Pedaço De Vida Novels & Stories

Dayana, 19 years old. Salat sa salapi ngunit mayaman sa pangarap. Naglalabada silang mag-ina para sa pamilya ng mga Stewart. Logan Stewart, 26 years old. Guwapo, mayaman at ubod ng babaero. Anak ito ng mag-asawang Stewart. Paano kung magkagustuhan ang dalawang tao na langit at lupa ang agwat? Handa kaya nilang ipaglaban ang isa't isa, o pipiliing lumayo at hayaan ang tadhana na gumawa ng paraan...

Maica Delmundo, isang sikat na model. Maganda, sexy, matalino at hinahangaan ng karamihan. Parang lahat ay nasa kaniya na. Ngunit sa kabila ng kasikatan ay nagkukubli ang isang lihim. Isang lihim na maaaring sumira sa kaniyang karera na matagal niyang pinakaiingatan. Ano nga ba ang kaniyang itinatagong sikreto? Handa ba siyang bitawan ang tinatamasang kasikatan? O ipagpatuloy ito kahit pa ang kapalit ay ang lalakeng kaniyang iniibig?

DE GUIA SERIES 2: Love is Dead Cheating is never in Alyson's dictionary. Kilala siya sa angkan ng mga De Guia bilang dakilang Ambassadress ng Pag-ibig. Kaya naman emotera siyang nag-itim at nagpa-reserve ng puntod nang madiskubreng niloloko siya ng nobyong si Ramon - ang lalaking tunog-kanto ang pangalan pero may abs. Ang malaking problema niya: Paano siya magwawala at maghihisterya sa pait ng pag-ibig gayong Triple A lang ang karakas ng baterya niya? Sino ang tutulong sa kanya sa paglilibing ng feelings kung buntis at baliwag ang masasandalan niyang pinsan na si Erin? At paano siyang hindi madi-distract sa aali-aligid na bigote at abs ni Noonie Valderrama? Love is dead. Or does it really die?

Si Sanjela ay isang babaeng kamuntik ng sumuko at wakasan ang sariling buhay. Ngunit hindi itinadhana dahil siya ay binigyan ng pagkakataon upang maging malakas. Ang masalimuot na nakaraan ang kanyang sandata upang siya ay maging matatag. Nilisan ang Pilipinas upang tuparin ang kanyang pangarap. Mag-ipon ng sapat lakas upang labanan ang mga taong umapak sa kanyang pagkatao. Singilin ang mga salarin sa pagpaslang ng kanyang mga magulang. Parusahan ang mga taong sangkot sa pagdukot ng kanyang tatlong nawawalang sanggol. Ang mga sanggol na alam ng kanyang puso na ang mga ito ay buhay pa. Kasama niyang sisingilin ang taong inakala niya na kanyang kakampi. Ang taong nagbigay ng sigla sa kanyang murang puso. Ngunit nalaman nalang niya na puro kasinungalingan o panlilinlang lang pala ang mga ipinapakita nito. Sa pagbabalik ni Sanjela Pilipinas hawak na kaya niya ang tugatog ng tagumpay? Kayanin kaya niya ang muling pangmamalupit ng mga magulang ni Axel kapag kinalaban niya ito sa politika? Kayanin kaya niyang hawakan ang probinsya ng Rehiyon Nuebe? Sino ang mas maging matimbang para kay Sanjela? Ang pamilya ba? Propesyon? O ang position sa politika? Si Axel ang bunsong anak ng gobernador ng Rehiyon Nuebe. Ang ahente ng anti-terorista ng Pilipinas na itataya ang buhay para sa bayan. Biktima ng panlilinlang, biktima sa kasakiman ng kanyang mga magulang. Makikita pa kaya niyang muli ang babaeng pinakamamahal niya. Sino ang kanyang mga tunay na kadugo? Mauungkat pa kaya ni Axel ang mga sekretong nakatago? Sa parating na bukas meron pa kayang maganap na pagbabago? Aayon kaya ang tadhana sa dalawang biktima, na sa kasinungalingan ay nakabilanggo? Malalaman pa kaya ni Axel ang malaking sekretong nakatago sa kanyang pagkatao? Sino ang makakatuklas? Sino ang magbubunyag? Makakamit pa kaya nila ang hustisya bago maging huli ang lahat? Ano ba dapat? Abante? O paghiganti?

Pahayag ng May-akda: Lahat ng ito ay isang kathang-isip lamang, kung may mga pangalan, lugar o taong magkatulad sa bida nitong kwento ay hindi sinasadya. -May-akda: Inday Stories. Sky POV HABANG. Habang nasa loob ako sa aking silid ay paulit-ulit kong pinanood ang mga videos ng aking pamilya. Kung may makakita lang sa akin ay sasabihin 'para kang baliw' dahil tumatawa at umiiyak habang pinanood ko itong mag-isa. "Mama, Papa, Bunso! Miss na miss ko na kayong tatlo!" sabi ko habang nakatingin sa TV. Hanggang ngayon ay hindi ko pa rin matanggap na wala na sila. Sariwa pa rin sa aking isipan kung paano sila namatay na wala akong magawa. Hanggang natapos ang pinanood ko saka ko naman kinuha ang isang memory card may nakadikit na maliit na papel 'TRUE IDENTITY' -dahil sa aking curiosity ay agad ko itong sinalang sa aking laptop upang mapanood ko ang laman dito. "Anak, kung napanood mo ito ay siguradong may masamang nangyayari sa aming ng Mama mo. Kung sakaling may taong maghahanap o magtatanong kailangan mong itago ang tunay mong pagkatao. Ayaw namin ng iyong Ina na ikaw ang papalit sa kanyang trono bilang isang Mafia, ayaw kong matulad ka naming na maraming napatay na tao o ha-huntingin ka ng mga kalaban namin noon. Ito ang tunay na pagkatao namin anak. Ako at ang iyong ina ay anak ng isang makapangyarihang tao ang iyong ina ay isang prinsesa ng mga Mafia at kalaban namin sa aming organisasyon na kinabibilangan ko. Isa ako anak ng ikatlong Mafia sa Dark Moon, naging hadlang ang iyong Lolo ama ng iyong Ina kung kaya't nagtago kami at bumaba ako bilang isang Mafia prince upang mamuhay nang simpleng mamamayan ganoon rin ang iyong Ina.

Nang dahil sa pagkasawi ng mga magulang na parehong miyembro ng isang secret agency ay tumatak sa isip ni Veron Stacey Santibañez ang isang lihim na paghihiganti sa mga taong pumaslang sa mga mahal niya sa buhay. Upang magawa ang nais na paghihiganti ay pumasok rin siya bilang isang secret agent sa organisasyong pinagsisilbihan ng mga magulang noon. Kailangan niya ang organisasyon at ang mga nalalaman nito para maisagawa ang paghihiganti. Sa mga misyong kinakaharap ni Veron ay makikilala niya si Ynzo Abraham Tolledo. Ang makisig, guwapo, ngunit pinakamalaking malas na nakilala niya sa buong buhay niya. Ito ang lalaki na ubod ng yabang at saksakan ng glue na dikit nang dikit sa kaniya sa lahat ng oras. Hindi niya alam kung trip lang ba siya nitong paglaruan o talagang malakas lang ang sapak nito. Isa lang itong lalaking walang ibang kailangan kundi ang makahanap ng babaeng mapapangasawa dahil kung hindi ay wala raw itong mamanahin mula sa mga magulang ‘pag tuntong nito sa edad na tatlumpu. At sa lahat ng babaeng minamalas ay siya pa ang nakita nitong alukin ng kasal-kasalan para lamang makuha ang ninanais nitong mana. Akala ni Veron ay simpleng bagay lang ang inaalok ni Ynzo. Napag-alaman niyang malaki ang maitutulong ng lalaki upang makuha niya ang hustisyang inaasam-asam niya. Kaya kahit may mahal nang iba ay napilitan pa rin siyang kumapit sa patalim. Pareho naman silang makikinabang ni Ynzo sa kasalang iyon. Ngunit may isa sa mga kondisyon na kanilang napagkasunduan. No feelings attached. Ang lahat ng magaganap mula sa araw ng kasal hanggang sa matapos ang misyon ay walang halong damdamin o pag-ibig. Mapanindigan kaya nila ang pinasok na laro? O pareho silang mapapahamak sa mabilis na bala ng pag-ibig na tatama sa kanila?

Biglang nagbago ang takbo ng buhay ni Chloe Fontanilla matapos mahuli ang boyfriend niya na may kalaguyong iba, pinalayas siya nito agad, sakto namang nagka-emergency ang nanay niya sa ospital at kailangan agad ng pambayad para maisalba ang buhay nito. Dahil wala na siyang matakbuhan o mahingan ng tulong, napilitan siyang pumasok bilang stay-in maid sa mansyon ng isang sikat at mayamang bilyonaryo—si Alexander Valdemar. Kilalang suplado at walang awa sa negosyo ang bilyonaryong si Alex. Kontrolado niya ang lahat sa buhay niya, maliban sa bagong katulong na unti-unting nakakakuha ng atensyon niya dahil sa katatagan nito sa kabila ng mga pinagdaraanan sa buhay. Ngunit muling nanganib ang tahimik na buhay ni Chloe nang subukan siyang ipahiya ng ex-boyfriend niya sa isang malaking party. Sa pag-aakalang wala na naman siyang kakampi, biglang sumalo at nagpakita ng matinding proteksyon si Alex. Handang harapin ng bilyonaryo ang sinumang babastos sa babaeng pinoprotektahan niya. Kakayanin ba ni Chloe na makuha ang tiwala at pagmamahal ng isang tulad ni Alex, o mapapasama lang siya sa isang mapanganib na sitwasyon?

Buong buhay ni Mildred ay isa lamang siyang bayarang babae. Maganda siya't pinagnanasaan ng mga kalalakihan, ngunit kilala siya sa Underground hindi lang sa kaniyang ganda—kundi sa pagiging bayolente niya sa mga lalaking bumibili sa kaniya. Sanay na siya sa madilim na mundong iyon, ngunit kahit anong mangyari, hinding-hindi niya bibitawan ang pangarap na balang araw ay magiging malaya siya. Pero nagbago ang lahat nang bilhin siya ni Zaccheus Gonzales, ang pinaka-makapangyarihang mafia boss sa bansa. Isang lalaking walang konsensya at sanay makuha ang lahat ng gusto niya—at ngayon, iisa lang ang kailangan niya: isang tagapagmana. Unang tingin pa lang, alam na ni Mildred kung anong klaseng lalaki siya. Wala siyang pakialam kung gaano ito kagwapo o kayaman. Ngunit nag-alok si Zaccheus ng isang bagay na hindi niya kayang tanggihan—maging asawa niya at dalhin ang kaniyang anak, kapalit ng kalayaang matagal na niyang pinapangarap. Isang simpleng kontrata, ngunit isang madugong sugal. Sa oras na pirmahan niya ang kasunduan, makukuha kaya niya ang kalayaang hinahangad niya, o tuluyan siyang mabibilanggo sa bisig ng isang demonyong ayaw siyang pakawalan?

Alyana Lopez, isang raketerang babae, ulila at layunin ay makaipon ng maraming pera, mga sampung milyon para makapamuhay ng komportable sa buong buhay niya, kaya naman tinatanggap niya ang kahit na anong trabaho o raket na inaalok sakaniya. Nilapitan siya ng isang kaibigan na isa ring raketera at inalok siyang maging spy sa isang kilalang bilyonaryo na si Jeffrey Anderson, kailangan niyang malaman ang mga susunod nitong hakbang sa loob ng anim na buwan tungkol sa mga investments, deals, at negotations ng korporasyon nito. Inaral ni Alyana ang lahat ng detalye tungkol rito at namasukan siya bilang sekretarya at personal assistant nito. Hindi inasahan ni Alyana ang karismang taglay ni Jeffrey, at ang inaakalang puro trabaho lang ang gagawin niya sa pagpapangap bilang sekretarya ay nagulat siya nang alukin siya nitong maging asawa lang sa papel. Mula sa pagiging spy, pagpapanggap bilang sekretarya, hanggang sa pagiging asawa sa papel, mapasubo kaya si Alyana sa pinapasukang raket para makaipon ng sampung milyon? O hahayaan niya ang lahat ng pinaghirapan kapalit ng konsensya niya at ang namumuong damdamin para kay Jeffrey?

Paano ba dapat aminin sa isang kaibigan na mahal mo siya? O paano mo sasabihin na higit pa sa bilang magkaibigan ang pagtingin mo para sa kaniya? "The more you hate, the more you love." Ito ang naging motto sa buhay pag-ibig ni Aziz Dimitri Tyson, matapos niyang makilala ang babaeng kinaiinisan niya sa lahat. Ngunit hindi naman niya inaasahan na ito rin pala ang magyayanig sa tahimik niyang mundo. Sasha Edmonia, ang pangalan ng babaeng bumihag sa torpe nitong puso. Bagamat na love at first sight siya rito ay pinili na lamang niya na itago ito sa sarili at maghintay ng tamang pagkakataon upang maipagtapat ito sa kaniya. Naging kampante ito sa kaniyang sarili na hindi nalalamang marami na siyang nasasayang na oportunidad upang mas lalo pang mapalapit sa kaniya. He missed the right timing. Dahil sa kakahintay niya ng right time ay may iba ng nauna sa kaniya. Magagawa pa kaya ni Aziz Dimitri na maipagtapat sa dalaga ang tunay niyang nararamdaman? O magpapaubaya na lang ba siya para sa iba?