الفصل العاشر

لم ينتظر جاسر يوماً آخر بل حمل مقتنايته وغادر دون أن يذكر وجهته وأغلق هاتفه وأصبح العمل على رأس شريف وليث الذى كاد يختنق لكن ليس بسبب العمل

سأله شريف : مالك بتنفخ ليه؟

- المصيبه بنت خالة جاسر

تعجب شريف فهى تطارد جاسر وليس ليث : مالها؟

- كفرت سيئاتى سؤال عنه

زال تعجب شريف وأومأ متفهماً : آه فهمت وقولتلها إيه

- هقولها إيه ذهب ولم يعد

- ههههه طب روق روق

- أروق إزاى وأنا مش عارف أراضيه فين ومفيش وقت نهائى عشان أروح أدور عليه

نبرته المنزعجه التى يغلفها القلق جعلت شريف يربت على كتفه ليهدئه رغم أنه هو نفسه يشعر بالقلق فليس من عادة جاسر الإختفاء هكذا

-جاسر مش صغير متقلقش عليه

-جاسر مكنش ف حالته الطبيعيه أما طلب أجازه وخدها فوراً وقافل تليفونه

ثم إستنشق الهواء بقوه وزفره بحده فحاول شريف التحدث بالمنطق عله يهدأ من قلقه

-متقلقش هو بس يهدى ويرجع ثم إن الأخبار الوحشه بتوصل أسرع من الكويسه يعنى لو بعد الشر حصله حاجه كنا عرفنا

تنهد ليث بضيق فسأله شريف : واضح انه مش جاسر لوحده

أومأ له بضيق : عز

قضب شريف جبينه بقلق : ماله؟

-مش عارف من يوم ما المحروقه اللى إسمها ميرا دى ماكانت هنا وأنا مروحتش البيت عشان ما أشوفش خلقتها ومش عارف عنه حاجه لا بيتصل ولا بشوفه ودا قالقنى مش حابب أروح هناك أعصابى بتتعب أنا بقعد هناك بس عشانه

تنهد شريف بإرتياح : لأ اطمن عليه

نظر له ليث مطالباً استفسار فأوضح شريف : إتصل بيا يسألنى عنك لأنك مبتروحش البيت وكان قلقان عليك قولتله إنك غرقان لشوشتك ف الشغل لأن جاسر مخنوق وواخد أجازه فبقى يتصل كل يوم يطمن منى عليك ومرضاش يكلمك عشان ميعطلكش

سأله بحده لم يستطع تخفيفها : ومتصلش بيا من الأول ليه؟

-يمكن خايف منك

إزدادت حدته : ليه بعض؟

-لأ بس بتبقى مخيف وإنت عصبى وإنت غبت فجأه قال أكيد فى مشكله وإنت أكيد متوتر فقرر ميحاولش يسألك خوفاً من رد فعلك

تحولت حدته لثوره مستنكره : إيه الكلام الفارغ ده أنا عايش ف الدنيا ومستحمل البلاوى اللى حواليا عشانه متمسك بعقلى عشان أفضل أحميه بشتغل عشان أأمن حياته وهو خايف من رد فعلى عشان بيطمن عليا

حاول شريف تهدئته بالمنطق : عز مش زيك ياليث هو ضعيف وجبان حبتين وبيعملك ألف حساب وللأسف أغلب الوقت بيشوف الوش الخشب بتاعك

زفر ليث الهواء بضيق قبل أن يختنق : أعمل إيه إذا كنت عايش ف السرايا الصفرا

-طب إهدى وروق

-أروق إيه بس

حينها صدع رنين الهاتف فنظر له ثم أغلقه وتأفف فرفع شريف حاجبيه متعجباً : مين اللى قفلت ف وشه ده

فأجابه بغلظه : دى الهبابه بنت خالة جاسر

-طب معلش

-تصدق الكوارث اللى بتقايلنى كوم ودى كوم دى بجحه بجاحه بتهدد عينى عينك ولا بيهمها الله يكون ف عونك يا جاسر كان له حق يتخانق معايا عشان قولتلها إنه شريكى

فعاتبه بضيق : مهو كان مخبى عشانها هى وأبوها

تنهد ليث بضيق لشعوره بالذنب وحاول توضيح موقفه : أعمل إيه فضلت تطاردنى وتقرفنى لحد ماطقيت وجتلى ف توقيت كنت على أخرى وزهقت وقولتها إبن خالتك شريكى اعتقينى بقى والصراحه ندمت بعدها لأن أنا كنت بعرف أديها على دماغها لكن جاسر متقيد بوالدتها اللى مفتكرتهوش إلا اما عرفت إنه غني

إمتعض وجه شريف : أنا الست دى مبتنزليش من زور

فهد: ولا أنا بس للأسف فيها شبه كبير جداً ف الشكل والصوت من والدته الله يرحمها ودا بيتعبه نفسياً لما تقعد تبكى وتشكى

شريف: بس ست مستفزه قالها إتطلقى وأنا هكفيكى إنتى وإبنك رفضت فاكره انها لو إتطلقت جوزها هيحرق قلبها بالولد ولا هيفرق معاه انه ابوه

فهد: أبوه دا زباله ونتن لو لقى نفسه هيدفعلها نفقه وفوقها مصاريف إبنه مش هيستحمل ولو رماله جاسر قرشين هينسى الواد وأمه

شريف: هى كمان مش عاوزه تحمل لقب مطلقه

فهد: والله أنا مش مقتنع بالفيلم دا كله مهى متجوزاه طول عمرها ومحدش سمعلها حس إيه بقى بوبع دلوقتى

شريف: يمكن ملقتش اللى يسندها وأما جاسر بقى له سلطه لجأتله مع إن بصراحه أنا مش مقتنع زيك سبحان الله مبرتحلهاش مع إن أختها الله يرحمها كانت ملاك ماشى عالأرض

فهد: آه والله كانت بلسم الله يرحمها متفهمش دى ودى إخوات إزاي

شريف: عادى ماهى أمك وخالتك إخوات

تغيرت ملامح وجه ليث لكهل يحمل هموم الجبال فعض شريف لسانه وتأسف له كثيراً فلم يكن يقصد وهو يعلم ذلك

-إنت بتتأسف على إيه مش دي الحقيقه، كانت أول ست تدمرنى

شريف بندم: بس يا إبنى مش كل الستات وحشه

فهد بغضب: كلهم زفت

طرق بالباب أوقف حديثهما ودخلت فرح بوجه ممتعض فإستغفر ليث لكنها لم تهتم لردة فعله فهو دائم العبوس وألقت عليه ما أتت من أجله

-فى واحده بتسأل على حضرتك بره

فهد بضيق: إسمها إيه؟

-والله أنا مش شغاله ف السجل المدنى حضرتك

فهد بغيظ: يابنى آدمه مش تسأليها عشان أعرف

-منش سكرتيره ودى مش وظيفتى عن إذنك

نظر إلى شريف وأشار بإثرها بذهول : إيه ده؟!

كبت شريف ضحكته بصعوبه فتمتم ليث بغيظ : الله يسامحك يا جاسر لولا وعدى الأهطل ليك كنت رفدتها

نعم لقد تواجد الليث الغاضب مع التيس الأهوج لذا لا تحاول فهم سير الأمور بينهما ويبدو أن فرح تعبث بعمرها وقد لاحظ شريف ذلك فحاول تهدئته

-فرح جدعه وبنت حلال

-أوي أوي انت هتقولي بس اموت واعرف انهي غبي سماها فرح دي كان المفروض يسموها نكد، ندب، حزن

حين وجده يعقب بحده ساخره حاول توضيح موقفها حسب إعتقاده : يمكن لأن أول مره اتقابلتوا مكنتش تمام

-من أول ما شوفت خلقتها وهيا مقلوبه

أحس أن ليث لا يتذكر حين إصطدم بها : لأ الظاهر إنك مش فاكر

قضب جبينه متعجباً : فاكر إيه؟!

قص له ماحدث منذ أن إصطدم بها وأسكب عليها القهوه الساخنه دون إعتذار حتى شكوتها وزميلتيها عنه بأنه يمارس الرزيله بالمرحاض فإتسعت عينا ليث

-دى عيله مخها شمال ومحششه طب إفرض كان حد تاني غيري

-معتقدش إن حد هيعمل اللى عملته إنت

تأفف بضيق ثم تذكر أن هناك من تنتظره بالخارج : أنا هقوم أشوف مين التهمه اللى بره دي كمان

-طب إستغفر ربنا كده وروق

-أستغفر الله العظيم، اللهم لا إعتراض

خرج ليجد ناني فأغمض عيناه بيأس هل أقسمت كل النسوة على قتله أم ماذا لما لا يفهمن معنى الرفض

وقف أمامها : خير

فاجابته بغنج لا يتناسب مع عمرها : وحشتنى

-وحش لما يلهفك ها غيره

جلس أمامها فيبدو أن الحوار سيطول فجلست أمامه تُظهر ضيقها : جرى إيه ولا أنا مشبهش ست ميرا

-لأ من الناحيه دى إطمني انتو الإتنين نفس العجينه الزباله

عادت لدلالها المقزز : إخص عليك بقى أنا زى المفعوصه دى

-لأ فشر إنتى خبره برضو

لم تنتبه لسخريته اللاذعه فهذه الإهانه مدح لها فمالت إلى الأمام بعينان تلمعان بأمل : والخبره دى كلها تحت أمرك

إبتسم بجانب فمه : إنتى متاكده؟

إزدادت لمعة عيناها وأجابته بثقه : أيوه طبعا

نهض وأشار لها بإتباعه : طب تعالى ورايا

نظرت حولها : هنا!!

إستدار لها : لأ ف مكتبى عشان نبقى براحتنا

-طب ما نروح فيلتك

-لأ

نهضت خلفه تعاتبه : إخص عليك بقى تاخد فيلا لوحدك ولاتعزمنيش

لم يجيبها لكنها لم تتراجع وظلت خلفه حتى دخلا المكتب فأغلق الباب وإستدار ينظر لها بعينان مخيفه

-بقى يا قرشانه لسه فيكى حيل تُعُطى هه اللى زيك حنطوهم من زمااان وإنتى فاكره نفسك نُغه

-إيه طريقتك دى

-طريقه إيه إنتى لسه شوفتى حاجه بما إنكم بقر ومبتفهموش لغة اللسان نجرب لغة الحزام

خلع حزامه ولف جزء منه على كفه ثم قبض عليه وإقترب منها ببطأ جعل عيناها تتسع شيئاً فشيئاً وعجز لسانها عن السؤال عما ينتويه وصوتها كتمه الخوف فلم تستطع الصراخ.

لكن مع أول ضربه تحرر صوتها صارخاً بأعلى ما لديها