Episode 19: Billiards

“H-Hindi ko pa kayang lumantad ngayon sa medya pagkatapos ng nangyari kanina. Ayoko, Trevino."

Itinukod nito ang mga kamay matapos matamang tuldukin ang natitirang bola papasok sa butas na sinundan naman ng pagdilim ng paningin nito.

“You're the one who insisted that we should clear this things up publicly, right?" sarkastikong anito na binigyang diin pa nga ang mga huling salita atsaka ako tinaasan ng kilay.

Kasing bilis ng hudyat ng orasan ang pag-iwas ko ng paningin sa kaniya na animo'y may bahong itinatago na ayaw kong mabasa mula sa aking mga mata ngunit ang totoo ay nakaramdam lamang ako ng pagkapahiya.

Ibinaling ko ang atensyon sa hawak na baso't hinayaang bumalatay sa lalamunan ang orange juice.

Malalim akong humugot ng hininga atsaka mabigat itong inilabas gamit ang ilong ko. “Oo, kasi akala ko ay madali lang ngunit nagkamali ako. Ayokong makita ni Inay ito kaya't mas mabuti muna siguro kung sabihin ko sa kaniya ang lahat ng nangyayari sa akin," sagot ko at hinugot ang natiti