CHAPTER 7: Imbitasyon

"Goodmorning.."

Kahit nakapikit pa ang mga mata ni Sylus ay ramdam na niyang gising na si Naya. Ang totoo'y mas nauna pa siyang nagising kaysa sa babae. Kanina niya pa rin pinagmamasdan ang mukha nito habang mahimbing itong natutulog.

Dahan-dahan siyang nagmulat ng mata at nakita ang gulat sa mga mata ni Naya.

"Barikada pala, huh?" Nakangising sambit niya dahilan para mas makita niya ang pamumula ng mukha nito.

Nagmadali tuloy si Naya na tanggalin ang braso niya sa pagkakayakap kay Sylus saka ito napaupo sa kama.

"Sorry, magulo talaga ako matulog."

Sinuklay ni Sylus ang sariling buhok gamit ang mga daliri niya habang pinagmamasdang nahihiya sa kanya ang asawa niya.

"It's fine.."

Nilingon niya si Sylus dahil sa sinabi nito. Anong it's fine? Ayos lang sa kanya na yakapin ko siya?

"Bakit hindi mo na lang tinanggal yung kamay ko?"

"I tried. Pero binalik mo ulit kaya hinayaan ko na. Akala mo siguro unan ako,"

Napahilamos na lang ng mukha si Naya dahil sa kahihiyan.

"Sorry talaga.."

"I said it's fine." Ani Sylus saka tumayo na rin at bumaba ng kama. "You can hug me all you want."

"Hindi ko naman ginusto 'yon! Tulog ako!"

Napangisi si Sylus.

"You violate no rule, Naya. Don't worry.." sambit nito saka na dumiretso na sa banyo.

Nag-ayos na silang dalawa para sa umaga na iyon pagkatapos ay sabay na silang bumaba para kumain ng almusal.

"Goodmorning po, La.." bati ni Naya sa lola Lucia niya na nakaupo na sa dining table at hinihintay na lang sila.

"Goodmorning, apo.."

Sinenyasan ni Naya ang nasa likod niyang si Sylus para yakapin din nito ang matanda.

Kumunot ang noo ni Sylus nung una dahil hindi siya sanay yumakap sa ibang tao, pero nang makita niyang masama na ang tingin ni Naya sa kanya ay agad na siyang lumapit kay lola Lucia at niyakap na rin ito.

"Goodmorning po,"

Natuwa ang matanda sa ginawa niya. Hindi niya aakalain na ang dati nitong amo ay apo na rin niya ngayon.

"Goodmorning, Sylus!"

Sabay silang kumain ng almusal sa mahabang mesa na iyon. Pero hindi pa rin maiwasang mailang ni Naya dahil ang mayordomang si Isabel ay pinagsisilbihan na rin siya ngayong araw.

"Pupunta mamaya ang doktor para kay Lola Lucia. Ipapaayos ko na rin ang ibang mga damit mo sa kwarto natin," usal ni Sylus nang kumakain na sila.

Tumango at ngumiti si Naya nang marinig iyon.

Pagkatapos nilang kumain ay bumalik na sa taas si Sylus para magtrabaho sa opisina nito. Si lola Lucia ay nagpahinga ulit sa kwarto, at si Naya naman ay tumambay sa kusina kung nasaan ang mga kaibigan niyang mga kasambahay.

"Ma'am Naya, bakit po kayo nandito, may gusto po ba kayo?" Tanong ni Ara sa kanya.

"Huwag mo niyo na akong tawaging ma'am.."

"Pero amo ka na rin namin.. baka magalit si sir Sylus kapag narinig niyang hindi ka namin ginagalang." Ani Joan.

Mabagal na tumango si Naya, narealize na baka nga pagalitan pa ni Sylus ang mga ito kung hindi sila sumunod.

"O sige, kapag tayo-tayo lang, kahit huwag niyo na akong tawaging ma'am. Kaibigan ko pa rin naman kayo.."

Napatitig sila kay Naya dahil hindi nila inaasahan iyon. Doon nila napagtantong tunay ngang mabuti ang puso nito. Kahit ang istriktang mayordomang si Isabel na nakikinig sa gilid ay lihim din na napangiti dahil akala niya'y magmamataas na si Naya kapag napakasalan na nito si Sylus, ngunit hindi pala.

Samantala, habang abala naman si Sylus sa trabaho niya sa opisina ay biglang tumawag ang kanyang ina na si Sienna.

"Yes, mom?"

"I heard kinasal ka na kahapon?"

"Yeah,"

"Why didn't you tell me?"

"Nalaman niyo na rin naman.."

"How about your brothers? Alam din ba nila ito?"

"Nope. Hindi ko rin sila sinabihan."

Malalim na huminga ang kanyang ina sa kabilang linya, tila nagtitimpi ng galit.

"Bakit hindi pala si Amara ang pinakasalan mo?"

Saglit tinigil ni Sylus ang ginagawa niya sa laptop saka siya sumandal sa kanyang swivel chair habang nakikinig sa ina.

Walang nakakaalam kung anong dahilan ng paghihiwalay nila ni Amara. Hindi alam ni Sienna na may ibang lalaking kinama si Amara kaya tinigil ni Sylus ang pagpapakasal dito.

"I just don't want her anymore.."

"Kaya magpapakasal ka na ng kung sino-sino lang?"

"Mom, don't call my wife like that."

"Your wife? I background checked that woman! She's our former maid, Sylus! She also have a boyfriend—"

"They already broke up. And what's wrong if she's our maid before? She's my wife now."

"I can't believe you! 'Yang ganyang babae ang ihaharap mo sa pamilya mo? Sa ibang tao? Ano na lang ang sasabihin nila kapag nalaman nilang dating katulong ang asawa mo? Hindi ka ba nahihiya?"

Pumikit si Sylus habang nakasandal.

"Not at all, mom."

"Paano kung pera lang ang habol sa'yo niyan?"

Dahan-dahan nang napangisi si Sylus dahil iyon naman talaga mismo ang dahilan kung bakit sila nagpakasal.

"I don't mind. I can give her money, if she wants. I can afford it."

"Are you out of your mind? You let a gold digger enter our family?!"

Nagmulat siya ng mga mata saka hinilot ang sentido.

"Mom...I'll give Naya anything she wants. And what's mine is also hers from now on. So don't you ever say that word to her again. Because I won't tolerate any kind of disrespect towards my wife.. even from you."

Saglit na natigilan si Sienna sa narinig. Nakaramdam siya ng galit dahil hindi niya pa rin matanggap na hindi mayaman ang pinakasalan ng anak niyang panganay.

"What's so special about her? Kailan mo lang ba siya nakilala pagkatapos ng break up niyo ni Amara? Do you really know her?"

"What's important now is that were married, and she will be part of this family whether you like it... or not."

Doon na napatiim ng panga si Sienna. Alam niyang hindi niya na magugustuhan ang babaeng pinakasalan ng anak niya. At alam niyang hindi niya ito tatanggapin kahit na magalit pa sa kanya si Sylus.

"I'll be back soon. I wanna meet that woman."

Binaba na ni Sylus ang tawag matapos iyon sabihin ng kanyang ina.

Isang linggo makalipas ang kasal nila ay mas dumami na ang nakaalam na kasal na ang panganay na tagapagmana ng mga De Santis. Nagkaroon pa ng mga balita sa telebisyon at sa social media tungkol sa pagpapakasal niya ng pribado sa 'di kilalang babae.

"Malapit na nga pala ang pasukan ko. Isang sem na lang para sa internship bago ako grumaduate." Sambit niya noong nasa kwarto na silang dalawa.

Kasalukuyang nagtatanggal ng necktie si Sylus nang lingunin niya si Naya na inaayos ang kama nila.

"Okay. Ipapahatid-sundo na lang kita sa driver kapag papasok ka. Tsaka sabihin mo lang kung anong mga kailangan mong bilhin, ipapaasikaso ko sa assistant ko."

Tumango si Naya at nagpasalamat.

Noong sunod na umaga naman ay hindi nila inaasahang may dumating na bisita.

"Ma'am...sir.. nandito po si Amara." Balita ni Isabel sa kanila noong nakaupo sila sa sala.

Nagkatinginan sina Sylus at Naya.

"Let her in."

Pagkasabi niya noon ay agad siyang mas dumikit kay Naya.

Naintindihan naman agad ito ni Naya kaya sinukbit niya agad ang braso niya sa braso ni Sylus at nagpanggap silang sobrang sweet sa isa't isa.

Kaya naman pagkapasok pa lang ni Amara ay agad na niyang nakita ang dalawa na tila hindi mapaghiwalay. Nakangiti pa ito sa isa't isa na akala mo'y wala silang pakielam sa pagdating niya.

"Hi, Sylus.." bati niya.

Tinanguan lang siya nito.

Napalunok si Amara at pinigilang magalit sa harap nila kahit na kanina niya pa gustong hilahin ang buhok ni Naya.

"Uhm.. i just wanna invite you sa birthday ko next week.."

"If my wife's not invited then I will not go, too."

Mas lalong nabakas ang kirot sa mukha ni Amara nang tawaging wife ni Sylus si Naya.

Mariin niyang tinitigan ito. Dapat ako 'yon. Dapat ako ang nasa tabi niya ngayon. Dapat nasa akin lang ang atensyon ni Sylus at hindi sa babaeng 'yan.

"O-Of course kasama si..." Hindi niya maituloy dahil hindi niya alam ang pangalan nito.

"I'm Naya," nakangiting usal naman ni Naya.

Pinilit ngumiti ni Amara sa kanya.

"Yes. You. Kasama ka rin."

"We'll check our schedule. Baka kasi maging busy pa kami sa honeymoon namin," ani Sylus.

"Honeymoon? One week na since kinasal kayo 'di ba? Hindi mo pa ba ako pagbibigyan, Sy?"

"We want to spend our honeymoon for a month. Wala ka ng pakielam doon."

"Pumunta na tayo sa birthday niya, love..." Malambing na sagot naman ni Naya.

Palihim na napairap si Amara sa narinig na tawag nito kay Sylus.

"If that's what you want, then.." Nakatitig na sagot ni Sylus kay Naya.

Napakuyom na lang ang mga kamao ni Amara sa likod niya.

At habang pinagmamasdang mukhang masaya ang dalawa ay napaisip siya:

Pagsisisihan mong inagaw mo sa akin si Sylus. Tingnan natin kung may mukha ka pang ihaharap sa mga tao pagkatapos ng gagawin ko sa'yo sa birthday ko.