الفصل الثاني: عناد المهره

سلم على عمه منصور وباس يده باحترام:

ـ "كيفَك يا عمي منصور.. حمد الله على سلامتكم، نَوَّرتوا السرايا وبلدكم."

منصور حضنه بفخر:

ـ "الله يسلمك يا فارس يا ابن أخويا.. بسم الله ما شاء الله، بقت هيبتك تسد عين الشمس."

وفارس سلم على عمه وعاطفياً على الجد والجدة.. وفي هذه اللحظة، دار بجسمه وضخامته ليتعرف على باقي القادمين.

عينان فارس التقتا مباشرة بعيني مهرة!

الزمن توقف لثوانٍ. الهواء بينهما اتجمد!

فارس نظر إليها.. رأى عيونها العسلية الواسعة، ثباتها الشديد، وعزمتها التي تتحدى الجميع، بدون أي رهبة من هيبته أو من جو الصعيد الجديد عليها.

أما مهرة.. فبدلاً من أن تنزل عينها أو ترتبك أمام هيبة "صقر الصعيد".. رفعت رأسها لأعلى وثبتت نظرتها في عينيه بجرأة صريحة.

أخذ فارس خطوة بطيئة للإمام، وقفت ضخامته أمامها بالظبط، ونطق بلهجته الصعيدية الحادة والعميقة التي هزت جنبات المكان:

ـ "مرحب بيكِ يا بنت عمي في أرض الهواري.. نَوَّرتي نجعِك وبيت جَدِّك."

مهرة شعرت بهيبة نبرته، لكنها حطت يدها في جيب جاكيتها، وابتسمت ابتسامة تحدٍ رقيقة، ونطقت بثبات:

ـ "أهلاً بيك يا ابن عمي.. النور نور أهله ونور جدو وتيتة."

فارس ضيق عينيه بذكاء، ولمس جرأتها ونبرتها الثابتة التي لم يجرؤ أحد من قبل على استخدامها أمامه. قرب منها خطوة صغيرة، ونطق بصوت خفيض بلهجة صعيدية حازمة وموجهة لها هي فقط:

ـ "هنه في السرايا يا بنت العم.. الحرمة والهيبة ليهم أصول، وعيون الصقر بتلافي كل كلمة وكل خطوة تتخطى هنه. يا رِيت تكوني خابرة زين إنتِ واجفة في ضيف مين."

مهرة ابتسمت ابتسامة تحدٍ حادة، وقربت هي الأخرى خطوة صغيرة بثبات، ونطقت بصوت واطي ومباشر:

ـ "وأنا خابرة زين أنا مين يا ابن عمي.. مهرة المنصور مش بتخاف من العيون الشديدة، واللي بيحترم حريتي وشخصيتي بياخد عيوني.. غير كده، مفيش حد يقدر يفرض عليا حاجة!"

فارس حواجبه اتعقدت، وعلى عكس المتوقع، ظهرت ابتسامة حادة وباردة جداً على شفتيه، وواطى رأسه قليلاً ونطق بثقة صعيدية مرعبة:

ـ "المُهْرَة الشديدة جُت هنه أرض الصقر.. ونشوفوا مين فينا اللي نَفَسَه أطوَل يا بنت العم.. السرايا دي واسعة، والأيام جادمة بيناتنا."

مهرة واجهت نظره بمنتهى القوة:

ـ "والأيام بيننا يا فارس!"

التفت فارس وأعطاها ظهره بكل كبرياء وهيبة ودخل السرايا، بينما مهرة فضلت واقفة مكانها، والجدة فاطمة مسكت يدها بحنان: "تعالي يا بنيتي ندخل جوة نستريح."

في ممر السرايا بالدور الثاني...

كانت الحاجة فاطمة ماشيّة جنب مهرة وأمها فتحية، ماسكة إيد مهرة بحنان وبتمسح عليها. السرايا من جوة كانت عبارة عن تحفة معماريّة؛ السقوف العالية، الثريات الكريستال الضخمة، واللوحات الزيتية العتيقة لأجداد عيلة الهواري.

قفت الجدة قدام باب خشب أبنوس ضخم ومحفور عليه بنقوش إسلامية، وفتحت الباب بابتسامة دافية:

ـ "دي أوضتِك يا جمر.. طلّة بحريّة على الجناين والمزرعة، وكُلّها متجهزة من الليل عشانك يا بنيتي."

الأوضة كانت واسعة جداً، فيها سرير خشبي عريض مفروش بأقمشة بيضاء ناصعة، وشباك أركيت كبير بيبص على الجناين الخضرا وسواقي المية.

فتحية ابتسمت برقي وقربت بست رأس الحاجة فاطمة:

ـ "تسلم إيديكي يا أمي.. الأوضة جميلة ومريحة جداً، كتر خيركم."

الجدة فاطمة ضحكت بدفء وصوت حنون:

ـ "عيب الكلام ده يا فتحية يا بنيتي.. إنتو أصحاب البيت وهنه مطرحكم. ارتاحوا شوية على ما الوَكْل يجهز، العشا النهاردة لازم يليج بيكوا وبرجوع منصور."

سابتهم الجدة ونزلت، ومهرة اترمت على السرير بتعب ونفخت زفير طويل.

فتحية قعدت جنبها على طرف السرير، وبصت لها بجدية ورفق:

ـ "مهرة.. أنا شفت نظراتك إنتِ وفارس برة. بلاش يا بنتي تبدأي بالندية والتحدي ده، فارس هو كبير العيلة بعد جدك وسليمان عمك، والناس هنا ماشية بأمره.. بلاش تحطي نفسك في مواجهة معاه."

مهرة قعدت بسرعة ورجعت شعرها الكستنائي لورا بغضب:

ـ "مامي! أنتِ شفتي أسلوبه وطريقة كلامه؟! طالع من على الحصان كأنه إمبراطور زمانه، وبيفهمني إن خطواتي بحساب في بيتي! هو فاكر نفسه مين علشان يديني تعليمات؟"

فتحية مسكت إيدها بهدوء:

ـ "هو متعود على الهيبة والسيطرة يا مهرة.. دي بيئته ودول ناسه. اتعاملي بذكاء ودبلوماسية، مش لازم كل حاجة تبقى صدام."

مهرة ابتسمت ابتسامة حادة وضيقت عيونها العسلية:

ـ "الدبلوماسية دي لما أكون بتعامل مع حد بيحترم حريتي يا مامي.. لكن اللي فاكر إنه يقدر يلجم مهرة المنصور، هيدوق طعم الخسارة لأول مرة في حياته."

في المضيفة (مجلس الرجالة)

المضيفة كانت مليانة برجالة النجع وكبار العائلات اللي جايين يباركوا لمنصور على رجوعه. البخور الصندل ماليك المكان، وقهوة الهيل الصعيدية بتلف على الحاضرين.

كان الجد عبد الرحيم قاعد في الصدارة، وجنبه ابنه منصور وسليمان، وفارس قاعد بثبات وهيبة، لابس جلبابه الكحلي ومستند على عصايته الخيزران.

أحد كبار النجع نطق وهو بيصب القهوة:

ـ "نَوَّرت بلدك يا حاج منصور.. بس البلد اتغيرت عن زمان، وعيلة الجعافرة بقت بتناوش في أطراف الأراضي الغربية."

سليمان ضرب بعصايته على الأرض بغضب:

ـ "الجعافرة فاكرين إننا كبرنا ولا العافية سابتنا! والله لو خطوا خطوة زيادة في أرض الهواري لأكون دافنهم فيها!"

فارس رفع إيده ببهدوء وهيبة حسمت النقاش في ثانية:

ـ "اهدى يا أبوي.. الجعافرة بيلعبوا ع المكشوف عشان يستفزونا، والرد عليهم مش بالصوت العالي.. الرد هيكون بالقطع. والأرض الغربية تسلمت حراستها للرجالة الصبح، ومفيش صرصار هيعدي من هناك."

منصور بص لابن أخوه بفخر شديد من حكمته وقوته، ونطق باحترام:

ـ "عافاك الله يا فارس يا ابن أخويا.. كفيت ووفيت."

فارس ابتسم لعمّه باحترام، بس عينيه البنية كانت سارحة في حاجة تانية خالص.. كان بيفكر في البنت اللي عيونها العسلية كانت بتشع تحدي وثبات، وما تهزتش قدام هيبته ولا سنتيمتر واحد.

في الجناين الخضراء (ساعة المغربية)

الشمس كانت بدأت تغرب، والجو في الصعيد بقى طراوة وجميل.

مهرة كانت حاسة بملل شديد في الأوضة، قررت تنزل تتمشى في الجناين اللي ورا السرايا. كانت لابسة فستان أبيض بسيط ولطيف، وشعرها المفرود بيهتز مع نسيم الهواء.

كانت ماشية بين شجر البرتقال والمانجو، بتتنفس الهواء النقي، وفجأة سمعت صوت خطوات خيل ثقيلة بتعدي من جنب السور الخشبي للجناين.

التفتت.. ولقيت فارس راكب حصانه الأسود الأدهم، وراجع بيه من أطراف المزرعة.

فارس أول ما شافها واقفة وسط الشجر، شد لجام الحصان ببراعة، والحصان صهل بصوت عالي ووقف في مكانه.

نزل فارس من على الحصان بهيبة، ومشي بخطوات هادية وثابتة لحد ما بقى يفصل بينهم مسافة صغيرة. الشال الأبيض كان ملفوف على رقبته، وعينيه الحادة كانت بتبص لها بتركيز شديد.

نطق فارس بلهجته الصعيدية الرنانة والعميقة:

ـ "الليل دخل يا بنت العم.. والجناين هنه في النجع مش أمان لطلة حريم بعد غروب الشمس."

مهرة صكّت على سنانها ورسمت ابتسامة سخرية حادة، وربعت إيديها:

ـ "مش أمان ليه يا ابن عمي؟ هو فيه ديابة في الجرين ولا السرايا مش متأمنة كويس؟"

فارس قرب خطوة، وصوته نزل لطبقة حادة ودافية في نفس الوقت:

ـ "السرايا متأمنة بالرجالة والسلاح.. بس الأصول هنه بتقول إن حريم الهواري متكونش برة الدار بعد المغرب. ودي مش نصيحة.. ده نظام البيت اللي مش بيتغير."

مهرة رفعت راسها لفوق، وعيونها العسلية لمعت بشرار التحدي، ونطقت بنبرة حادة وثابتة:

ـ "ونظام البيت ده يمشي على اللي عايش فيه طول عمره يا فارس بيه.. مش عليا. أنا اتعودت أتحرك وقت ما أحب وأخرج وقت ما أعوز.. ومفيش قانون هيحبسني."

فارس ضيق عينيه البنية بذكاء، وبص في عينيها مباشرة بنظرة مرعبة بثباتها، وقرب لحد ما بقت هيبته ومسافة أنفاسه مغطية عليها:

ـ "القانون هنه مش بالورق يا مهرة.. القانون ده هو كلمة فارس الهواري. والقاهرة باللي فيها وراكي، هنه إنتِ في أراضي الصقر.. ولما أقول الدار تتقفل.. يبقى الدار تتقفل!"

مهرة حست بقلبها يدق بسرعة غريبة من قربة وهيبته الشديدة، بس رفضت تظهر أي ضعف، وقربت خطوة صغيرة بثبات وصوت واطي:

ـ "وأنا مش هتنفس بإذنك يا فارس.. والأيام هتبينلك إن المَهرة دي مش بتتكسر!"

فارس ابتسم ابتسامة حادة وباردة جداً، وشاور بإيده ناحية باب السرايا الداخلي:

ـ "نشوفوا.. اتفضلي جُدامي على جوة يا بنت العم، العشا جاهز وجَدِك مستنينا.. وما تحبيش تخلي الحاج عبد الرحيم يستنى، ولا إيه؟"

مهرة بصت له بنظرة غيظ حارقة، ودبّت رجلها على الأرض الترابية ومشيت قدامه بغضب متداري، بينما فارس مشي وراها بثبات، وعينيه مش مفارقة خطوتها ولا شعرها اللي بيهتز في الهواء.. وهو بيتمتم في سره بابتسامة خفية:

على أطراف النجع (طريق المزارع)

كانت مهرة ماشية في الطريق الزراعي القريب من أطراف النجع، لابسـة دريس أسود محشم بس أنيق، شعرها البني الكستنائي متساب على كتفها، وماشية بتتنفس الهواء الصافي وتهرب من جدران السرايا والكلام اللي بيخنقها.

وفجأة.. الهدوء ده اتكسر بصوت عالي، صراخ، وضرب نار متقطع من بعيد!

مهرة وقفت مكانها، قلبها دق بسرعة. قربت بخطوات هادية ومستترة ورا شجر النخيل عشان تفهم فيه إيه. أول ما قربت من أرض "الحدّ" الفاصلة بين النجعين، عينها اتوسعت بصدمة!

عربيات نص نقل واقفة، ورجالة كتير شايلين سلاح وبيزعقوا. وفي النص.. شافت باباها منصور، وعمها سليمان، وفارس وإخواتها واقفين قدام كتيبة من رجالة عيلة الجعافرة!

الأصوات كانت عالية، والدم كان هيسيل بين العيلتين في أي لحظة بسبب النزاع على أرض الحد. مهرة أول ما ميزت وشوش أهلها وعرفت إن دي خناقة الموت بين عيلتها وأعدائهم.. محستش بنفسها، والخوف على باباها وإخواتها لغى أي تفكير في جسمها!

في قلب المعركة ⚡

كان واقف على رأس الجعافرة "أَيْهَم الجعفري".. الشاب اللي بتهتز له جبال الصعيد!

أَيْهَم (29 سنة).. قوة، ووسامة حادة، وكبرياء مالوش حدود. لابس جلباب صعيدي أسود وشال كحلي، عيونه سودا زي الليل الصافي، وملامحه حادة ومشتعلة بالشباب والقوة. أيهم مش مجرد كبير الجعافرة، ده أسطورة في الهيبة والسيطرة، ومحدش في الصعيد كله قدر يقف قدام كلمة منه!

أيهم كان واقف قدام فارس، عينيه بتشع شرار، ونطق بنبرة حادة وصوت رجولي قوي هز المكان:

ـ "أرض الحدّ دي حقتنا يا فارس! والنهارده حناخدوها بالذراع، وإذا كان عيلتك فاكرة إنها تقدر تتحدّى أَيْهَم الجعفري.. تبقوا بتحفروا قبركم بيدكم!"

فارس رفع سلاحه بمرونة وعينيه اتحولت لجمر:

ـ "الدم هو اللي حيفصل بيناتنا يا أَيْهَم! وأرض الهواري ما ياخدهاش جعفري طول ما فينا راجل بيتَنَفّس!"

الرجالة من الناحيتين عشّقوا السلاح.. والشرارة كانت خلاص هتحرق الكل!