الفصل الرابع :مهره فى مخلب الصقر

:في منتصف الليل.. منتصف الليل تماماً

السرايا كانت غارقة في هدوء مريب. الأضواء الخارجية خافتة، وصوت سواقي المية البعيدة هو الوحيد اللي بيشق صمت النجع.

جوة الأوضة، كانت مهرة قاعدة على طرف السرير، لابسة كوتشي أسود، بنطلون جينز، وجاكيت غامق. شعرها البني الكستنائي كان مربوط بعناية. عيونها العسلية بتلمع بذكاء حاد وتحدي مشتعل.

فارس فاكر إنه حاصرها بالتليفون والمفتاح والغفر.. بس غفل إن مهرة المنصور عقلها يوزن بلد!

قربت مهرة من الشباك الأركيت الكبير وبصت لتحت. الغفيرين كانوا قاعدين تحت الشجرة، واحد منهم سرحان في تليفونه والتاني بدأ يغلب عليه النوم.

طول النهار، مهرة مكنتش قاعدة بتبكي؛ كانت بتراقب! واكتشفت إن فرع شجرة التوت الضخمة الممتد من المزرعة قريب جداً من سور الشباك جانبي الأوضة.

بمنتهى الخفة والهدوء، فتحت الشباك بدون ما يطلع أي صوت. اتسلقت السور الخشبي، ومسكت في الفرع الثقيل بثبات، ونزلت بمرونة لورا السور الخلفي للمزرعة بعيد تماماً عن عيون الغفر!

رجليها لمست الأرض الترابية. عدلت جاكيتها، وبصت لشباك الأوضة بنظرة انتصار حارقة، ومهست بصوت واطي وواثق:

ـ "قلتلك يا فارس.. مفيش قفص في الدينا يقدر يحبس مهرة!"

طلعت تجري بخطوات سريعة وخفيفة بين شجر المانجو، متجهة الناحية الغربية للمزرعة عشان تطلع على الطريق الزراعي وتركب أي عربية ترجعها القاهرة!

في السادسة صباحاً.. في جناح فارس

كان فارس قايم من نومه، لابس جلبابه الأبيض الشاهق، وشاله على كتفه. نزل السلم بهيبته المعتادة وهو ماسك المفتاح في إيده، ناوي يدخل الأوضة ويشوف كبرياء بنت عمها اللي فاكر إنه بدأ يتكسر.

وصل للممر، حط المفتاح في القفل، ولفه ببرود.. فتح الباب ودخل.

ـ "صباح الخير يا بنت الـ..."

الكلمة اتجمدت على لسانه!

الأوضة كانت فاضية تماماً! السرير متسبس، والشباك الكبير مفتوح على آخره، والستائر البيضاء بتطير مع هواء الصباح!

فارس وقف ثواني في نص الأوضة، عينيه البنية اتوسعت بشدة، والدم هرب من وشه قبل ما يرجع يتدفق فيه بشرار أحمر مشتعل!

قرب من الشباك بسرعة مرعبة، بص لتحت ولقى فرع الشجرة المكسور خفيف.. وفي اللحظة دي بالظبط.. صقر الصعيد جُنّ جنونه!

الزلزال في السرايا

صوت صرخة فارس هزت أركان السرايا الشاهقة وزلزلت الحيطان:

ـ "يا غااااااافررررر! يا ولد الهوارااااااي!"

الصوت كان جبار زي الانفجار! الغفر في الجناين اتنفضوا من أماكنهم والرعب أكل قلوبهم، والعيلة كلها خرجت من أوضها مرعوبة؛ منصور، وفتحية، وسليمان، والحاجة فاطمة!

فارس نزل على السلم بسرعة الريح، عيونه كانت عبارة عن كتلة نار وجمر حقيقي، عروق رقبته وإيديه كانت بارزة زي الحبال، وقبضته على عصايته كانت هتكسر الخشب!

زق باب السرايا الخارجي بعنف، وصرخ في وش الغفر اللي جم بيجروا ويديهم بتترعش:

ـ "كنتوا فين يا كلاب؟! البنت هربت من الشباك من تحت دراعكم وأنتم نايمين على أذنكم!"

أحد الغفر بلع ريقها برعب:

ـ "يا.. يا فارس بيه.. والله ما حد عدى من البوابة الخارجية، إحنا كنا..."

وقبل ما يكمل كلامه، فارس طار فيه ومسكه من زومار رقبته برعب شديد، وصوته طلع رنان ومرعب هز النجع كله:

ـ "أقسم بالله العظيم لو ما رجعتش قبل ما الشمس تتنصف في السماء.. لأكون غفركم كلكم ودافنكم في أراضي الجعافرة! اقلبوا النجع شبر شبر! حاصروا الطرق والمحطات والعربيات! مفيش صرصار يخرج من النجع ده!"

فتحية صرخت ولطمت على خدودها:

ـ "بنتي! مهرة يا حبيبتي! عملت في روحك إيه يا بنتي!"

منصور جرى على فارس بذهول وصدمة:

ـ "فارس! يا بني البنت معرفش حاجة في الطرق هنا، والطريق الغربي مقطوع وفيه قطاع طرق!"

فارس التفت لعمّه منصور، وكانت عينيه حمرة تماماً زي الدم، ونطق بصوت واطي، مرعب، ومحمل بغضب لم يشهده أحد من قبل:

ـ "لو وصلت لآخر الدينا يا عمي.. جاوية ولا قاهرة.. هجيبها من شعرها! والبنت دي عقابها النهار ده مش هيكون محبَس.. عقابها هيكون لجم لكبريائها قدام النجع كله!"

ركب فارس حصانه الأدهم ببراعة وحصل على سلاحه، وشد اللجام بقوة خلت الحصان يصهل بصوت مرعب ويرفع رجليه في الهواء، وانطلق بيه زي السهم المسموم في وسط أراضي الصعيد.. ووراه عشرات السيارت والرجال!

على أطراف الطريق الزراعي المهجور

كانت الشمس قد بدأت تشرق وتبث حرارتها على الطرق الترابية المحاطة بزراعات القصب العالية.

كانت مهرة تسير بسرعة، أنفاسها متسارعة، وحذاؤها قد أُترِبَ بالكامل، لكن كبرياءها كان يقود خطواتها. لم يكن هاتفها معها، والمسار الذي سلكته اتضح أنه مقطوع وبعيد تماماً عن المحطة الرئيسية التي ظنت أن للوصول إليها سبيلاً سهلاً.

وقفت عند مفارق الطرق وهي تمسح العرق عن جبينها، ثم نظرت حولها؛ زراعات قصب ممتدة على الجانبين، وصمت قاتل يلف المكان!

وفجأة.. سمعت صوت محركات سيارات جيب قادمة بسرعة مرعبة من بعيد، وراءها صوت حوافر حصان تهز الأرض هزاً!

انفض قلب مهرة في صدرها، وبلعت ريقها وهي تتراجع خطوة إلى الخلف:

ـ "معقولة لحقني بالسرعة دي?!"

ركضت وسط أرض القصب لتختبئ، لكن صوت صهيل الحصان القوي كان أسرع منها!

وفي ثوانٍ معدودة.. قطعت سيارة الجيب طريق الخروج، ووقف الحصان الأسود الأدهم أمامها ببراعة يحسم المسافة بينه وبينها!

رفع الحصان قدميه في الهواء وصهل بصوت هز الأرض، ثم نزل فارس من على ظهره!

لم يكن فارس هذه المرة مجرد رجل غاضب.. بل كان عبارة عن عاصفة سوداء! جلبابه الأبيض قد اتسخ بالتراب من أثر الركض، وعيناه البنيتان حمراوان كالجمر المشتعل، وعروق جبهته برزت بشدة.

تراجعت مهرة خطوة إلى الخلف، ورفعت رأسها وثبتت عينيها العسليتين فيه، ورغم الرعب الذي هاجم قلبها من هيئته، رفضت أن تظهر أي ضعف أو تراجع.

مشى فارس بخطوات ثقيلة ومرعبة حتى أصبح واقفاً أمامها مباشرة. لم ينطق بكلمة واحدة.. بل أمسك معصم يدها بقبضة من حديد جعلتها تصرخ!

ـ "آآه! سيب إيدي يا متخلف!".. صرخت مهرة وهي تحاول التملص وضربه بيدها الأخرى.

نطق فارس بصوت خفيض جداً، بنبرة حادة وباردة كالسيف:

ـ "فاكرة إن أرض الهواري ساحة لعب في القاهرة يا بنت العم؟ فاكرة إن الصقر بيغفل عن أرضه؟"

نظرت مهرة في عينيه بتحدٍ وجنون:

ـ "أنا مش أرضك ولا ملكك! سيبني أرجع القاهرة، أنا بكرهك وبكره تحكماتك المتخلفة دي!"

ابتسم فارس ابتسامة شاحبة ومرعبة، وبدون أن يمنحها فرصة للتحدث مجدداً، حملها ببراعة على كتفه رغم محاولاتها المستميتة لضربه على ظهره والصراخ:

ـ "نزلني يا فارس! نزلني يا وحش!"

وضعها داخل المقعد الخلفي لسيارة الجيب بجمود، وأغلق الباب بالمفتاح، ثم التفت إلى الرجال والغفر الواقفين برعب:

ـ "على السرايا فوراً!"

العودة إلى السرايا

دخلت السيارات بوابات السرايا بكبح حاد أطار الغبار في كل مكان!

كان الجميع واقفين بانتظارهم على أعصابهم؛ الجد عبد الرحيم، وسليمان، ومنصور، وفتحية التي كانت تبكي، وآسر ونور.

نزل فارس من السيارة، وفتح الباب الخلفي وسحب مهرة من يدها بحزم، ثم نزل بها إلى ساحة السرايا أمام الجميع.

هرولت فتحية نحوها وهي تبكي:

ـ "مهرة! يا حبيبتي أنتِ كويسة?!"

اقترب منصور بقلق شديد:

ـ "سيب إيدها يا فارس! البنت رجعت خلاص، اهدى يا بني!"

التفت فارس إلى الجميع بصوت جهوري هز أركان البيت:

ـ "محدش يتدخل! البنت دي كسرَت كلمة السرايا وهربت في نَص الليل، واللي بيحصل ده مش مجرد غلطة.. دي قلة هيبة!"

اقترب الجد عبد الرحيم بخطوات ثقيلة، وصوته الصعيدي الحنون تحول إلى صرامة العمد:

ـ "اهدى يا فارس يا ولدي.. البنت أهي رجعت سليمة زينة، والحمد لله إن محدش من أعدائنا لمحها."

نظر فارس إلى جده، ثم جال بعينيه المشتعلتين ونظر إلى مهرة التي كانت واقفة بصدر يعلو ويهبط من الغضب وعينان تطلقان الشرار.

اقترب فارس منها خطوة، ووطأ رأسه لمستواها، ثم نطق بقرار نزل كالصاعقة على القاعة كلها:

ـ "من النهار ده يا بنت العم.. مفيش خروج، ومفيش كلام، ومفيش رجوع للقاهرة نهائياً.. والجمعة الجاية.. كتب كتابنا هيكون هنه في السرايا!"

شلت الصدمة المكان بالكامل!

اتسعت عينا مهرة بذهول وعدم تصديق، وصرخت بانهيار وتحدٍ:

ـ "كتب كتاب مين يا مجنون أنت؟! أنا أتجوزك أنت؟! في أحلامك يا فارس! أموت نفسي ولا أكون لواحد متخلف زيك!"

وضع فارس يده في جيبه، وابتسم ابتسامة حادة وباردة جداً، ثم نطق بثقة صعيدية مرعبة:

ـ "هتكوني مراتي يا مَهرة.. وده مش طلب، ده الحكم اللي صدر في أرض الهواري لجاماً لكبريائك.. وفرحنا الجمعة الجاية!"