Kabanata 010-It's All About Fake Contract

Days 0005

Nasa sahig nakaupo si Cheska habang nilulunod ang sarili sa alak. Napabaling siya sa itaas ng sofa kung saan natoon si X—nakahiga't malalim ang iniisip. Napangisi ang dalaga.

"Ang gwapo mo pala talaga Angkul X," salita ni Cheska. Ipinatong ang baba sa upuan ng sofa. "Ilang taon ka na? Hindi ko man lang alam ang totoo mong pangalan, ano ba talaga trabaho mo maliban sa UFC martial arts, at kung may asawa ka ba ba—nobya, at higit sa lahat gusto kitang makilala pa." Biglang nagkainteres si Cheska kay X dahil lang sa wala siyang maisip na itatanong rito.

Bumangon si X saka naupo. Suminyas siya kay Cheska na maupo sa tabi niya't ginawa naman iyon kaagad ni Cheska.

"That's personal, pero dahil sa kuryusidad mo, okay, sasabihin ko sa 'yo kung sino ba talaga ako. Pero bago ako magsalita tungkol sa akin—gusto ko magsabi ka rin sa akin tungkol sa iyo. It is between you and I. Agreed?"

Nagdadalawang isip na tumango si Cheska saka ngumiti.

"Sige. Pero bago ko sabihin sa iyo ang tung