الفصل الثاني والثلاثون

وقفت أمام غرفته بتردد ... خطوة تفصلها لتحدد مصيرها ... تفصح عما يجوب بصدرها ... تتقدم خطوة و تتراجع خطوة ...

و لكن بالنهاية حسمت أمرها و طرقت الباب ...

كان للتو عائد من الخارج فشرع بتبديل ملابسه ... و فكره غائب عنه ... قلبه معها ... لم يحيد عن التفكير بها ... يطوق لمعرفة حقيقة علاقتهما ... لكن يمنعه كبرياءه للسؤال ... لكنه مشتاق لها لحد الجنون ...

سمع طرقات على الباب فإرتدى قميصه مجددا الذى بدأ بخلعه ... و إتجه ليرى من يطرق الباب ...

وجد أميرة تقف بالخارج ... نظراتها مرتبكة ... هيئتها متوترة ....

تعجب من وجودها أمام غرفته ... لكنه تغاضى سريعا عما يدور بعقله ... وسألها بلطف

:- إيه يا أميرة فى حاجة ؟

أسرعت تقول بتلعثم

:- كنت عايزة أتكلم معاك ضرورى يا خالد لو سمحت ...

ضيق ما بين عينيه و لكنه قال

:- حاضر يا ميرو ... إنزلى إستنينى تحت وأنا هغير هدومى وأنزلك على طول ...

شكرته بلطف و أومأت برأسها وأسرعت تهبط للأسفل تحضر ما ستقوله لخالد ...

جلست بالمكتب تعبث بهاتفها فوجدته يدلف بهدوءه المعتاد ...

جلس على الكرسى المقابل لها و قال بأريحية ...

:- ها يا ستى أحكى انا سامعك ...

كانت تفرك يديها بتوتر ... بالنهاية تشجعت و قالت

:- خالد انا عايزة أشتغل ...

نظر لها بتعجب لكن تحدث

:- و دراستك يا أميرة ... إنتى لسة فاضلك سنة علشان تخلصى جامعتك ...

حاولت ان تتحدث بثقة

:- و فيها ايه يا خالد ... انا مش أول واحدة ولا اخر واحدة تشتغل و هى بتدرس و بعدين انا عايزة أشتغل معاك ...

تطلع لها وسألها بإستفسار

:- تشتغلى معايا فين

أسرعت تقول

:- فى المكتب الجديد ...

رد عليها بترحاب

:- أنا معنديش مشكلة ... ياريت والله ... خلاص لما ارجع المكتب هتكلم مع نور و تظبطى معاها الدنيا ...

:- لا إحنا إتكلمنا وإتفقنا خلاص بس أنا كنت مستنية أقولك الأول و بعدين أخد رأى بابا و جدى و ماما ...

أسمها يجعل قلبه ينتفض ... فأعتدل فى جلسته و سألها

:- ايه دة انتى قابلتيها ؟

:-لا ابدا ... إحنا إتكلمنا إمبارح ... و هى اللى إقترحت عليا موضوع الشغل دة ... و شجعتنى و أنا بصراحة إتحمست جدا للفكرة ... من زمان نفسى أشتغل بس كنت قلقانة من التعامل مع ناس معرفهاش ... و لما نور قالتلى إنى أشتغل معاكم فى المكتب قولت بقى أتشجع و أكلمك ...

تطلع لها بإهتمام يريد الإستمتاع بسماع إسمها ... فقال

:- طيب يعنى اتفقتى انتى ونور ؟

هتفت

:- لا ما اتفقناش ولا حاجة هى بس شجعتنى ... وانا اللى أخدت القرار ... إنت بقى هتروح المكتب إمتى ؟

نظر لها بإستغراب و سألها

:- عرفتى منين إنى مش بروح المكتب

قالت بإقرار

:- ما هى سألتنى عليك فأنا إستغربت و كدة و بعدين بقى فهمت إن إنت مش بتروح المكتب و بتروح الشركة بس

إبتسامة هادئة زينت جانب ثغره ... حك ذقنه و قال

تمام يا أميرة بكرة إن شاء الله هروح المكتب ... بس إنتى شوفى هتعملى ايه مع عمى و مرات عمى ...

انتفضت من مكانها بفرحة ... رأى السعادة تمكث بعينيها بعد سنوات من الضياع ... فإبتسم لأجلها ... وانطلقت من أمامه كى تكمل ما بدأته ....

تمشى على غير هدى ... تتهادى بخطواتها ... تأمل أن تراه ... فيهدأ لهيب قلبها ... شعرت بالإحباط عندما وجدت المكتب مغلق .. زفرت بضيق و أخرجت المفاتيح من حقيبتها و فتحت الباب بحزن ... دخلت ببطء وضعت حقيبتها على مكتبها ... ثم تحركت نحو النوافذ تزيح عنها ستائرها ... فأقتحم الضوء المكان ... ضوء خافت لم يشعرها أبدا بالدفء ... بل تسلل لها نسمات باردة زادت من إرتجافة جسدها ... فضمت جسدها بيديها تمنح لنفسها الأمان ... لاحت إبتسامة حزينة على محياها و هى تتذكر أول مرة رأته بها ... كان وسيم ببشرته الحنطيه ... عيناه البندقية ... ملامحه الهادئه ... يجذبها بكل شئ ... إستحوذ على عقلها كما لم يفعل أحد من قبل ...

على باب المكتب كان يستعد للدخول ... وجدها تقف أمام النافذة ... توليه ظهرها و رغم ذلك إستطاع ان يستشف حزنها ...

كم إشتاق اليها ...

شعر بتأنيب بضميره من إستراقه النظر اليها ... فدلف بهدوء القى عليها التحية دون ان ينظر اليها او حتى يلتفت لها و دخل غرفة مكتبه الخاصة به ....

للحظات لم تستوعب انها إستمعت لصوته ... التفتت لترى هل هو حقا لكنها لم تجد أحد خلفها ... فشعرت للحظات أنها بدأت تهلوس ... صوت غلق الباب جعلها تستفيق ... فأسرعت الخطى نحوه ... تسمرت عندما وجدته بالداخل ... أحست الدفء قد بدأ فى إقتحام جسدها ... و ازدادت خفقات قلبها ... وقفت قليلا تحاول تنظيم أنفاسها ... ثم إستعدت للحديث معه ...

يقف مثل هيئتها الأولى يتطلع من النافذة بشرود لكن إقتحامها ذلك أفاق جميع حواسه فتحرك ببطء نحو مكتبه وجلس خلفه ينظر لعدة ملفات أمامه ... أغمض عينيه بقوة عندما إستمع لإسمه من بين شفتيها ... لهفتها فى الحديث جعلت قلبه يرتجف لكنه مجروح بشكل مؤذى ...

هتفت نور بلهفة واضحة

:- مستر خالد ... حمد لله على السلامة

أجابها ببرود مصطنع

:- الله يسلمك

شعرت بإقتضاب طريقته فقالت برجاء

:- على فكرة اللى هو قاله مش الحقيقة ... انا بس عا...

أشار لها بيده فبترت كلماتها ليقول بهدوء

:- معلش يا نور دى أمور شخصية ... وأنا مبحبش أدخل فيها ... خصوصا بين واحد وخطيبته ... و بعدين أنا مقدر موقفه ... مش سهل أشوف خطيبتى مع واحد بيتمشوا على البحر حتى لو كان المدير بتاعها ...

رغم كلماته المؤلمة لكنها التمست له العذر ... فلم يكن الموقف الذى مر به سهل أبدا ...

فقالت بتوضيح

:- بس إنت فاهم غلط صدقنى

لم يروق له ضعف قلبه تجاهها فتحدث و كأنه يعاقب نفسه على عشقه لها

:- مش هتفرق يا نور ... اللى حصل حصل ... قولتلك دة موضوع شخصى وأنا محبش أكون طرف فيه ....

ترقرقت الدموع بعينيها و تشعر ان كرامتها لن تتحمل المزيد ...

:- أنا اسفة لو حاولت أضايقك بموضوع ما يفرقش معاك ... عن إذنك ...

فإستأذنت بهدوء حتى لا يرى دموعها و هرولت من أمامه ...

رمى القلم بإهمال على المكتب بمجرد خروجها .... لعن غباءه على حدته معها .... منح الأعذار لمن لا يستحق ... لما لا يعطيها حق التبرير ... شعر بالألم يسيطر على قلبه خاصة بعد ان لمح الدموع بعينيها ...

دخلت أميرة وجدت نور على مكتبها ... فتهللت أساريرها و ألقت السلام ... إنتبهت لها نور فرحبت بها بحب رغم الألم التى يعتلى قلبها ... وأجلستها بجانبها وقالت

:- خلاص هتشتغلى معانا يا أميرة ...

أجابت بإبتسامة

:- أنا إتكلمت مع خالد إمبارح ووافق ... بس لسة مقولتش للباقى ... قولت أجرب الأول ولو لقيت نفسى هبوظلكوا الدنيا همشى ....

قالت نور بتشجيع

:- أنا معاكى يا أميرة ... مش عايزاكى تقلقى من أى حاجة ...

أنا متأكدة إنك هتبقى ناجحة جدا فى شغلك ... أنا واثقة من كدة ...

نجحت ببث الشجاعة بداخلها لتضئ روحها فإزداد بريق وجهها ...

فسألتها

:- هو خالد هنا ... كنت عايزة أعرفه إنى هبدأ شغل إن شاء الله ...

إجتاحها شعور بالغيرة لكنها نفضضته سريعا و ردت

:- اه مستر خالد موجود فى مكتبه ...

تحركت أميرة وطرقت الباب لتدخل اليه ...

إبتسم لرؤيتها وقال

:- لا دة إحنا قررنا بقى و بنفذ كمان ...

إبتسمت على مرحه و ردت

:- أنا مصدقت لقيت اللى يشجعنى و بصراحة نور قامت بالواجب و زيادة ...

أومأ رأسه و رفع هاتف مكتبه وقال

:- لو سمحت يا نور عايزك ثوانى ...

بعد لحظات دخلت نور فتحدث و هو يشير لها بالجلوس

:- إتفضلى إقعدى

جلست على الكرسى المقابل لأميرة فأردف و هو يتلاشى النظر إليها ...

:- طبعا إنتو عارفين إننا فى بداية الشغل يعنى لسة على أول الطريق ... يمكن حسن مش هيقدر يبقى موجود فى أغلب الأوقات بس انا متأكد اننا لما نحتاجله هنلاقيه ...

عايزين نكون تيم نبدأ بيه ... و ياريت يكونوا من الشباب .. عندهم جدية و حماس للشغل ... لو ربنا كتبلنا النجاح إن شاء الله التيم هيكبر و هنقدر نشغل عدد كبير من الشباب ...

نظر إليها بجدية ليكمل

:- طبعا الموضوع دة إنتى اللى مسئولة عنه يا نور و أميرة طبعا معاكى فى كل حاجة

أومأت له برأسها و هى تنظر لأميرة بنظرة مشجعة ...

فأردف و هو يستند بظهره على كرسيه و مسك القلم يعبث به على سطح المكتب

:- تانى حاجة محتاجين نختار إسم العلامة بتاعتنا ... عايزين إسم مميز ...

هتفت نور مسرعة

:- خالد ...

لاحظت نظراتهم الموجهة اليها بإستغراب فتحدثت بتلعثم

:- إسم العلامة يكون خالد ... أغلب ال designer بيعملو كدة ...

بيسموا الديزاينز بتاعتهم بإسمهم ...

أكدت أميرة على كلامها فقالت

:- نور بتتكلم صح ... فعلا كلهم بيعملوا كدة ...

حاول التخلص من إضطراب أنفاسه بعد ذكرها لإسمه بهذه الطريقة وقال متصنع التفكير ..

:- تمام سيبونى أفكر فى الموضوع دة شوية ... المهم يا نور محتاجين حد يشتغل فى البوفيه ... و شوفى بقى موضوع الموظفين دة إنتى أدرى منى بالشؤون الإدارية و بالذات فى المجال دة وأميرة طبعا هتلاقى عندها فكرة كويسة بحكم دراستها ...

قالت نور بعملية

:- حاضر ... هقعد مع أميرة دلوقتى ونحاول نظبط الدنيا ونشوف إيه اللى محتاجينه و هبلغ حضرتك ...

أومأ لها رأسه بتفهم ... و تحركت نور للخارج فتبعتها أميرة ليبدأوا عملهم ...