Nanny Hate to Love Web Novels & Stories

Gusto ko siyang ikulong sa poder ko, ilista ang buong yaman ko sa pangalan niya, at patayin ang kahit sinong tumingin man lang sa kanya nang may malisyang tingin dahil si Ciara Montez ay akin, at hinding-hindi ko hahayaang may umagaw sa mundo ko. Noon, dead-inside na ako. Stage 4 cancer, sunod-sunod na betrayal mula sa demonyong si Andrea na unti-unti akong nilalason para sa mana, at ang limitadong oras ng buhay ko. Pero nagbago ang lahat nang dumating ang sunshine energy niya. Siya ang tanging taong hindi natakot sa mga banta ko, na kahit noong pilit ko siyang itaboy at sinigawan para lang ilayo sa tiyak na kamatayan, ayaw pa ring bumitaw. Habang nalalagutan ako ng hininga sa sahig dala ng pinagsamang lason at sakit, niyakap niya ako at sinabing hinding-hindi niya ako iiwan. At doon ko naramdaman ang pinakamatinding shift sa utak ko: gusto kong mabuhay. Hindi para sa Voltaire Empire, kundi para sa kanya. Ngayon, natapos ko na ang bangungot ng nakaraan. Nakaluhod ako sa harap niya habang sumisikat ang araw sa cliffside, hawak ang simpleng singsing na may dugtong na pangako. Ang babaeng akala ko’y magiging katapusan ko ang siya ring nag-utos sa pusong ito na tumibok muli. Ciara, ibinigay ko sa'yo ang huling hininga ko, at ngayon, ang buong buhay ko naman.

Sabi nila, kapag billionaire ka, lahat kaya mong bilhin. Funny. Kasi kahit kaya kong bumili ng private island, hindi ko mabili ang isang text na "Mahal kita." Ako si Franco Voltaire. The ruthless billionaire. CEO by day. Emotionally constipated idiot by choice. At apparently... professional sa pagsira ng sarili kong love story. Imagine this. I survived hostile takeovers. Greedy investors. Corporate sharks. Pero ang pinakamalaking kalaban ko pala? Si Tanya Rivera ang literal na walking disaster ng buhay ko. Maingay. Makulit. Walang preno ang bibig. At walang takot sabihing mukha akong kontrabida sa teleserye. Dapat inis na inis ako sa kanya. Instead... Siya ang naging paborito kong dahilan para umuwi. Pero dahil bobo ako pagdating sa feelings, pinili kong manahimik. Akala ko may oras pa. Wala pala. One hug. Tatlong salitang... "I missed you." At isang maling akala. 'Yun lang ang kailangan para mawala siya. Hindi niya alam na ang niyakap ko ay ate ko. Hindi ko alam na buntis na pala siya. For one year, hinanap ko siya na parang baliw. Then I found her... sa isang maliit na café sa La Union. Masaya na siya. May bagong mundo na siya. At may kargang baby boy na eksaktong kamukha ko. Congratulations, Franco. Habang busy kang magpalaki ng kumpanya... may anak ka palang lumaking wala ang tatay niya. Ngayon, tuwing tatawagin niya akong "Mister," parang may kutsilyong umiikot sa dibdib ko. At ang masaklap? Mas gusto pa ng anak kong tawaging "Daddy" ang delivery rider kaysa sa'kin. Deserve ko. Pero hindi ibig sabihin susuko ako. Kahit pagtawanan nila ako. Kahit araw-araw akong i-reject ng babaeng mahal ko. Kahit sarili kong anak ang pinakamalakas mang-asar sa'kin. I'll keep choosing them. Because losing Tanya once... was already the biggest mistake of my life. I refuse to lose my family twice.

Mag-a-apply sana si Giselle bilang Domestic Helper sa Saudi Arabia. Pero pagdating niya sa Maynila, nadukutan siya, nawala ang mga papeles pati na rin ang perang inipon ng kanyang ama. Dahil insidenteng iyon, napadpad siya sa puder ni Raul Montoya—isang single dad na ubod ng gwapo, matipuno, at mayamang negosyante, ngunit ubod nga lang din ng sungit at palaging iritado. Magtatrabaho siya rito bilang nanny ng anak nito. Unang araw pa lang niya sa trabaho, naranasan na niya ang hagupit ng sama ng ugali nito. Tila ang init ng dugo nito sa kanya at mas lumala pa ito sa mga sumunod pang mga araw hanggang sa natuto siyang lumaban dito, dahilan para mas lalo itong magalit sa kanya. Ngunit hindi mapaalis-alis ni Raul si Giselle dahil napalapit na rito ang anak niya. Nagpatuloy ang bangayan ng dalawa hanggang sa may nangyaring hindi inaasahan—isang makasalanang gabi ang nangyari sa kanilang dalawa. Isang gabing hindi nila malilimutan. Isang gabing nagparanas sa kanila ng kakaibang init at sarap. Ito na kaya ang maging hudyat ng tuluyang pagbabago ng relasyon nilang dalawa?

Nang mawalan ng trabaho si Cordelia o Cordie, ang huling inaasahan niya ay mapunta sa loob ng marangyang mundo ng pinakamakapangyarihang lalaki sa probinsya. Sa rekomendasyon ng kanyang tiyahin, tinanggap niya ang trabaho bilang nanny ng anak ng malamig at istriktong Gobernador—si Cassian Romano. Tahimik, malayo ang loob, at palaging may distansya—iyon ang Gobernador sa mata ng lahat. Ngunit may lihim ang Gobernador. Matagal na palang nakatago sa puso ni Cassian ang damdaming pilit niyang nilalabanan. Bata pa si Cordie noon nang una niya itong makilala, at bilang isang ama at politiko, natutunan niyang itago ang atraksiyong iyon sa ilalim ng yelo ng kanyang katauhan. Ngunit ngayong magkasama na sila sa iisang bubong, kasama ang anak niyang unti-unting minamahal ni Cordie, lumalabo ang mga linyang dati niyang malinaw na naiguhit. Ang bawat ngiti nito, bawat titig, ay nagbabalik ng damdaming pilit niyang nililibing. Si Cassian ay isang duwag pagdating sa pag—ibig pero hanggang kailan niya kakayaning pigilan ang babaeng matagal na niyang minamahal nang palihim?

Sa edad na 21, ang pangarap lang ni Almira Jade Castillo ay makapagtrabaho nang maayos at makatulong sa kanyang pamilya. Kaya nang alukin siya ng trabaho bilang caregiver ng pinakamayamang pamilya sa kanilang nayon—ang mga Raven—hindi niya inisip na ang malaking sahod ay kapalit pala ng isang buhay na puno ng takot at mga lihim. Ang tungkulin niya? Alagaan si Ellixar Ace Raven. Isang lalaking halos walang nakakakita. Isang tagapagmana ng pamilyang Raven na matagal nang nababalot ng misteryo. Sinasabing may kakaibang pag-uugali, malamig, at hindi marunong makisalamuha sa ibang tao. Pero ang hindi alam ni Almira... Si Ace ay hindi isang ordinaryong pasyente. Sa edad na 30, si Ellixar Ace Raven ay isang henyo na may madilim na pag-iisip. Isang lalaking hindi natatakot sa mga bagay na kinatatakutan ng iba. Isang psychopath na kayang pag-aralan ang tao na parang isang eksperimento. At ngayon, si Almira ang bago niyang kinahuhumalingan. Sa una, ang tingin ni Ace sa kanya ay isang simpleng tagapag-alaga lamang. Isang bagong laruan na madaling masira. Pero habang tumatagal, nagsisimulang mabasag ang mga pader na itinayo niya sa sarili. Ang babaeng dapat niyang takutin ang siya palang nagiging dahilan para makaramdam siya ng mga bagay na matagal na niyang hindi nauunawaan. Samantala, habang sinusubukan ni Almira na mabuhay sa ilalim ng iisang bubong kasama ang isang mapanganib na lalaki, unti-unti niyang matutuklasan ang katotohanan sa likod ni Ellixar Ace Raven. Dahil sa likod ng malamig niyang mga mata at madilim niyang mga lihim... May isang dahilan kung bakit siya naging halimaw. At ang pinakamapanganib na bahagi? Si Almira ang tanging taong piniling manatili ng isang psychopath. Kapag ang isang tagapag-alaga ang naging obsession ng kanyang mapanganib na alaga... hanggang saan niya kayang tumakas?

“And don’t fall in love with me.” Iyon ang huling patakaran ni Lucas Matteo Vergara para kay Mandy D. Mapagkatiwalaan. Natawa lang si Mandy nang marinig iyon. Dahil sino ba naman ang magkakagusto sa isang suplado, mayabang, at ubod ng sungit na bilyonaryo? Siguro may iba. Pero hinding-hindi siya. Ngunit nagbago ang lahat nang mapilitan siyang pumirma sa isang kontratang magliligtas sa buhay ng babaeng tumuring sa kanya bilang sariling apo. Upang matupad ang huling hiling ni Lola Janette, kailangan niyang pakasalan si Lucas at maging kontratang asawa nito sa loob ng tatlong taon. Akala ni Mandy, iyon na ang pinakamahirap na bahagi ng kanilang kasunduan. Ngunit nang bumalik si Samantha—ang unang babaeng minahal ni Lucas at ang babaeng muntik na niyang pakasalan—unti-unting nabasag ang mga pader na itinayo niya sa paligid ng kanyang puso. At doon niya napagtanto na may mas mahirap pa pala kaysa sa pagiging kontratang asawa ng isang bilyonaryo. Ang mahulog sa lalaking hindi kailanman magiging kanya. Hanggang kailan niya kakayaning magpanggap na walang nararamdaman? At kapag dumating ang araw na kailangan na niyang umalis, handa ba siyang bitawan ang lalaking pinakamamahal niya? O lalaban siya para sa pag-ibig na mula pa sa simula ay hindi naman para sa kanya?

Si Ally ay galing sa pamilya na hindi naman mahirap at hindi naman mayaman, kumbaga nasa average level lang ang kanilang pamumuhay,nagsusumikap sa buhay. Tatlo silang magkakapatid na puro babae, siya ang panggitna, that's why she has a strong persanality. Palaban, madiskarte, at independent. On the other hand,Copper is a MultiBillionaire widower, he owns multiple classes of Business, from aviation to mining company. In spite of being a billionaire he is a lonely, somewhat cold-hearted man. May anak siyang babae sa namayapa nyang maybahay. A very kind and smart little girl named Kasha. Magkatagpo kaya ang landas nilang tatlo? O may magaganap bang pag-iibigan sa pagitan ni Copper at Ally? Do they bring joy to Kasha? Love is everywhere and they'll wait until love will find each other.

"Sinusunod ko lang ang utos mo, Sir." Iyon ang laging sinasabi ni Cleo tuwing inuutusan siya ni Cole—ang kanyang boss na may perpektong mukha at katawan na makalaglag-panty sa lahat ng kababaihan . Bilang bagong katulong sa mansyon ng mga Salvatore, akala niya ay paglilinis, pagluluto, at pag-aalaga ng aso lang ang trabaho niya. Hindi niya inaasahang kasama pala sa job description ang pagpapa-init ng kama ng kanyang amo. Si Cole Salvatore ay may dalawang katangian: ang perfectionist CEO na laging nasa business section ng dyaryo, at ang lalaking may mga pangangailangang hindi kayang tapatan ng kahit anong board meeting. At si Cleo? Siya ang naging solusyon. Sa araw, walang tigil ang utos. Sa gabi, walang tigil ang ungol at halinghing. Ngunit sa likod ng mainit na mga gabing ito, may nabubuong damdamin na hindi kasama sa kontrata. Paano kung ang gabi-gabing laro ng pagnanasa ay magbunga ng totoong pag-ibig para kay Cleo—habang para kay Cole, nananatili pa rin siyang isang katulong na pwedeng palitan sa sandaling matapos ang kontrata?

Isang aksidente sa mall ang nagpabago sa simpleng buhay ng barista na si Mayumi Ramos. Isang bibong apat na taong gulang na bata lang naman ang biglang yumakap sa kaniya at tinawag siyang "Mommy!" para takasan ang bodyguard nito. Ang malala, ang tatay ng bata ay walang iba kundi ang masungit at napakagwapong bilyonaryong si Zandro De Vega. Dahil sa katigasan ng ulo ng anak, napilitan si Zandro na kunin si Mayumi bilang personal nanny ng bata. Kaya ba ni Mayumi na paamuhin ang makulit na si Baste, kung ang supladong tatay nito ang dahan-dahang nagpapatibok ng puso niya?

Sa gitna ng isang malamig at maka pangyarihang mansion, pumasok si Ysabel Aragon isang babaeng hindi lang basta nanny, kundi si Vivienne Calista Montclair, na nagbago ng pagkakakilanlan upang makapasok sa mundo ng mga Whitmore. Ang tunay niyang pakay ay hindi trabaho, kundi isang lihim na misyon ang makalapit kay Aurelius Whitmore, ang kinatatakutang Don na posibleng may kinalaman sa pagkawala ng kanyang ina. Ang trahedyang iyon ang nagbago sa buong buhay niya, kaya sa likod ng bagong pangalan at bagong katauhan, matagal niyang pinagplanuhan ang bawat hakbang para makapasok sa buhay ng lalaking kinamumuhian niya. Sa mata ng lahat, isa lamang siyang simpleng nanny, pero sa likod nito ay isang babaeng puno ng galit, sakit, at matinding paghahanap ng katotohanan. Ngunit sa pagpasok niya sa mansion ng mga Whitmore, hindi niya inaasahang may batang si Isabella na unti-unting babago sa direksyon ng kanyang misyon. Sa halip na malamig at magulong kapaligiran, nakita niya ang isang inosenteng bata na dahan-dahang nagbubukas ng pinto ng tiwala at emosyon na matagal nang nakasara sa kanya. Habang mas lumalalim ang koneksyon ni Ysabel kay Isabella, mas nagiging komplikado rin ang kanyang misyon dahil unti-unti siyang nahihila sa misteryosong si Aurelius. Isang lalaking puno ng kapangyarihan, panganib, at madilim na nakaraan-na sa bawat titig ay unti-unting sumisira sa matitibay niyang depensa. Sa pagitan ng paghihiganti, lihim na pagkakakilanlan, at unti-unting pagkapit ng damdamin, nagiging mas magulo ang lahat. Hanggang saan niya kayang panindigan ang kanyang misyon kung ang puso niya mismo ang unti-unting kumakalaban dito? At sa mundong puno ng kasinungalingan at kapangyarihan... sino nga ba ang tunay na kalaban ang Don o ang sariling damdamin niya?

“You’ll live in my house for one year. Under my roof, as my private maid and personal attendant.” Biglang gumuho ang mundo ni Selene Monteverde nang maakusahan ang pamilya niya ng pagnanakaw ng milyon-milyon. With her family drowning in scandal, her only way out is Vladimir Del Fierro, a ruthless CEO who offers protection. But Vladimir never gives anything for free. To stay under his protection, kailangang tumira ni Selene sa mansyon nito, follow his rules, and serve the one man she should hate most. The longer she stays, the more dangerous everything between them becomes. Bawat tingin. Bawat utos. Every touch that shouldn’t mean anything, but does. Pero habang mas napapalapit siya sa mundo ni Vladimir, mas lalo niyang hindi mabasa kung ano ba talaga ang habol nito sa kanya. And the most dangerous part of all may be how much she wants to find out.

Hindi ako marunong maging mahina. Sa buong buhay ko, kamao ang naging sagot ko sa lahat. Kapag may nanakit... lumalaban ako. Kapag may nang-api... sumusuntok ako. Dahil iyon lang ang alam kong paraan para mabuhay. Pero walang suntok ang kayang talunin ang sakit ng makitang unti unting nilulunod ng sugal ang sarili mong ama. Isang gabi... isang maling suntok ang tuluyang sumira sa buhay ko. Akala ko isa lang siyang bastos na customer sa nightclub na pinagtatrabahuhan ko. Kaya pinatikim ko siya ng pinakamalakas kong suntok. Hindi ko alam... ang lalaking iyon pala ay si Henry Zobel. Ang pinakamapangyarihan... pinakamayaman... at pinakakinatatakutang mafia billionaire sa bansa. Akala ko papatayin niya ako. Mas malala pa pala. Ginawa niya akong personal maid sa loob ng isang taon bilang kaparusahan... kapalit ng pagbabayad sa napakalaking utang ng ama ko. Ako? Maglilinis ng mansion? Hindi nga ako marunong magplantsa nang hindi nakakasunog. Hindi ako marunong maglaba nang hindi kumukupas ang damit. At lalong hindi ako marunong yumuko sa kahit kanino. Pero ang hindi ko inaasahan... ang pinakamahirap palang trabaho ay hindi ang pagiging maid. Kundi ang unti unting pagbuwag sa pader ng isang lalaking matagal nang namatay ang puso. At ang mas nakakatakot... Ang pagbabantay sa sarili kong puso na huwag mahulog sa lalaking hindi ko dapat mahalin. Lalo na nang makilala ko ang apat na taong gulang niyang anak na si Zac... ang pinakamakulit, pinakamatalino, at pinakamatinding matchmaker na nakilala ko. Habang pilit niyang pinagdudugtong ang mga pusong pareho nang sugatan... May mga taong handang pumatay para manatiling mag-isa si Henry. At kung kailangan kong maging kalaban ng buong mafia world para iligtas silang mag-ama... Hindi ako uurong. Dahil minsan... Ang babaeng sanay lumaban gamit ang kamao... Natututong ipaglaban ang pag-ibig gamit ang puso.

Satya Cordovez never imagined her simple life as a nanny could spiral into chaos overnight. It started with an invitation—an exclusive, high-society event na hindi niya dapat pinuntahan, pero sinama siya ng amo niyang mapilit. Sa unang pagkakataon, nakatikim siya ng mamahaling alak at sa sobrang saya ng gabing 'yun, she let her guard down. Lasing na lasing siya, her memories of the night a blur. Ang huling natatandaan niya ay ang mapanuksong ngiti ng isang lalaking hindi niya kilala at ang init ng kanyang tingin na tila ba siya lang ang nakikita nito sa buong kwarto. Kinabukasan, nagising siya sa isang kuwarto na napakalaki na parang kuwarto na ng isang hari. Napansin din niya na may suot na siyang wedding ring sa kanyang daliri. Sa tabi niya, naroon si Colter Alcazan, ang kilalang trillionaire na hindi lang makapangyarihan, kundi isa ring tanyag na bachelor na hinahabol ng lahat. “Good morning, Mrs. Alcazan,” bati nito sa kaniya na may confident na ngiti. “Wait, what?” Napaangat siya ng upo habang nanginginig ang boses at tinitingnan ang singsing sa kaniyang Daliri. “You’re my wife now,” sagot ni Colter, his voice dripping with authority. Satya’s life just turned into a whirlwind she wasn’t prepared for—and there was no way out.

"Tito, huwag! Buntis siya!" ​Dahil sa isang malaking kasinungalingan ng limang taong gulang na si Zeke, ang buhay ng takas na art restorer na si Andeng ay biglang nagulo. Tumatakas lang naman siya mula sa mapang-aping pamilya, ngunit ngayon ay kailangan niyang makisama sa isang masungit, cold, at napakagwapong bilyonaryo—si Nicolas "Nico" Ilustre. ​Upang makapagtago, napilitan si Andeng na tanggapin ang alok ni Nico na magpanggap bilang kanyang high-class nanny at art curator. Pero hindi pa roon nagtatapos ang lahat. Sa tulong ng mautak at makulit na si Zeke, ang simpleng pagpapanggap ay mabilis na mauuwi sa isang hindi inaasahang rebelasyon sa harap ng lahat. ​"She is not just the nanny. She is my fiancée." ​Hanggang saan kayang panindigan nina Nico at Andeng ang kanilang pekeng relasyon kung ang bawat lapit at titig nila ay unti-unti nang nagiging totoo? At paano kung ang madilim na nakaraan na tinatakasan ni Andeng ay biglang makahanap sa kaniya?

Fresh graduate si Zoreign Dominguez, pero sa kabila ng sipag at tiyaga, wala pa ring kumpanyang handang tumanggap sa kanya. Isang buwan siyang naghintay, nagdasal, at umasa... hanggang sa unti-unti nang maubos ang natitira niyang pag-asa. Ngunit isang araw, habang pauwi mula sa pamamalengke, isang simpleng karatula ang tila sumagot sa kanyang panalangin. HIRING: MAID Sahod: ₱100,000 kada buwan Isang araw lang ang pahinga bawat buwan. Napakalaki ng sahod para sa isang kasambahay, parang nakakaduda. Pero dahil desperado na siyang makahanap ng trabaho, isinugal niya ang lahat at nagtungo sa mala-palasyong mansyon ng misteryosong bilyonaryong si Caius Hawthorne. Isang lalaking binalot ng samu't saring tsismis. May nagsasabing hindi ito nagpapakita sa publiko dahil pangit siya at may ketong. May iba namang naniniwalang isa itong halimaw na kinatatakutan maging ng sarili niyang mga tauhan. At ang pinaka nakakatakot sa lahat ay walang kasambahay ang nagtatagal sa mansyon niya. Ngunit mas nakakatakot pa sa mga tsismis ang lalaking nasa likod ng saradong pintuan. Malamig. Mailap. Masungit. At punong-puno ng sugat ang puso. Pumasok siya sa mansyon para maghanap ng trabaho. Pero sa pagpasok niya sa tahanan ng binata, hindi niya inaasahang mababago ang takbo ng kanyang buhay. Trabaho lang ba ang mahahanap ni Zoreign sa mansyon ni Caius, o pati na rin ang susi sa puso na matagal nang isinara ng binatang bilyonaryo?

Dahil sa pagmamahal ni Mara kay Logan, ay nagawa niyang pikutin ang binata. Ang akala niya, kapag magtagumpay siya sa kanyang plano ay mamahalin siya nito. Pero mali siya, dahil ginawang miserable ni Logan ang buhay niya. Hanggang sa sumuko siya at piniling palayain ito, at hanapin ang taong mamahalin siya ng totoo. Nang nakilala niya si Nathan, ay akala niya, ay magiging masaya na siya. Pero mali siya, dahil muling bumalik sa buhay niya si Logan. Babalikan niya kaya ito, at kalimutan ang mapait na dinanas niya rito? O pipiliin si Nathan, na walang ibang ginawa kun'di ang mahalin siya, kahit alam nito na ang ninong niya ang unang nagmamay-ari kay Mara.

Hindi inakala ni Kayena na mawawala sa kaniya ang pagka birhen sa loob ng banyo ng eroplano at ang masakit ay nakuha pa ito ng isang estranghero! Pilit niya na sana itong ibabaon sa limot ngunit muli silang nagtagpo ng lalaki na walang iba kundi si Terrence Montero— ang lalaking gustong ipakasal sa kaniya ng ama pero, ito pala ang boyfriend ng matalik niyang kaibigan. Sa kabilang banda, para kay Terrence ay isa lang siyang babaeng gustong akitin siya para sa pera kaya labis siya nitong kinamumuhian. Ngunit sadyang mapaglaro ang tadhana dahil nalaman pa rin nito na siya ang babaeng nakaniig nito sa loob ng eroplano. “That night, it was you right? You are that girl.” he said in a low voice. It is not a question but a statement. Magagawa niya pa bang itago ang lahat kung ito na mismo ang nakatuklas sa totoo o patuloy niyang ipagdidiinan na hindi siya ang babaeng iyon sa kapakanan ng kaibigan niya?

Nang mabaon sa utang si Marikit "Kit" Reyes, isang choice lang ang meron siya: Magtrabaho bilang kasambahay sa pinakamayamang at pinakamasungit na haciendero sa Tarlac. Si Don Rafael Montenegro. Byudo. May dalawang anak. May pusong bato. Pero ang hindi alam ni Don, si Kit ang babaeng hindi matatakot sumigaw sa kanya. Ang hindi rin alam ni Kit, si Don ang lalaking ililigtas ang pamilya niya. Sa pagitan ng lugaw kapag may lagnat, sampalan sa sala, at gabi sa kubo. Sa gitna ng ex na mananakit, sakit na papatay, at korte na maghihiwalay. Matutunan kaya nilang pareho na minsan, ang bahay ay hindi mansyon. Ang bahay ay isang tao. Pero paano kung ang oras ang kalaban nila?

Book Title: Maid of a Millionaire Synopsis: "This time...you can't escape from me," bulong nya. Nagtubig ang ilalim ng mga mata ko nang bigkasin ko ang pangalan nya. "J-james...." And, yes. I feel in love with my boss. *** Ipinanganak sa mahirap na pamilya si Ella Balona kaya't pagkatapos gr-um-aduate ay kailangan nitong makahanap ng trabaho. Nagbakasakali naman ito sa Maynila at nakahanap ng trabaho bilang personal maid ng anak ng isa sa kinikilalang tao sa bansa. Nakilala nito ang arugante at mayabang nitong boss na si James David Lauren. Alam nyang ayaw sa kanya ng lalake at lahat ay ginawa mapaalis lang sya sa mansion pero dahil kailangan nya ng pera ay hindi sya nagpaapekto rito. Hindi mabilang ang naranasan nyang pagsubok sa kamay ng binata pero kahit gano'n ay hindi nya pa rin maitatangging kakaiba ang kagwapohan nito na kahit sa kanya ay umeepekto. Kaya nyang tanggapin kahit anong masasakit na salita para lamang maintindihan ang binata. Pero hanggang kelan? Paano kong tuluyan syang mahulog pero alam nyang bawal? Paano kung hinahanap-hanap nya ang maiinit nitong halik pero alam nyang ito ay kasalanan? Sana ba mapupunta ang pagmamahalan kung kalaban nyo na ang buo mundo? Kaya nya kayang ipagtanggol ang babaeng mahal nya?

Labing-dalawang taong gulang si Dhanna Devino nang maulila siya sa ina. Hindi nito nakayanan nang iwanan sila ng kaniyang ama kaya naging malungkutin hanggang sa ang ina na niya mismo ang bumawi sa sariling buhay. Kaya ipinangako niya sa sarili na balang araw pagbabayarin ang mga taong sumira sa kanilang pamilya. Inakit niya ang asawa ng kapatid niya sa ama upang maipadama dito ang sakit at paghihirap na pinagdaanan niya. Ngunit hindi niya alam na ang mundong pinasok niya ay magdudulot pala sa kaniya ng mas matinding problema. Magagawa pa kaya niyang makawala sa sitwasyong siya mismo ang gumawa?