All Chapters of Too Late to Win Back His Betrayed Wife: Chapter 121 - Chapter 130

“Walang sasagot sa kahit isang comment.”Matatag ang boses ni Kiara kahit parang unti-unting sumisikip ang buong opisina sa sunod-sunod na pagtunog ng mga cellphone at telepono.“Pero, Ma’am, tinatawag po kayong kabit,” sabi ng social-media manager. “May nagsasabi ring peke ang brand natin.”“Kapag nakipagtalo kayo, lalo lamang lalaki ang gulo. I-save ninyo ang original post, link, screenshots, at timestamps. Ilista rin ang lahat ng cancellations at refund requests. Walang magde-delete at walang magko-comment gamit ang official account.”Tumango ang babae at bumalik sa sariling mesa.Huminga nang malalim si Kiara bago sinagot ang tawag ng retail representative.“Ma’am Kiara, nakita po ng management ang kumakalat na post,” bungad nito. “Kailangan naming malaman kung totoo ang allegations.”“Aling bahagi?”“Na kay Mr. Montecillo ang building ninyo. Na galing sa Montecillo ang puhunan at ginamit ninyo ang production facility nila para sa order namin.”“Kay Cassian Montecillo ang gusali, p

Hindi inalis ni Kiara ang tingin sa opisyal na notice.Malinaw na nakasaad doon ang reklamong isinampa ni Natasha kaugnay ng dalawang sampal na ibinigay niya. Kalakip niyon ang mga litrato ng namumulang pisngi nito at sinumpaang salaysay na naglalarawan sa kanya bilang bayolenteng nanugod sa bahay.“Hindi ko itatanggi ang ginawa ko,” sabi niya sa abogado ng Elara & Co. “Sinampal ko siya. Dalawang beses.”“May karapatan kang magbigay ng buong salaysay at ilahad ang mga pangyayaring humantong sa komprontasyon.”“Gagawin ko iyon. Handa rin akong harapin ang resulta ng pagkawala ko ng kontrol.” Isinara niya ang dokumento. “Pero hindi ko babawiin ang reklamo tungkol sa pananabotahe. Hindi niya magagamit ang mga sampal para patahimikin ako.”Bumukas ang p***o ng opisina.Pumasok si Cassian na hawak ang cellphone. Mabigat ang mga hakbang nito, at naninigas ang panga habang lumalapit sa mesa.“Nalaman ko ang tungkol sa reklamo.”“Ang bilis makarating sa’yo.”“Ipinadala ni Natasha sa abogado ko

“Aba’t! Hindi ikaw ang kinakausap ko!” sagot ni Tristan.“Enough.” Pumagitna si Kiara bago pa gawing boxing ring ng dalawang lalaki ang bahay niya. “Kung gusto ninyong mag-away, sa labas kayo. Natutulog si Sierra.”Pareho silang tumahimik, ngunit nagpatuloy ang palitan ng matatalim na tingin.Napabuntong-hininga si Kiara. “Alam ninyo, sa halip na magpatutsadahan kayo, bakit hindi na lang mag-collaborate ang Montecillo at Royal Gemworks?”Sabay na napalingon sa kanya ang dalawa.“Seryoso ako. Magkaiba ang strengths ng mga kumpanya ninyo, pero pareho kayong magaling. Kapag pinagsama ninyo ang craftsmanship, technology, at market reach ninyo, kaya ninyong makipagsabayan sa international brands.”Nagkatinginan sina Cassian at Tristan na para bang parehong nag-aabang kung sino ang unang tatanggi.“Sige,” sabi ni Tristan. “Basta ikaw ang head designer.”“Kung siya ang head designer, kailangang kasama ang Elara & Co. sa partnership,” sagot ni Cassian. “Hindi siya magiging empleyado ng sinuman

Hindi inabot ni Kiara ang kamay ni Tristan.Nanatili iyon sa ibabaw ng mesa, bukas, naghihintay, at nag-aalok ng uri ng pagmamahal na minsan niyang hiniling na matanggap.“Piliin mo ako, Kiara. Pangakong hindi ka magsisisi,” ulit nito.Huminga siya nang malalim. “Marami kang ginawa para sa amin ni Sierra. Tinulungan mo akong magsimulang muli noong pakiramdam ko ay wala na akong pag-asa. Hindi ko makakalimutan iyon. Pero--”“Pero?”“Pero hindi sapat ang utang na loob para mahalin kita sa paraang gusto mo.”Binawi ni Tristan ang kamay. “Hindi mo ba talaga ako kayang mahalin?”Napaiwas ng tingin si Kiara.Hindi niya gustong saktan ito. Ngunit magiging mas malupit kung bibigyan niya ito ng pag-asang hindi niya kayang panindigan.“Ayaw kong gawin kang panakip sa sugat na iniwan ng ibang lalaki,” sabi niya.“O dahil pag-aari pa rin ni Cassian ang puso mo?”Parang may pumisil sa dibdib niya.Mabilis sana niyang itatanggi iyon. Ilang linggo lamang ang nakalipas, kaya niyang sabihin kay Tristan

Gahibla na lamang ang pagitan ng mga labi nila.Nakahawak pa rin si Cassian sa baywang ni Kiara, ngunit hindi nito ginamit ang pagkakadulas niya upang basta siya halikan. Nanatili itong nakatingin sa kanya, hinihintay kung lalayo ba siya.Maaari siyang tumanggi. Maaari niyang gamiting dahilan ang lugar, ang ulan, o ang lahat ng sakit na hindi pa tuluyang naghihilom.Ngunit pagod na siyang itanggi ang bagay na pareho nilang nararamdaman.Hinawakan ni Kiara ang kuwelyo nito at hinila ito palapit.Nagtagpo ang mga labi nila.Hindi nagmadali si Cassian. Magaan lamang ang unang pagdampi ng labi nito, na para bang binibigyan pa rin siya ng pagkakataong magbago ng isip. Nang hindi siya lumayo, saka nito pinalalim nang kaunti ang halik.Naramdaman ni Kiara ang pag-igting ng kamay nito sa kanyang baywang.Hinayaan niyang maramdaman ang init ng katawan ng dating asawa.Anim na taon niyang itinuro sa sarili na dapat na niyang kalimutan si Cassian. Ngunit sa isang halik, bumalik ang lahat ng damda