อย่าแม้แต่จะคิด ไม่งั้นจะโดนทำโทษเป็น 2 เท่า!

Malawak ang ngiti at tila ba nakalutang sa ere si Lily nang makarating sa hospital upang magparehistro para sa prenatal care.

Ngunit mabilis na gumuho ang mundo nito sa sinabi ng nurse.

“Pasensya na ho, ma’am, pero hindi po kayo makakapag-file ng prenatal examination.”

“P-po? Bakit naman po hindi pwede?”

Tiningnan siya ng nurse na para bang nagtataka sa tanong nito. “Kasi ‘yung pangalan ng ‘asawa mo’ na nakasulat sa papel na binigay mo sa’min ay nakarehistro na kasama ang ibang babae sa hospital namin. Gusto mo ba i-double check natin kung tama ba ‘yung mga impormasyon na nasa marriage certificate at sa ID card ng asawa mo?”

Parang binuhusan ng malamig na tubig si Lily sa narinig at agad nanlamig ang buong katawan niya, hindi alintana ang ginawang page-emphasize ng nurse nang banggitin ang asawa niya.

“I-imposible po na magkamali ako. Hindi ko na kailangan i-double check pa kasi limang taon na kaming kasal. Sigurado po ba kayo na nakarehistro na siya? Hindi po ba kayo nagkamali lang ng tingin?”

Maging sa sarili nitong tenga ay tunog desperada na siya, at hindi ‘yon maitatanggi ni Lily dahil ayon naman talaga ang nararamdaman niya ngayon.

Dahil ayaw niyang maniwala sa sinasabi ng nurse. Ayaw niyang maniwala sa katotohanan.

Hindi maipinta ang expression sa mukha ng nurse matapos tingnan ang computer tapos ay bumaling uli kay Lily. Mas lalong lumakas ang kabog ng dibdib ni Lily dito dahil may kutob na siya na hindi niya magugustuhan ang susunod na sasabihin ng nurse.

“Hindi ho ako nagkamali ng tingin, ma’am. ‘Yung impormasyon sa marriage certificate at ID card na binigay mo ay nakarehistro na sa hospital namin,” sabi ng nurse. “Ayon dito sa system, mga dalawang linggo na ang nakalipas ng magparehistro siya kasama ang asawa niya para sa prenatal care at prenatal check up. Iba rin ho ang impormasyon ng asawa niya na nakalagay dito sa marriage certificate.”

Nanlumo ang buong pagkatao ni Lily. Gusto niya na lang umuwi at mahiga sa kama niya para matulog. Hinihiling na sana panaginip lang ang araw na ‘to at paggising niya’y ibang pangyayari ang harapin niya.

Dahil kung hindi ‘to isang panaginip, hindi niya alam ang gagawin.

She felt her stomach churn. Napapikit ito nang makaramdam ng onting hilo.

Kinalma niya ang sarili dahil ayaw niyang mas sumama ang pakiramdam niya. Ayaw niya ring magalit dahil hindi naman kasalanan ng nurse na ginagawa lang ang trabaho niya.

Pero hindi niya maalis sa isip niya na baka nagkamali lang talaga ito, o di kaya ang hospital ang siyang nagkamali at nalito lang sa mga impormasyon na nakarehistro.

‘Hindi ako magagawang lokohin ni Giovanni. Mahal niya ako. He won’t cheat on me,’ she thought to herself repeatedly like a mantra.

Ngunit kahit ilang beses niya pa ulitin sa isip niya ‘yon, hindi niya magawang makumbinsi ang sarili na maniwala.

Ang tanging dahilan kung bakit hindi niya magawang paniwalaan na kaya siyang lokohin ni Giovanni ay dahil alam niyang mahal na mahal siya ng lalake. Niligawan siya nito ng ilang taon kahit na ilang beses niya ‘tong ni-reject at tinulak palayo.

Kaya bakit siya lolokohin niyo ngayong mag-asawa na sila? At araw-araw pa rin naman pinaparamdam ni Giovanni sa kanya na mahal siya nito?

Ilang taon din silang sumubok na magkaanak. Tatlong taon. Marami na silang pinagdaanang problema at sakit, sandamakmak na injections at gamot na kailangan inumin for them to conceive.

And now they succeed. Buntis si Lily.

Matagal na nilang gustong magkaanak ngunit ilang beses na rin silang nabigo. That’s why now that they successfully conceived, gusto ni Lily na surpresahin ang asawa pagbalik nito galing sa business trip kaya hindi muna niya ipinaalam sa lalake.

Dalawang linggo ng wala si Giovanni para sa business trip na iyon at sa dalawang linggo na ‘yon, nag-iba ang pakiramdam ni Lily. Labis siyang kinabahan sa mga sintomas na nakikita niya kaya agad siyang bumili ng pregnancy kit. The joy she felt nang makita ang dalawang linya sa apat na pregnancy kit was unmatched.

But now that she’s about to get herself checked properly, there seems to be a misunderstanding ngayong prenatal check-up niya.

Pilit niyang dinidiin sa isip niya na misunderstanding lang lahat ng ‘to para lang hindi siya mag-breakdown sa gitna ng hospital na ito.

Matapos makipag-usap sa nurse, napagdesisyunan ni Lily na magpunta ng Local Civil Registry Offices at Philippine Statistic Authority para i-check ang marriage certificate niya. Hindi niya lubos maisip kung may problema ba rito o di kaya sa mga impormasyon na nakasulat kaya gusto niyang i-double check.

But just as she stepped out of the elevator, dalawang pamilyar na figure ang nakita niyang naglalakad papunta sa direksyon niya. She frantically hid behind a pillar at saka pinanuod ang pigura ng kanyang asawa na naglalakad kasama ng isang mas batang babae, isang braso nito’y nakapaikot sa bewang ng babae habang ang malaki niyong kamay ay marahan na hinahaplos ang puson nito.

Babae na kilalang-kilala niya.

Si Charmaine Alveria, anak ng business partner ni Giovanni. Kakatungtong lang nito ng twenty-years old ngayong taon.

And she’s ten years younger than Giovanni Yuchengco, Lily’s supposedly husband who’s currently draped around her so intimately.

Parang wala lang naman kay Charmaine ‘yon at tila gustong-gusto pa nga. Ang ginawa pa nga nito ay kumapit sa braso ni Giovanni at hinila palapit sa kanya, not minding how they looked so intimately close to each other in a public place.

“Tingin mo sino mas magandang kamukha ng baby? Ikaw o ako?” tanong ni Charmaine kay Giovanni.

He smiled fondly at her, looking so indulgent at the younger girl. “Mas magandang ikaw ang maging kamukha ng anak natin, so they will be extremely lovely and loveable.”

Charmaine giggled.

Nang makalagpas sila sa pinagtataguan ni Lily, halos matumba ito sa sahig sa panlalambot ng tuhod dahil sa narinig.

Kailanman ay hindi niya naisip na kaya siyang lokohin ni Giovanni, na kaya siyang pagtaksilan nito.

Naniwala siya sa lalaki— pinagkatiwalaan niya si Giovanni nang lubusan, kaya nga bumigay siya sa panliligaw at pangungulit ng lalake. Dahil nakita niya naman na mahal na mahal din siya ni Giovanni.

Sa nakalipas na dalawang linggo na wala ang asawa niya dahil may business trip, walang araw na hindi ito nag-text o tumawag para kamustahin siya at ipaalala na miss na niya si Lily. Pero wala itong kaalam-alam na sa dalawang linggo na nasa business trip ito ay kasama pala nito ang mistress niya.

Hindi siya makapaniwala na nagawa ito ni Giovanni sa kanya. Na habang siya’y nagpaplano paanong surprise ang gagawin niya para ipaalam sa asawa na sa wakas ay magkakaanak na rin sila, may ibang babae na palang inaalagaan ito.

Lily could only laugh at the sheer absurdity and ridiculousness of it.