Loco Holophonic Story Behind Mga Nobela at Kwento

Talaga bang tama ang pagkakarinig ko na nilait ng multong ito ang pagmumukha ko? Unti-unti kong iminulat ang mga mata at dahan-dahang inangat ang tingin. Kasabay noon ay ang malakas na paglagabog ng dibdib ko na para bang isang gong na walang humpay na tinatambol. Iyon na lang ang tanging naririnig ko sa mga oras na ito at pagkatapos ay parang nag-slow motion na ang paligid lalo na ng makarating ang mata ko sa kung saan ito nakatayo. Napapalunok pa ako sa pinaghalong takot, kaba at antisipasyon habang umaangat ang tingin ko sa mukha ng multong iyon.

Lumamig na ang inihanda n'yang pagkain subalit wala pa ring Loco ang dumating. Hanggang sa pumatak na ang oras ng hating gabi ay wala pa rin si Loco. Nakatulog na lang s'ya sa Sofa kahihintay sa kanyang asawa. Habang sa kabilang banda naman ay kasalukuyang nasa bar si Loco at mag-isang nag iinom sa kanyang table. Malakas ang musika sa kanyang paligid pero tila may isang malaking pader ang nakaharang kay Loco. Para kasi s'yang walang nakikita at naririnig. Malalim lang ang kanyang iniisip. Halatang may malaki s'yang suliranin sa buhay.