Hugot Sa Mga Iniwan นิยาย & เรื่องราว

She gave him three years. He gave everything to someone else. Matapos ang tatlong taon na walang saysay na kasal, pinili ni Aella Ramirez na tapusin ang pagiging asawa ni Theodore Larson—ang kilalang malamig at sikat na CEO ng multi-billion e-commerce business—sa kadahilanan palagi nitong inuuna ang first love nito kaysa sa pamilya nito. Iniiwan siya sa mga mahahalagang okasyon ng kanilang pamilya gaya ng libing ng lola nito, isinasantabi rin siya sa kanyang trabaho at kinalimutan ang kanilang wedding anniversary. Sa huli ay binato niya sa mukha nito ang annulment paper bago iniwan kasama ang anak nila. Sa halip na masaktan ay muli siyang bumangon. Ibinalik niya ang dating negosyo na di kalaunan ay kumita ng bilyon-bilyon at nagtagumapay rin siya sa iba't ibang larangan. Ngunit, ang lalaking tumalikod sa kanya ay biglang nagsisi at nagmamakaawa na bumalik siya. Handa ba siyang balikan ito, lalo na‘t dumating si Matthias Sullivan—ang makapangyarihan at mapang-akit na kasosyo niya na handa siyang ipaglaban? Sino ba ang pipiliin niya—ang nakaraan o ang lalaking kailanman ay ‘di siya bibitawan?

Dahil sa hindi mabayarang utang na iniwan ng ama ni Ahtisa sa kaniya, kailangan niyang tanggapin ang kontratang maging surrogate ng tagapagmana ng bilyonaryong CEO na si Kairon Watson at ng girlfriend nitong si Celine Valdez. Apat na taon nang nagsasama si Kairon at Celine pero hindi pa rin sila nabibiyayaan ng anak dahil may problema si Celine sa kaniyang obaryo. Iyon ang dahilan kung bakit tutol ang mga magulang ni Kairon na magpakasal sila dahil kailangan nila ng tagapagmana, hindi sila p'wedeng mag-ampon dahil ang gusto ng mga magulang ni Kairon ay sarili dapat nilang apo at kadugo ang magmamana sa yaman nila. Doon nila napagdesisyon na kumuha ng surrogate na magdadala ng tagapagmana ni Kairon at iyon ay si Ahtisa. Dinala ni Kairon si Ahtisa sa pribadong isla upang itago at maproteksyonan siya. Sa halos araw-araw na pagtatalik ni Kairon at Ahtisa, hindi sila nabigong magbunga ito sa loob ng isang buwan. Sa pagdadalang-tao ni Ahtisa, namuo ang inggit sa kaniya ni Celine, lalo na kapag nakikita niya kung paano siya protektahan ni Kairon. Hindi maiikaila ni Ahtisa na nahuhulog na ang kaniyang loob kay Kairon at alam niya sa sarili niyang hindi niya na kayang ibigay sa kanila ni Celine ang batang dinadala niya dahil minamahal niya na rin ang batang nasa sinapupunan niya. Ano na ang gagawin ni Ahtisa? Paano niya kahaharapin ang galit sa kaniya ni Celine? At paano niya lalabanan ang pagmamahal na nararamdaman niya kay Kairon kung sa una palang ay mali na ito? Wala sa kontrata nila ang umibig siya sa ama nang pinagbubuntis niya!

The Chase: The Billionaire’s Game is the story of Celestine Vera Elsher, a woman who was forced to leave the city—and her best friend—when she was just twelve years old. Dahil sa biglaang pagkalugi ng negosyo ng kanilang pamilya, napilitan silang lumipat sa probinsya. Hindi man lang siya nabigyan ng pagkakataong magpaalam kay Percival Ford Ramirez, ang lalaking matalik niyang kaibigan—at ang tanging taong lihim na pinili ng puso niya. Labinlimang taon ang lumipas bago muling nakabalik si Fannie sa Maynila, dala ang pag-asang makita at makausap muli si Kane. Ngunit tila yata nawala na ito sa mundo—walang may alam kung nasaan siya, kung nag-asawa na ba, o kung babalik pa ba siya kailanman. Habang muling binubuo ni Fannie ang kanyang buhay, natanggap siya bilang sekretarya ni Mrs. Pamela Ramirez, isang kilalang businesswoman sa lungsod. Sa paglipas ng panahon, naging malapit sila sa isa’t isa—at dahil sa isang hindi inaasahang pangyayari, napilitan si Kristin na bumitiw sa puwesto. Ang pumalit? Isang pangalan na matagal nang laman ng kanyang mga panalangin—Percival, ang lalaking iniwan niya nang walang paalam. Pero ang Percival na kaharap niya ngayon ay malayo na sa Percival na naalala niya. Malamig, mailap, at punung-puno ng galit. At sa muling pagtatagpo nilang ito, mas lalo pang lilikha ng tensyon ang pagbabalik ng isang tao mula sa kanilang nakaraan—dala ang mga lihim na maaaring tuluyang sumira sa kanila. Magagawa pa kaya ni Celestine na ipaliwanag ang kanyang naging dahilan sa biglaang paglisan? Matutunan pa kaya ni Percival na patawarin ang kaisa-isang babaeng minahal niya? At kung tuluyan na silang harapin ng nakaraan, sapat pa rin kaya ang pag-ibig... this time?

Tinanggap ni Amara nang buong puso ang pagmamahal ni Alexander Vance, ngunit sa huli ay nalaman niyang siya ay itinuring lamang na panakip-butas. Iniwan siya ng lalaki upang pakasalan si Isabella, ang babaeng matagal na niyang hinahangad. Sa matinding sakit at pagdurog ng pagkatao, umalis si Amara ng bansa upang magbago at maghanda. Makalipas ang isang taon, bumalik siya hindi bilang marupok na babae, kundi bilang isang matagumpay, maganda, at matalinong babae na may iisang layunin: bawiin ang lalaking nanakit sa kanya. Sa araw ng kasal nina Alexander at Isabella, muling nagpakilala si Amara. Dahan-dahan niyang ipinakita ang kanyang bagong anyo at tagumpay, habang ginagamit ang kanyang pag-unawa at lambing upang akitin muli ang puso ng lalaki. Sa kabila ng pag-aasawa nito, naramdaman ni Alexander ang malaking pagkukulang sa kanyang pagsasama—si Isabella ay laging humihingi ng luho at atensyon, habang si Amara ang nagbibigay ng tunay na pakikinig, kapayapaan, at pagmamahal na walang hinihinging kapalit. Habang lumalalim ang kanilang mga usapan, lalong nahuhulog si Alexander sa bitag na inihanda ni Amara. Ipinaparamdam niya rito na siya lamang ang nakauunawa sa kanyang mga pasanin at pangarap. Ngunit sa likod ng matatamis na salita at yakap ay nakatago ang matinding hangarin ng paghihiganti. Ang dating itinuring na walang halaga ay ngayon ang nagiging kahinaan ng lalaki. Si Amara ay handang maging kanyang pahinga, ngunit siya rin ang magiging dahilan ng kanyang pagkagumon—upang iparamdam kay Alexander ang parehong sakit na kanyang naranasan noon, ngunit unti unting nahulog si amara sa gitna ng kaniyang plano.

Carmelle grew up carrying nothing but unanswered questions—sino siya talaga, bakit siya iniwan, at bakit ang pagmamahal na dapat ay para sa kanya ay palaging malayo, parang hindi niya kailanman maaabot. Abandoned by her family’s nanny right after she was born, kinuha siya at itinago, para si Morgana—ang anak ng yaya—ang mabigyan ng mas magandang buhay. Buhay na dapat sana ay kay Carmelle. Labing-walong taon ang lumipas, natagpuan siya ng tunay niyang pamilya. Pero imbes na yakap at pag-asa, malamig na tingin, paghahambing, at walang katapusang paboritismo ang sumalubong sa kaniya. Sa mata nila, she was never the daughter they lost—she was an intruder. Isang estranghero sa sarili niyang dugo. Si Morgana, ang adopted daughter na pinalaki nila, ang naging golden child. Palaging tama. Palaging pinaniniwalaan kahit walang ebidensya. Palaging pinipili, kahit mali na. At si Carmelle? Kahit anong gawin niya, palagi siyang mali. Laging siya ang sisi. Mga kasalanang hindi niya ginawa, sa kanya isinisi. Mga gulong hindi niya sinimulan, sa kanya ibinato. Hanggang pati si Anton—ang fiancé niya, ang taong akala niya kakampi niya ay unti-unting lumayo at naniwala sa kasinungalingan. Hanggang isang araw, unti-unting lumabas ang katotohanan. Lahat ng sakit, paninira, at paratang na ibinato kay Carmelle… si Morgana pala ang nasa likod. Hanggang kailan niya kakayanin ang mundong paulit-ulit siyang sinasaktan? Kakayanin pa ba niyang magpatawad kung ang puso niya ay unti-unti nang nagiging bato?

Apat na taong minahal nina Ethan at Caprice ang isa’t isa—apat na taong puno ng pangarap, pangako, at tiwalang akala nila’y hindi kailanman masisira. Tatlong taon silang nagsama sa iisang bubong, sabay humarap sa hirap ng buhay-estudyante, sabay nangarap ng mas maayos na kinabukasan. Nangako si Ethan na pagkatapos ng graduation nila sa kolehiyo, papakasalan niya si Caprice at bubuo na sila ng pamilyang matagal na nilang pinapangarap. Ngunit isang araw, bigla na lamang gumuho ang lahat. Sa isang iglap, nauwi sa hiwalayan ang akala nilang habambuhay. Para kay Ethan, malinaw ang dahilan—iniwan siya ni Caprice dahil sa ibang lalaki. Isang pagtataksil na nagdurog sa kanyang puso at tuluyang nagbago sa lalaking minsang marunong magmahal. Hindi niya alam na sa likod ng katahimikan ni Caprice ay may isang desisyong ginawa hindi para sa sarili, kundi para sa kapakanan nilang dalawa. Lumipas ang mga taon. Nagbago ang mundo, nagbago ang kanilang mga buhay—at nagbago si Ethan. Mula sa simpleng binata, isa na siyang makapangyarihang bilyonaryo. Akala ni Caprice, sapat na ang panahon para kalimutan siya ng lalaking minsan niyang minahal. Akala niya, tapos na ang lahat. Ngunit mali siya. Sa muling pagkikita nila, malinaw ang isang bagay—hindi pa tapos si Ethan. Hindi pa rin siya handang pakawalan si Caprice. At sa pagkakataong ito, ang pagmamahal na minsang naging sandalan nila… ay isa nang mapanganib na obsesyon. Hanggang saan siya handang pumunta para mabawi ang babaeng minsan niyang tinuring na kanya? At hanggang kailan tatakbo si Caprice mula sa nakaraan na ayaw siyang bitawan?

Kaella Ponce has always been the sales manager everyone relies on—palaging on time, mahusay sa numbers, at hindi basta-basta natitinag. Sa mundo ng Roque Corporation kung saan bawat deal ay critical, she’s the woman who keeps the department running smoothly. Kaya nang ma-assign sa kanya ang isang tila clueless na trainee, she’s ready to roll her eyes and move on. Pero hindi ordinaryong newbie si Jerome. Sa likod ng kanyang simpleng trainee facade, siya pala ang Jerome Roque, ang tanging tagapagmana ng snack empire na pinagtatrabahuhan nila. Sa utos ng kanyang ama, nagkunwari siyang baguhan para maintindihan ang kumpanya at makita kung sino ang tunay na loyal. Nang kailangan niyang biglang umalis dahil sa family business crisis abroad, hindi na niya naipaliwanag ang buong katotohanan. Naiwan si Kaella—brokenhearted at feeling betrayed—at nangakong hindi na muling magpapaloko. Pagkalipas ng ilang taon, matagumpay at kilala na sa industriya si Kaella—mas strong, mas guarded, pero may mga sugat pa ring hindi tuluyang naghilom. Sa isang malaking business conference, nakasalubong niya ulit ang isang ngiti na matagal na niyang gustong kalimutan. Si Jerome Roque, ngayon ay isang charismatic CEO, bumalik para patunayan na hindi nagbago ang feelings niya. Muling nagbabalik ang kilig, ang sakit, at ang mga alaala. Pero handa pa bang buksan ni Kaella ang puso niya? Kaya ba niyang muling mahulog—this time sa billionaire boss na minsan na siyang iniwan? O hahayaan niyang manatili ang distansya sa pagitan nila kahit na malinaw na may spark pa rin?

Hindi inasahan ng rakistang si Zein na uso pa pala ang pagiging "rebound girl" nang sabihin iyon ng panderong ex-boyfriend ng Ate Zelda niya na si Amos. Umeksena lang ang "bitter" na lalaki sa kasal ng kapatid niya, inaya na siya sa isang relasyong wala namang pag-ibig. Nasira ang plano niyang magkaroon ng magandang karanasan sa isang relasyon. Hindi niya alam kung anong masamang hangin ang umihip at pumayag siyang maging panakip-butas lamang. In short, band-aid lang siya para sa mga sugat na iniwan ng kapatid niya sa puso ng binata. Akala ni Zein ay naging maingat siya pero nahulog ang damdamin niya at umasang kaya siyang saluhin ni Amos subalit bumalik sa eksena ang Ate Zelda niyang una nitong minahal. Hindi na siya naghintay na saluhin ng binata. Umahon na agad siya kahit may naiwang marka ang lalaking tanging nagpalakas ng tibok ng puso niya. Ngunit saan siya dadalhin ng pagtakas niya sa isang pag-ibig na hindi sigurado? Paano niya pa ito makalilimutan kung may buhay na sa kaniyang sinapupunan?

Matapos ang limang taon ng pagkawala, muling bumalik sa Pilipinas si Samantha Aracosta dala ang mabigat na lihim at pusong pilit kinalimutan ang lalaking minsang minahal niya nang sobra—si Lucien Reverio, ang ruthless billionaire na minsang winasak ng pagkawala niya. Isang gabing puno ng alak, ulan, at maling akala ang muling naglapit sa kanila. Hindi alam ni Samantha na ang lalaking inaya niya sa isang impulsive one-night stand ay ang ex-boyfriend niyang matagal niyang tinakasan. Ngunit para kay Lucien, hindi aksidente ang muling pagkikita nila—limang taon niya iyong hinintay. Habang pilit umiiwas si Samantha sa mapanganib na lalaking kayang sirain muli ang puso niya, mas lalo naman siyang hinihila ni Lucien pabalik sa mundo nito. Ngunit hindi alam ng billionaire na may mas malalim pang dahilan kung bakit siya iniwan noon… at ang pinakamalaking sikreto ni Samantha ay ang dalawang batang matagal nang hinahanap ng tadhana sa kanya. Sa pagitan ng galit, pagnanasa, at hindi pa rin nawawalang pagmamahal, kaya pa bang mabuo muli ang isang pusong minsang winasak? O tuluyan nang sisirain ng mga lihim ang ikalawang pagkakataong ibinigay sa kanila?

Si Xavier Echiverri ay isang napaka-cold, matangkad, napakagwapong bachelor at perfectionist na CEO ng Heaven Shipping Inc.. Siya ang perpektong halimbawa ng isang CEO na parang refrigerator— ‘di basta-basta lumalambot, kahit sa harap ng mga magagandang empleyada. Para sa kanya, ang pag-ibig? Wala sa business plan! Ngunit ang tahimik niyang opisina ay biglang nagka-brownout sa presensya ng bagong empleyada, si Antonette Pinagpala. Si Antonette ay maganda, sexy, at mabait, ngunit isang certified walking disaster! Palaging may natatapong kape (karaniwan ay kay Xavier pa!), nalalaglag na folders, at minsan, siya mismo ang natutumba! Pero kahit laging epic fail, hindi siya nawawalan ng ngiti o ng lakas ng loob na bumati ng, “Good morning, Sir!” kahit na obvious na bad trip si Xavier sa mga bloopers niya. Ang akala ni Xavier, matutuyot siya sa stress ng mga epic fails ni Antonette. Pero sa bawat engot niyang hakbang, natatawa siya—sa umpisa, pilit na tawa lang; kalaunan, hindi niya na mapigilan ang tawang natural na natural. At unti-unti, nadidiskubre niyang ang “perfectionist” niyang puso ay kayang pakiligin ng isang disaster queen na gaya ni Antonette. Ngunit sa gitna ng kanilang nakakakilig na harutan, biglang lumitaw ang matagal nang nakalimutang bahagi ng buhay ni Xavier—si Isabella Maharlika, ang ex-fiancee niyang iniwan siya sa mismong araw ng kasal! At ngayon, bumalik siya upang kunin ang atensyon at pagmamahal ni Xavier, na tila nais niyang mabawi mula kay Antonette. Kaya ba niyang isantabi ang kanyang prinsipyo na "business-only" para sa masaya at nakakakilig na buhay kasama si Antonette?Pero kung magkakaalaman na ang lahat, sino nga ba ang pipiliin ni Xavier—Si Isabella o Siya?-ang perpektong pagmamahalan na minsan nang nagtapos, o ang bagong love story na puno ng epic fails pero walang kapantay na saya?