Third-Person POV Web Novels & CEO Divorce Stories

Si Rachel Specter, isang matagumpay na abogado at co-CEO ng Specter Ross, ay nasa rurok ng tagumpay nang makuha niya ang pinakamalaking kliyente sa kasaysayan ng kanilang kompanya. Ngunit sa araw ding iyon, gumuho ang kaniyang mundo matapos niyang mahuli ang kaniyang fiancé at business partner na si Harvey Specter na nakikipagtalik sa kaniyang dating sekretarya na si Donna. Dahil sa matinding pagtataksil, agad na tinapos ni Rachel ang kanilang relasyon at pinigilan ang planong kasal na palihim na inihahanda ni Harvey. Habang tinatangka niyang takasan ang dating kasintahan, nasangkot siya sa isang malagim na aksidente sa sasakyan. Sa ospital, isang mas masakit na balita ang sumalubong sa kaniya: nalaglagan siya ng anak. Galit at wasak, nagpasya si Rachel na tuluyang putulin ang lahat ng ugnayan kay Harvey. Pinirmahan niya ang mga papeles ng diborsyo at sinibak ito bilang Name Partner ng Specter Ross bago pansamantalang umalis ng bansa. Ngunit sa America, isang nakakagulat na katotohanan ang nabunyag. Kambal pala ang kaniyang ipinagbubuntis, at isa lamang sa mga sanggol ang nasawi sa aksidente. Habang lihim na pinoprotektahan ang natitirang anak, napilitan siyang bumalik sa Pilipinas upang iligtas ang humihinang kompanya. Sa kaniyang pagbabalik, muli silang nagkaharap ni Harvey, na ngayo'y engaged na kay Donna. Ngunit hindi alam ng lalaki na buhay pa ang anak na pinaniniwalaan niyang nawala na magpakailanman.

Apat na taon matapos iwan ni Mara ang nasirang marriage nila, muli niyang haharapin si Rafael—ang lalaking minahal niya at piniling kalimutan. Ngayon, boss na niya ito—mas makapangyarihan, mas malamig… at mas delikado pa rin sa puso niya. Habang unti-unting bumabalik ang dating damdamin, pilit niyang tinatago ang pinakamalaki niyang sikreto— ang anak nila. Pero habang lumalapit si Rafael sa katotohanan, mas nagiging imposible ang pag-iwas. Sa pangalawang pagkakataon na magtagpo ang mga puso nila… pipiliin ba nila ang isa’t isa? O mauulit lang ang sakit ng nakaraan?

Isang kasal na walang pag-ibig—iyon lang ang turing ni Hunter kay Ayla. At nang muling bumalik ang kanyang unang mahal, wala siyang pagdadalawang-isip na iwan si Ayla at burahin ang lahat ng mayroon sila. Pero hindi lahat ng iniwan ay nananatiling mahina. Muling bumangon si Ayla, hindi na bilang biktima kundi bilang isang babaeng handang gumanti. Ngunit habang papalapit siya sa kanyang layunin, isang tanong ang unti-unting bumabalot sa kanyang puso—paghihiganti ba talaga ang gusto niya… o ang patunayan na siya ang dapat pinili? Sa laban ng nakaraan at kasalukuyan, ng pag-ibig at galit—hanggang saan kayang sirain ni Ayla ang isang taong hindi naman siya minahal? At kapag dumating ang huli, sino ang tunay na matatalo?

Sa isang marangyang hotel sa gitna ng lungsod, natagpuan ni Lily May Salvador ang panandaliang paglimot sa sakit ng pagtataksil ng kanyang asawa—sa bisig ng isang misteryosong estranghero. Isang gabing puno ng kapusukan ang nag-ugnay sa kanila, isang sandaling hindi niya inasahang mag-iiwan ng panghabambuhay na marka. Ngunit bago pa sumikat ang araw, pinili niyang lumayo, dala ang isang lihim na babago sa kanyang buhay. Siya ay buntis. At hindi lang isa—triplets ang kanyang dinadala. Sa paglipas ng mga taon, matagumpay niyang itinaguyod ang kanyang mga anak, malayo sa anino ng kanilang ama. Ngunit isang araw, bumalik ang kanyang dating asawa, desperadong humihingi ng pangalawang pagkakataon. Kasabay nito, isang hindi inaasahang pagtatagpo ang naganap—ang pagbabalik ng lalaking hindi niya kailanman nakalimutan, ang tunay na ama ng kanyang mga anak. Pareho silang may nais. Ngunit sa pagitan ng nakaraan at kasalukuyan, sino ang dapat niyang piliin? Ang lalaking minsang bumasag sa kanyang puso, o ang estrangherong itinakda ng tadhana para sa kanya?

Dalawang taon siyang binalewala ng sariling asawa. Ngunit nang may matuklasan si Calli sa ilalim ng kama ng kanilang silid, saka niya napagtanto ang pinakamasakit na katotohanan—kahit siya ang legal na asawa, pakiramdam niya ay siya ang kabit. Habang unti-unting nawawasak ang kanyang mundo, isang misteryosong lalaki ang dumating at binago ang takbo ng kanyang buhay. Sa araw ng kanyang divorce, si Jaxxon ang unang sumalubong sa kanya—ang lalaking matagal nang itinago ang tunay nitong nararamdaman. Pagkatapos ng isang pusong winasak ng maling pag-ibig, magkakaroon pa kaya siya ng lakas na muling magmahal? O hahayaan na lang niyang tuluyang lumipas ang pagkakataong minsan nang ipinagkait sa kanila?

“Sa loob ng pitong taong pagsasama natin, naging sunod-sunuran ako sa pamilya mo. Umaasang balang araw mararamdaman ko rin ang pagmamahal mo—ang mahalin ng isang Draven Morris.” Ako si Scarlet Ferguson. Itinago ko ang lahat ng sakit, pati na ang anak naming hindi niya kailanman nalaman. Akala ko sapat na ang pagiging tapat na maybahay para mabago ang nakatakdang paghihiwalay na nakasaad sa aming kasunduan. Ngunit isa lang pala itong malaking biro. Habang ibinibigay ko sa kanya ang lahat, iba naman ang babaeng palagi niyang pinipiling paniwalaan at inuuna. Ngayong tapos na ang pitong taon, ako naman ang magbibigay ng bagong kontrata. Sa aming paghihiwalay, magiging malaya na kami—pero hinding-hindi ko ipapaalam ang tungkol sa aming naging anak. Pipirmahan kaya ni Draven ang kasunduang tuluyang mag-aalis sa lahat ng kanyang karapatan bilang ama, o huli na ang lahat bago niya mapagtanto ang pinakamahalagang taong mawawala sa kanya?

They were secretly married for two years and she held onto her foolish thought that maybe her husband will eventually love her, but that hope shattered when he handed her a divorce agreement. “She’s back.” Just two words but that left her shattered into pieces. Ni hindi na niya nagawa pang sabihin dito ang kanyang pagbubuntis at umalis. Eight years later, they met again as her new CEO. The funny thing part? He saw their child unexpectedly. “Tell me, is he our son?” Hindi niya alam ang gagawin niya ng mga oras na iyon, pero may dahilan ba para aminin niya na anak nila ito? Wala. “No, he’s not.” Wala siyang balak na aminin ang totoo but life had always unexpected turns, lihim itong nagpa-DNA test at doon siya nahuli. “Your coming with me o ilalayo ko sayo ang anak natin, mamili ka.” Handa ba siyang itaya ang puso niya na minsan na nitong winasak alang-alang sa anak nila?

Anastasia Celeste Montano — a secretive, manipulative, and ambitious wife of the number one business tycoon in the country — Frederick Maxwell Dominguez. Dahil sa kagustuhang umangat at makaahon sa kahirapan ay nagawang akitin ni Anastasia ang nag-iisang tagapagmana ng KeyStone Legacy Builder — isang kumpanya na siyang nangunguna sa bansa pagdating sa construction supplies. Ngunit lingid sa kaalaman ni Anastasia ay hindi lamang pala siya ang nagmamanipula sa mga nangyayari. Dahil sa kagustuhan ni Frederick na magustuhan ng ama at maipamana sa kanya nang tuluyan ang kumpanya ay pumayag siyang maikasal kay Anastasia kahit hindi niya naman talaga mahal ito, sa kadahilanang ang angkin nitong talino at galing sa lahat ng bagay ay lubos na makakatulong sa kanyang sariling pag-angat. Samantala, sa hindi inaasahang pagkakataon ay nahulog ang loob nina Frederick at Anastasia sa isa’t isa sa kabila ng lahat ng pagpapanggap at lihim na kanilang itinatago sa bawat isa. Ngunit walang kasinungalingan ang hindi nabubunyag. Nalaman ni Frederick at ng kanyang pamilya na si Anastasia ay hindi pala nagmula sa mayamang pamilya dahilan upang kamuhian siya ng mga ito dahil sa kanyang ginawang panloloko, lalo na ng ina ni Fred na isang matapobre. At hindi rin nakaligtas ang pagbunyag ng isang sikretong tuluyang nakasira sa kanila. Nalaman ni Anastasia na ang nakababatang kapatid ni Frederick ay anak pala nito sa unang kasintahan. Naging sanhi ito ng kanilang paghihiwalay. Ngunit dahil sa tagal nilang naging magkasama ay napalapit na pala ang loob ng ina ni Fred kay Anastasia kung kaya’t siya mismo ang nagpumilit na makipagbalikan ang kanyang anak sa asawa nito. Maaari pa kayang maibalik ang relasyong nasira? O tuluyan na itong mawawala?

Sa loob ng tatlong taon ng pagsasama nina Irene at Nathan, pinaniwalaang siya ang babaeng pinakamamahal ng kanyang asawa. Ngunit isang gabi, sa gitna ng pagkamatay ng nakatatandang kapatid ni Nathan, natuklasan niya ang katotohanang kayang durugin ang lahat ng paniniwala niya. Ang babaeng mahal ni Nathan ay ang sarili niyang sister-in-law. Sa harap ni Irene, walang pag-aalinlangang hinarap ni Nathan ang sampal na para sana sa babae. Sa sandaling iyon, malinaw na sa kanya ang lahat. Hindi siya kailanman minahal ni Nathan. Pinakasalan lamang siya nito dahil mabait, masunurin, at sensible siya. Akala nito, kahit gaano siya saktan, mananatili siyang tahimik. Pero nagkamali siya. Nang humingi si Irene ng divorce, hindi siya nagmakaawa. Tahimik niyang tinanggap ang divorce certificate at tinalikuran ang lalaking hindi siya kailanman pinili. Ang hindi alam ni Nathan, tapos na ang lahat. May bago nang naghihintay kay Irene, isang lalaking hindi lang mayaman at makapangyarihan, kundi kinatatakutan at iginagalang ng buong mundo. Ang Top Tycoon. Nang matagumpay na ma-develop ni Irene ang isang groundbreaking cancer cure, ipinagdiwang siya ng buong mundo. Ngunit sa gitna ng lahat ng papuri, si Nathan ay lumuhod sa harap niya, wasak ang pride at puno ng pagsisisi. “Irene, I was wrong. Please, look back at me. Give me another chance.” Ngunit wala nang puwang sa puso ni Irene para sa kanya. Isang hakbang siyang umatras, ngunit bago pa siya makalayo, isang braso ang umangkin sa kanyang baywang. Malamig na tiningnan ng Top Tycoon si Nathan. “Sorry, she’s getting married.” Mas hinigpitan niya ang yakap kay Irene. “She’s marrying me.” Sa wakas, naranasan ni Nathan ang mawalan ng babaeng dati niyang akalang hindi kailanman aalis. Pero kaya pa ba niyang mabawi si Irene ngayong ang babaeng sinayang niya ay magiging asawa na ng pinakamakapangyarihang lalaki sa bansa?

Ang akala niyang perpektong asawa na mahal na mahal siya ay sumiping sa ibang babae. Idagdag pa na ang ina nito ay sobrang ayaw sa kaniya na kung saan ay handa pa siya nitong bayaran para lang hiwalayan niya ang anak nito at nang makita niyang may kasiping na iba ang asawa niya ay doon na tuluyang naubos si Jasmine. Nakipaghiwalay siya rito, not knowing na buntis pala siya. Limang taon ang lumipas at muling nagkrus ang landas nilang dalawa. He became her new boss at doon, muli nitong ginulo ang mundo niya. “She's our daughter right?” his eyes filled with emotion. Ngumiti siya ng mapait. “She's not.” “Jasmine please... Alam kong may nararamdaman ka pa para sa akin.“ Matinding galit ang nararamdaman niya rito dahil sa ginawa nitong pagtataksil, ngunit paano kung hindi naman pala totoo ang lahat ng iyon at isa lang misunderstanding? Will they find their way back to love? Or tatanggapin na lang ang katotohanan na hindi sila para sa isat-isa dahil sa mga hadlang sa pag-iibigan nila?

Matapos buksan ni Tricia ang kanyang mga mata, natagpuan niya ang sarili na nagising makalipas ang anim na taon. Kinasal siya sa lalaking pinapangarap niya at nagkaroon ng anak. Ngunit, para sa isang walang kwentang lalaki ay pinili niyang gumawa ng mga bagay na dahilan ng pagkasira ng kanyang pamilya. Galit na galit ang anak niyang lalaki sa kanya, habang ang babae naman ay nagmamakaawa para sa kanyang pagmamahal. Gusto na ring makipag-divorce ng kanyang asawa sa kanya. At nang matauhan, sisiguraduhin niyang pagbabayarin niya ang lalaking nanloko sa kanya at babawiin niya ang nararapat na para sa kanya; ang asawa at ang mga anak niya. Maging matagumpay kaya ang plano ni Tricia na mabawi ang kanyang asawa at mga anak?

Tatlong taon. Tatlong taong magpapanggap silang tunay na mag-asawa. Tatlong taong hihintayin ni Hendrix ang pagbabalik ng babaeng tunay niyang minahal. Sa loob ng dalawang taon ng kanilang pagsasama, naging perpekto si Hendrix bilang asawa. Inalagaan siya nito, pinrotektahan, at hindi kailanman pinabayaang magkulang sa anumang bagay. Sa paningin ng lahat, sila ang huwarang mag-asawa. Ngunit si Sabrina lang ang nakaaalam ng mapait na katotohanan. Lahat ng kabutihang ipinapakita ni Hendrix ay bunga lamang ng obligasyon—hindi ng pagmamahal. At sa mismong araw ng kanilang ikalawang wedding anniversary, habang tangan ni Sabrina ang ultrasound na magbabago sana ng kanilang buhay, isang divorce agreement ang iniabot ng kanyang asawa. Bumalik na kasi si Kathryn Rodriguez—ang babaeng hindi kailanman nawala sa puso ni Hendrix. Sa isang iglap, nawasak ang lahat ng pangarap ni Sabrina. Pati ang balitang magkakaroon sila ng anak ay hindi na niya nagawang sabihin. Pinili niyang lumayo... kasama ang lihim na anak na hindi kailanman malalaman ni Hendrix. Ngunit hindi alam ng lahat na si Sabrina ay hindi lamang isang simpleng babae. Sa likod ng kanyang maamong ngiti ay nakatago ang isang pambihirang talino. Isa siyang world-class medical researcher na hinahangaan ng mga pinakamalalaking pharmaceutical companies sa buong mundo—isang babaeng isinuko ang sariling kinabukasan alang-alang sa lalaking minahal niya. Nang tuluyan niyang piliing unahin ang sarili at ang kanyang anak, saka lamang napagtanto ni Hendrix ang pinakamalaki niyang pagkakamali. Ngunit paano kung huli na ang lahat? Paano kung ang babaeng minsang handang ibigay ang buong mundo para sa kanya ay wala nang natitirang pagmamahal? At paano kung ang lihim na anak na hindi niya kailanman nakilala ang maging susi upang tuluyan niyang maunawaan ang tunay na halaga ng pag-ibig? May natitira pa bang pusong handang magpatawad? O ang tanging natitira na lamang ay pagsisisi habang buhay?

Pumirma siya sa mga papeles ng diborsyo nang matatag ang kamay, at umalis nang hindi na lumingon pa. Umasa si Roman Ashford ng luha. Katahimikan ang tinanggap niya. At kahit siya mismo ay nagulat mas masakit pala ang katahimikan. Sa loob ng tatlong taon, si Seraphina Montague ang tahimik na babaeng laging nasa tabi niya. Madaling malimutan, akala niya. Madaling hindi mapansin. Mali siya sa lahat ng ito. Hindi lang siya basta asawa. Siya ang tagapagmana ng isa sa pinakamakapangyarihang angkan sa buong bansa. Pinamahalaan niya ang mga imperyo mula sa anino. Iniligtas niya ang kompanya nito nang lihim samantalang nagbabalak na palang umalis sa kanya. Ngayon, hindi na siya maabot, at hindi mapigilan ni Roman ang sarili sa pagmamasid sa kanya. Gusto niya siyang mabawi. Ngunit siya, nakabangon na. Hinahabol niya ang babaeng hindi naman kailanman nangailangan sa kanya. At habang lalo niyang nalalaman kung sino talaga siya, lalo niyang lubos na nauunawaan kung ano ang kanyang itinapon. May mga pagkakamaling hindi na kayang ibalik pa. Malalaman ni Roman Ashford kung ito ba'y maaari pang mabawi.

Apat na taon ng kasal sila Xyriel at Ralph nang bumalik ang isang babaeng minahal ni Ralph. Noon lamang napagtanto ni Xyriel na kaya pala malamig na pagtrato at tila walang pagnanasa sa kanya ni Ralph ay hindi pala siya ang totoong mahal nito. Siya ang kasama sa bahay at katabi sa kama ngunit ang puso at isip ni Ralph ay nasa babaeng nililihim niyang mahalin, ang kabit nito. Binibigyan siya ni Ralph lagi ng panggastos buwan-buwan, tatlong libo ang saktong pera ngunit kulang ito sa mga gastusin sa pang-araw-araw ni Xyriel. Habang si Ralph ay tinitipid ang pera sa kanyang asawa na si Xyriel, nagwawaldas naman ng halos tatlong milyon para sa paghahanap sa kanyang kabit, ang babaeng matagal ng nakaukit sa puso nito. Sobrang sakit para kay Xyriel na hindi niya mapapantayan ang pagmamahal na pinaparamdam ni Ralph sa kabit nito.

Akala ni Elena, sapat na ang pagmamahalan nila ni Lance, ang kanilang mga pangako, at ang anak nilang si Lucas para manatili silang buo bilang pamilya. Pero isang babae ang dumating at ipinatikim kay Lance ang buhay na hindi niya kailanman naranasan. Si Sandra ang mayaman at magandang amo nit ang unti-unting bumihag sa puso at isip ni Lance hanggang sa makalimutan nitong may asawa at anak siyang naghihintay sa kanya. Nang matuklasan ni Elena ang pagtataksil ng asawa, isa lang ang hinihintay niya mula sa lalaking minsan niyang minahal nang buong puso. Ang paghingi nito ng tawad. Ngunit wala, walang narinig si Elena mula kay Lance sa halip ay pinipilit siya nitong pirmahan na ang divorce paper. Dahil mas pinili ni Lance si Sandra. At ngayong tuluyan nang bibitawan ni Elena ang kanilang pagsasama… Huli na ba para pagsisihan ni Lance ang lahat?