تزوجت رجلا قاسيا فأحببته

مرت 40 يوم على ولادة الأميرة الصغيرة. سموها "نور" لأنها نورت حياتهم كلها. القصر الذي كان مليئا بالقسوة والدموع أصبح مليئا بالضحك والحب. سارة أصبحت أما جميلة، وكريم أصبح أبا لا يترك ابنته لحظة واحدة.

لكن في قلب سارة كان هناك خوف صغير لا تستطيع أن تقوله. كل ليلة كانت تحلم بنفس الحلم، ليلى ترجع وتأخذ كريم ونور منها. كانت تستيقظ مفزوعة وتجد كريم نائما بجانبها يحتضنها هي ونور.

في صباح يوم جميل، بينما كانت سارة ترضع نور، جاءت الخادمة تجري.

"لالة سارة، كاينة واحد السيدة برا باغا تشوفك، قالت سميتها ليلى"

سارة تجمدت. نور توقفت عن الرضاعة ونظرت لأمها.

"ليلى؟ شنو جابتها تاني؟"

كريم لم يكن في القصر، ذهب للشركة. سارة خافت لكنها قالت: "دخليها"

دخلت ليلى، لكنها لم تكن نفس ليلى المتكبرة التي كانت تلبس الذهب والمجوهرات. كانت نحيفة، وجهها شاحب، تلبس ملابس بسيطة جدا، وعيناها حمراء من كثرة البكاء. وفي يدها ظرف كبير أصفر.

"سارة... عافاك سمعيني، جيت نقولك الحقيقة قبل ما نموت"

سارة قالت بخوف: "شنو كتقولي؟ تموتي؟"

ليلى جلست وبدأت تبكي بقوة: "أنا مريضة، عندي سرطان، الطبيب قال ليا بقي ليا شهر ولا شهرين ونموت، وما بغيتش نموت وحاملة ذنب كبير فقلبي"

سارة نسيت كل شيء، نسيت أن ليلى كانت عدوتها، واقتربت منها: "ليلى مالك؟ شنو هاد الذنب؟"

ليلى فتحت الظرف الأصفر وأخرجت منه أوراق كثيرة وصور وتحاليل.

"سارة، كريم ماشي هو اللي كان قاسي معاك حيث كيبغي يكون قاسي، كريم كان كيعيش كذبة كبيرة، باباه ماشي باباه الحقيقي، وأم كريم اللي كيقول ماتت، راها حية، وأنا كنت عارفة كلشي وكنت كنساوم باباه المزور باش يعطيني الفلوس"

سارة لم تفهم: "شنو كتقولي؟ ما فهمتش"

ليلى أعطتها صورة قديمة. صورة امرأة جميلة جدا تشبه كريم كثيرا.

"هادي هي أم كريم الحقيقية، سميتها فاطمة، كانت خدامة فالقصر ديال جد كريم، وجده اغتصبها وحملت بكريم، ومنين ولداتو طردها وقال لولده (الأب المزور ديال كريم) بلي هادي مراتك وهادا ولدك باش يغطي على الفضيحة. فاطمة هربت وبقات عايشة فقرية بعيدة، وكريم كبر وهو كيظن أن أمه ماتت وهو صغير، لكن الحقيقة أن أمه حية وكتموت كل نهار حيث توحشات ولدها"

سارة وضعت يدها على فمها من الصدمة: "يا ربي... كريم... كريم ما عارفش؟"

"لا، ما عارفش والو، وحتى جده ما عارفش بلي أنا عرفت الحقيقة، كنت كنهدده، كنقول ليه إلى ما عطانيش الفلوس غادي نقول لكريم الحقيقة، وهو كان كيعطيني الفلوس وكيقول ليا قولي لكريم بلي سارة خايبة وما كتصلحش ليه باش يكرهك ويبقى قاسي معاك باش ما يقلبش على الحقيقة"

سارة بدأت تبكي: "يعني انتي كنتي كتخلي كريم يكون قاسي معايا باش ما يعرفش الحقيقة؟"

ليلى بكت أكثر: "إيه، وأنا دابا جاية نطلب السماحة، وجايبة ليك عنوان أم كريم الحقيقية، راها عايشة فقرية اسمها أولاد عياد قرب بني ملال، وعندها مرض السكر وما كتشوفش مزيان، وكل نهار كتسول على كريم"

في تلك اللحظة سمعوا صوت سيارة كريم دخلت القصر. ليلى مسحت دموعها بسرعة.

"عافاك يا سارة لا تقولي لكريم بلي أنا جيت، خليك انتي اللي تقولي ليه بطريقتك، حيث إلى عرف بلي أنا اللي قلت الحقيقة غادي يكرهني كثر، وأنا بغيت نموت وهو مسامحني"

وأعطتها ورقة فيها العنوان ورقم الهاتف.

"هادي هي نمرتها، سميتها فاطمة الزهراء، قولي ليها بلي انتي مرات ولدها، غادي تفرح بزاف"

وخرجت ليلى تجري قبل ما يدخل كريم.

دخل كريم وهو حامل هدايا لنور، شاف سارة كتبكي والأوراق فالطبلة.

"سارة حبيبتي مالك؟ شكون كان هنا؟"

سارة مسحت دموعها بسرعة وخبأت الأوراق وراء ظهرها. كانت أمام قرار كبير جدا، واش تقول لكريم الحقيقة دابا ولا تسنى؟ واش هاد الحقيقة غادي تفرح كريم ولا غادي تدمره؟