ログイン共有
38
公開日:
2026-07-01 05:16:37سولي سابتها وطلعت ل رشا بلغتها ورشا محتارة تنزل ولا تستني جوزها والاهم إزي هتنزل بالفستان ده تحت ويشفني رأفت وأنا لسه بتكسف منه
ده كلامها لنفسها وهي واقفه قدام مريتها بغضب وتزمر (اخيرا حسمت أمرها بأصرار وعزيمة) لا مش هنزل بالفستان ده هغيرة بحاجة مناسبة مقدرش أبدا انزل كده مش كل مره هخفاف من اومرها بقا اختارت من وسط هدومها اجملهم هي برضو عايزة تظهر قدامهم بصورة كويسه اختارت بلوزة بيضه من الشفون وجيبة مشجرةواسعه طويلة ،ضيقه جدا من على الوسط ، لمت شعرها لفوق كحكه ونزلت خصلات منه على وشها ورا على رقبتها من الآخر كانت أية في الجمال برنسية من برنسيسات زمان هانم من هوانم جاردن ستي رغم إن لبسها مش مكلف بالمرة ابدا ده ابسط من البساطه في حد ذاتها لكنه تحفه عليها ملكه متوجة نازله من على السلم كلهم بلا إستثناء رفعو عيونهم عليها بدهشة والإعجاب واضح جدا عليهم جمالها خطفهم باب الرسبشن كان مفتوح على السلم كانو شيفنها وهي نازله ولما دخلت عندهم برفانها دوخهم شاورت واحده من الضيوف : الله ريحة البرفان ده يجنن واحده تانية قامت من مكانها تقعدها جنبها : هي كلها على بعضها تجنن تعالي حبيبتي اقعدي جنبي هنا واحده تانية ست عجوز بإعجاب : ماشاء الله أما رأفت عرف ينقي بصحيح ولد خلبوص البعض منهم معجب بيها بمحبه ورتحلها البعض التاني معجب بغيظ زي سهيلة اللي بتتكلم من تحت سنانها لنفسها : بنت الحواري طلعت حلوة مش بالساهل يسيبها رأفت المهمة صعبة أوي عليكي يا سهيلة ( أمل جوها مات لكنه رجع حي من جديد وهي شايفه دولت بتبصلها بغيظ وغضب وكره واضح وضوح الشمس واضح جدا إنها مش راضية عنها ولا حباها) هنا ابتسمت بمكر وهمست لنفسها : ولا صعبه ولا حاجة يا سهيلة في اللي هيساعدك في مهمتك دي منا مش هسيب رأفت ل بنت الحواري وبنتي قاعده قطع حبل أفكارها دولت اللي همست بغيظ : شايفة بنت الحواري بتعصى كلامي جيبالها فستان من باريس عمرها في حياتها مكانت تحلم تلبسه ولا تحطه على جلدها سابته الهانم ونزلت بالقرف اللي هي نازله بيه ده (هنا بصت ل رشا بقرف) بيئة .. ناس زباله بصحيح مفيش غير سهيلة وبنتها ودولت اللي متغاظين من رشا وقرفانين منها اما الباقي بيضحك ويهزر مع رشا ومعجبين بيها وبشخصيتها ولباقتها في اداره الحديث ، والأمر ما يخلاش أن رشا عندها ثقافة ودراية بكل شىء حوليها بتجريهم في الحوار مش بتقف عند حاجة ابدا الستات منبهرين بيها وبجمالها وكل واحده بكلمة وكل واحده بمدح شكل عن التانية ورأفت من برة بيجز على سنانة من الغيظ لما جه وسمعهم بيمدحو في مراته مفكر رشا نزلت بالفستان اللي كانت لبساه علشان كده بيمدحو فيها اتنهد بقهر وغيظ وهو عارف ومدرك تماما إن دي العيب مامته وأن هي كمان اللي أجبرت رشا تنزل بيه فداخل بناره عليهم وهنا المفاجأة رشا لابسه لبس محترم جدا لا ده كمان لمه شعرها منستش إنه كان بيقولها شعرك ميتفردش الا قدامي انا وبس لطوله وجماله خايف عليها من العين ، أبتسم برضي ، سلم على كل الموجودين ما عدا دولت أمه ولا عبرها ، بعدها مسك إيد رشا واستأذن منهم بأدب أتكلم بذوق : بعد اذنكم رشا دقيقة واحده من الضيوف بمكر : من حقك متقدرش تستغني عنها دقيقة واحدة الله يكون في عونك يا أبني على الجمال ده كله رشا أبتسمت بخجل وشكرتها : ميرسي يا طنط رأفت رد عليها وعيونه على ل رشا بعشق : ومين يقدر يبعد عن الجمال ده كله ربنا يتولاني لاحسن خلاص قربت تجنني بجمالها الكل ضحك وهزر وكل واحده بكلمتها وكلهم بلا إستثناء دعولهم بدوام المحبه بينهم ، ماعدا دولت وسهيلة وبنتها قاعدين هيطقوا من جنابهم رأفت خد مراته وطلع أوضتهم وأول متقفل الباب عليهم شدها من أيده بغيظ : انا مش قولتلك تستنيني لما أجي، نزلتي ليييه؟ رشا بستغراب أتكلمت بهزار : رأفت أنت بتتحول ولا ايييية ، ما كنت كويس تحت وبتضحك إيه اللي حصل بس؟ ولو سمحت سيب أيدي بتوجعني (كملت كلامها بتزمر طفولي وزعل مصطنع ) رأفت أنت بتتعصب عليا ، يعني خلاص هشوف عصبيتك وأدوق غضبك رأفت هجم على شفايفها باسها بشعف كبير حط في القبله دي غيرته عليها من كلام الحريم وغضبه منها أنها مسمعتش كلامه وإعجابه بيها وبجمالها وضعفه قدامها مش بيقدر يزعلها ولا بيقدر أصلا على زعلها رغم أنها ضربت بكلامة عرض الحيط ونزلت بس أول مقالتله أنت هدوقني غضبك همس برغبه : إنتي تدوقي الشهد كله وانا وحدي بس اللي هدوقهولك ************** بعد إسبوع عند وفاء كانت نايمة في حضنه أيدها على صدره صوابعها بتغازل شعيرات صدره البارزه ليها بسخاء وكتره همست بشغف بعد تفكير: هيمااااا هيما باسها فى جبينها وبهمس كله عشق : عيونه وفاء أبتسم بخجل : تسلملي عيونك يا حبيبي (وبصوت متقطع مرتبك كملت ) هو أنا ممكن استغلك هيما بصلها وكشر بتصنع : إنتي بتسألي إنتي تؤمري أمر وانا عليا أنفذ وانا في ديك الساعة لما مراتي تستغلني ؟ بس هتستغلني في إيه (كمل كلامه بهزار وهو بيداعب بطرف أنفه انفها) أقوم اغسلك الأطباق اللي في الحوض اللي حضرتك سبتيها وجيتي نمتي ههههههههه وفاء بتزمر طفولي ودلع : الله يا هيماااا بقي أنا بتكلم جد هيما هنا اتعدل وبصلها باهتمام : لا بدل بجد بقي آدي قاعده قولي سمعك اؤمري تحت أمرك (وفاء جايه تتكلم هيما رجع هزر وبتفكير عميق بتصنع ) تكونيش عايزني أقوم اضربلك الصرصور اللي بسببه خايفه تنزلي من على السرير هههههههه يا جبانه وفاء بنفاذ صبر : يووووووه بقي هو الواحد ميعرفش يتكلم معاك جد أبدا (وكانت قايمه هيما شدها من أيدها بسرعه : ههههههه قلبي انتي وعمري كله يعلم ربنا خلاص أهو سكت سمعك قولي (وفاء بصتله بتحذير : هيمااا ) هيما بجدية : لاااا لاااا خلاص وعد وعد الحر دين عليه وفاء بخوف وأرتباك من اللي هتقوله صوتها بيقطع وهيما بيحسها تتكلم : هااااه سمعك قولي في إيه؟ مالك؟ هو الموضوع عويص أوي كده هو فعلا الموضوع عويص يا هيما وفاء من وقت مكانت في الحفلة وكلام جيسي ومهتاب بيرن في ودنها مش قادره تنساه او تتغاضى عنه كلامهم جرحها وضايقها رغم محاولتها فى اظهار نفسها قوية قدامهم ومن جواها موجوع (ده هيما سواق التوكتك ) ! وكأنها صفه وصمه عار مش شغلانه شريفه بتساعد على التعايش فى الزمن اصبح من الصعب تلقي فيه وظيفه حكوميه تشتغلي فيها بشهادتك الكل أصبح يعمل عمل غير عمله بعيد كل البعد عن دراسته واللي تسمعه يقول (ده هيما اللي شغال عند سليم في مكتبه ) ! بتسأل نفسها بحيرة : طيب ليه يشتغل في غير ملكه وانا في أمكاني أساعدة فكرت تجبها من ناحية تانيه من نحاية إن هي اللي محتاجة له يشغلها فلوسها وهي عارفه صفات جوزها شهم ومش هيرفض يساعدها اخير نطقت : هو أنت ممكن يعني تشغلي فلوسي في السوق بدال مهي مرميه كده في البنوك ينوبك ثواب فيا إنا مش بفهم غير في الطب وبس ومليش حد غيرك يوقف جنبي ويساعدني هيما بحيرة : يعني عايزة إيه أفهم بس؟ وفاء بتبلع ريقها بقلق : إيه اللي في كلامي مش مفهوم يا هيما .... بقولك تشغلي فلوسي في السوق هيما بحيره : أنا متأخرش عليكي أبدا يا وفاء بس اديكي شايفه أنا يومي كله مليان ما بين مكتب سليم ومعرض الحج محمد اللي في حارتنا مش سبق وقولتك إن مسكت الشغل في معرضه مفيش عندي وقت يا حبيبتي اشتغل فيه تلات شغلانات في بعض أنتى عارفه لو شغلتلك فلوسك في مشروع المشروع ده هياخد كل وقتي طيب اصرف على بيتي منين وفاء من غير تفكير فى عواقب اللي هتقوله : منه يا هيما مش ده برضه شقاك وتعبك هيما هنا وشه اتقلب ١٨٠ درجة وقال وهو بيجز على سنانه من غضبه : لو خلصتي كلامك لو سمحتي تطفي نور الابجوره اللي جنبك علشان عايز أنام ورايا شغل الصبح (راح نام وعطاها ظهرة ) وفاء فاض بيها من كل حاجة اللي بيحصل فوق تحملها هي اتولد في بقها معلقه دهب زي ما بيقولوا طول عمرها معززه مكرمه مش هتجي على الآخر الزمن تسمع اللي بيسخر منها ومن جوزها وبيستقل. بيها وبجوزها علشان كلام فارغ واشياء ملهاش أي لازمة ومعتقدات هبله من وجة نظرها قامت بنفعال شدت الغطاء من عليه : تسمح هنا تكلمني زي ما بكلمك كده هيما بصلها بتحذير: وفاء اقصري الشر وتعالي نامي طلبك مرفوض وفاء بتريقه: ليه مرفوض إن شاء الله أنت عجبك شغلك عند الناس معرض إيه ونيلة إيه اللي بتشغل فيه انت محاسب قد الدنيا مالك أنت باجنص العربيات عجبك أوي اللي بيقولوا الناس من ورا ظهرك تحب تسمع ؟ بقولوا ده هيما اللي شغال عند سليم والهانم اخت رأفت اللي بتقول ل صحبتها ده هيما سواق التوكتك ..... هيما ببرود وثقه قطع كلامها : اه عجبني ... الشغل مش عيب قولتلك مية مرة الشغل مش عيب وفاء بنفعال : عارفه إن الشغل مش عيب بس ليه تشتغل مع الغريب متشتغل ....... هيما قطعها: مشتغل عند الست وأبقي جوز الست وبدل ميقولو هيما سواق التوكتك يقولو هيما دلدول الست مش ده اللي عايزة توصليله؟ وفاء بصريخ فاض بيها : انت بنى ادم معقد واناااااا هيما لتاني مرة يقطع كلامها بترقب شديد وحذر : أنتي ايييه وفاء اتنهدت وبهدوء : أنا عايزة راحتنا إحنا الإتنين يا هيما هيما حط أيده في جيوبه وعطها ظهره : راحتك وحدك يا وفاء أنا مشتكتش وسواق التوكتك اللي مضايقك أوي كده أنا بطلت وبعته من زمان علشان خاطر عيون الدكتورة مش علشاني انا عمري مستعريت من اي شغلانه اشتغلتها بدال بكسب منها بالحلال وبعرق جيبني (اتعدل عليها مرة واحده وجهها وبغضب) ولا إنتي بقيتي تستعري مني ؟ جاوبني يا وفاء بتستعري مني ؟ ... ندمانه إنك اتجوزتي من سواق التوكتك مش كده ؟
最新チャプター
كان بـينـا وعد 50
هيما سابها وراح يكمل لبسه بيلبس في شرابه وجزمتة واستغرب إنها شايف الجذمة بعيده عنه ومرحتش تجبها هى بنفسها ...لا هيما لبس الشراب وقام جابها لنفسه، معلقش طبعا وبراحتها بس كان نفسه في اللفته دي منها رد عليها : يعني كنتي هتشوفيني فين بس يا وفاء ؟ أنا في العادي بلبسها وبالذات يوم الجمعة وانا نازل لصلاة بس تقريبا في المنطقة دي مفيش حد بيلبس جلاليب وأنا ماشي تبع نظامهم بنزل الجمعة بقميص وبنطلون ، بس النهاردة يوم الجمعة وصلاة الجمعة هصليها فى حتتنا وبعدين يا بنتي لازم البس جلابية النهاردة حتى من غير صلاة دي قاعدة صلح مع رجالة الحارة وأنا إبن كبيرهم مش هروح متحزم بحزام في وسطي لازم ادخل بهيبتي وفاء بصتلة بستنكار : وهو الجلابية اللي هتعملك هيبه؟ ابدا محصلش دا أنت يوم فرحك كانت البنات هتكلك بعينها ...... (كملت كلامها بفخر وإعجاب ) عليك هيبه كده تودي في داهيه ، وكارزمه وقبول وحضور وخفة دم وجمال يخطف قلبك خطف ووو هيما قاطعها : بااااااااس ايه ده كله؟ (غمزلها بعينه) مكنتش أعرف أني عجبك أوي كده وفاء ابتسمت بخجل وبصت على الأرض: بس بقي متكسفنيش يا هيما (رفعت رأسها بسرعة وبتزمر لما أفت
كان بـينـا وعد 49
ملامحك اتغيرت يا ريناد ورغم كده أول ما شوفتك عرفتك ريناد هنا قامت من مكانها حضنته وعيونها كلها دموع حنين : وحشتني يا رأفت ...... وحشتني أوي دولت فى قمة سعادتها بانتصارها قدام رشا أخيرا لقيت حاجة تكسر نفسها وتجيب مناخيرها الأرض جيسي ومهيتاب عجبهم المنظر أوي مبسوطين و بيضحكو بشماته وعيونهم على رشا بسخرية: هئء هىء (كان غيرك اشطر يا شاطره يلاا إلعبي بعيد أو العبي على قدك ) دي جملة مهيتاب ل رشا اللي قربت منها وشوشتها فى ودنها بيها جيسي من الجهة التانية همست بخبث : مش عايزه تعرفي الليدى دي تبقي مين ! مهتاب بضحكه شريرة : هههه دي تبقي ريناد حبيبته (رشا حطت أيدها على بوقها وشهقت بصوت مكتوم بصدمه وزهول ) دولت هنا بتبصلها بشماته وبتجز على سنانها بقهر ومبسوطه فى نفس الوقت بتبتسم بإنتصار : أخير القيت حاجة اكسر بيها غرورك رشا فى اللحظه دى هش أضعف من يكون ورجليها مبقتش شيلاها حاسة بغربة فظيعة وأن خلاص مبقلهاش مكان هنا هى كانت دايما قوية قصادهم بيه هو! بجوزها من غيره هي اضعف ما يكون خصوصا لما بصتله تستنجد بيه من كمية الاستفزاز اللي حواليها لقته مشغول عنها بغيرها سابتهم وطالعه ل
كان بـينـا وعد 48
يعمل أية يبطل يحبك يعني مريم بصتلة بغيظ مصتنع : دانا أقتله (وبتحذير بصتله ) اناااا شرنية جدا وبالذات فى الحاجة اللي تخصني (مست الوردة منه ) قوليله يخاف مني قال يبطل يحبني قال سليم ضحك بصوته كله وبجدية : هو مش هيقدر اصلا ده هو عايش على حبك (اتنهد وكمل بجدية ) نكمل باقي مريم بصتله بهيام : امممم كمل أنا سامعه سليم مسك ورده بنفسجي : دي بقي بترد على كلامك الل زعلني منك وبتقولك مهما عملتي هيفضل يحبك مستحيل يزعل منك سليم مسك الوردة الزرقاء ومريم هي اللي اتكلمت بفضول : ودي كمان بتقول إيه سليم بصلها بحب : دي بتقولك أنا ليك وحدك .... وللابد مريم بصتله و اتنهد بحب : حبيبي اللي محبتش غيرة سليم كمل الوردة الاورنج بتقولك : إنا صديقك الوفي تقبلي أكون صديقك كمان مريم بسرعة : ااااه طبعا يا قلبي بس أصدقاء وقتها مش عايزة نرفزة ولا إعتراض سليم ضحك : هنشوف الموضوع ده بعدين موعدكيش هههههه مريم هنا ضربته فى كتفه : يا ساتر كنت عارفه كمل بقي حبيت الموضوع ده جدا سليم بضحك : ههه ماشي ( مسك وردة بيبضه ) اما البيضة دي بتدعو ل سلام بتقول سامحي عبدك الفقير الغلبان ملوش غيرك في الدنيا دي كلها
كان بـينـا وعد 47
وفعلا اتصلت تنفذله طلبه وهو واقف بترقب مستني يكلمها ويسمع صوتها عند سلمى تليفونها بيرن باستمرار ويفصل ويرجع يرن من التاني ومحدش يرد عليه سلمى كانت بتاخد حمامها ومراد كان فى اوضة الملابس بتاعته اللي فى الأوضة نفسها ولما خلص لبس طلع لقي تليفونها بيرن قرب منه مسكه رد عليه التليفون مش معموله رمز بأمر منه هو لما رد عزة كانت فاتحه الاسبيكر وحاتم إل كان خايف منه حصل ورد مراد بدالها فهز رأسه ل عزة ترد عزة ردت : عفوا النمرة غلط مراد قفل السكه وراح يكمل لبسه بس جواه مش مرتاح من المكالمه وهو حس بحاجة مش طبيعية وصمت وسكون وبعدها اعتذار ونمره غلط غريبة دى! همسه بشك وحيرة لنفسه مفيش دقائق والتليفون رن تاني فى نفس اللحظه اللي خرجت فيها سلمى من الحمام لابسه برنس ولفه شعرها بفوطه التليفون بيرن ومراد سايبه فبصلتله بستغراب : إيه مترد؟ مراد قرب منها باسها فى خدها وهمس نعيما يا حبيبتي سيبه يرن دلوقت يسكت يلااا علشان تلبسي الوقت أتأخر على معاد الدكتورة (غمز بخبث) هو فاضل كام جلسه وتبقي جاهزة وحشاني (مسك درعتها بأيده الإتنين واتنهد باشتياق ) (اشتياقي ليكي فاق كل الحدود والحوا
كان بـينـا وعد 46
جيسي وقتها كانت مشغوله فى تليفونها مع شادي صاحبها شاب اتعرفت عليه فى الديسكو من حوالى أسبوعين شاغل كل تفكيرها دولت بصتلها وبغيظ : وأنتي يا هانم سيبي الزفت اللي فى إيدك ده وخليكي في المصيبة اللي اخوكي جبهلنا هنا جيسي ردت بلا مبالاه : هو حر وسابتهم ومشيت دولت بتبص على مهتاب بستغراب وزهول مهتاب بلا مبالاه : سيبك منها أصلها( there is a new love story دولت كأنها سمعت منها أخبار الطقس لا خدت ولا عطت ولا سألتها حتي مين ده اللي بنتها داخله معاه علاقة جديده كل اللي قالته بملل: هروح اشوف طيارة ريناد هتوصل أمتي علشان اروح أجيبها هتيجي معايا بدال الهانم بتحب جديد مش هتفضلي مهيتاب : حاضر ثواني هلبس ****************** فى العربية رشا مش حابه تفكر فى اي حاجة زعجتها بتشغل نفسها فى تليفونها شغلت فيه أغنية مصطفى قمر (خبيني) وعلت الصوت جامد وبدندن معاها بصوت عالي رأفت بصلها وكشر بتصنع : اشمعنى الأغنية دي اللي معلقة معاكي من إمبارح رشا اتنهدت تنهيده عميقه بشجن : بحب مصطفي قم وقبل متكمل كان رأفت بيصرخ فيها فوقها : نعم يااااااختي سمعيني كده بتحبي مين رشا اتنهدت بغيظ علشان طلعها من ح
كان بـينـا وعد 45
هو تليفون هيما كان قبل مش بعد بس رشا قالت اكدت كلامه : ااااه إتصل بيا قبل مجهز العشاء رأفت بمكر غمز بعينه وعيونه على قميصها : العشاء بس ؟ اخيرا حنيتي عليا وهتلبسيه رشا بكسوف بتقوم من مكانها وبتزمر : يوووووه بقي يا رأفت أنت فايق ورايق رأفت منعها تقوم : طيب خلاص خلاص يا حبيبي أنا عارف نفسي طول عمري فقري هههههه متزعليش نفسك بلاها ........ رشا قطعت كلامه : لا انا وعدتك روح غير هدومك على بال مجهز نفسي (بصتله باهتمام ) تأكل ولا كلت بره ؟ رأفت مستغرب حالتها رد بتوهان : لا مكلتش بالعكس ميت من الجوع بس إنتي يعني متأكده إنك ..!!! وقبل ميكمل رشا اكدت له موافتقها وقبولها : طبعا عندك شك .... علشان تبقي عارف بس الراحه الوحيده عندي وانا بين إيدك وفي حضنك رأفت هنا اتنهد براحه وطمأنينة وقرب منها شالها وهمس بصوت متحرشج كله رغبه : مستنيه بعد الكلام الحلو ده كله اكل أنا بجد شبعت وجوعي اتحول لجوع ألذ بكتير من الأكل نفسه عدا وقت ورأفت مش حسسها معاه هى بطبعها خجول جدا ومعندهاش ادنى دراية بالعشق وفنونه صفحه بيضه كان مبسوط جدا وبايده هو بيكتب فيها أول حروفه لا عمرة مل ولا كل ولا اشتكي ابدأ من ع
あなたも気に入るかもしれません
![زوجتي الحبيبة: [سيد عبّاد، لقد غازلتك بالخطأ!]](https://www.goodnovel.com/pcdist/src/assets/images/book/43949cad-default_cover.png)
زوجتي الحبيبة: [سيد عبّاد، لقد غازلتك بالخطأ!]
نان تشيان12.5K ビュー" بكى آدم حين رحلت "
Samar17.3K ビューبعت نفسي لانقاد امي
Nisrine Bellaajili 14.4K ビューعقد الام البديلة
اسماء ندا47.3K ビューقناص في حبك انا
الصياد394 ビューالحسناء و حارسها الشخصي
Soukaina youssef c159 ビューانتقام خاطئ
نيفين بكر177 ビューأسرى العُزلة
احمد652 ビュー
