الفصل السادس عشر ... حكاية بسنت

(المحامي رامي) أكيد يافندم بس خاني التعبير مش أكثر

(وكيل النيابة) معاك توكيل للحضور مع الأستاذة

(المحامي رامي) أكيد يافندم

(وكيل النيابة) احب اطلع عليه

(المحامي رامي) اتفضل يافندم

(وكيل النيابة) موجها كلامه لكاتب الجلسة سجله يابني عندك وافتح المحضر

ثم يوجه كلامه لأم أمل

اسمك وسنك وعنوانك

(أم أمل) ثاني

(وكيل النيابة) ثاني ايه أحنا هنهزر فيه أيه أستاذ رامي

(الأستاذ رامي) معلش يافندم طول بالك شوية أم أمل في محنة كبيرة ومش مركزة ابنها قتل وبنتها متهمة بقتله فلازم تكون متوترة

(وكيل النيابة) ماشي يا سيادة المستشار نعيد السؤال ثاني اسمك وسنك وعنوانك

أم أمل اسمي نادية السيد أحمد

وسني ستين سنة

وعنواني شارع المحور عمارة الزامك نمرة خمسة

(وكيل النيابة) أيه الجديد اللي جاية تضفيه للمحضر

(أم أمل) وصلنا ظرفين واحد فيه صور وواحد فيه ساعة محمد ابني

(وكيل النيابة) وصلوك ازاي ومن مين؟

(أم أمل) لا دول حد حطهم من تحت عقب الباب ورن الجرس واختفى

(وكيل النيابة) وأنت اللي اكتشفت الواقعة

(أم أمل) واقعة أيه حضرتك مش فاهمة

(الأستاذ رامي) قصد سيادته دخول الأظرف من تحت عقب الباب يأم أمل

(أم أمل) آه فهمت

(وكيل النيابة) وبعدين أستاذ رامي دورك لسه مجاش عشان تدخل فؤ الكلام

(الأستاذ رامي) أسف يافندم

(وكيل النيابة) بكرر كلامي ياست

أنت اللي استلمتي الأظرف لا سيدة

(وكيل النيابة) سيدة مين؟

(أم أمل) سيدة الخادمة

(وكيل النيابة) يتم استدعاء سيدة الخادمة

(أم أمل) يالهوي الست هتخاف وممكن تمشي وتسيبني لوحدي أعمل أنا ايه ساعتها

(المحامي رامي) يافندم أنا كنت موجود في واقعة الظرف الثاني

(وكيل النيابة) والظرف الأول كنت موجود!

(الأستاذ رامي) لا

(وكيل النيابة)

وأنت أم أمل كنتي موجودة

(ام أمل) في الظرف الثاني لكن الأول لا

(وكيل النيابة) يتم استدعاء سيدة الخادمة لأخذ أقوالها

ويوجه كلامه لأم أمل هاتي الظرف الأول شوفتي فيه أيه

(أم أمل) شوية صور خليعة لمعاذ وبعض الستات

(وكيل النيابة) مين معاذ؟

(الأستاذ رامي) زوج أمل بنتها

(وكيل النيابة) مازال كلامي موجها للسيدة

(رامي المحامي) أعتذر

(أم أمل) زي ما قال الأستاذ رامي زوج بنتي أمل وصاحب محمد ابني

(وكيل النيابة) تعرفي السيدات في الصور

(أم أمل) وأنا أعرف الأشكال دي منين؟

(وكيل النيابة) شوفت الصور أستاذ رامي

(الأستاذ رامي) أيوة يافندم

(وكيل النيابة) تعرف مين في الصور

(الأستاذ رامي) أعرفهم منين يافندم دي أم أمل كلمتني لما وجدت الظرف وروحت لها باعتباري موكلها في القضية للدفاع عن أمل بنتها

(وكيل النيابة) يعني متعرفش مين في الصور دي

(الأستاذ رامي) لا يافندم

(وكيل النيابة) وهل تعرف معاذ زوج أمل

(الأستاذ رامي) لا يافندم

(وكيل النيابة) والظرف الثاني وصل امتي

(أم أمل) الظرف وصل والأستاذ رامي موجود ولما الجرس رن سيدة فتحت الباب ملقتش حد زي المرة الأولانية ولما جت تقفل الباب لقيت الظرف قدام باب الشقة من جوة

(وكيل النيابة) بنفس طريقة وصول الظرف الأول

(أم أمل) أيوة يافندم

(وكيل النيابة) تمام والظرف الثاني أستاذ رامي بما أنك كنت حاضر كان فيه أيه ياترى؟

(الأستاذ رامي) كان فيه ساعة يد

(وكيل النيابة) تعرف الساعة دي تخص مين؟

(أم أمل) بتاعة ابني محمد

(وكيل النيابة) أظن يامدام كلامي موجه للأستاذ رامي

(أم أمل) أسفة يافندم

(الأستاذ رامي) معرفش يافندم الساعة بتاعة مين لكن أم أمل لما شافتها صرخت وقالت ساعة ابني

(وكيل النيابة) وأنت يا أم أمل متأكدة أن الساعة ملك محمد ابنك مهي الساعات الرجالي كثير ومتشابهة ممكن تكون الساعة ملك معاذ مثلا أو أبو محمد أو أي حد ثاني

(أم أمل) لا أنا متأكدة أنها ملك محمد أبني

(وكيل النيابة) أيه اللي خلاك متأكدة كده أوي هل فيه دليل عندك على كلامك

(أم أمل) أيوة يافندم

(وكيل النيابة) أيه دليلك لو سمحتي

(أم أمل) أصل الساعة دي أخر هدية عيد ميلاد لمحمد من من من وتتلجلج في الكلام

(وكيل النيابة) يشخط فيها من مين قولي

(أم أمل) من بسنت

الأستاذ رامي المحامي ينظر لأم أمل باستغراب واستنكار

(وكيل النيابة) مين بسنت دي بنتك بردة أخت أمل

(أم أمل) لا دي البنت اللي محمد كان بيحبها وعاوز يخطبها

ويوم عيد ميلاد محمد كان مفروض يكون في إجازة ونحتفل معه بعيد ميلاده بس للأسف مجاش عشان كده بسنت أتصلت بيا تسأل على محمد ولما عرفت أنه مجاش طلبت مني تزورني وتعطيني هدية محمد وقالت أن ممكن دي أخر مرة تتصل عليا بس

(وكيل النيابة) أخر مرة ليه؟

(أم أمل) أصل اتقدم لها عريس وأبوها غصبها على الموافقة

(وكيل النيابة) طيب طالما بسنت دي ومحمد بيحبوا بعض ليه محمد متقدمش لأبوها يخطبها

(أم أمل) أتقدم يافندم بس أبوها رفضه

(وكيل النيابة) ليه رفضه طالما الولد والبنت بيحبوا بعض وليه بسنت مبلغتش أبوها بحبها

(أم محمد) أبوها رفض عشان محمد مكنش عنده فلوس يجيب شبكة ويدفع مهر وكده يعني وأي أب من حقه يختار لبنته الأحسن

(وكيل النيابة) طيب أنتم ليه لم تساعدوا ابنكم

(أم أمل) أنا مطلقة يافندم من الأب ومحمد عنده سبعة عشر عام وبشتغل شغلنتين عشان أصرف عليهم وأعلمهم هعمل أيه أكثر من كده

(وكيل النيابة) وفين الأب مش بتأخدي نفقة للأولاد

(أم أمل) لا يافندم هو طلقني واختفي واتجوز وعمل حياة جديدة بعيد عننا وخلاص

(وكيل النيابة) يتم استدعاء بسنت ويتجه لأم أمل هي اسمها بسنت أيه

عشان نكتب في الاستدعاء

(أم أمل) معرفش

(وكيل النيابة) بشخط يعني أيه متعرفيش

(الأستاذ رامي) بالراحة يافندم ومن فضلك راعي الحالة النفسية للأم وهي هتعرف منين لقب اسم زميلة ابنها

(وكيل النيابة) يعني أيه أستاذ رامي ابنها هيتقدم لواحدة متعرفش لقبها أيه ليه هتتقدم لواحدة مجهولة وبتقولك ابنها اتقدم فعلا واترفض من الأب يبقى ازاي متعرفش لقبها

(أم أمل) معرفش لقبها لأن محمد راح لوحده قابل أبوها لما بسنت اتصلت وكانت بتعيط وتقوله أن أبوها جايب لها عريس ومصمم عليه

(وكيل النيابة) يعني ابنك مقلش لك أنه رايح لأبو العروسة عشان يتقدم لها

(أم أمل) قالي وطلب مني أروح معه

(وكيل النيابة) وروحتي معه!

(أم أمل) أروح فين سيادتك وأقول لأبوها أيه أقوله اربط بنتك جنبك لحد ابني ما يكون نفسه لا طبعا لأن لو كانت أمل بنتي مكانها كنت هرفض بردة

(وكيل النيابة) يعني أنت مصرة أنك متعرفيش لقب بسنت حبيبة ابنك

(أم أمل) لا والله معرف غير أن اسمها بسنت وبس

(وكيل النيابة) وأنت فتحت الهدية وشوفتي الساعة فيها

(أم أمل) لا مفتحتش الهدية

(وكيل النيابة) امال عرفتي منين إن جوة العلبة ساعة

(أم أمل) محمد لما جه الإجازة اللي بعدها أديته الهدية وفتحها قدامي واستأذن مني يدخل غرفته يكلم بسنت فقلت له بلاش عشان هي بقت في عصمة رجل ثاني لأن أبوها صمم على كتب الكتاب

(وكيل النيابة) ومحمد عمل أيه سمع كلامك ولم يتصل

(أم أمل) قعد يلطم على وشه زي الولاية ويصرخ ويعيط قطع قلبي ياقلب أمه

بس مفيش في ايدي حاجة أعملها له

(وكيل النيابة) طيب ليه مرحش لأبوه

(أم أمل) راح وأبوه طرده وجه مكسور من عنده ورفض يكلمني نهائي بعدها وفضل حابس نفسه في اوضته يومين الإجازة وبعد كده رجع شرم الشيخ ومشفتوش ثاني غير وأنا بستلم جثته من المشرحة

(وكيل النيابة) يعني محمد لم يحكي لك أيه الحوار اللي دار بينه وبين والده

(أم أمل) لا متكلمش خالص لحد مارجع شرم الشيخ

(وكيل النيابة) وأمل أخته لم تحاول معرفة أي حاجة منه

(أم أمل) حاولت لكن رفض الكلام ورجع شرم الشيخ ولم نفهم فيه أيه

(وكيل النيابة) يتم استدعاء الأب للحضور للنيابة باكر

(أم أمل) وهو أبوه اللي رماه وهو عيل هيعرف عنه أيه يعني

(وكيل النيابة) يشخط فيها متيجي تقعدي مكاني أحسن!

(أم أمل) أسفة يافندم

(وكيل النيابة) نرجع بقى لحكاية الصورونشوف أيه الحكاية؟