حب وانتقام الفصل الاول

---

*حب وانتقام - الفصل الأول*

فتحت تلك الفتاة عينيها البنية ونظرت إلى السقف، كان غريباً عليها فأغمضت عينيها مرة أخرى. حاولت تغيير وضعها وكانت تشعر بدوار شديد. عندما فتحت عينيها وجدت نفسها على سرير، وبدأت نظراتها تتجول في الغرفة.

فجأة وقعت عيناها على ذلك الشاب الذي كان جالساً على الأريكة، واضعاً قدميه على المنضدة ومسنداً وجهه على كف يده، وعلى وجهه ابتسامة باردة مليئة بالخبث.

فزعت وشهقت، ونظرت حولها بقلق. وجدت شعرها منسدلاً على ظهرها وتشعر بتعب شديد.

تجمعت الدموع في عينيها.

أنزل قدميه من على المنضدة ووقف وهو لا يزال محتفظاً بتلك الابتسامة الباردة. وصل إليها وجلس بجانبها، حاولت أن تبتعد عنه.

نظر في عينيها التي كانت مليئة بالخوف وقال بصوت هادئ: "صباحية مباركة يا عروسة."

نظرت له بعيون واسعة غير مصدقة، أحست أن الصدمة عقدت لسانها.

أكمل هو ببرود: "طبعاً مش فاهمة إزاي وامتى وأنا مين صح؟ أنا هقولك... امبارح حصل اللي حصل، أما أنا مين فده موضوع تاني."

اقترب منها وقال: "أنا جحيمك اللي مش هتقدري تبعدي عنه."

ابتعد ونظر لعيونها وقال: "أنا فارس الحديدي يا بنت الشناوي."

قال بهدوء: "فكري كويس، أنتِ هنا ومش هتخرجي لحد ما آخد حقي."

نظرت له غير مدركة لما يحدث، وازداد الدوار بها فأغلقت عينيها وغابت عن الوعي.

نظر لها فارس نظرة طويلة، ثم وضعها برفق على الوسادة وابتعد عنها واتجه إلى الحمام وأغلق الباب. وقف أمام الصنبور وبدأ يرمي الماء على وجهه، ثم نظر لنفسه في المرآة وقال: "لسه اللعبة ما بدأتش يا بنت الشناوي، لسه ما تعرفيش مين هو فارس الحديدي."

*في مكان آخر...*

يظهر رجل كبير في السن وعلى وجهه ملامح القلق ويقول: "عمال أتصل عليها ومش بترد، أنا قلقان عليها أوي يا جنة."

جنة بقلق: "أنا كمان يا بابا هموت من القلق عليها، ربنا يجيب العواقب سليمة يا رب."

فريد: "أختك ما جتش من امبارح، أنا مكنتش عايز آجي القاهرة هي اللي صممت."

جنة: "اهدا يا بابا إن شاء الله كل حاجة هتبقى كويسة وجانا هتيجي."

فريد في نفسه: "يا رب جيبها بالسلامة، هي ملهاش ذنب يا رب."

*عند فارس...*

خرج فارس من الحمام وأغلق الباب خلفه ونظر لتلك المسكينة التي كانت غائبة عن الواقع.

اقترب منها بخطوات بطيئة، ثم توقف وغير اتجاهه إلى المنضدة وأمسك كأساً به ماء واقترب منها.

قال فارس بسخرية: "سمعت إنك قوية وعنيدة، لكن اللي شايفه قدامي واحدة خايفة."

ظلت تنظر له بخوف وفجأة بدأت جانا بالصراخ وتقول: "ليه... ليه عملت كده ليه؟"

وقفت أمامه وقالت بدموع: "ليه أنا عملت لك إيه؟"

فارس: "ذنبك الوحيد إنك بنته، ده ذنبك."

جانا بصراخ: "أنت إنسان مريض ومجنون."

فارس: "صح، أنا مريض ومجنون، شكراً على المعلومة."

جانا بضعف وبكاء: "سيبني أمشي، مش أنت عملت اللي أنت عايزه سيبني أمشي."

فارس: "هو أنتِ فاكرة إني هسيبك؟ لا، أنا هخليكي هنا، أنتِ هنا ومش هتعرفي تخرجي."

جانا: "أنت عايز مني إيه حرام عليك."

فارس: "قولت ومش بحب أعيد كلامي، هسيبك دلوقتي تقعدي شوية مع نفسك وهتلاقي هدوم في الدولاب."

التفت وأخذ أشياءه وألقى نظرة أخيرة عليها واتجه إلى الباب وخرج.

أخذت هي تبكي بشدة. وقفت ونظرت إلى الغرفة ووقعت عيناها على التسريحة فاقتربت منها بخطوات بطيئة، وعندما نظرت لنفسها في المرآة شهقت من منظرها، لم تتحمل فأمسكت بالزجاجة وألقتها على المرآة وهي تبكي بحرقة.

نظرت لقطع المرآة التي انهارت كما انهارت هي، ثم سمعت صوت المؤذن يكبر معلناً عن أذان العشاء، فنظرت إلى النافذة وفتحتها ووجدت المسجد أمامها لكنه بعيد عنها.

أغمضت عينيها بألم وانهارت جالسة على ركبتيها وتبكي وتقول: "يا رب... يا رب."

فتحت عينيها ونظرت للسماء بعيون دامعة وقالت: "أنا عملت إيه لكل ده يا رب؟ أنا عمري ما أذيت حد، ليه يحصل لي كده؟"

وقفت بصعوبة ثم اتجهت إلى الدولاب وفتحته لتجد ملابس، بحثت عن شيء محتشم حتى وجدت فستاناً طويلاً لونه أزرق وشالاً قطنياً صغيراً لونه وردي، أخذتهما واتجهت إلى الحمام.

كان فارس يقود سيارته وهو شارد، قطع شروده رنين هاتفه.

فارس: "ألو."

سندس بقلق: "أنت فين يا فارس من امبارح بتصل بيك ومش بترد ومختفي؟"

فارس: "أنا أهو."

سندس: "أنت فين؟"

فارس: "رايح مشوار."

سندس: "طب هتيجي امتى؟"

فارس: "بكرة."

سندس: "فيه إيه يا فارس مال صوتك؟"

فارس: "مفيش يا سندس هقفل دلوقتي سلام."

وأغلق الخط.

*عند جانا...*

خرجت جانا وهي ترتدي ذلك الفستان ولفت الشال حول كتفيها وعيونها حمراء، نظرت للغرفة مرة أخرى وحاولت أن تسترجع أي ذكرى.

كل الذي تتذكره هو أنها كانت ذاهبة إلى بيتها وفجأة أحست بشيء رش على وجهها وغابت عن الوعي.

اتجهت إلى الباب بخطوات بطيئة وفتحته وخرجت من هذه الغرفة.

أخذت تنظر لذلك المنزل الذي هو عبارة عن غرفة معيشة بها تلفاز وأريكة كبيرة وغرفتي نوم ومطبخ وحمام.

جلست على تلك الأريكة تنظر لنقطة فارغة وتشعر أن كل شيء انهار.

تذكرت جملته: "ذنبك إنك بنته."

ماذا يعني بهذا الكلام وما دخل أبيها فيما حدث؟

مر الوقت وأتت الساعة 12، دخل فارس المنزل ووجدها على الأريكة نائمة بوضعية متعبة، كانت آثار الدموع على خدودها وشعرها منسدل بإهمال.

ظل يتأملها قليلاً وأحس ببعض الندم لكنه برر لنفسه وقال: "كل اللي عملته علشان آخد حقهم."

سأل نفسه: "لكن هي ذنبها إيه؟" ثم قال بقسوة: "ذنبها إنها بنته."

رمى المفاتيح على المنضدة فاستيقظت بفزع.

فارس: "شايفك غيرتي، شاطرة سمعتي الكلام."

قالت بهدوء وخوف: "أنت مين وليه عملت معايا كده أنا أذيتك في إيه وبابا عملك إيه؟"

فارس: "أنا فارس الحديدي ابن صفوت الحديدي اللي أبوكي السبب في موته."

جانا بصدمة: "مستحيل."

فارس: "أبوكي هو السبب في موت أبويا، هو السبب."

جانا: "أنت كداب، بابا مستحيل يعمل كده."

فقد فارس أعصابه وقال: "أبوكي هو اللي قتل أبويا وأمي وأنتِ بتدفعي تمن اللي عمله."

جانا ببكاء: "مستحيل تكون بني آدم."

أحست أن كل شيء حولها اسودت وبدأت الأرض تدور وأغمضت عينيها وسقطت.

حملها واتجه بها إلى الغرفة ووضعها على السرير ثم خرج.

*في منزل جانا...*

جنة بقلق: "لا بقى كده كتير أنا هموت من القلق يا بابا."

فريد: "أنا هنزل أدور عليها."

جنة: "الساعة 12 يا بابا."

فريد: "يا رب أعمل إيه أنتِ فين يا بنتي بس."

*عند فارس وجانا...*

كان فارس جالساً على الأريكة ومغمضاً عينيه ويفكر: "أنا اللي بعمله صح، أنا بآخد حقي."

وهنا تبدأ الصراعات الداخلية، القلب يقول: "لكن هي إيه ذنبها؟" والعقل يقول: "ذنبها إنها بنته، هي أكتر حاجة هتوجعه."

صاح فارس وقال: "هي ذنبها إنها بنته ولازم تتعذب علشان هو يتعذب، أنا مش هسكت على انتقامي وهكمله."