمت كنوع من السخرية فهتفت بضيق:

-المتهم برئ حتى تثبت ادانته، ولا إيه؟ وانا مش هعمل زى الباقيين وأقول لحضرتكأنا بريئة ومظلومة، بس هقول إن الأيام باذن ربنا هتظهر برائتي.

ابتسم باستهزاء وقال وهو ينظر بعمق عينيها:

-ويا ترى يا بريئة ومظلومة، قدرتى إزاى تضربي كل دول لوحدك؟ شلة لواحظ مش سهلة عشان تخرشميهم بالشكل ده

تحرجت وعضت على جانب شفتها بحرج وهي تهتف بعد أن اختنق صوتها قليلاً فانخفضت نبرته:

-أنا كنت بطلة الجمهورية في الmartial arts

نظر لها بتعجب فعادت تشرح:

-فنون قتال ودفاع عن النفس.

ضحك عالياً وهتف بحدة:

-آااه فهمت، وانتي بقى جاية السجن هنا تستخدمي اللي اتعلمتيه ده على المساجين؟

أجابته بدفاع وغضب:

-كان مطلوب منى اسكت وهم عمالين يضايقونىأنا وكل الناس الجديدة!

صرخ بها:

-ومين عينك حارس ليهم، انتي فاكرة إنك تقدري تبوظي نظام السجن هنا؟ دهأنا ادفنك مطرحك.

عادت تجيبه بحدة لا تتناسب مطلقاً مع كونها سجينة وهو سجانها:

-قصدك نظام الكوسه والكبير ياكل الصغير والكل لازم يقول سمعاً وطاعه للي بتحموهم عشان مصالحكم تمشي.

احتدت حدقتيه بوميض غاضب واحتقنت عيناه بحمرة غاضبة وهو يطرق على سطح مكتبه براحتيه الغليظتين بحدة يصرخ بها:

-انتي الظاهر إن العقوبة اللي مستنياها مش هماكي خالص، بس متقلقيش أبداً، ما السجن هنا تهذيب وتقويم وإصلاح وأنا هديكي تحذير لأول وآخر مرة، لو فكرتي تستخدمي مهارتك دي على المساجين هناأنا هحط ده في الملف بتاعك وابقي خلي المحامي بتاعك بقى يحاول يخفف العقوبة لما يتعرف إنك قدرتي تبهدلي المساجين كده، ومظنش إن تقارير السجن هتبقى في صالحك لما المحكمة تيجي تحكم عليكي بناء عليها.

زفرت أنفاسها بضيق وعصبية وصرخت بقهرة

-ليه كدة؟ هو يا إما اسكت على الإهانة والبهدلة؟ يا تهددوني بالشكل ده، ليه الظلم بيبقى أقوى من الحق، حسبي الله ونعم الوكيل.

صراخها وحدتها بهذا الشكل أخرجه من طور هدوءه الزائف فصاح يستدعى السجانة:

-فتحيييية، خديهم على العنبر بتاعهم وسبيلي الوارد الجديد عشان تاخد التشريفة بتاعتها.

ألقاها بتوعد وهو ينظر لها بتحدي فندمت على تسرعها وشعرت بالرهبة تعود لتجتاح جسدها، فاحنت رأسها لأسفل تستمد قوتها من الدعاء وتلاوة بعض الآيات القرآنية.

سمعها سيف بعد أن خلت الغرفة ولم يتبق سواهما تقول بتضرع:

-اللهم اجعل كيدهم في نحرهم.

فقال وهو ينظر لها بتقزز واشمئزاز:

-لاااا وبتعرفي ربنا أوي، اسمعي بقى.

دفع المقعد بقدمه ليرتد ويصطدم بالحائط مصدراً صوتاً مدوياً ارتعدت على إثره واقترب منها يمسكها من ذراعها غارزاً أظافره بها ليؤلمها:

-شغل التلت ورقات وتعمليلي فيها خضرة الشريفة ده مش هياكل معايا، أنا مر عليا زيك كتير.

رفعت وجهها تنظر له والألم بذراعها يزداد فاستطرد حديثه غير عابئ بنظراتها الحزينة:

-ولو فكرتي بس مجرد تفكير إنك تعملي شغب مرة تانية، فسنينك هنا في السجن مش هتعدى على خير.

ترك ذراعها بقسوة وعاد لمكتبه واستند بذراعيه على سطحه وهتف:

-قضيتك باينه زى عين الشمس، ولو معاكي محامي شاطر فآخر حاجة يقدر يعملهالك إنه يخليها قتل خطأ، ودي عقوبتها معاكىدي لحد خمس سنين كده، إنما بقى لو وصل للمحكمة فنون القتال بتاعتك دي فده هيكون استخدام لحرفتك أو مهارتك في القتل وده ممكن يجيب لك حبس من 7 سنين لاكتر، ده لو أصلا المحامي عرف يخليها قتل خطأ مش عمد، أما بقى لو كان عمد ويا سلام لو مع سبق الإصرار والترصد ، كدهأنا اضمنلك الإعدام.

دمعت عيناها فشرد؛ لحظة بعبراتها المنسكبه من مقلتيها وشعر بأنه تمادى ولكنها لم تمهله حتى لحظة واحدة للندم حيث صرخت بقهر:

-ربنا على الظالم والمفتري، منك لله أنت وكل اللي ظلموني، وربنا هياخدلي حقي منكم يا ظلمة.

حرك رأسه معترضاً على حديثها وهتف بهدوء مصطنع عكس النيران المتقدة بداخله:

-مصرة تشوفي وشى التانى من أول يوم، وماله.

استدعى السجانة وهتف مرددا بتوعد:

-خديها على التأديب ومعاكي 3 أيام ، ولو متربتش زودي المدة، وخدي راحتك معاها على الآخر متبخليش عليها بكرم الضيافة.

سحبتها السجانة وهي تنظر لها بوجل تسألها بجهل

-هو إيه التأديب ده؟

أجابتها الأخيرة وهي تسحبها وتسوقها ناحية عنابر التأديب:

-يعنى الحبس الإنفرادي، ودي عقوبة أول مرة الوارد الجديد يدخل فيها من أول يوم، ده انتي أكيد عملتي مصيبة كبيرة أوي عشان الباشا يكدرك كده من أولها.

صمتت ولم تتحدث حتى وصلت لزنزانة الحبس الإنفرادي فوجدتها عبارة عن غرفة ضيقة ومعتمة بها فراش أرضي ودلو مخصص لقضاء الحاجة ناهيك عن رائحة العفن المتأصلة بجدرانها، لتلج إلى الداخل ترتمي أرضاً وهي تسأل نفسها سؤالا واحدة

(هل هي تستحق هذا العقاب القاسي حتى وإن اخطئت بحق نفسها قبل أن تخطئ بحق الآخرين؟)

♕♕♕♕♕

فلاش باك ***

دوى طرقات عالية ايقظت كل من بالمنزل؛ فهرع هشام ليفتح الباب فتفاجئ بقوات الشرطة تقتحم المنزل بطريقة فجة فشعر بالذعر وهتف بتسائل:

-في إيه؟

وقف الضابط يسأل بصوت جهوري:

-ده منزل دارين هشام الشامي؟

أجابته هي:

-ايوه، أنا، في إيه؟

أجاب بقوه:

-انتي مطلوب القبض عليكي، من فضلك تعالي معانا من غير شوشرة.

قال هشام بدهشة:

-حضرتك بتقول إيه يا فندم؟ بنتى عملت إيه؟

أجابه وهو يسحبها من ذراعها:

-لما تروحو القسم هتعرفو، يلا بلاش عطلة.

وهناك وقفت أمام رئيس المباحث تهتف بذهول:

-انا عايزة افهم أنا هنا ليه؟

أجابها الأخير

-انتي متهمة بجريمة قتل، والأحسن إنك توكلي محامي كويس قبل ما تدلى بأقوالك.

نظرت له بذهول ودهشة ورددت بعدم تصديق:

-قتل؟! أنااا؟ أنا مقتلتش حد؟

أجابها رئيس المباحث:

-نصيحتي ليكي تشوفي محامي كويس لأن شكلك بنت ناس ومش وش بهدلة

عودة***

ظلت تبكي وترفض الطعام الذي يوضع أمامها حتى شعرت بضرورة قضاء حاجتها وهنا لم تستطع التمالك أكثر، فانهارت عندما طلبت من السجانة المسئولة عنها أن تدلف المرحاض فكان ردها:

-عندك جردل وميه، صرفي نفسك بيهم.

توسلتها ببكاء:

-أرجوكي ،أنا مش هعرف أعمل كده.

عندما تم إهمال طلبها لساعات بدأت بالصراغ والضرب بقوة على الباب الحديدى وهي تهدر بالجميع

-حسبي الله ونعم الوكيل، اللي بيحصل ده حرام.

♕♕♕♕♕

جلس هشام مع المحامي يسأل بتخوف

-إيه الخطوة اللي جإيه يا متر؟

أجابه سعد الدين بثقة:

-متقلقش، أنا وصيت عليها جوه السجن ومش أى حد، ده المأمور بذات نفسه يبقى جوز عمتي وأنا قولتله إنها بنت واحد صاحبي وحبيبي.