Kabanata 6

"Cailyn, siya ang iyong tunay na ama, si Archer Quintana. Isa na siyang guro ngayon." pakilala ng matanda kay Cailyn. 

Umangat ang kilay ni Jace at saka sumandal sa pader habang pinapanuod ang matandang ipinapakilala kay Cailyn ang lahat ng naroon. 

"Isa siyang propesor sa UP Diliman," kaswal na pagpapakilala ng matanda sa kaniyang ama bilang isang guro.

Napansin ni Cailyn ang isang lalaki na nakasuot ng kilalang suit mula sa Tiño Suits, bahagyang namumula ang mga mata nito at nakakuyom ang mga kamao, mukhang nagpipigil ng mabuti para makontrol ang sariling mga emosyon.

Malabo ang konsepto ni Cailyn para sa isang ama, ngunit gusto yata ng lalaking iyon na tawagin siya nito sa ganoong paraan. Mariin niyang itinikom ang kaniyang mga labi. 

"Dad," tawag niya rito matapos tignan ang isang middle-aged na lalaki gamit ang malinaw na mga mata. 

"Ah!" mabilis namang namula ang mga mata ng lalaki na nasa middle-aged kasunod ng pag-iwas nito ng tingin, natatakot na ipakita kay Cailyn ang kaniyang emosyon. 

Bumuga ng hininga ang matanda, tila nabunutan ng tinik ang dibdib, pagkatapos ay ipinakilala pa kay Cailyn ang iba pang miyembro ng kanilang pamilya. 

"Sila naman ay ang iyong tito at tita, at ang anak nila, si Klaire Anzelle. Nagpapatakbo sila ng negosyo sa abroad at halos kaedad mo lang din si Klaire. Nakilala mo na rin naman ang kaniyang kapatid, si Kian."

Pinasadahan ni Cailyn ang babaeng nakatayo sa tabi lamang ng mag-asawa, halos kaedad nga lang niya iyon. Kitang - kita niya ang kakaibang ekspresiyon ng mag-ina, halatang masunurin lang silang tumango sa pakilala ng matanda. Samantalang mukhang ayos lang naman ang lalaki, mainit siya nitong tinanggap at binati. 

"Tito, Tita," kalmadong sabi ni Cailyn pagkatapos nagmano sa dalawa na malugod namang tinanggap ng mag-asawa. 

Puno ng galak ang itsura ng matanda. Hindi niya inasahan na mabilis na sasama sa kanilang pamilya si Cailyn. Para sa kaniya ay kontento na siya hangga't hindi tumututol si Cailyn! 

Mabilis niyang hinawakan ang kamay ng apo. 

"Gutom ka na ba? Hindi ka pa ba nanananghalian? Halika na at kumain ka na muna." anyaya nito kay Cailyn pagkatapos ay bumaling sa ama nito. "Archer, sabihan mo na ang waiter na dalhin na rito ang mga pagkain." utos ng matanda sa anak. 

  "Okay, pa." sagot naman ng ama ni Cailyn. 

Masayang naupo ang buo nilang pamilya sa lamesa, walang tigil ang lolo ni Cailyn sa paglapag ng iba't ibang putahe sa kaniyang pinggan habang nagtatanong tungkol sa kaniyang nakaraan. 

Sinagot naman ni Cailyn lahat ng mga tanong ng matanda, kahit na maiksi lamang ang kaniyang naging mga sagot, at least ay hindi naman nila ipinapakita na hindi sila ganoon ka-interesado na marinig ang tungkol doon. 

BIGLANG NATIGIL ang matanda habang nagtatanong kay Cailyn, na tila ba nagdadalawang-isip sa pagpapatuloy.

"Uhm, Cailyn.... Nabalitaan ko na tumigil ka raw ng isang taon sa pag-aaral. Senior high ka na sa pasukan, hindi ba? Nakapag-desisyon ka na ba kung saang eskuwelahan mo gusto mag-aral? O kung may gusto ka bang eskuwelahan na pasukan?"  tanong ng matanda.

High School...School...

Kanina pa tila wala sa sariling sumisimsim ng sabaw si Cailyn sa sarili niyang mangkok. Bumaba ang kaniyang tingin nang marinig ang tinuran ng kaniyang lolo, itinatago ang kulay ng kaniyang mga mata. Ni hindi sumagi sa kaniyang isip ang tungkol sa kaniyang pag-aaral kung hindi pa iyon inungkat ng mtanda. 

Para kasi kay Cailyn ay isa lang namang  diploma ang high school at unibersidad, at sa tingin niya ay hindi na niya kailangan pa ang mga iyon.

Ngunit ngayon ay sandaling nakaramdam ng pag-aalinlangan si Cailyn. Inangat niya ang kaniyang tingin at saka umiling pagkatapos. 

"H-Hindi pa po ako nakakapag-desisyon, e." aniya.

Tahimik namang suminghal si Klaire sa kaniyang isipan. Inisip niya na kaya siguro nag-alinlangan saglit si Cailyn ay dahil baka mabababa ang mga grado nito sa eskwelahan. Kaya kung hindi makakapasok si Cailyn sa high school ay hindi siya makakapasok, tapos hindi pa siya makapag-desisyon ngayon.

Iba talaga itong si Lolo, tatanungin pa kung anong eskuwelahan ang gusto ni Cailyn! Sigurado ba siyang makakapasok kapag may nagugustuhan siyang isang bagay?

Nilingon naman ni Jace ang tahimik at masunuring si Cailyn habang kumakain.

"Maganda rin naman sa Philippine Science High School." kaswal na sabi ni Jace pagkatapos isandal ang likuran sa kaniyang inuupuan.

"Philippine Science High School?" ulit ng matandang Quintana. Bahagya siyang natigilan nang marinig ang tinuran ni Jace, dahil ang tunay niyang intensyon ay ang isama pabalik si Cailyn sa Manila para sa pag-aaral nito. Ngunit kalaunan ay naisip niya rin ang ibang katauhan ni Cailyn, ang fiance ni Jace Veller Figueroa!

Maraming tao sa Manila, marami ring mga mata na maaaring tumingin kay Cailyn. At kung walang pakundangang sasama si Cailyn pabalik ng Manila ay maaaring hindi ito maprotektahan ni Jace. 

"Maganda nga naman sa Philippine Science High School. Disente din ang kalidad ng pagtuturo doon. Ano sa tingin mo, Cailyn?" sang-ayon ng Lolo ni Cailyn matapos ang matagal na pag-iisip.

Philippine Science High School?

Tinikom ni cailyn ang sariling mga labi, hindi na ninanais pang manatili sa Makati. Ngunit tumango na lamang siya nang makatagpo ang umaasang tingin ng matanda nang kaniyang inangat ang kaniyang tingin.

"Kahit ano po, wala naman po akong pakialam." sagot ni Cailyn.

"Sige, Philippine Science High School na kung ganoon." 

Sa Manila rin naman kasi nagpapagaling ang matanda, at doon rin nagtatrabaho ang ama nito na si Archer. Kaya kung gustong manatili ni Cailyn sa Manila ay kakailanganing tumulong ng iba pa nilang pamilya sa pag-titingin kay Cailyn.

Nilingon ng matanda si Klaire, nakakunot ang noo.

"May bahay naman sa syudad ang pinsan mo. Pwede kang manatili roon pansamantala para sa huling mga taon mo sa high school, maliban na lang kapag nasa eskuwelahan ka." saad ng kaniyang Lolo.

Maliban kay Kian ay tila hindi naging komportable ang natitirang tatlong miyembro ng kanilang pamilya nang marinig ang tinuran ng matanda.

May bahay ngang nakabukod si Kian sa labas ng syudad, ngunit ano naman ang ibig nitong sabihin sa pagsasabi na doon sila titira? Pinababantayan ba niya ang mga ito?

Bigla namang sumimangot si Klaire, bilang mas bata sa kanila, ipinapakta ang hindi pagsang-ayon sa matanda.

Bahagyang napahiya si Archer na kanina ay ayos lang naman. 

Pinunasan ni Trethia Silva ang sariling bibig, na eleganteng nakaupo s tabi, nanghhinayang sa pagsali sa ganoong bagay tungkol sa pamilya.

"Mananatili rin naman ako sa Manila pansamantala. Pwede akong tumulong sa pagtingin kay Cailyn." kalmadong sabi ni Jace.

Mabilis namang nilingon ni Cailyn ang lalaki, direktang sinasalubong ang tingin nito.

ang tingin na iyon....

Kaagad niyang binawi ang tingin nang muntikan na siyang mabilaukan dahil sa hinihigop na sabaw.

WALA SA SARILING nagpatuloy sina Fayra at ang kaniyang ama na si Harvey sa pagkain. Kanina pa nila iniisip ang tungkol sa pagkikita nila ni Cailyn. Ilang beses na ring lumipad ang kanilang isip habang nag-uusap-usap ang kasama nila sa hapag.

Sa kabutihang - palad ay malapit talaga sa isa't isa sina Priscilla at Monette Del Veda. At sa huli ay kumpirmao nang makakapasok si Fayra sa People's Art Theater sa Manila pagkatapos ng entrance exam niya sa kolehiyo.

Dahil din doon ay nakaramdam ng kaunting gaan ang kanina'y mabigat na puso ni Fayra. At naging masaya rin ang kanilang mga bisita pagkatapos ng kanilang hapunan.