Chapter 7

“What the hell is this?” Bulyaw ni Honey sa lalaki.

“Opisina mo,” parang wala lang na sagot ni Zack kay Honey.

“Ano ako? Bata? Mahilig sa pink?” Pilosopong tanong ni Honey kay Zack.

Paano ba kasi hindi siya magagalit kung ang opisina niya ay puros pink na kulay ang nakikita niya. Pink ang kulay ng swivel chair, pink na lamesa, pink na sofa, pink na bubong, pink na kurtina. Kulang na lang pati kisame ay kulayan din ng pink.

“Alisin mo yan. Ibalik mo sa dati ang opisina ng daddy ko.” Matigas na utos niya sa lalaki.

Padapog siyang umupo sa pink na sofa. Sa sofa na rin niya nilagay ang bag na dala niya. Itinaas niya ang kaliwang binti ay ipinatong sa kanang binti saka pinag-cruz arm niya ang mga braso sa dibdib. Ipinakita talaga niya sa lalaki na hindi siya natutuwa sa ginagawa nito.

“Alright. Pwede bang lumabas ka muna? Magpapatawag ako ng magbabago ng design na ito,” mahinahong wika ni Zack.

“No. Dito lang ako. Ako mismo ang magbabantay sa pagbabago ng disenyo. Baka kung ano na namang kabalastungan ang gawin mo,” sagot ni Honey. “Sino ba kasing nagsabi sayo na maaari mong baguhin ang opisina na ito?”

“Utos ni sir Eduardo na baguhin ang design ng opisina na akma sayo,” sagot ni Zack.

“Dapat kasi inabisohan mo ako. Hindi yong paladesisyon ka,” bulyaw niya ulit niya sa lalaki.

Nagkibit Balikat na lang ang lalaki saka nag-dial sa phone niya. Ilang sandali ay may nagsidatingan na mga tao. Marahil ay ito na ang mag-change ng design sa opisina ng daddy niya.

“Honey, let's go outside while they are working here,” sabi sa kanya ni Zack.

Napairap na lang si Honey saka tumayo. Nauna na siyang lumabas sa opisina habang nakahalukipkip pa rin ang mga braso sa dibdib.

“Since, wala naman akong gagawin dito. Uwi na lang ako,” wika ni Honey sa lalaki.

“Says, who?” Nakataas ang kilay na wika ni Zack. “Here, study this.”

Inilatag ni Zack ang mga sandamakmak na folders sa harap ni Honey na halos ikalaki ng mata ng huli. Pagkatapos ay umalis si Zack sa kinauupuan nito at sumenyas na umupo siya doon. Walang nagawa ai Honey kundi sundin ang lalaki.

Muling sumersoyo ang mukha ni Zack dahilan upang maasiwa si Honey. Kung kanina ay nababasa pa niya ang mukha nito ngayon ay blanko na ulit. Seryoso na ulit ang lalaki.

“Here, study this data of the company,” umpisa nito at isa-isang inilapag ang mga folders sa harap niya. “Here are the funds, transactions, company policy, manpower datas, name of investors, shareholders, board members—”

“Wait, wait, wait,” hindi mapigilang reklamo ni Honey. “Lahat to? Isa-isahin ko?”

“Yes,” sagot nito. “Hindi lang yan. Madami ka pang dapat malaman.” At inilapag nga nito ang sandamakmak na mga folders sa harap niya.

“Ugh! Anong akala mo sa akin? Robot?!” Bulyaw ni Honey. “Na isang basa ko lang alam na agad ang gagawin?”

“Madali naman akong kausap. Kung ayaw mo. Sabihin mo lang. Madali lang din namang tawagan si sir Eduardo na ayaw.”

“Ugh! Hindi sa ayaw ko,” wika ni Honey sabay tampal ng mesa na pinagsisihan niya dahil kamay pa niya ang nasaktan sa pagkakatampal niyang iyon. “Ang sa akin lang naman ay isa-isa lang muna. Isa lang kaya katawan ko. Did you know that?”

“Honey,” sabay dukwang sa kanya kaya napaliyad siya. “As per instructions by sir Eduardo, you should learn all of this.”

“I know, i know,” counter niya at makipag tagisan ng titig sa lalaki. “But please, one at a time, okay? One at a time.”

“Alright, just tell me when are you ready to train,” wika ng lalaki na tila nawalan ng ganang kausapin siya. “For now, go. I don't want to train a woman whose unwilling to learn.”

“What?” Hindi makapaniwala na wika ni Honey. “Ako pa ngayon ang hindi willing?”

Nagkibit balikat lang si Zack at itinguao ang elevator. Senyales na nagpapaalis siya ng lalaki. Napaikot na lang ang mata ni Honey sa tumayo sa kinauupuan.

“I'll be back tomorrow,” wika niya sa lalaki. “Make sure the office is ready baka sakaling maging willing to learn na ako kapag makitang maaliwalas na sila sa paningin ko.” Madiing wika niya sa lalaki bago tumalikod at naglalakad papuntang elevator.

Halos sumigaw si Honey sa inis ng sumara ang elevator na sinakyan niya pababa. Nakakagigil sa inis ang lalaki. Tinadyakan pa niya ang pinto ng elevator na sana ay hindi na lang niya ginawa. Napalakas anh tadyak niya dahilan upang mamilipit siya sa sakit.

“Ouch, ouch, ouch! Ahhh!” Sigaw niya. Wala na siyang pakialam kung marinig man siya ng mga empleyado. “Kainis! Makakaganti din ako sayo lalaki ka! Hintay ka lang, sisiguraduhin kong ikaw naman ang mamilipit sa sakit katulad ng nangyari sa akin ngayon.”

Umayos ng tayo ng marinig ang tunog ng elevator, senyales na nasa ground floor na siya. Pagkabukas ng elevator sinalubong siya ng mga empleyado na papaakyat sa ibang floor. Kanya-kanya silang bati ngunit wala sa mood si Honey na batiin sila pabalik. Hindi pa rin humuhupa ang inis niya sa assistant ng daddy niya.

Napaisip tuloy siya kung paano ito naging assistant ng ama kung sa ugali pa lang niya ay halos hindi na pasado sa kanya. Naiiling na lumabas na lang siya sa elevator at diretsong naglakad sa exit ng kumpanya nila.

Dito na lamang siya maghintay ng taxi since wala naman siyang dalang sasakyan dahil sinundo sila ni Zack papuntang airport kung saan hinatid nila ang magulang. Hindi namam nagtagal ay may dumaang taxi kaya naman ay agad niya itong pinara at naghatid sa paborito niyang foot and body massage SPA.

Na-stress siya sa lalaki. Unang araw pa lang ngunit mukhang stress na agad ang dulot nito sa kanya. Paano na kaya kung buong durasyon na wala ang daddy niya. Baka maaga siyang mamamaalam sa mundong ito.

“Hello, ma’am Honey, welcome back po. What can I do for you?” Magalang na tanong ni receptionist pagpasok niya sa SPA.

“I want a full body massage, please,” pakiausap niya sa receptionist.

“Sure, ma’am. This way po,” sagot nito at iginiya siya doon sa isang room kung saan gaganapin ang pag-massage sa kanya.

“Thank you,” malambing na wika niya sa receptionist.

“Any time po,” sagot nito. “Kindly wait na lang po sa mag-masahe sayo.”

“Sure,” sagot ni Honey.

Nang mawala ang receptionist ay nagtungo siya sa isang maliit na silid at naghubad ng damit. Alam na niya ang gagawin since palagi naman siya dito kaya hindi na siya mangangapa. Nang matapos ay saka siya padapang pumupwesto sa massage bed at hinintay na lang ang isang massage therapist na mag-masahe sa kanya. Di nagtagal ay nararamdaman na niya ang pagsisimula nito.